Filipino
๐๐๐๐ก๐จ๐๐ข๐ ๐จ๐ฃ๐๐ก๐ ๐ ๐๐๐๐ฃ๐๐๐๐๐ฆ๐๐ฃ๐จ๐๐ข ๐ฆ๐ ๐๐๐ช๐๐ง ๐๐๐ก๐ฆ๐
๐๐๐ฆ๐๐๐๐ก
๐๐ข๐จ๐ฌ๐ข๐ต๐ข๐ฑ๐ฐ๐ด, ๐ญ๐ถ๐ฎ๐ช๐ฑ๐ข๐ฅ ๐ข๐ฏ๐จ ๐ช๐ด๐ข ๐ด๐ข ๐ฎ๐จ๐ข ๐ฎ๐ข๐ฌ๐ข๐ญ๐ข๐ฏ๐จ๐ช๐ต ๐ฏ๐ข ๐ฏ๐ช๐ญ๐ข๐ญ๐ข๐ฏ๐จ ๐ฑ๐ข๐ฑ๐ถ๐ฏ๐ต๐ข ๐ด๐ข ๐ข๐ฌ๐ช๐ฏ, ๐ฎ๐ข๐บ ๐ฅ๐ข๐ญ๐ข ๐ด๐ช๐บ๐ข๐ฏ๐จ ๐ฃ๐ข๐จ๐ข ๐ฏ๐ข ๐ฌ๐ช๐ฏ๐ถ๐ฉ๐ข ๐ฏ๐ช๐บ๐ข ๐ด๐ข ๐ข๐ญ๐ต๐ข๐ณ. ๐๐ฏ๐ช๐ญ๐ข๐ฑ๐ข๐ต ๐ฏ๐ช๐บ๐ข ๐ข๐ฏ๐จ ๐ฃ๐ข๐จ๐ข ๐ด๐ข ๐ข๐ฌ๐ช๐ฏ๐จ ๐ฃ๐ช๐ฃ๐ช๐จ ๐ข๐ต ๐ด๐ช๐ฏ๐ข๐ฃ๐ช, โ๐๐ช๐ฏ๐ช๐ฑ๐ฐ ๐ฏ๐ช๐ต๐ฐ ๐ข๐ฏ๐จ ๐ช๐บ๐ฐ๐ฏ๐จ ๐ฃ๐ช๐ฃ๐ช๐จ, ๐ข๐ต ๐ธ๐ข๐ญ๐ข ๐ฌ๐ข ๐ฏ๐ข๐ฏ๐จ ๐ฌ๐ข๐ด๐ข๐ญ๐ข๐ฏ๐ข๐ฏ ๐ฅ๐ข๐ฉ๐ช๐ญ ๐ฑ๐ช๐ฏ๐ข๐ต๐ข๐ธ๐ข๐ฅ ๐ฌ๐ข ๐ฏ๐ข.โ ๐๐ข๐จ๐ฌ๐ข๐ต๐ข๐ฑ๐ฐ๐ด, ๐ฏ๐ข๐ณ๐ช๐ฏ๐ช๐จ ๐ฌ๐ฐ ๐ข๐ฏ๐จ ๐ต๐ช๐ฏ๐ช๐จ ๐ฏ๐จ ๐๐ข๐ฏ๐จ๐ช๐ฏ๐ฐ๐ฐ๐ฏ ๐ฏ๐ข ๐ฏ๐ข๐จ๐ด๐ข๐ด๐ข๐ฃ๐ช, โ๐๐ช๐ฏ๐ฐ ๐ข๐ฏ๐จ ๐ด๐ถ๐ด๐ถ๐จ๐ถ๐ช๐ฏ ๐ฌ๐ฐ? ๐๐ช๐ฏ๐ฐ ๐ข๐ฏ๐จ ๐ญ๐ข๐ญ๐ข๐ฌ๐ข๐ฅ ๐ฑ๐ข๐ณ๐ข ๐ด๐ข ๐ข๐ฎ๐ช๐ฏ?โ ๐๐ถ๐ฎ๐ข๐จ๐ฐ๐ต ๐ข๐ฌ๐ฐ, โ๐๐ข๐ณ๐ช๐ต๐ฐ ๐ฑ๐ฐ ๐ข๐ฌ๐ฐ! ๐๐ฌ๐ฐ ๐ข๐ฏ๐จ ๐ช๐ด๐ถ๐จ๐ฐ ๐ฏ๐ช๐ฏ๐บ๐ฐ.โ โญโญโญโญ๐๐ฆ๐๐๐๐ฆ โญ๐ฒโฌ:โญ๐ฒโฌโ๐ดโฌย
Basahin din ang ๐๐๐ฅ๐๐ ๐๐๐ฆ ๐ญ:๐ฐโ๐ญ๐ฌ; ๐ ๐๐ง๐๐ข ๐ฎ๐ด:๐ญ๐ฒโ๐ฎ๐ฌ; ๐ฎ ๐ง๐๐ ๐ข๐ง๐๐ข ๐ฎ:๐ฎ๐ฌโ๐ฎ๐ญ.
