Filipino

𝗔𝗡𝗚 𝗗𝗜𝗬𝗢𝗦 𝗡𝗚 𝗠𝗜𝗦𝗬𝗢𝗡

A revelation of God’s grace and compassion propels us to proclaim Him to the nations.

𝗕𝗔𝗦𝗔𝗛𝗜𝗡

𝘕𝘰𝘰𝘯𝘨 𝘵𝘢𝘰𝘯 𝘯𝘨 𝘱𝘢𝘨𝘬𝘢𝘮𝘢𝘵𝘢𝘺 𝘯𝘪 𝘏𝘢𝘳𝘪𝘯𝘨 𝘜𝘻𝘪𝘢, 𝘯𝘢𝘬𝘪𝘵𝘢 𝘬𝘰 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘯𝘢𝘬𝘢𝘶𝘱𝘰 𝘴𝘢 𝘯𝘢𝘱𝘢𝘬𝘢𝘵𝘢𝘢𝘴 𝘯𝘢 𝘵𝘳𝘰𝘯𝘰. 𝘈𝘯𝘨 𝘮𝘢𝘩𝘢𝘣𝘢𝘯𝘨 𝘥𝘢𝘮𝘪𝘵 𝘯𝘪𝘺𝘢 𝘢𝘺 𝘵𝘶𝘮𝘢𝘬𝘪𝘱 𝘴𝘢 𝘣𝘶𝘰𝘯𝘨 𝘵𝘦𝘮𝘱𝘭𝘰. 𝘔𝘢𝘺 𝘮𝘨𝘢 𝘮𝘢𝘬𝘢𝘭𝘢𝘯𝘨𝘪𝘵 𝘯𝘢 𝘯𝘪𝘭𝘢𝘭𝘢𝘯𝘨 𝘴𝘢 𝘨𝘢𝘸𝘪𝘯𝘨 𝘶𝘭𝘰 𝘯𝘪𝘺𝘢. 𝘈𝘯𝘨 𝘣𝘢𝘸𝘢𝘵 𝘪𝘴𝘢 𝘴𝘢 𝘬𝘢𝘯𝘪𝘭𝘢 𝘢𝘺 𝘮𝘢𝘺 𝘢𝘯𝘪𝘮 𝘯𝘢 𝘱𝘢𝘬𝘱𝘢𝘬: 𝘈𝘯𝘨 𝘥𝘢𝘭𝘢𝘸𝘢𝘯𝘨 𝘱𝘢𝘬𝘱𝘢𝘬 𝘢𝘺 𝘯𝘢𝘬𝘢𝘵𝘢𝘬𝘪𝘱 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘶𝘬𝘩𝘢, 𝘢𝘯𝘨 𝘥𝘢𝘭𝘢𝘸𝘢 𝘢𝘺 𝘯𝘢𝘬𝘢𝘵𝘢𝘬𝘪𝘱 𝘴𝘢 𝘬𝘢𝘯𝘪𝘭𝘢𝘯𝘨 𝘱𝘢𝘢, 𝘢𝘵 𝘢𝘯𝘨 𝘥𝘢𝘭𝘢𝘸𝘢 𝘢𝘺 𝘨𝘪𝘯𝘢𝘨𝘢𝘮𝘪𝘵 𝘯𝘪𝘭𝘢 𝘴𝘢 𝘱𝘢𝘨𝘭𝘪𝘱𝘢𝘥. 𝘚𝘪𝘯𝘢𝘴𝘢𝘣𝘪 𝘯𝘪𝘭𝘢 𝘴𝘢 𝘪𝘴𝘢’𝘵 𝘪𝘴𝘢: “𝘉𝘢𝘯𝘢𝘭, 𝘉𝘢𝘯𝘢𝘭, 𝘉𝘢𝘯𝘢𝘭, 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕𝘎 𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯! 𝘈𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘪𝘺𝘢’𝘺 𝘴𝘶𝘮𝘢𝘴𝘢𝘬𝘰𝘱 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰.” . . . 𝘚𝘪𝘯𝘢𝘣𝘪 𝘬𝘰, “𝘕𝘢𝘬𝘢𝘬𝘢𝘢𝘸𝘢 𝘢𝘬𝘰! 𝘛𝘪𝘺𝘢𝘬 𝘯𝘢 𝘮𝘢𝘱𝘢𝘱𝘢𝘩𝘢𝘮𝘢𝘬 𝘢𝘬𝘰 . . .” 𝘗𝘢𝘨𝘬𝘢𝘵𝘢𝘱𝘰𝘴, 𝘭𝘶𝘮𝘪𝘱𝘢𝘥 𝘢𝘯𝘨 𝘪𝘴𝘢 𝘴𝘢 𝘮𝘨𝘢 𝘮𝘢𝘬𝘢𝘭𝘢𝘯𝘨𝘪𝘵 𝘯𝘢 𝘯𝘪𝘭𝘢𝘭𝘢𝘯𝘨 𝘱𝘢𝘱𝘶𝘯𝘵𝘢 𝘴𝘢 𝘢𝘬𝘪𝘯, 𝘮𝘢𝘺 𝘥𝘢𝘭𝘢 𝘴𝘪𝘺𝘢𝘯𝘨 𝘣𝘢𝘨𝘢 . . . 𝘐𝘯𝘪𝘭𝘢𝘱𝘢𝘵 𝘯𝘪𝘺𝘢 𝘢𝘯𝘨 𝘣𝘢𝘨𝘢 𝘴𝘢 𝘢𝘬𝘪𝘯𝘨 𝘣𝘪𝘣𝘪𝘨 𝘢𝘵 𝘴𝘪𝘯𝘢𝘣𝘪, “𝘏𝘪𝘯𝘪𝘱𝘰 𝘯𝘪𝘵𝘰 𝘢𝘯𝘨 𝘪𝘺𝘰𝘯𝘨 𝘣𝘪𝘣𝘪𝘨, 𝘢𝘵 𝘸𝘢𝘭𝘢 𝘬𝘢 𝘯𝘢𝘯𝘨 𝘬𝘢𝘴 𝘢𝘭𝘢𝘯𝘢𝘯.” 𝘗𝘢𝘨𝘬𝘢𝘵𝘢𝘱𝘰𝘴, 𝘯𝘢𝘳𝘪𝘯𝘪𝘨 𝘬𝘰 𝘢𝘯𝘨 𝘵𝘪𝘯𝘪𝘨 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘯𝘢 𝘯𝘢𝘨𝘴𝘢𝘴𝘢𝘣𝘪, “𝘚𝘪𝘯𝘰 𝘢𝘯𝘨 𝘴𝘶𝘴𝘶𝘨𝘶𝘪𝘯 𝘬𝘰? 𝘚𝘪𝘯𝘰 𝘢𝘯𝘨 𝘭𝘢𝘭𝘢𝘬𝘢𝘥 𝘱𝘢𝘳𝘢 𝘴𝘢 𝘢𝘮𝘪𝘯?” 𝘚𝘶𝘮𝘢𝘨𝘰𝘵 𝘢𝘬𝘰, “𝘕𝘢𝘳𝘪𝘵𝘰 𝘱𝘰 𝘢𝘬𝘰! 𝘈𝘬𝘰 𝘢𝘯𝘨 𝘪𝘴𝘶𝘨𝘰 𝘯𝘪𝘯𝘺𝘰.” 𝗜𝗦𝗔𝗜𝗔𝗦 𝟲:𝟭–𝟯, 𝟱–𝟴

