Ang Pakikilahok ng Iglesya

𝗪𝗔𝗥𝗠 𝗨𝗣

• Mahilig ka ba sa mga laro o gawain na kailangan ng pagtutulungan? Anong klase ng mga tao ang bubuo ng pangarap mong grupo?

• Paano ka kadalasang tumutugon kapag may ibinibigay sa iyong mahalaga at agarang gawain?

• Sa anong proyekto o gawain ka huling nakipagtulungan sa iba? Ano ang kinalabasan nito sa huli?

𝗪𝗢𝗥𝗗

“𝘏𝘪𝘯𝘥𝘪 𝘣𝘢 𝘴𝘪𝘯𝘢𝘴𝘢𝘣𝘪 𝘯ʼ𝘺𝘰 𝘯𝘢 𝘢𝘱𝘢𝘵 𝘯𝘢 𝘣𝘶𝘸𝘢𝘯 𝘱𝘢 𝘣𝘢𝘨𝘰 𝘢𝘯𝘨 𝘢𝘯𝘪𝘩𝘢𝘯? 𝘕𝘨𝘶𝘯𝘪𝘵 𝘴𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰, 𝘢𝘯𝘪𝘩𝘢𝘯 𝘯𝘢. 𝘛𝘪𝘯𝘨𝘯𝘢𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘥𝘶𝘮𝘢𝘳𝘢𝘵𝘪𝘯𝘨, 𝘱𝘢𝘳𝘢 𝘴𝘪𝘭𝘢𝘯𝘨 𝘮𝘨𝘢 𝘱𝘢𝘯𝘢𝘯𝘪𝘮 𝘴𝘢 𝘣𝘶𝘬𝘪𝘥 𝘯𝘢 𝘩𝘪𝘯𝘰𝘨 𝘯𝘢 𝘢𝘵 𝘱𝘸𝘦𝘥𝘦 𝘯𝘢𝘯𝘨 𝘢𝘯𝘪𝘩𝘪𝘯! 𝘒𝘢𝘺𝘰𝘯𝘨 𝘮𝘨𝘢 𝘵𝘢𝘨𝘢𝘱𝘢𝘨-𝘢𝘯𝘪 𝘢𝘺 𝘵𝘢𝘵𝘢𝘯𝘨𝘨𝘢𝘱 𝘯𝘨 𝘨𝘢𝘯𝘵𝘪𝘮𝘱𝘢𝘭𝘢 𝘮𝘶𝘭𝘢 𝘴𝘢 𝘋𝘪𝘰𝘴. 𝘈𝘵 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘪𝘯𝘢𝘢𝘯𝘪 𝘯𝘪𝘯𝘺𝘰 𝘢𝘺 𝘣𝘪𝘣𝘪𝘨𝘺𝘢𝘯 𝘯𝘪𝘺𝘢 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. 𝘒𝘢𝘺𝘢 𝘮𝘢𝘨𝘬𝘢𝘴𝘢𝘮𝘢𝘯𝘨 𝘮𝘢𝘵𝘶𝘵𝘶𝘸𝘢 𝘢𝘯𝘨 𝘯𝘢𝘨𝘵𝘢𝘯𝘪𝘮 𝘯𝘨 𝘴𝘢𝘭𝘪𝘵𝘢 𝘯𝘨 𝘋𝘪𝘰𝘴 𝘢𝘵 𝘢𝘯𝘨 𝘯𝘢𝘨-𝘢𝘯𝘪.” 𝗝𝗨𝗔𝗡 𝟰:𝟯𝟱–𝟯𝟲

Tinatawag tayo ni Jesus, ang Iglesya, na makilahok sa misyon ng Diyos—upang ibalik ang nilikha at ipagkasundo ang mundo sa Kanya. Maraming paraan para makibahagi tayo sa katuparan nito, at minsan ay nakakatukso na gawin natin itong tungkol sa atin. Ngunit dapat nating tandaan na wala tayong sariling misyon. Sa simula pa lang, ang misyon na ito ay sa Diyos. Sa pamamagitan ng Kanyang Banal na Espiritu, nakakalahok tayo sa Kanyang dakilang plano para sa mundo—isa itong malaking pribilehiyo. Ngayong araw, tuklasin natin ang mga katotohanan tungkol sa misyon ng Diyos at ang Kanyang pagtawag sa atin.

𝟭. 𝗠𝗮𝘆 𝗮𝗮𝗻𝗶𝗵𝗶𝗻 𝗻𝗮 𝗵𝗶𝗻𝗼𝗴 𝗻𝗮.

