Misyon

𝗪𝗔𝗥𝗠 𝗨𝗣

• Kapag may ibinigay sa iyong trabaho, ano ang una mong reaksyon? Sa tingin mo, bakit ganito ka tumugon?

• Napili ka na ba bilang kinatawan ng isang grupo? Ibahagi ang naging karanasan mo tungkol dito.

• Kung ipagkakatiwala sa iyo ng isang tao ang huli niyang habilin, sa tingin mo, paano mo ito pahahalagahan?

𝗪𝗢𝗥𝗗

“𝘚𝘶𝘮𝘢𝘴𝘢𝘢𝘬𝘪𝘯 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘱𝘪𝘯𝘪𝘭𝘪 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘪𝘱𝘢𝘯𝘨𝘢𝘳𝘢𝘭 𝘴𝘢 𝘮𝘨𝘢 𝘥𝘶𝘬𝘩𝘢 𝘢𝘯𝘨 𝘔𝘢𝘨𝘢𝘯𝘥𝘢𝘯𝘨 𝘉𝘢𝘭𝘪𝘵𝘢. 𝘚𝘪𝘯𝘶𝘨𝘰 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘪𝘱𝘢𝘩𝘢𝘺𝘢𝘨 𝘴𝘢 𝘮𝘨𝘢 𝘣𝘪𝘩𝘢𝘨 𝘯𝘢 𝘮𝘢𝘭𝘢𝘺𝘢 𝘯𝘢 𝘴𝘪𝘭𝘢, 𝘢𝘵 𝘴𝘢 𝘮𝘨𝘢 𝘣𝘶𝘭𝘢𝘨 𝘯𝘢 𝘮𝘢𝘬𝘢𝘬𝘢𝘬𝘪𝘵𝘢 𝘯𝘢 𝘴𝘪𝘭𝘢. 𝘚𝘪𝘯𝘶𝘨𝘰 𝘳𝘪𝘯 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘱𝘢𝘭𝘢𝘺𝘢𝘪𝘯 𝘢𝘯𝘨 𝘮𝘨𝘢 𝘪𝘯𝘢𝘢𝘱𝘪, 𝘢𝘵 𝘪𝘱𝘢𝘩𝘢𝘺𝘢𝘨 𝘯𝘢 𝘥𝘶𝘮𝘢𝘵𝘪𝘯𝘨 𝘯𝘢 𝘢𝘯𝘨 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘨𝘭𝘪𝘭𝘪𝘨𝘵𝘢𝘴 𝘯𝘨 𝘗𝘢𝘯𝘨𝘪𝘯𝘰𝘰𝘯.” 𝗟𝗨𝗖𝗔𝗦 𝟰:𝟭𝟴–𝟭𝟵

Bilang isang iglesya, naniniwala tayo sa misyon ng Diyos na tubusin ang isang bayan para sa Kanya mula sa bawat tribo, bansa, at wika, at ipanumbalik ang lahat ng nilikha para sa Kanyang kaluwalhatian. Si Jesus ay dumating at muling babalik para tuparin ang misyong ito; ito mismo ang sinabi Niya sa talatang binasa natin. Bilang Kanyang mga disipulo, tinatawag Niya tayo hindi lang para ipamuhay ang masaganang buhay na inilaan Niya para sa atin, kundi para rin maging bahagi ng gawaing ito ng Kanyang kaharian. Paano tayo makikibahagi sa gawain ni Jesus at paano natin maisasabuhay ang ating Pahayag ng Pananampalataya?

𝟭. 𝗜𝗽𝗮𝗵𝗮𝘆𝗮𝗴 𝗮𝗻𝗴 𝗲𝗯𝗮𝗻𝗴𝗵𝗲𝗹𝘆𝗼.

𝘗𝘦𝘳𝘰 𝘱𝘢𝘢𝘯𝘰 𝘴𝘪𝘭𝘢 𝘵𝘢𝘵𝘢𝘸𝘢𝘨 𝘬𝘶𝘯𝘨 𝘩𝘪𝘯𝘥𝘪 𝘯𝘢𝘮𝘢𝘯 𝘴𝘪𝘭𝘢 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢? 𝘈𝘵 𝘱𝘢𝘢𝘯𝘰 𝘴𝘪𝘭𝘢 𝘴𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘬𝘶𝘯𝘨 𝘩𝘪𝘯𝘥𝘪 𝘱𝘢 𝘴𝘪𝘭𝘢 𝘯𝘢𝘬𝘢𝘬𝘢𝘳𝘪𝘯𝘪𝘨 𝘯𝘨 𝘵𝘶𝘯𝘨𝘬𝘰𝘭 𝘴𝘢 𝘬𝘢𝘯𝘺𝘢? 𝘈𝘵 𝘱𝘢𝘢𝘯𝘰 𝘴𝘪𝘭𝘢 𝘮𝘢𝘬𝘢𝘬𝘢𝘳𝘪𝘯𝘪𝘨 𝘬𝘶𝘯𝘨 𝘸𝘢𝘭𝘢𝘯𝘨 𝘯𝘢𝘯𝘨𝘢𝘯𝘨𝘢𝘳𝘢𝘭? 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟭𝟬:𝟭𝟰

