Ang Kalakasan para Magpatuloy Kapag Tila Walang Makuhanan ng Lakas ng Loob

𝗪𝗔𝗥𝗠 𝗨𝗣

• Sa anong bagay ka may taglay na natatanging husay (hal. isang sport, isang kinahihiligang gawin, o kakayanan)? Paano ka naging magaling dito?

• Magkwento tungkol sa panahong may ipinagawa sa ’yo na sigurado kang imposibleng magawa. Paano ’to naging tila imposible? 

• May tao ka bang laging nalalapitan kapag kailangan mo ng tulong? Bakit sa kanya ka tumatakbo sa mga panahong nahihirapan ka?

𝗪𝗢𝗥𝗗

𝘕𝘢𝘯𝘨 𝘮𝘢𝘮𝘢𝘵𝘢𝘺 𝘯𝘢 𝘴𝘪 𝘔𝘰𝘪𝘴𝘦𝘴 𝘯𝘢 𝘭𝘪𝘯𝘨𝘬𝘰𝘥 𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘴𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘬𝘢𝘯𝘢𝘯𝘨-𝘬𝘢𝘮𝘢𝘺 𝘯𝘪 𝘔𝘰𝘪𝘴𝘦𝘴 𝘯𝘢 𝘴𝘪 𝘑𝘰𝘴𝘶𝘦 𝘯𝘢 𝘢𝘯𝘢𝘬 𝘯𝘪 𝘕𝘶𝘯, “𝘗𝘢𝘵𝘢𝘺 𝘯𝘢 𝘢𝘯𝘨 𝘭𝘪𝘯𝘨𝘬𝘰𝘥 𝘬𝘰𝘯𝘨 𝘴𝘪 𝘔𝘰𝘪𝘴𝘦𝘴. 𝘒𝘢𝘺𝘢 𝘯𝘨𝘢𝘺𝘰𝘯, 𝘮𝘢𝘨𝘩𝘢𝘯𝘥𝘢 𝘬𝘢𝘺𝘰, 𝘪𝘬𝘢𝘸 𝘢𝘵 𝘢𝘯𝘨 𝘭𝘢𝘩𝘢𝘵 𝘯𝘨 𝘐𝘴𝘳𝘢𝘦𝘭𝘪𝘵𝘢, 𝘴𝘢 𝘱𝘢𝘨𝘵𝘢𝘸𝘪𝘥 𝘴𝘢 𝘐𝘭𝘰𝘨 𝘯𝘨 𝘑𝘰𝘳𝘥𝘢𝘯 𝘱𝘢𝘱𝘶𝘯𝘵𝘢 𝘴𝘢 𝘭𝘶𝘱𝘢𝘪𝘯𝘨 𝘪𝘣𝘪𝘣𝘪𝘨𝘢𝘺 𝘬𝘰 𝘴𝘢 𝘪𝘯𝘺𝘰. . . . 𝘈𝘭𝘢𝘭𝘢𝘩𝘢𝘯𝘪𝘯 𝘮𝘰 𝘱𝘢𝘭𝘢𝘨𝘪 𝘢𝘯𝘨 𝘣𝘪𝘭𝘪𝘯 𝘬𝘰 𝘴𝘢 𝘪𝘺𝘰: 𝘔𝘢𝘨𝘱𝘢𝘬𝘢𝘵𝘢𝘵𝘢𝘨 𝘬𝘢 𝘢𝘵 𝘮𝘢𝘨𝘱𝘢𝘬𝘢𝘵𝘢𝘱𝘢𝘯𝘨. 𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘰 𝘬𝘢𝘺𝘢ʼ𝘺 𝘮𝘢𝘯𝘨𝘩𝘪𝘯𝘢, 𝘥𝘢𝘩𝘪𝘭 𝘢𝘬𝘰, 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘪𝘺𝘰𝘯𝘨 𝘋𝘪𝘰𝘴, 𝘢𝘺 𝘴𝘢𝘴𝘢𝘪𝘺𝘰 𝘬𝘢𝘩𝘪𝘵 𝘴𝘢𝘢𝘯 𝘬𝘢 𝘱𝘶𝘮𝘢𝘳𝘰𝘰𝘯.” 𝗝𝗢𝗦𝗨𝗘 𝟭:𝟭–𝟮, 𝟵

(Basahin din ang 𝗝𝗢𝗦𝗨𝗘 𝟭:𝟯–𝟴.)