“𝘏𝘪𝘯𝘥𝘪 𝘣𝘢 𝘴𝘪𝘯𝘢𝘴𝘢𝘣𝘪 𝘯ʼ𝘺𝘰 𝘯𝘢 𝘢𝘱𝘢𝘵 𝘯𝘢 𝘣𝘶𝘸𝘢𝘯 𝘱𝘢 𝘣𝘢𝘨𝘰 𝘢𝘯𝘨 𝘢𝘯𝘪𝘩𝘢𝘯? 𝘕𝘨𝘶𝘯𝘪𝘵 𝘴𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰, 𝘢𝘯𝘪𝘩𝘢𝘯 𝘯𝘢. 𝙏𝙞𝙣𝙜𝙣𝙖𝙣 𝙣ʼ𝙮𝙤 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘥𝘶𝘮𝘢𝘳𝘢𝘵𝘪𝘯𝘨, 𝘱𝘢𝘳𝘢 𝘴𝘪𝘭𝘢𝘯𝘨 𝘮𝘨𝘢 𝘱𝘢𝘯𝘢𝘯𝘪𝘮 𝘴𝘢 𝘣𝘶𝘬𝘪𝘥 𝘯𝘢 𝘩𝘪𝘯𝘰𝘨 𝘯𝘢 𝘢𝘵 𝘱𝘸𝘦𝘥𝘦 𝘯𝘢𝘯𝘨 𝘢𝘯𝘪𝘩𝘪𝘯!” 𝗝𝗨𝗔𝗡 𝟰:𝟯𝟱

Mahirap makita ang nasa harap mo kung nakatuon ka lang sa iyong sarili. Sa talatang ito, binigyang-diin ni Jesus nang tatlong beses ang kahalagahan na sadyain ang pagtingin sa ani. Inuutusan Niya ang Kanyang mga disipulo na sadyang magobserba, umunawa, at magmasid. Ibig sabihin, dapat nating palakihin ang nakikita ni Jesus kaysa sa nakikita natin. Hindi tayo dapat tumutok sa mga bagay na hindi natin kayang gawin o sa mga hadlang na pumipigil sa atin; dapat tayong tumingala para makita na ang gawain ay hinog at handa na. Ang anihan ay hinog at nasa harap na natin. Paano natin mas sasadyain na tumingin sa nakikita ni Jesus?

𝟮. 𝗠𝗮𝘆 𝗮𝗴𝗮𝗿𝗮𝗻𝗴 𝗽𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗻𝗮 𝗮𝗻𝗶𝗵𝗶𝗻 𝗮𝗻𝗴 𝗮𝗻𝗶.

“𝘏𝘪𝘯𝘥𝘪 𝘣𝘢 𝘴𝘪𝘯𝘢𝘴𝘢𝘣𝘪 𝘯ʼ𝘺𝘰 𝘯𝘢 𝘢𝘱𝘢𝘵 𝘯𝘢 𝘣𝘶𝘸𝘢𝘯 𝘱𝘢 𝘣𝘢𝘨𝘰 𝘢𝘯𝘨 𝘢𝘯𝘪𝘩𝘢𝘯? 𝘕𝘨𝘶𝘯𝘪𝘵 𝘴𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰, 𝘢𝘯𝘪𝘩𝘢𝘯 𝘯𝘢. 𝘛𝘪𝘯𝘨𝘯𝘢𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘥𝘶𝘮𝘢𝘳𝘢𝘵𝘪𝘯𝘨, 𝙥𝙖𝙧𝙖 𝙨𝙞𝙡𝙖𝙣𝙜 𝙢𝙜𝙖 𝙥𝙖𝙣𝙖𝙣𝙞𝙢 𝙨𝙖 𝙗𝙪𝙠𝙞𝙙 𝙣𝙖 𝙝𝙞𝙣𝙤𝙜 𝙣𝙖 𝙖𝙩 𝙥𝙬𝙚𝙙𝙚 𝙣𝙖𝙣𝙜 𝙖𝙣𝙞𝙝𝙞𝙣!” 𝗝𝗨𝗔𝗡 𝟰:𝟯𝟱

Kahit apat na buwan man o isang linggo, hindi tayo dapat nagpapaliguy-ligoy dahil narito na ang ani. Ang ani ay nandito na ngayon, at hindi doon at sa ibang panahon. Minsan, natatakot tayo o nag-aalinlangan dahil iniisip natin na matigas ang puso ng mga tao at hindi sila bukas sa salita ng Diyos. Ngunit inihanda na ng Diyos ang maraming tao. Dahil dito, pwede tayong mas magtiwala at maging mas sadya sa pagpapahayag ng ebanghelyo. Hindi natin dapat tingnan ang ani nang walang aksyon—dapat tayong tumingala at tumingin nang may pagmamadali. Panahon na para mangaral at ipahayag ang ebanghelyo. Hindi lamang natin kailangang tumugon sa tawag ng Diyos na anihin ang ani, kundi kailangan din nating sumunod agad. Sa Mateo 4:18–20, paano tumugon sina Pedro at Andres nang tawagin sila ni Jesus na sumunod sa Kanya?

