Ating Patutunguhan

𝗪𝗔𝗥𝗠 𝗨𝗣

• Balikan ang panahong nanalo ang paborito mong grupo sa isang laro o nang makatanggap ng parangal ang paborito mong artista. Paano nakaapekto ang pagkapanalo nila sa pakiramdam mo sa araw na iyon o sa buong linggo?

• Noong mas bata ka pa, ano ang isang responsibilidad na kusa mong tinanggap at bakit mo ito ginawa?

• Mayroon ka bang nakasanayang gawin na nakatulong sa iyo para maging mas mahusay o mas produktibo? Paano ito nagsimula at paano mo ito pinalago?

𝗪𝗢𝗥𝗗

“𝘕𝘢𝘴𝘢𝘢𝘯, 𝘖 𝘬𝘢𝘮𝘢𝘵𝘢𝘺𝘢𝘯, 𝘢𝘯𝘨 𝘪𝘺𝘰𝘯𝘨 𝘵𝘢𝘨𝘶𝘮𝘱𝘢𝘺? 𝘕𝘢𝘴𝘢𝘢𝘯 𝘯𝘢 𝘢𝘯𝘨 𝘪𝘺𝘰𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯?” 𝘔𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘭𝘢𝘮𝘢𝘯𝘨 𝘢𝘯𝘨 𝘬𝘢𝘮𝘢𝘵𝘢𝘺𝘢𝘯 𝘴𝘢 𝘢𝘵𝘪𝘯 𝘥𝘢𝘩𝘪𝘭 𝘴𝘢 𝘬𝘢𝘴𝘢𝘭𝘢𝘯𝘢𝘯, 𝘢𝘵 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘢𝘯𝘨 𝘬𝘢𝘴𝘢𝘭𝘢𝘯𝘢𝘯 𝘴𝘢 𝘢𝘵𝘪𝘯 𝘥𝘢𝘩𝘪𝘭 𝘮𝘢𝘺𝘳𝘰𝘰𝘯𝘨 𝘒𝘢𝘶𝘵𝘶𝘴𝘢𝘯. 𝘕𝘨𝘶𝘯𝘪𝘵 𝘴𝘢𝘭𝘢𝘮𝘢𝘵 𝘴𝘢 𝘋𝘪𝘰𝘴 𝘥𝘢𝘩𝘪𝘭 𝘣𝘪𝘯𝘪𝘨𝘺𝘢𝘯 𝘯𝘪𝘺𝘢 𝘵𝘢𝘺𝘰 𝘯𝘨 𝘵𝘢𝘨𝘶𝘮𝘱𝘢𝘺 𝘴𝘢 𝘮𝘨𝘢 𝘣𝘢𝘨𝘢𝘺 𝘯𝘢 𝘪𝘵𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘢𝘵𝘪𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘑𝘦𝘴𝘶-𝘊𝘳𝘪𝘴𝘵𝘰. 𝘒𝘢𝘺𝘢 𝘯𝘨𝘢, 𝘮𝘨𝘢 𝘮𝘪𝘯𝘢𝘮𝘢𝘩𝘢𝘭 𝘯𝘢 𝘬𝘢𝘱𝘢𝘵𝘪𝘥, 𝘮𝘢𝘨𝘱𝘢𝘬𝘢𝘵𝘢𝘵𝘢𝘨 𝘬𝘢𝘺𝘰 𝘢𝘵 𝘩𝘶𝘸𝘢𝘨 𝘮𝘢𝘯𝘨𝘩𝘪𝘯𝘢 𝘴𝘢 𝘪𝘯𝘺𝘰𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢. 𝘔𝘢𝘨𝘱𝘢𝘬𝘢𝘴𝘪𝘱𝘢𝘨 𝘬𝘢𝘺𝘰 𝘴𝘢 𝘨𝘢𝘸𝘢𝘪𝘯𝘨 𝘪𝘣𝘪𝘯𝘪𝘨𝘢𝘺 𝘴𝘢 𝘪𝘯𝘺𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘢𝘭𝘢𝘮 𝘯𝘪𝘯𝘺𝘰 𝘯𝘢 𝘩𝘪𝘯𝘥𝘪 𝘮𝘢𝘴𝘢𝘴𝘢𝘺𝘢𝘯𝘨 𝘢𝘯𝘨 𝘮𝘨𝘢 𝘱𝘢𝘨𝘩𝘪𝘩𝘪𝘳𝘢𝘱 𝘯𝘪𝘯𝘺𝘰 𝘱𝘢𝘳𝘢 𝘴𝘢 𝘬𝘢𝘯𝘺𝘢. 𝟭 𝗖𝗢𝗥𝗜𝗡𝗧𝗢 𝟭𝟱:𝟱𝟱–𝟱𝟴

Ang muling pagkabuhay ni Jesus ay isang makapangyarihang katotohanan sa pananampalataya ng bawat tagasunod. Habang ipinapaalala niya sa mga kapwa niya mananampalataya, buong pagmamalaking ipinahayag ni Pablo ang tagumpay ni Cristo dahil napagtagumpayan Niya ang kasalanan at kamatayan. Ang Kanyang muling pagkabuhay ay nagbigay-diin din sa tagumpay natin, habang hinihintay natin ang ating muling pagkabuhay balang araw. Ang pag-asang ito sa hinaharap ay hindi lamang nagbibigay sa atin ng katiyakan para sa darating na panahon, kundi nagsisilbi ring gabay kung paano tayo mamumuhay ngayon.