Nang mamatay si Haring Uzia, pumasok si Isaias sa templo at nakita ang Diyos na nakaupo sa trono—mataas at marangal. Natakpan ang buong templo ng Kanyang kasuotan. Sa sinaunang panahon, ipinapakita ng mga hari ang kanilang kapangyarihan sa pamamagitan ng karangyaan ng kanilang kasuotan. Ngunit ang kasuotan ng Diyos ay sobrang dakila na natakpan nito ang buong templo. 

Narinig ni Isaias ang mga makalangit na nilalang na nag-aawitan:  “Banal, Banal, Banal, ang PANGINOONG Makapangyarihan!”  Ang salitang banal dito ay tungkol sa kagandahang napakatindi, nakabibighani, at kanais-nais. Karapat-dapat ito para sa anumang halaga.  

Naghahanap tayo ng mga pagkakataong makakita ng ganitong kagan dahan sa mundo. Isipin ang Tower of London kung saan makikita ang pinakamalaking koleksyon ng mga koronang puno ng diamante. Makikita dito ang mahigit sa 23,000 na mga mamahaling bato gaya ng diamante, esmeralda, rubi na nakalagay sa mga korona, setro, alahas, at iba pa. Kahit pa sobra itong nakamamangha, hindi pa rin ito maihahambing sa ganda ng kabanalan ng Diyos. 