Sa pamamagitan ng pananampalataya sa ebanghelyo ni Jesu-Cristo, naranasan natin ang pagtubos mula sa pagkaalipin sa kasalanan at naibalik tayo sa tamang ugnayan sa Diyos. Ang mensahe ng ebanghelyo na nasa atin ang siya ring magdadala ng pagbabago sa mga buhay, magliligtas sa iba, at magbabalik sa kanila sa tamang ugnayan sa Diyos. Ang hamon sa atin ngayon ay dalhin at ipahayag ang ebanghelyo sa ating mga pamilya, mga kaibigan, mga eskwelahan, bansa, at maging sa buong mundo. Sino ang nagbahagi ng ebanghelyo sa iyo? Paano mo naibahagi ang ebanghelyo sa iba?

𝟮. 𝗠𝗮𝗴𝗱𝗶𝘀𝗶𝗽𝘂𝗹𝗼.

“𝘒𝘢𝘺𝘢 𝘱𝘶𝘯𝘵𝘢𝘩𝘢𝘯 𝘯𝘪𝘯𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘮𝘨𝘢 𝘭𝘢𝘩𝘪 𝘢𝘵 𝘨𝘢𝘸𝘪𝘯 𝘴𝘪𝘭𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘬𝘰. 𝘉𝘢𝘶𝘵𝘪𝘴𝘮𝘶𝘩𝘢𝘯 𝘯𝘪𝘯𝘺𝘰 𝘴𝘪𝘭𝘢 𝘴𝘢 𝘱𝘢𝘯𝘨𝘢𝘭𝘢𝘯 𝘯𝘨 𝘈𝘮𝘢 𝘢𝘵 𝘯𝘨 𝘈𝘯𝘢𝘬 𝘢𝘵 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶. 𝘛𝘶𝘳𝘶𝘢𝘯 𝘯𝘪𝘯𝘺𝘰 𝘴𝘪𝘭𝘢𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘭𝘢𝘩𝘢𝘵 𝘯𝘨 𝘪𝘯𝘪𝘶𝘵𝘰𝘴 𝘬𝘰 𝘴𝘢 𝘪𝘯𝘺𝘰. 𝘈𝘵 𝘵𝘢𝘯𝘥𝘢𝘢𝘯 𝘯𝘪𝘯𝘺𝘰: 𝘭𝘢𝘨𝘪 𝘯𝘪𝘯𝘺𝘰 𝘢𝘬𝘰𝘯𝘨 𝘬𝘢𝘴𝘢𝘮𝘢 𝘩𝘢𝘯𝘨𝘨𝘢𝘯𝘨 𝘴𝘢 𝘬𝘢𝘵𝘢𝘱𝘶𝘴𝘢𝘯 𝘯𝘨 𝘮𝘶𝘯𝘥𝘰.” 𝗠𝗔𝗧𝗘𝗢 𝟮𝟴:𝟭𝟵–𝟮𝟬

Habang ipinapangaral natin ang ebanghelyo, namumuhay din tayo kasama ang iba at tinutulungan sila na sumunod sa Diyos at humikayat ng mga tao. Ang huling utos ni Jesus ay ang magdisipulo sa pamamagitan ng pagtuturo sa kanila na 𝘴𝘶𝘮𝘶𝘯𝘰𝘥 𝘴𝘢 𝘭𝘢𝘩𝘢𝘵 𝘯𝘨 𝘪𝘯𝘪𝘶𝘵𝘰𝘴 𝘕𝘪𝘺𝘢. Habang tinuturuan natin ang iba at namumuhay kasama nila, nagtitiwala tayo sa ginagawang pagbabago ng Banal na Espiritu sa bawat isa sa atin. Hindi tayo ang bumabago at hindi natin kayang baguhin ang mga tao, pero pwede natin silang gabayan at akayin papunta sa Diyos. Sino ang kasama mo sa iyong paglalakbay sa pananampalataya? Paano ninyo matutulungan ang isa’t isa na isakatuparan ang Dakilang Utos ni Jesus nang magkasama?

𝟯. 𝗛𝗮𝗻𝗴𝗮𝗿𝗶𝗻 𝗮𝗻𝗴 𝗵𝘂𝘀𝘁𝗶𝘀𝘆𝗮 𝗻𝗴 𝗗𝗶𝘆𝗼𝘀 𝗮𝘁 𝗽𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝘀𝗮 𝗺𝘂𝗻𝗱𝗼.