𝟭. 𝗠𝗮𝗴𝗶𝗻𝗴 𝗺𝗮𝘁𝗮𝘁𝗮𝗴 𝗮𝘁 𝗵𝘂𝘄𝗮𝗴 𝗺𝗮𝗻𝗴𝗵𝗶𝗻𝗮 𝘀𝗮 𝗮𝘁𝗶𝗻𝗴 𝗽𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮.

𝘒𝘢𝘺𝘢 𝘯𝘨𝘢, 𝘮𝘨𝘢 𝘮𝘪𝘯𝘢𝘮𝘢𝘩𝘢𝘭 𝘯𝘢 𝘬𝘢𝘱𝘢𝘵𝘪𝘥, 𝘮𝘢𝘨𝘱𝘢𝘬𝘢𝘵𝘢𝘵𝘢𝘨 𝘬𝘢𝘺𝘰 𝘢𝘵 𝘩𝘶𝘸𝘢𝘨 𝘮𝘢𝘯𝘨𝘩𝘪𝘯𝘢 𝘴𝘢 𝘪𝘯𝘺𝘰𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢. 𝘔𝘢𝘨𝘱𝘢𝘬𝘢𝘴𝘪𝘱𝘢𝘨 𝘬𝘢𝘺𝘰 𝘴𝘢 𝘨𝘢𝘸𝘢𝘪𝘯𝘨 𝘪𝘣𝘪𝘯𝘪𝘨𝘢𝘺 𝘴𝘢 𝘪𝘯𝘺𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘢𝘭𝘢𝘮 𝘯𝘪𝘯𝘺𝘰 𝘯𝘢 𝘩𝘪𝘯𝘥𝘪 𝘮𝘢𝘴𝘢𝘴𝘢𝘺𝘢𝘯𝘨 𝘢𝘯𝘨 𝘮𝘨𝘢 𝘱𝘢𝘨𝘩𝘪𝘩𝘪𝘳𝘢𝘱 𝘯𝘪𝘯𝘺𝘰 𝘱𝘢𝘳𝘢 𝘴𝘢 𝘬𝘢𝘯𝘺𝘢. 𝟭 𝗖𝗢𝗥𝗜𝗡𝗧𝗢 𝟭𝟱:𝟱𝟴

Ang pagiging matatag sa pananampalataya ay nangangahulugan ng pagpapanatili ng ating tiwala sa Diyos, kahit na dumaranas tayo ng mga hamon at kawalang-katiyakan. Maaari tayong magtiwala kay Jesus na itatawid Niya tayo kahit sa pinaka-imposibleng mga sitwasyon dahil napagtagumpayan na Niya ang kasalanan at kamatayan. Ang pagkakaroon ng lakas para maging matatag at hindi manghina sa ating pananampalataya ay hindi nangyayari sa isang magdamag. Ito ay nabubuo sa pamamagitan ng patuloy na pagsasagawa ng mga espirituwal na disiplina tulad ng pag-aaral ng salita, pananalangin, at pakikisalamuha sa iba pang mga sumasampalataya (tulad ng pagsali sa 𝘴𝘮𝘢𝘭𝘭 𝘨𝘳𝘰𝘶𝘱). Sa pamamagitan ng mga regular na gawaing ito na mula sa Diyos, nakikilala at nararanasan natin Siya nang mas malalim, at pinapatibay Niya ang ating tiwala at pinapalago ang ating pananampalataya sa Kanya. Paano mo nakita kung paano ka tinulungan ng Diyos sa gitna ng iba’t ibang mga panahon at pagsubok?

𝟮. 𝗠𝗮𝗴𝗽𝗮𝗸𝗮𝘀𝗶𝗽𝗮𝗴 𝘀𝗮 𝗴𝗮𝘄𝗮𝗶𝗻 𝗻𝗴 𝗣𝗮𝗻𝗴𝗶𝗻𝗼𝗼𝗻.