𝟯. 𝗠𝗮𝗴𝗸𝗮𝗸𝗮𝗿𝗼𝗼𝗻 𝗻𝗴 𝗴𝗮𝗻𝘁𝗶𝗺𝗽𝗮𝗹𝗮 𝗮𝘁 𝗸𝗮𝗴𝗮𝗹𝗮𝗸𝗮𝗻 𝗽𝗮𝗿𝗮 𝗺𝗴𝗮 𝗻𝗮𝗴𝘁𝗮𝘁𝗮𝗻𝗶𝗺 𝗮𝘁 𝗻𝗮𝗴-𝗮𝗮𝗻𝗶.

“𝘒𝘢𝘺𝘰𝘯𝘨 𝘮𝘨𝘢 𝘵𝘢𝘨𝘢𝘱𝘢𝘨-𝘢𝘯𝘪 𝘢𝘺 𝘵𝘢𝘵𝘢𝘯𝘨𝘨𝘢𝘱 𝘯𝘨 𝘨𝘢𝘯𝘵𝘪𝘮𝘱𝘢𝘭𝘢 𝘮𝘶𝘭𝘢 𝘴𝘢 𝘋𝘪𝘰𝘴. 𝘈𝘵 𝘢𝘯𝘨 𝘮𝘨𝘢 𝘵𝘢𝘰𝘯𝘨 𝘪𝘯𝘢𝘢𝘯𝘪 𝘯𝘪𝘯𝘺𝘰 𝘢𝘺 𝘣𝘪𝘣𝘪𝘨𝘺𝘢𝘯 𝘯𝘪𝘺𝘢 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. 𝙆𝙖𝙮𝙖 𝙢𝙖𝙜𝙠𝙖𝙨𝙖𝙢𝙖𝙣𝙜 𝙢𝙖𝙩𝙪𝙩𝙪𝙬𝙖 𝙖𝙣𝙜 𝙣𝙖𝙜𝙩𝙖𝙣𝙞𝙢 𝙣𝙜 𝙨𝙖𝙡𝙞𝙩𝙖 𝙣𝙜 𝘿𝙞𝙤𝙨 𝙖𝙩 𝙖𝙣𝙜 𝙣𝙖𝙜-𝙖𝙣𝙞.” 𝗝𝗨𝗔𝗡 𝟰:𝟯𝟲

Ginagamit ng Diyos ang nagtatanim at ang umaani para maibalik sa Kanya ang mga naliligaw. Tulad ng pagsasaka, may nagtatanim at may umaani, at hindi palaging ang nagtanim ang nakakakita ng bunga ng pagsisikap niya. Tinawag man tayo na magtanim o umani, ang pinakamahalaga ay makibahagi tayo sa misyon ng Diyos, dahil lahat tayo ay 𝘮𝘨𝘢 𝘴𝘶𝘨𝘰 𝘯𝘪 𝘊𝘳𝘪𝘴𝘵𝘰 (2 Corinto 5:20). Bagama’t parang hindi makatarungan na minsan ay hindi nakikita ng nagtanim ang bunga, parehong ang nagtatanim at ang umaani ay tatanggap ng gantimpala. Sa huli, ang gantimpala natin ay makitang maligtas ang mga naligaw ng landas, sapagkat may kagalakan kapag ang tao ay nakabalik sa Ama. Ayon sa Lucas 15:7, ano ang nangyayari kapag nagsisi ang isang makasalanan?

𝗔𝗣𝗣𝗟𝗜𝗖𝗔𝗧𝗜𝗢𝗡

• Tinitingnan mo ba ang anihan nang may pagpapahalaga at pagmamadali? Kung hindi, hilingin sa Diyos na tulungan kang makita ang nakikita ni Jesus.

• Paano ka mas lalago sa pagtatanim ng ebanghelyo at pag-aani sa anihan ng Diyos? Ano ang mga hakbang na maaari mong gawin ngayong linggo bilang tugon sa Kanyang tawag at misyon?

• Tumingin sa hinog na ani sa paligid mo (hal., sa bahay, paaralan, o trabaho). Mangako na tutulungan mo ang kahit dalawang tao na makita ang pagmamahal ng Diyos simula ngayong linggo.

𝗣𝗥𝗔𝗬𝗘𝗥

• Pasalamatan ang Diyos sa pagbibigay Niya sa atin ng pribilehiyong makibahagi sa Kanyang misyon kahit na may mga pagdududa, takot, at kakulangan tayo.

• Hingin sa Banal na Espiritu na alisin ang anumang pagwawalang-bahala o pag-aatubili sa puso at palitan ito ng sigasig upang anihin ang hinog na bunga saanman tayo tinatawag ng Diyos.

• Purihin ang Diyos dahil ang Kanyang kaharian ay malakas na umuusad sa pamamagitan ng Kanyang Iglesya. Hingin sa Kanya ang biyaya upang maging mas mabuting kinatawan ni Cristo.