Ang Kapangyarihan ng Espiritu

𝗪𝗔𝗥𝗠 𝗨𝗣

• Anong kapangyarihan ang gusto mong magkaroon? Bakit?

• Isipin ang isang pagkakataon kung saan may tumupad ng pangako niya sa ‘yo na parang imposibleng matupad. Anong nangyari?

• May panahon ba na sobra kang nahirapan at may taong nagparamdam sa iyo na hindi ka nag-iisa? Ikwento ito sa amin.

𝗪𝗢𝗥𝗗

𝘔𝘶𝘭𝘪𝘯𝘨 𝘴𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘬𝘢𝘯𝘪𝘭𝘢, “𝘚𝘶𝘮𝘢𝘪𝘯𝘺𝘰 𝘢𝘯𝘨 𝘬𝘢𝘱𝘢𝘺𝘢𝘱𝘢𝘢𝘯. 𝘒𝘶𝘯𝘨 𝘱𝘢𝘢𝘯𝘰𝘯𝘨 𝘴𝘪𝘯𝘶𝘨𝘰 𝘢𝘬𝘰 𝘯𝘨 𝘈𝘮𝘢, 𝘬𝘢𝘺𝘰 𝘢𝘺 𝘪𝘴𝘪𝘯𝘶𝘴𝘶𝘨𝘰 𝘬𝘰 𝘳𝘪𝘯.” 𝘗𝘢𝘨𝘬𝘢𝘴𝘢𝘣𝘪 𝘯𝘪𝘺𝘢 𝘯𝘪𝘵𝘰, 𝘩𝘪𝘯𝘪𝘯𝘨𝘢𝘩𝘢𝘯 𝘯𝘪𝘺𝘢 𝘴𝘪𝘭𝘢 𝘢𝘵 𝘴𝘪𝘯𝘢𝘣𝘪, “𝘛𝘢𝘯𝘨𝘨𝘢𝘱𝘪𝘯 𝘯ʼ𝘺𝘰 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶.” 𝗝𝗨𝗔𝗡 𝟮𝟬:𝟮𝟭–𝟮𝟮

(Basahin din ang 𝗝𝗨𝗔𝗡 𝟭𝟰:𝟭𝟲–𝟭𝟳, 𝟮𝟲.)

Tinatawag tayo ng Diyos na makibahagi sa layunin Niya na ibalik ang mundo sa tamang relasyon sa Kanya. Pero hindi natin ito kayang gawin sa sarili nating kakayanan. Kaya bago umakyat si Jesus sa langit, ibinigay Niya ang Banal na Espiritu bilang katiyakan na hindi tayo kailanman mag-iisa kahit wala na sa lupa ang pisikal Niyang katawan. Ipinadala ng Ama si Jesus, at hiniling naman ni Jesus sa Ama na ibigay sa atin ang Banal na Espiritu. Ngayong araw, titingnan natin kung paano tayo tinutulungan ng Banal na Espiritu na ipagpatuloy ang layunin ng Diyos.

𝟭. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝗻𝗴 𝗮𝘁𝗶𝗻𝗴 𝘁𝗮𝗽𝗮𝘁 𝗻𝗮 𝗧𝗮𝗴𝗮𝘁𝘂𝗹𝗼𝗻𝗴.