Ngayong wala na si Moises, malaking responsibilidad ang sasaluhin ni Josue. Inatasan siya ng Panginoon na pamunuan ang Kanyang mamamayan sa pag-angkin sa Lupaing Ipinangako na ibig sabihin ay sasabak sila sa sunod-sunod na pakikipaglaban. Tulad nito, habang sinusunod natin ang Diyos at hinahangad ang Kanyang mga layunin, haharap din tayo sa maraming pakikipaglaban. Habang inaaral natin ang kwento ni Josue at ng mga Israelita, matututunan natin ang mga katotohanang makakapagbigay sa atin ng lakas ng loob na harapin ang mga laban ng buhay ngayon.

𝟭. 𝗔𝗻𝗴 𝘁𝗮𝘄𝗮𝗴 𝗻𝗴 𝗗𝗶𝘆𝗼𝘀 𝗮𝗻𝗴 𝘀𝗶𝗺𝘂𝗹𝗮 𝗻𝗴 𝗹𝗮𝗸𝗮𝘀 𝗻𝗴 𝗹𝗼𝗼𝗯.

“. . . 𝘒𝘢𝘺𝘢 𝘯𝘨𝘢𝘺𝘰𝘯, 𝘮𝘢𝘨𝘩𝘢𝘯𝘥𝘢 𝘬𝘢𝘺𝘰, 𝘪𝘬𝘢𝘸 𝘢𝘵 𝘢𝘯𝘨 𝘭𝘢𝘩𝘢𝘵 𝘯𝘨 𝘐𝘴𝘳𝘢𝘦𝘭𝘪𝘵𝘢, 𝘴𝘢 𝘱𝘢𝘨𝘵𝘢𝘸𝘪𝘥 𝘴𝘢 𝘐𝘭𝘰𝘨 𝘯𝘨 𝘑𝘰𝘳𝘥𝘢𝘯 𝘱𝘢𝘱𝘶𝘯𝘵𝘢 𝘴𝘢 𝘭𝘶𝘱𝘢𝘪𝘯𝘨 𝘪𝘣𝘪𝘣𝘪𝘨𝘢𝘺 𝘬𝘰 𝘴𝘢 𝘪𝘯𝘺𝘰. 𝘈𝘺𝘰𝘯 𝘴𝘢 𝘪𝘱𝘪𝘯𝘢𝘯𝘨𝘢𝘬𝘰 𝘬𝘰 𝘬𝘢𝘺 𝘔𝘰𝘪𝘴𝘦𝘴, 𝘪𝘣𝘪𝘣𝘪𝘨𝘢𝘺 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘭𝘶𝘱𝘢𝘪𝘯𝘨 𝘮𝘢𝘳𝘢𝘳𝘢𝘵𝘪𝘯𝘨 𝘯𝘪𝘯𝘺𝘰.” 𝗝𝗢𝗦𝗨𝗘 𝟭:𝟮–𝟯 

(Basahin din ang 𝗝𝗢𝗦𝗨𝗘 𝟭:𝟰.)

Ang lakas ng loob ay nagsisimula sa katiyakan na ang Diyos ang tumatawag sa atin at alam Niya ang Kanyang ginagawa. Isinaalang-alang na Niya ang lahat, pati ang ating mga pangamba at limitasyon. Sa palagay mo, saang pagsunod, paglilingkod, pamumuno, o misyon ka inaakay ng Diyos sa mga panahong ito? Paano mo nararanasan ang pagkilos ng biyaya ng Diyos, na nagbibigay sa ʼyo ng katiyakan na aalalayan ka ng Kanyang kalakasan?

𝟮. 𝗔𝗻𝗴 𝗽𝗿𝗲𝘀𝗲𝗻𝘀𝘆𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗽𝗮𝗽𝗮𝘁𝗶𝗯𝗮𝘆 𝗻𝗴 𝗮𝘁𝗶𝗻𝗴 𝗹𝗮𝗸𝗮𝘀 𝗻𝗴 𝗹𝗼𝗼𝗯. 