𝘈𝘯𝘨 𝘭𝘢𝘩𝘢𝘵 𝘯𝘨 𝘪𝘵𝘰ʼ𝘺 𝘨𝘢𝘸𝘢 𝘯𝘨 𝘋𝘪𝘺𝘰𝘴 𝘯𝘢 𝘯𝘢𝘨𝘱𝘢𝘯𝘶𝘮𝘣𝘢𝘭𝘪𝘬 𝘴𝘢 𝘢𝘵𝘪𝘯 𝘴𝘢 𝘬𝘢𝘯𝘺𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰. 𝘈𝘵 𝘪𝘣𝘪𝘯𝘪𝘨𝘢𝘺 𝘯𝘪𝘺𝘢 𝘴𝘢 𝘢𝘮𝘪𝘯 𝘢𝘯𝘨 𝘵𝘶𝘯𝘨𝘬𝘶𝘭𝘪𝘯𝘨 𝘱𝘢𝘱𝘢𝘯𝘶𝘮𝘣𝘢𝘭𝘪𝘬𝘪𝘯 𝘢𝘯𝘨 𝘮𝘨𝘢 𝘵𝘢𝘰 𝘴𝘢 𝘬𝘢𝘯𝘺𝘢. 𝘈𝘵 𝘪𝘵𝘰 𝘯𝘨𝘢 𝘢𝘯𝘨 𝘢𝘮𝘪𝘯𝘨 𝘪𝘣𝘪𝘯𝘢𝘣𝘢𝘭𝘪𝘵𝘢: 𝘗𝘪𝘯𝘢𝘱𝘢𝘯𝘶𝘮𝘣𝘢𝘭𝘪𝘬 𝘯𝘨 𝘋𝘪𝘺𝘰𝘴 𝘢𝘯𝘨 𝘮𝘨𝘢 𝘵𝘢𝘰 𝘴𝘢 𝘬𝘢𝘯𝘺𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘢𝘵 𝘩𝘪𝘯𝘥𝘪 𝘯𝘢 𝘪𝘣𝘪𝘯𝘪𝘣𝘪𝘭𝘢𝘯𝘨 𝘯𝘢 𝘭𝘢𝘣𝘢𝘯 𝘴𝘢 𝘬𝘢𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯. 𝘈𝘵 𝘬𝘢𝘮𝘪 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘪𝘯𝘢𝘨𝘬𝘢𝘵𝘪𝘸𝘢𝘭𝘢𝘢𝘯 𝘯𝘢 𝘮𝘢𝘨𝘱𝘢𝘩𝘢𝘺𝘢𝘨 𝘯𝘨 𝘮𝘦𝘯𝘴𝘢𝘩𝘦𝘯𝘨 𝘪𝘵𝘰. 𝟮 𝗖𝗢𝗥𝗜𝗡𝗧𝗢 𝟱:𝟭𝟴–𝟭𝟵

Nang likhain tayo ng Diyos, itinakda Niyang gawin tayong mga kinatawan Niya at tagapagdala ng Kanyang imahe dito sa mundo. Para sa mga nakay Cristo, ang layuning ito ay naibalik na sa atin dahil namatay na tayo sa kasalanan at nanumbalik na sa Diyos. Ngayon ay kinakatawan na natin ang Diyos at tayo ay inatasang maging mga kamay at paa Niya. Dapat tayong maging mabubuting tagapangalaga ng Kanyang nilikha at magpahayag ng pag-ibig, katarungan, habag, at kabutihan ng Diyos sa mundong nasira at nagkasala. Binigyan Niya tayo ng mga natatanging kakayahan upang mapaglingkuran Siya, ang bawat isa, at ang mundo para maipalaganap ang Kanyang kaharian. Paano ka o ang iyong lokal na simbahan nakikilahok sa layuning ito?

𝗔𝗣𝗣𝗟𝗜𝗖𝗔𝗧𝗜𝗢𝗡

• May mga humahadlang ba sa pagbabahagi mo ng iyong patotoo at ng ebanghelyo? Paano mo ito malalampasan?

• Sino ang mga taong kasama mo sa pamumuhay nang may pananampalataya at tinutulungan mo para mas makilala ang Diyos? May kakilala ka ba na sa tingin mo ay gusto ng Diyos na gabayan at tulungan mo para mas makilala Siya?

• Sa paanong paraan ka binigyan ng Diyos ng kakayahang maging mga kamay at paa Niya sa mundo? Saan ka kaya Niya tinatawag na gawin ito? Paano mo magagawang sundin ang Diyos sa larangang ito?

𝗣𝗥𝗔𝗬𝗘𝗥

• Pasalamatan ang Diyos sa pagpapadala Niya sa Kanyang Anak na si Jesus dahil sa Kanyang pagmamahal at malasakit na mailigtas ang mundo. Ipanalangin na hindi mo isasantabi ang kaligtasang natanggap mo at sa halip ay maibahagi ito sa iba.

• Humiling sa Diyos ng biyaya at karunungan upang ikaw ay maging tagapagdala ng Kanyang imahe sa mga nakapalibot sa iyo. Ipanalangin na matulungan mo ang iba na sumunod sa Kanya at maging mabuti kang kinatawan ng Kanyang imahe.

• Ipanalangin na magkaroon ka ng mga pagkakataong makapaglingkod upang maisulong mo ang kaharian ng Diyos at maging bahagi ka sa pagpapahayag ng Kanyang hustisya at sa pagpapanumbalik sa mundo. Nawa’y makita ng mundo si Jesus sa iyong pananalita at kilos.