๐ฃ๐๐-๐๐ฆ๐๐ฃ๐๐ก
Ang Bibliya ay puno ng mga kwento ng mga tao na ibinukod para sa layunin ng Diyos. Ikinukwento ng Isaias 6 kung paano nakatagpo ni Isaias ang kabanalan ng Diyos. Pagkatapos niyang kilalanin ang pagiging makasalanan niya sa harap ng Diyos, ang isang anghel ay lumipad papunta kay Isaias at dinampian ang kanyang bibig gamit ang isang nagbabagang uling na kinuha niya galing sa altar gamit ang mga sipit. Ito ang nagpalinis kay Isaias. Naalis ang kanyang pagkakasala at nabayaran ang kanyang kasalanan.
Ang salaysay na ito ay nakahanay sa kultura ng mga Hudyo at malinaw na mga pagbabawal ng pagiging marumi na kaugnay ang pagkain, buhay, at pagsamba. Sa naranasan ni Isaias, ang nagbabagang uling na kinuha galing sa altar ay sumasagisag sa nakakalinis na gawa ng Diyos. Siya ay banal, nakabukod, at malaya sa Kanyang nilikha, at pinapabanal Niya tayo. Nakaranas si Isaias ng espirituwal na paglilinis na nag-udyok sa kanya na tumugon nang may buong pagtititwala sa pagkatao ng Diyos at mapagkumbabang kahandaan na maging bahagi ng Kanyang misyon.
Ang kaparehong pangyayari ay nakita din sa buhay ni Jeremias. Bata pa lamang siya nang ipinakita ng Diyos na siya ay ginawang banal. Ang totoo niyan, bago pa man siya isinilang, pinili na siya ng Diyos na maging propeta para sa mga bansa. At kahit natakot si Jeremias na tanggapin ang banal na tawag na ito sa kanyang kabataan, pinagtibay siya ng Diyos sa pagsabing sasamahan siya Nito. Inutusan ng Diyos si Jeremias sa pag-abot ng Kanyang kamay at paghipo sa kanyang bibig. Sa banal na kilos na ito, inihayag ng Diyos na inilagay Niya ang Kanyang mga salita sa bibig ni Jeremias na simbolo ng pagbibigay Niya ng awtoridad sa kanya na ihayag ang mensahe ng Diyos sa mga bansa at kaharian.
Ang mga tagpo nina Isaias at Jeremias sa kabanalan ng Diyos ay umuulit-ulit sa atin ngayon. Sinasabi sa 2 Timoteo 2:20โ21 na tayo ay ibinukod bilang banal, kapakipakinabang sa Panginoon at handa para sa bawat magandang gawain. Maisasabuhay natin ito hindi gamit ang sariling abilidad kundi dahil kasama natin ang presensya ng Diyos. Nang inutusan ni Jesus ang mga apostol na magdisipulo sa lahat ng bansa, nagsimula Siya sa pagpapatibay ng Kanyang awtoridad at nagtapos sa katiyakan na Siya ay makakasama nila. Kasama ng Kanyang bayan, kabilang na rito ang ating iglesya, ang Kanyang presensya. Ang taong ito ay nagmamarka ng ika-apatnapung anibersaryo ng katapatan at biyaya ng Diyos sa ating iglesya. Sa pagpapahayag natin ng pagpapasalamat sa Kanya at sa pagtanaw natin sa mga gagawin pa Niya, nananatili tayong nakatuon sa pagtupad ng Kanyang Dakilang Komisyon.
Ngayon, kahit nasa paaralan man tayo, sa trabaho, sa negosyo, sa pag-aalaga ng tahanan, o nakaretiro na, maaari pa rin tayong lumahok sa pagsulong ng kaharian ng Diyos sa ating bayan at sa bawat bansa.
๐ง๐จ๐ ๐จ๐๐ข๐ก
โข Nakatagpo mo na ba ang kabanalan ng Diyos? Ano ang naging epekto nito sa iyong buhay? Kung mayroon mang bahagi sa iyong buhay na kailangan mong gawing banal sa Kanya, maglaan ng panahon na ito ay gawin sa araw na ito.
โข Sa palagay mo, bakit kaya tayo tinawag na abutin ang ating bayan at ang bawat bansa? Ano sa palagay mo ang papel mo rito?
๐๐๐๐๐๐ก๐ ๐ฆ๐ ๐ฃ๐๐ก๐๐ก๐๐ ๐ฃ๐๐๐๐ง๐๐ฌ๐
Hilingin sa Diyos na sumulong ang Kanyang kaharian sa bawat bansa. Manalangin para sa mga pagkakataon na maging biyaya ka sa isang bayan sa pamamagitan ng pagdarasal, pagbibigay, at pati na pagpunta doon.
๐ฃ๐๐ก๐๐๐๐ก๐๐๐ก
Panginoon, bigyan Ninyo kami ng mga pusong nagmamahal sa mga bansa. Nawaโy magkaroon kami ng pagkaawa para sa iba at nawaโy mabigyan ng luwalhati ang Inyong pangalan sa bawat sulok ng mundo. Humihiling kami ng tapang at kalakasan ng loob na umalis sa aming komportableng kalagayan na may pananalig na nauna na Kayo sa amin at kasama namin Kayo. Andito kami na handang maging sisidlan ng Inyong gawain para sa mga bansa, para sa Inyong kaluwalhatian at karangalan . . . sa ngalan ni Jesus, amen.