𝘒𝘢𝘺𝘢 𝘯𝘨𝘢, 𝘮𝘨𝘢 𝘮𝘪𝘯𝘢𝘮𝘢𝘩𝘢𝘭 𝘯𝘢 𝘬𝘢𝘱𝘢𝘵𝘪𝘥, 𝘮𝘢𝘨𝘱𝘢𝘬𝘢𝘵𝘢𝘵𝘢𝘨 𝘬𝘢𝘺𝘰 𝘢𝘵 𝘩𝘶𝘸𝘢𝘨 𝘮𝘢𝘯𝘨𝘩𝘪𝘯𝘢 𝘴𝘢 𝘪𝘯𝘺𝘰𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢. 𝘔𝘢𝘨𝘱𝘢𝘬𝘢𝘴𝘪𝘱𝘢𝘨 𝘬𝘢𝘺𝘰 𝘴𝘢 𝘨𝘢𝘸𝘢𝘪𝘯𝘨 𝘪𝘣𝘪𝘯𝘪𝘨𝘢𝘺 𝘴𝘢 𝘪𝘯𝘺𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘢𝘭𝘢𝘮 𝘯𝘪𝘯𝘺𝘰 𝘯𝘢 𝘩𝘪𝘯𝘥𝘪 𝘮𝘢𝘴𝘢𝘴𝘢𝘺𝘢𝘯𝘨 𝘢𝘯𝘨 𝘮𝘨𝘢 𝘱𝘢𝘨𝘩𝘪𝘩𝘪𝘳𝘢𝘱 𝘯𝘪𝘯𝘺𝘰 𝘱𝘢𝘳𝘢 𝘴𝘢 𝘬𝘢𝘯𝘺𝘢. 𝟭 𝗖𝗢𝗥𝗜𝗡𝗧𝗢 𝟭𝟱:𝟱𝟴

Dahil sa matagumpay na muling pagkabuhay ni Cristo, hinihikayat tayo na hindi lamang maging matatag sa ating pananampalataya, kundi maging mabunga rin sa gawain ng Diyos. Ang pangako ng bagong buhay ay hindi dahilan para mamuhay nang naghihintay lamang. Sa halip, isa itong paanyaya na aktibong makibahagi sa misyon ng Diyos. Ang gawain ng Panginoon ay maipapakita sa maraming paraan tulad ng pagbabahagi ng iyong patotoo, paglilingkod sa iyong lokal na iglesya, pananalangin para sa mga may sakit, pagbibigay sa mga nangangailangan, at pangangaral ng ebanghelyo sa ibang bansa. Maraming paraan para maging bahagi tayo ng gawain ng Diyos, basta’t panatilihin natin ang ating mga sarili na bukas at handa para sa ipapagawa Niya. Paano ka nakikibahagi sa gawain ng Diyos?

Habang nananatili tayong matatag sa ating pananampalataya at nagpapakasipag sa gawain ng Panginoon, makakasiguro tayo sa Kanyang pangako na ang ating mga paghihirap para sa Kanya ay hindi kailanman masasayang. Ang bawat sakripisyo, bawat hakbang ng pagsunod, bawat pagpayag sa tawag Niya na magtiwala, bawat paglilingkod na ginagawa para sa Kanya, at bawat pagkilos nang may pananampalataya—lahat ng ito ay may walang-hanggang halaga. Dahil dito, patuloy nating hayaan ang katotohanan at kapangyarihan ng tagumpay ni Jesus na hubugin at ihanda tayo para sa isang bagong buhay sa Kanya.

𝗔𝗣𝗣𝗟𝗜𝗖𝗔𝗧𝗜𝗢𝗡

• Balikan ang isang panahon kung kailan nasubukan ang iyong pananampalataya. Paano ka nanatiling matatag at paano lumago ang iyong pananampalataya? Paano mo madadala ang mga natutunan mo sa araw-araw mong pamumuhay?

• Aling espirituwal na disiplina o kilos ang sa tingin mo ay gusto ng Diyos na palaguin mo ngayong taon? Anong mga praktikal na hakbang ang pwede mong gawin ngayong linggo para masimulan ito?

• May mga pag-aalinlangan ba o takot na humahadlang sa pakikibahagi mo sa gawain ng Panginoon? Isuko ang mga ito sa Diyos at hayaan ang Kanyang Espiritu na kumilos sa iyo ngayong araw.

𝗣𝗥𝗔𝗬𝗘𝗥

• Pasalamatan ang Diyos sa pagdala sa iyo sa isang small group para makilala Siya, maranasan ang Kanyang kabutihan, at maipahayag ang kagalakan ng pagiging bahagi ng isang komunidad.

• Hilingin sa Diyos na patibayin ang pananampalataya natin at tulungan tayong manatiling matatag kahit sa harap ng mga pagsubok. Ipanalangin na magkaroon tayo ng kagustuhang lumago sa ating mga espirituwal na disiplina.

• Ipanalangin na magkaroon ka ng karunungang mula sa Banal na Espiritu upang makita mo ang mga bukas na pinto at pagkakataon para makibahagi sa gawain at misyon ng Diyos, hindi lamang bilang mga indibidwal kundi bilang isang komunidad ng pananampalataya.