“. . . 𝘚𝘢𝘴𝘢𝘮𝘢𝘩𝘢𝘯 𝘬𝘪𝘵𝘢 𝘨𝘢𝘺𝘢 𝘯𝘨 𝘱𝘢𝘨𝘴𝘢𝘮𝘢 𝘬𝘰 𝘬𝘢𝘺 𝘔𝘰𝘪𝘴𝘦𝘴. 𝘏𝘪𝘯𝘥𝘪 𝘬𝘪𝘵𝘢 𝘪𝘪𝘸𝘢𝘯 𝘰 𝘬𝘢𝘺𝘢ʼ𝘺 𝘱𝘢𝘣𝘢𝘣𝘢𝘺𝘢𝘢𝘯. . . . 𝘈𝘭𝘢𝘭𝘢𝘩𝘢𝘯𝘪𝘯 𝘮𝘰 𝘱𝘢𝘭𝘢𝘨𝘪 𝘢𝘯𝘨 𝘣𝘪𝘭𝘪𝘯 𝘬𝘰 𝘴𝘢 𝘪𝘺𝘰: 𝘔𝘢𝘨𝘱𝘢𝘬𝘢𝘵𝘢𝘵𝘢𝘨 𝘬𝘢 𝘢𝘵 𝘮𝘢𝘨𝘱𝘢𝘬𝘢𝘵𝘢𝘱𝘢𝘯𝘨. 𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘰 𝘬𝘢𝘺𝘢ʼ𝘺 𝘮𝘢𝘯𝘨𝘩𝘪𝘯𝘢, 𝘥𝘢𝘩𝘪𝘭 𝘢𝘬𝘰, 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘪𝘺𝘰𝘯𝘨 𝘋𝘪𝘰𝘴, 𝘢𝘺 𝘴𝘢𝘴𝘢𝘪𝘺𝘰 𝘬𝘢𝘩𝘪𝘵 𝘴𝘢𝘢𝘯 𝘬𝘢 𝘱𝘶𝘮𝘢𝘳𝘰𝘰𝘯.” 𝗝𝗢𝗦𝗨𝗘 𝟭:𝟱, 𝟵 

(Basahin din ang 𝗝𝗢𝗦𝗨𝗘 𝟭:𝟲.)

Ang utos ng Diyos na magpakatapang ay hindi pwedeng ihiwalay sa pangakong kasama natin Siya. Ang tiwala ni Josue ay hindi galing sa kakayahan niyang lumaban o sa karanasan niya sa pamumuno kundi sa katapatan ng Diyos sa ginawa Niyang kasunduan. Kung paano Siya sa Kanyang mamamayan, ganoon din Siya sa atin. Hindi ba’t ito ang pinakamahalagang katiyakan na kailangan natin? Kahit saan man tayo mapunta, gaano man kahirap ang ating pinagdadaanan, alam natin na ang Diyos—na pinakamakapangyarihan, walang hanggan ang karunungan, at laging tapat—ay kasama natin. Ngayong alam mo na kasama mo ang Diyos lagi, paano magbabago ang pananaw mo sa iyong sitwasyon?

𝟯. 𝗔𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗯𝗶𝗯𝗶𝗴𝗮𝘆 𝘀𝗮 𝗮𝘁𝗶𝗻 𝗻𝗴 𝗹𝗮𝗸𝗮𝘀 𝗻𝗴 𝗹𝗼𝗼𝗯.