“𝘈𝘵 𝙝𝙞𝙝𝙞𝙡𝙞𝙣𝙜𝙞𝙣 𝙠𝙤 𝙨𝙖 𝘼𝙢𝙖 𝙣𝙖 𝙗𝙞𝙜𝙮𝙖𝙣 𝙣𝙞𝙮𝙖 𝙠𝙖𝙮𝙤 𝙣𝙜 𝙞𝙨𝙖𝙣𝙜 𝙏𝙖𝙜𝙖𝙩𝙪𝙡𝙤𝙣𝙜 𝙣𝙖 𝙨𝙖𝙨𝙖𝙞𝙣𝙮𝙤 𝙢𝙖𝙜𝙥𝙖𝙠𝙖𝙞𝙡𝙖𝙣𝙢𝙖𝙣. 𝘚𝘪𝘺𝘢 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘯𝘢 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝘏𝘪𝘯𝘥𝘪 𝘴𝘪𝘺𝘢 𝘮𝘢𝘵𝘢𝘯𝘨𝘨𝘢𝘱 𝘯𝘨 𝘮𝘨𝘢 𝘵𝘢𝘰𝘯𝘨 𝘮𝘢𝘬𝘢𝘮𝘶𝘯𝘥𝘰 𝘥𝘢𝘩𝘪𝘭 𝘩𝘪𝘯𝘥𝘪 𝘴𝘪𝘺𝘢 𝘯𝘢𝘬𝘪𝘬𝘪𝘵𝘢 𝘰 𝘯𝘢𝘬𝘪𝘬𝘪𝘭𝘢𝘭𝘢 𝘯𝘨 𝘮𝘨𝘢 𝘪𝘵𝘰. 𝘗𝘦𝘳𝘰 𝘬𝘪𝘭𝘢𝘭𝘢 𝘯ʼ𝘺𝘰 𝘴𝘪𝘺𝘢, 𝘥𝘢𝘩𝘪𝘭 𝘬𝘢𝘴𝘢𝘮𝘢 𝘯ʼ𝘺𝘰 𝘴𝘪𝘺𝘢 𝘢𝘵 𝘴𝘢𝘴𝘢𝘪𝘯𝘺𝘰 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟭𝟰:𝟭𝟲–𝟭𝟳

Ang simpleng presensya ng isang taong mahalaga sa atin ay napakalaking bagay na. Paano pa kaya kung ang presensyang ito ay permanente? Ipinadala ni Jesus ang Banal na Espiritu upang manatili sa atin at tulungan tayong tuparin ang layunin ng Diyos. Ang Banal na Espiritu ang ating Tagatulong hindi lamang habang tayo ay ipinapadala, kundi hanggang sa matapos ang misyon. Siya ang ating tagapagtanggol, tagapagpalakas ng loob, at tagapayo magpakailanman. Binibigyan tayo ng Espiritu ng lakas at kapangyarihan para magawa ang mga bagay na hindi natin kayang gawin sa sarili nating kakayahan. Ngayong alam natin na ang Banal na Espiritu ay naninirahan sa bawat isa sa atin bilang indibidwal at bilang isang komunidad ng iglesya, paano tayo dapat tumugon kapag tinawag tayong gawin ang mga bagay na tila imposibleng magawa?

𝟮. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝘆 𝗻𝗮𝗴𝗵𝗮𝗵𝗮𝘆𝗮𝗴 𝗮𝘁 𝗴𝘂𝗺𝗮𝗴𝗮𝗯𝗮𝘆 𝘀𝗮 𝗮𝘁𝗶𝗻 𝘀𝗮 𝗯𝘂𝗼𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻.

“𝘗𝘦𝘳𝘰 𝘬𝘢𝘱𝘢𝘨 𝘯𝘢𝘬𝘢𝘢𝘭𝘪𝘴 𝘯𝘢 𝘢𝘬𝘰, 𝘢𝘯𝘨 𝘛𝘢𝘨𝘢𝘵𝘶𝘭𝘰𝘯𝘨 𝘯𝘢 𝘸𝘢𝘭𝘢𝘯𝘨 𝘪𝘣𝘢 𝘬𝘶𝘯𝘥𝘪 𝘢𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘢𝘯𝘨 𝘪𝘱𝘢𝘱𝘢𝘥𝘢𝘭𝘢 𝘯𝘨 𝘈𝘮𝘢 𝘣𝘪𝘭𝘢𝘯𝘨 𝘬𝘢𝘱𝘢𝘭𝘪𝘵 𝘬𝘰. 𝙎𝙞𝙮𝙖 𝙖𝙣𝙜 𝙢𝙖𝙜𝙩𝙪𝙩𝙪𝙧𝙤 𝙨𝙖 𝙞𝙣𝙮𝙤 𝙣𝙜 𝙡𝙖𝙝𝙖𝙩 𝙣𝙜 𝙗𝙖𝙜𝙖𝙮 𝙖𝙩 𝙢𝙖𝙜𝙥𝙖𝙥𝙖𝙖𝙡𝙖𝙡𝙖 𝙨𝙖 𝙞𝙣𝙮𝙤 𝙣𝙜 𝙡𝙖𝙝𝙖𝙩 𝙣𝙜 𝙢𝙜𝙖 𝙨𝙞𝙣𝙖𝙗𝙞 𝙠𝙤 𝙨𝙖 𝙞𝙣𝙮𝙤.”  𝗝𝗨𝗔𝗡 𝟭𝟰:𝟮𝟲

