Filipino

𝗔𝗡𝗚 𝗛𝗔𝗥𝗜 𝗔𝗧 𝗧𝗔𝗚𝗔𝗣𝗔𝗚𝗟𝗜𝗚𝗧𝗔𝗦

Ang pinakamakapangyarihang Haring lahat ng nilikha ang Siya ring mapagkumbabang Tagapagligtas na tumatawag sa atin patungo sa Kanya, nagbibigay ng kapayapaan, layunin, at walang hanggang pag-asa. 

𝗕𝗔𝗦𝗔𝗛𝗜𝗡

𝘚𝘪 𝘊𝘳𝘪𝘴𝘵𝘰 𝘢𝘯𝘨 𝘭𝘢𝘳𝘢𝘸𝘢𝘯 𝘯𝘨 𝘥𝘪-𝘯𝘢𝘬𝘪𝘬𝘪𝘵𝘢𝘯𝘨 𝘋𝘪𝘰𝘴, 𝘢𝘵 𝘴𝘪𝘺𝘢 𝘢𝘯𝘨 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘭𝘢𝘩𝘢𝘵 𝘯𝘨 𝘯𝘪𝘭𝘪𝘬𝘩𝘢. 𝘚𝘢𝘱𝘢𝘨𝘬𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢, 𝘢𝘵 𝘱𝘢𝘳𝘢 𝘴𝘢 𝘬𝘢𝘯𝘺𝘢, 𝘯𝘪𝘭𝘪𝘬𝘩𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘴𝘢 𝘭𝘢𝘯𝘨𝘪𝘵 𝘢𝘵 𝘯𝘢𝘴𝘢 𝘮𝘶𝘯𝘥𝘰, 𝘢𝘯𝘨 𝘯𝘢𝘬𝘪𝘬𝘪𝘵𝘢 𝘱𝘢𝘵𝘪 𝘳𝘪𝘯 𝘢𝘯𝘨 𝘥𝘪-𝘯𝘢𝘬𝘪𝘬𝘪𝘵𝘢, 𝘬𝘢𝘵𝘶𝘭𝘢𝘥 𝘯𝘨 𝘮𝘨𝘢 𝘦𝘴𝘱𝘪𝘳𝘪𝘵𝘶𝘯𝘨 𝘯𝘢𝘨𝘩𝘢𝘩𝘢𝘳𝘪 𝘢𝘵 𝘯𝘢𝘮𝘢𝘮𝘢𝘩𝘢𝘭𝘢, 𝘮𝘨𝘢 𝘦𝘴𝘱𝘪𝘳𝘪𝘵𝘶𝘯𝘨 𝘯𝘢𝘮𝘶𝘮𝘶𝘯𝘰 𝘢𝘵 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝘉𝘢𝘨𝘰 𝘱𝘢 𝘮𝘢𝘯 𝘭𝘪𝘬𝘩𝘢𝘪𝘯 𝘢𝘯𝘨 𝘢𝘯𝘶𝘮𝘢𝘯𝘨 𝘣𝘢𝘨𝘢𝘺, 𝘯𝘢𝘳𝘰𝘰𝘯 𝘯𝘢 𝘴𝘪 𝘊𝘳𝘪𝘴𝘵𝘰, 𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢 𝘢𝘯𝘨 𝘭𝘢𝘩𝘢𝘵 𝘢𝘺 𝘯𝘢𝘯𝘢𝘯𝘢𝘵𝘪𝘭𝘪𝘯𝘨 𝘯𝘢𝘴𝘢 𝘬𝘢𝘢𝘺𝘶𝘴𝘢𝘯. 𝙎𝙞 𝘾𝙧𝙞𝙨𝙩𝙤 𝙖𝙣𝙜 𝙪𝙡𝙤 𝙣𝙜 𝙞𝙜𝙡𝙚𝙨𝙮𝙖 𝙣𝙖 𝙠𝙖𝙣𝙮𝙖𝙣𝙜 𝙠𝙖𝙩𝙖𝙬𝙖𝙣. 𝘚𝘪𝘺𝘢 𝘢𝘯𝘨 𝘱𝘪𝘯𝘢𝘨𝘮𝘶𝘭𝘢𝘯 𝘯𝘪𝘵𝘰, 𝘢𝘯𝘨 𝘶𝘯𝘢𝘯𝘨 𝘯𝘢𝘣𝘶𝘩𝘢𝘺 𝘴𝘢 𝘮𝘨𝘢 𝘱𝘢𝘵𝘢𝘺, 𝘱𝘢𝘳𝘢 𝘮𝘢𝘨𝘪𝘯𝘨 𝘱𝘪𝘯𝘢𝘬𝘢𝘥𝘢𝘬𝘪𝘭𝘢 𝘴𝘪𝘺𝘢 𝘴𝘢 𝘭𝘢𝘩𝘢𝘵. 𝘚𝘢𝘱𝘢𝘨𝘬𝘢𝘵 𝘮𝘪𝘯𝘢𝘣𝘶𝘵𝘪 𝘯𝘨 𝘋𝘪𝘰𝘴 𝘯𝘢 𝘢𝘯𝘨 𝘱𝘢𝘨𝘬𝘢-𝘋𝘪𝘰𝘴 𝘯𝘪𝘺𝘢 𝘢𝘺 𝘮𝘢𝘯𝘢𝘩𝘢𝘯 𝘯𝘢𝘯𝘨 𝘭𝘶𝘣𝘰𝘴 𝘬𝘢𝘺 𝘊𝘳𝘪𝘴𝘵𝘰, 𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘪𝘱𝘢𝘨𝘬𝘢𝘬𝘢𝘴𝘶𝘯𝘥𝘰 𝘴𝘢 𝘬𝘢𝘯𝘺𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘪𝘭𝘪𝘬𝘩𝘢 𝘴𝘢 𝘭𝘢𝘯𝘨𝘪𝘵 𝘢𝘵 𝘴𝘢 𝘮𝘶𝘯𝘥𝘰. 𝘎𝘪𝘯𝘢𝘸𝘢 𝘯𝘪𝘺𝘢 𝘪𝘵𝘰 𝙥𝙖𝙢𝙖𝙢𝙖𝙜𝙞𝙩𝙖𝙣 𝙣𝙜 𝙙𝙪𝙜𝙤 𝙣𝙞 𝘾𝙧𝙞𝙨𝙩𝙤 𝙨𝙖 𝙠𝙧𝙪𝙨. 𝗖𝗢𝗟𝗢𝗦𝗔𝗦 𝟭:𝟭𝟱–𝟮𝟬