“𝘉𝘢𝘴𝘵𝘢ʼ𝘵 𝘮𝘢𝘨𝘱𝘢𝘬𝘢𝘵𝘢𝘵𝘢𝘨 𝘬𝘢 𝘭𝘢𝘯𝘨 𝘢𝘵 𝘮𝘢𝘨𝘱𝘢𝘬𝘢𝘵𝘢𝘱𝘢𝘯𝘨. . . . 𝘏𝘶𝘸𝘢𝘨 𝘮𝘰𝘯𝘨 𝘬𝘢𝘭𝘪𝘮𝘶𝘵𝘢𝘯𝘨 𝘣𝘢𝘴𝘢𝘩𝘪𝘯 𝘢𝘯𝘨 𝘈𝘬𝘭𝘢𝘵 𝘯𝘨 𝘒𝘢𝘶𝘵𝘶𝘴𝘢𝘯. 𝘗𝘢𝘨𝘣𝘶𝘭𝘢𝘺-𝘣𝘶𝘭𝘢𝘺𝘢𝘯 𝘮𝘰 𝘪𝘵𝘰 𝘢𝘳𝘢𝘸 𝘢𝘵 𝘨𝘢𝘣𝘪 𝘱𝘢𝘳𝘢 𝘮𝘢𝘭𝘢𝘮𝘢𝘯 𝘮𝘰 𝘬𝘶𝘯𝘨 𝘱𝘢𝘢𝘯𝘰 𝘮𝘰 𝘮𝘢𝘵𝘶𝘵𝘶𝘱𝘢𝘥 𝘯𝘢𝘯𝘨 𝘮𝘢𝘣𝘶𝘵𝘪 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘬𝘢𝘴𝘶𝘭𝘢𝘵 𝘥𝘪𝘵𝘰. 𝘒𝘶𝘯𝘨 𝘨𝘢𝘨𝘢𝘸𝘪𝘯 𝘮𝘰 𝘪𝘵𝘰, 𝘶𝘶𝘯𝘭𝘢𝘥 𝘬𝘢 𝘢𝘵 𝘮𝘢𝘨𝘵𝘢𝘵𝘢𝘨𝘶𝘮𝘱𝘢𝘺.” 𝗝𝗢𝗦𝗨𝗘 𝟭:𝟳–𝟴

Ang salita ng Diyos na madalas ay tinatawag na “kautusan” Niya ay nagpapakita sa atin ng katangian, kalooban, at mga nagawa ng Diyos. Naglalaman din ito ng mga gabay at karunungan para sa pamumuhay. Habang patuloy nating pinag-iisipan, sinasabi, at ginagawang batayan sa pamumuhay ang Kanyang salita, mas lalo nating nalalaman ang Kanyang mga layunin, mas napapalakas tayo, at lalo tayong nakakaranas ng tagumpay sa Kanyang layunin sa ating mga buhay. Ano ang pangako ng Diyos para sa mga naghahayag, nagsasaisip, at sumusunod sa Kanyang salita (Josue 1:8)?

Ang pinakadakilang pinagmumulan ng lakas ng loob natin ay ang ebanghelyo. Sa pamamagitan ng kamatayan at muling pagkabuhay ni Jesus, tayo ay nabigyan ng pagkakataong maibalik sa Diyos at mailapit sa Kanyang presensya. Dahil nanaig si Jesus laban sa kasalanan at kamatayan, pwede tayong magpatuloy sa ating pananampalataya kahit na parang nakakalunod ang ating mga pinagdadaanan.

𝗔𝗣𝗣𝗟𝗜𝗖𝗔𝗧𝗜𝗢𝗡

• Balikan ang mga dating nangyari kung saan naranasan mo ang tulong ng Diyos. Pwede mong balikan ang mga naisulat mo noon sa iyong journal o di kaya ay isulat mo ito ngayon para hindi mo ito makalimutan.

• Ngayong alam mo na ang Diyos ang tutupad sa Kanyang misyon at kalooban sa huli, ano ang mga pwede mong gawin para panatilihing panatag ang iyong puso at matatag ang iyong pananampalataya sa Kanya?

• Isipin ang isang taong alam mo na pinanghihinaan ng loob o nag-aakalang hindi niya kakayanin ang kasalukuyan niyang sitwasyon. Paano mo siya maaakay palapit sa Diyos na nangangakong kasama natin ang Kanyang presensya at nagpapalakas ng loob natin sa pamamagitan ng Kanyang salita?           

𝗣𝗥𝗔𝗬𝗘𝗥

• Pasalamatan ang Diyos sa Kanyang presensya, pagtawag sa atin, at katapatan. Ipanalangin na magkaroon ka ng pananampalataya na magpapalakas sa iyo at magpapaalala sa iyo sa presensya ng Diyos at sa ginagawa Niya sa buhay mo.

• Hilingin sa Diyos na bigyan ka ng kalakasan at tibay ng loob upang maisagawa mo ang iyong misyon na galing sa Kanya.

• Ipanalangin ang iyong mga kapamilya, kaibigan, miyembro ng inyong small group, mga katrabaho, mga kaklase, at mga taong nangangailangan ng presensya ng Diyos sa kanilang pinagdadaanan, na magkaroon sila ng lakas at tibay ng loob na galing sa Kanya.