(Basahin din ang 𝗝𝗨𝗔𝗡 𝟭𝟲:𝟭𝟯.)

May mga pagkakataon na nahihirapan tayong humanap ng tamang salita o magsalita nang buong tapang. Pero tinitiyak ng Banal na Espiritu ang Kanyang presensya, kapangyarihan, at karunungan. Siya ang naghahayag at gumagabay sa atin sa lahat ng katotohanan at tumutulong sa atin para mas lumalim ang ugnayan natin sa Diyos. Ngunit mas malaki ang Kanyang layunin kaysa sa pansarili nating layunin: binibigyan Niya tayo ng lakas para sabihin ang gustong ipaalam ng Diyos sa mundo tungkol sa Kanya at papurihan Siya habang ginagawa natin ito. Ano ang pag-asa at pangakong ibinigay ni Jesus sa mga disipulo sa Lucas 12:11–12?

𝟯. 𝗔𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂 𝗮𝗻𝗴 𝗻𝗮𝗴𝗽𝗮𝗽𝗮𝗸𝗶𝘁𝗮 𝘀𝗮 𝗺𝘂𝗻𝗱𝗼 𝗻𝗴 𝗸𝗮𝘀𝗮𝗹𝗮𝗻𝗮𝗻 𝗮𝘁 𝗽𝗮𝗴𝗸𝗮𝗸𝗮𝗺𝗮𝗹𝗶 𝗻𝗶𝘁𝗼.

“𝘗𝘦𝘳𝘰 𝘢𝘯𝘨 𝘵𝘰𝘵𝘰𝘰, 𝘱𝘢𝘳𝘢 𝘴𝘢 𝘪𝘬𝘢𝘣𝘶𝘣𝘶𝘵𝘪 𝘯ʼ𝘺𝘰 𝘢𝘯𝘨 𝘱𝘢𝘨-𝘢𝘭𝘪𝘴 𝘬𝘰, 𝘥𝘢𝘩𝘪𝘭 𝘩𝘪𝘯𝘥𝘪 𝘱𝘢𝘱𝘢𝘳𝘪𝘵𝘰 𝘴𝘢 𝘪𝘯𝘺𝘰 𝘢𝘯𝘨 𝘛𝘢𝘨𝘢𝘵𝘶𝘭𝘰𝘯𝘨 𝘬𝘶𝘯𝘨 𝘩𝘪𝘯𝘥𝘪 𝘢𝘬𝘰 𝘢𝘢𝘭𝘪𝘴. 𝘗𝘦𝘳𝘰 𝘬𝘢𝘱𝘢𝘨 𝘶𝘮𝘢𝘭𝘪𝘴 𝘯𝘢 𝘢𝘬𝘰, 𝘪𝘱𝘢𝘱𝘢𝘥𝘢𝘭𝘢 𝘬𝘰 𝘴𝘪𝘺𝘢 𝘴𝘢 𝘪𝘯𝘺𝘰. 𝙋𝙖𝙜𝙙𝙖𝙩𝙞𝙣𝙜 𝙣𝙞𝙮𝙖, 𝙞𝙥𝙖𝙥𝙖𝙠𝙞𝙩𝙖 𝙣𝙞𝙮𝙖 𝙨𝙖 𝙢𝙜𝙖 𝙩𝙖𝙤𝙣𝙜 𝙢𝙖𝙠𝙖𝙢𝙪𝙣𝙙𝙤 𝙣𝙖 𝙢𝙖𝙠𝙖𝙨𝙖𝙡𝙖𝙣𝙖𝙣 𝙨𝙞𝙡𝙖 𝙖𝙩 𝙖𝙠𝙤 𝙣𝙖𝙢𝙖ʼ𝙮 𝙢𝙖𝙩𝙪𝙬𝙞𝙙. 𝘼𝙩 𝙞𝙥𝙖𝙥𝙖𝙠𝙞𝙩𝙖 𝙧𝙞𝙣 𝙣𝙞𝙮𝙖 𝙣𝙖 𝙝𝙖𝙝𝙖𝙩𝙪𝙡𝙖𝙣 𝙨𝙞𝙡𝙖 𝙣𝙜 𝘿𝙞𝙤𝙨.” 𝗝𝗨𝗔𝗡 𝟭𝟲:𝟳–𝟴