𝗣𝗔𝗚-𝗜𝗦𝗜𝗣𝗔𝗡

Ano ang gagawin mo kung biglang kumatok sa inyong pinto ang isang kilala at makapangyarihang hari, suot ang kanyang magarang damit at korona? Papapasukin mo ba siya at ibibigay sa kanya ang buong atensyon mo? Paano kung dumating ang haring ito, ngunit nakabihis na parang isang mapagkumbabang utusan sa halip na isang makapangyarihang pinuno? Makikilala mo ba siya at papapasukin?

Inihayag ni Pablo na ang haring dumating para makasama natin ay hindi isang pangkaraniwang hari. Siya ang larawan ng di-nakikitang Diyos, at ipinapakita Niya sa sangkatauhan ang kabuuan ng likas na katangian ng Diyos. Siya ang may kapangyarihan sa lahat ng nilikha, hindi bilang isang nilikha, kundi bilang pinakamakapangyarihan sa lahat. Sa pamamagitan Niya, nabuo o umiral ang lahat ng bagay—sa langit man o sa lupa, nakikita o hindi nakikita. Sa pamamagitan niya ang lahat ay nananatiling nasa kaayusan. Siya ang naghahari sa lahat ng diyos, pilosopiya, at mga pinuno. Ang Kanyang kaluwalhatian ay walang kapantay, ang Kanyang kapangyarihan ay walang hangganan, at ang Kanyang paghahari ay buong-buo. Ang Kanyang pangalan ay Jesus, at Siya ang pinakamakapangyarihang Hari ng mga hari at Panginoon ng mga panginoon sa buong nilikha, sa lahat ng pisikal at espirituwal na mga bagay.