Ito ang unang naunawaan ni Isaias tungkol sa Diyos. Ang pangalawa ay tungkol sa kanyang sarili: “Nakakaawa ako! Tiyak na mapapaha mak ako.” Kapag nakita natin ang Diyos ng Misyon, makikita nating tayo ay kabaligtaran Niya. At ito ay nakakapanghina ng loob. 

Sa harap ng kabanalan ng Diyos, nakita ni Isaias ang lalim ng kanyang kasalanan. Hindi niya maipagtatanggol ang kanyang sarili at wala  siyang planong paunlarin ang sarili. Puro hatol lang ang inaasahan  niya. Ngunit nang idampi ng makalangit na nilalang ang nagbaba gang baga sa kanyang labi, hindi hatol kundi habag ang natanggap  niya: “Inalis na ang iyong sala. Pinatawad ka na.” Sa isang iglap, natuklasan ni Isaias na mas masama siya kaysa sa inakala niya, ngunit mas mahal siya ng Diyos kaysa sa inaasahan niya.  

Ang pagkakaunawa sa ebanghelyong ito ang bumago sa kanya. Agad siyang nagboluntaryo kahit hindi pa niya alam kung ano ang gagawin. Sinasabi ng tradisyon na naging brutal ang kanyang kamatayan— hinati ang katawan niya sa dalawa. Ngunit kapag makakatagpo natin ang Diyos ng Misyon, walang bagay na masyadong mahalaga para hindi ibigay sa Kanya. Handa tayong pumunta kahit saan, gawin ang anumang bagay, at magbayad ng anumang halaga. Ano ang humahadlang sa pagbibigay mo ng lahat-lahat para sa Dakilang Utos?

𝘒𝘢𝘳𝘢𝘨𝘥𝘢𝘨𝘢𝘯𝘨 𝘉𝘢𝘣𝘢𝘴𝘢𝘩𝘪𝘯: 𝗘𝗫𝗢𝗗𝗨𝗦 𝟯𝟰:𝟲–𝟳; 𝗘𝗭𝗘𝗞𝗜𝗘𝗟 𝟭:𝟮𝟲–𝟮𝟴; 𝗟𝗨𝗖𝗔𝗦 𝟱:𝟴–𝟭𝟬; 𝗚𝗔𝗪𝗔 𝟵:𝟯–𝟲 

𝗣𝗔𝗚-𝗜𝗦𝗜𝗣𝗔𝗡

Nakita ni Isaias ang kabanalan ng Diyos at nayanig siya sa bigat ng kanyang kasalanan. Ngunit nilinis at inatasan Siya ng Diyos. Ang tunay na pagkikita sa Diyos ay nagpapakumbaba sa atin, at kasabay nito, tayo ay ipinapadala sa iba’t ibang lugar. Paano ka inihanda ng  biyaya ng Diyos para ibahagi ang Kanyang mensahe sa iba?

𝗚𝗔𝗪𝗜𝗡

Maglaan ng oras ngayong linggo para pag-isipan ang kabanalan ng  Diyos. Hingin sa Banal na Espiritu na ipakita kung may kasalanan ka pang hindi naisusuko. Katulad ni Isaias, magsisi at tanggapin ang  Kanyang awa. Isulat ang isang hakbang na gagawin mo upang mamuhay nang mas banal.

𝗣𝗔𝗡𝗔𝗟𝗔𝗡𝗚𝗜𝗡

Panginoon, Ikaw ay mataas at marangal, nakaupo sa trono, nababalot ng karangalan. Ang buong mundo ay puno ng Iyong kaluwalhatian. Nakikita namin ang Iyong kabanalan at kami’y nanginginig. Tulad ni Isaias, nakikita namin ang aming sarili—makasalanan at walang karapatan. Hindi namin maipagtatanggol ng aming sarili. Tanging habag Mo lamang ang meron kami. Ngunit hinipo Mo ang aming labi, nilinis ang aming kasalanan, at tinawag Mo kami para pumunta sa iba’t ibang lugar. 

Dahil binago Mo ang aming puso, naririnig namin ang iyong tinig: “Sino ang aking ipadadala?” At kahit hindi namin alam ang daan na tatahakin namin, sinasabi namin, “Narito kami. Isugo Mo po kami.” Alisin Mo po ang lahat ng takot, pagdududa, at mga bagay na pumipigil sa amin.

Bigyan Mo po kami ng tapang na magsalita at kumilos para sa Iyong pangalan. Amen.