(Basahin din ang 𝗝𝗨𝗔𝗡 𝟭𝟲:𝟵–𝟭𝟭.)

Ipinapakita sa atin ng Banal na Espiritu ang pangangailangan ng kaligtasan mula sa kasalanan, ang paparating na paghuhukom, at ang tanging solusyon—ang katuwiran na mula sa Diyos. Bilang mga mananampalataya, hindi natin tungkulin na piliting iligtas ang mga tao, kundi ipangaral ang ebanghelyo. Hindi kailangan na tayo ang pinakamagaling magsalita, pinakamatalino, o pinakamaabilidad para ipakilala si Cristo sa iba. Mapagkakatiwalaan natin na habang tapat tayong nagbabahagi ng mensahe, ang Banal na Espiritu ang kumikilos sa puso ng tao para makita nila ang kanilang kasalanan at ang pangangailangan nila ng Tagapagligtas. Ano ang sinasabi ng 1 Corinto 2:4–5 tungkol sa kung saan dapat nakabatay ang ating pananampalataya?

Ang Banal na Espiritu ay mananatili sa atin magpakailanman. Hindi tayo kailanman mag-iisa sa gawain ng Diyos. Dahil nasa atin ang Banal na Espiritu, taglay natin ang lahat ng kakailanganin natin.

𝗔𝗣𝗣𝗟𝗜𝗖𝗔𝗧𝗜𝗢𝗡

• Pag-isipan ang nananatiling presensya ng Banal na Espiritu. Paano ito makakaapekto sa paraan mo ng pagtugon sa mga mabibigat na sitwasyon?

• Balikan ang isang pagkakataon na naranasan mo ang pagpapalakas na nagmumula sa Banal na Espiritu. Paano ka mas aasa sa Kanya habang isinusulong mo ang layunin ng Diyos?

• Ang Espiritu ang nagpapakita sa mga tao ng kanilang kasalanan. Paano nakakaapekto ang katotohanang ito sa paraan mo ng pagbabahagi ng ebanghelyo? Mangako na ibabahagi mo ang iyong patotoo at ang ebanghelyo sa taong ito, at hingin sa Banal na Espiritu na tulungan kang maipadama at maipakilala ang pag-ibig ng Diyos sa kanya.

𝗣𝗥𝗔𝗬𝗘𝗥

• Pasalamatan ang Diyos sa pagbibigay sa atin ng Banal na Espiritu bilang ating Tagatulong. Purihin Siya sa Kanyang nananatiling presensya na nagbibigay ng kakayanan, kaginhawaan, at kalakasan sa atin.

• Hingin sa Banal na Espiritu ang biyaya para manatili kang tapat sa sarili mong munting sulok sa mundo, at para na rin ang lahat ng tao sa bawat bansa ay lumapit, magkaroon ng takot, at sumunod sa Diyos.

• Ipanalangin na hindi ka umasa sa sarili mo kundi sa Banal na Espiritu para sa katotohanan. Hilingin sa Kanya ang karunungan at pang-unawa habang ipinakikilala mo si Jesus sa iba.