Ibinigay ni Pablo ang isang kamangha-manghang larawan ng kadakilaan at paghahari ni Jesu-Cristo, hindi para malula tayo sa Kanyang kapangyarihan, kundi upang akayin tayo tungo sa pagkakaroon ng mas malalim na pagkaunawa sa lawak ng Kanyang pagmamahal sa atin. Ipinaliwanag niya na ang dakilang Diyos—ang Lumikha at nagpapanatili ng buong sanlibutan—ay nagpakumbaba at namuhay kasama ng mga tao. Bumaba Siya sa mundo na Kanyang nilikha, nagkatawang-tao, at pinagtiisan ang isang napakasakit na uri ng kamatayan para pagbayaran ang mga kasalanan ng mismong mga taong tumanggi sa Kanya. Ang Kanyang sakripisyo sa krus ang pinakaganap na pagpapakita ng Kanyang pagmamahal at biyaya. Ibinigay Niya ang Kanyang buhay upang maibalik tayo sa Kanya at maitama ang nawasak na relasyon natin sa Kanya na bunga ng ating mga kasalanan. Ang pinakamakapangyarihang Hari ng lahat ng nilikha ang Siya ring mapagkumbabang Tagapagligtas na tumatawag sa atin patungo sa Kanya, nagbibigay ng kapayapaan, layunin, at walang hanggang pag-asa. 

Para sa ganitong kamangha-manghang pagmamahal, pagsamba ang tanging nararapat na tugon. Wala nang iba pang mas nararapat para sa Kanya kundi ang ating buong pusong pagsuko. Ibig sabihin nito ay maliban sa Kanya, dapat nating talikuran ang anumang bagay na inaasahan natin para makahanap ng seguridad at pag-asa. Si Jesus ay sapat na. Ang buong debosyon, tiwala, at katapatan natin ay tanging nasa Kanya lamang. 

Siya man ay nakabihis bilang isang makapangyarihang Hari o bilang isang mapagkumbabang tagapaglingkod, hawak ni Jesus ang lahat ng kapangyarihan at awtoridad. Kapag hinayaan natin Siyang pumasok at maghari sa atin, mararanasan natin ang kapangyarihan Niya na nagdadala ng pagbabago sa ating mga buhay. 

𝗧𝗨𝗠𝗨𝗚𝗢𝗡

• Si Jesus ang nag-iisa at pinakamakapangyarihang Panginoon ng lahat ng nilikha, ngunit madalas ay nakatuon tayo sa ibang mga bagay. Nasaan ang iyong debosyon? Paano ka lumalapit kay Jesus para sa iyong layunin, pag-asa, o seguridad? Ano ang kailangan mong isuko para maibigay ang iyong buong katapatan sa Kanya? 

• Si Jesus ay nararapat tumanggap ng ating pagsamba at papuri. Paano mo ipinapakita ang iyong pagsamba sa Kanya sa araw-araw mong pamumuhay? Bilang tugon sa Kanyang pagmamahal, paano ka magiging mas masigasig sa pagsamba sa Kanya araw-araw? 

• Sa mga panahon ng kahirapan, nakatutok ka ba sa iyong kalagayan o kay Jesus, na nagtiis sa krus para sa iyong kapakanan? Paano mapapalakas ng Kanyang sakripisyo ang iyong determinasyon na magpatuloy, lalo na kapag nararamdaman mong gusto mo nang sumuko? 

𝗣𝗔𝗡𝗔𝗟𝗔𝗡𝗚𝗜𝗡

Panginoong Jesus, Ikaw ang larawan ng Diyos, ang Hari ng lahat, ngunit Ikaw po ay nagpakumbaba upang mamuhay kasama namin at mamatay para sa amin. Patawarin Mo po ako sa pagbibigay ko ng tiwala sa mga pamamaraan ng mundo at sa pag-asa ko sa mga bagay o tao maliban po sa Iyo. Isinusuko ko ang mga bagay na ito at ibinibigay ko po sa Iyo ang aking buong katapatan. Tulungan Mo po akong maalala kung sino Ka, anuman ang kalagayan ko, at ipakita Mo po sa akin kung ano ang kailangan kong ilapag sa Iyong harapan, upang patuloy na sumunod sa Iyo. Sa mga panahon ng kahirapan, tulungan Mo po akong magtiwala sa Iyo, at humugot ng lakas mula po sa Iyong sakripisyo. Nawa’y makita sa buhay ko ang Iyo pong kadakilaan, pagmamahal, at biyaya habang ako’y sumasamba sa Iyo at nagpapasakop sa Iyong kalooban. Amen.