Filipino

𝗔𝗡𝗚 𝗠𝗘𝗡𝗦𝗔𝗛𝗘

Kapag nakatuon tayo sa mga biyaya natin kay Cristo kaysa sa ating mga pagsubok, hindi tayo madaling matitinag o mawawalan ng pag-asa. 

𝗕𝗔𝗦𝗔𝗛𝗜𝗡

𝘕𝘢𝘪𝘴 𝘯𝘨 𝘋𝘪𝘰𝘴 𝘯𝘢 𝘪𝘩𝘢𝘺𝘢𝘨 𝘴𝘢 𝘢𝘵𝘪𝘯 𝙖𝙣𝙜 𝙙𝙖𝙠𝙞𝙡𝙖 𝙖𝙩 𝙠𝙖𝙢𝙖𝙣𝙜𝙝𝙖-𝙢𝙖𝙣𝙜𝙝𝙖 𝙣𝙞𝙮𝙖𝙣𝙜 𝙥𝙡𝙖𝙣𝙤 𝙥𝙖𝙧𝙖 𝙨𝙖 𝙡𝙖𝙝𝙖𝙩 𝙣𝙜 𝙩𝙖𝙤. 𝘼𝙩 𝙞𝙩𝙤 𝙖𝙣𝙜 𝙡𝙞𝙝𝙞𝙢 𝙣𝙖 𝙥𝙡𝙖𝙣𝙤: 𝙎𝙞 𝘾𝙧𝙞𝙨𝙩𝙤 𝙖𝙮 𝙨𝙪𝙢𝙖𝙨𝙖𝙞𝙣𝙮𝙤 𝙖𝙩 𝙞𝙩𝙤 𝙖𝙣𝙜 𝙗𝙖𝙨𝙚𝙝𝙖𝙣 𝙣𝙜 𝙥𝙖𝙜-𝙖𝙨𝙖 𝙣𝙞𝙣𝙮𝙤 𝘯𝘢 𝘪𝘯𝘺𝘰𝘯𝘨 𝘮𝘢𝘬𝘢𝘬𝘢𝘮𝘵𝘢𝘯 𝘢𝘯𝘨 𝘯𝘢𝘱𝘢𝘬𝘢𝘣𝘶𝘵𝘪𝘯𝘨 𝘬𝘢𝘭𝘢𝘨𝘢𝘺𝘢𝘯 𝘴𝘢 𝘩𝘪𝘯𝘢𝘩𝘢𝘳𝘢𝘱. 𝘒𝘢𝘺𝘢 𝘯𝘨𝘢 𝘪𝘱𝘪𝘯𝘢𝘯𝘨𝘢𝘯𝘨𝘢𝘳𝘢𝘭 𝘯𝘢𝘮𝘪𝘯 𝘴𝘪 𝘊𝘳𝘪𝘴𝘵𝘰 𝘴𝘢 𝘭𝘢𝘩𝘢𝘵 𝘯𝘨 𝘵𝘢𝘰. 𝘗𝘪𝘯𝘢𝘱𝘢𝘢𝘭𝘢𝘭𝘢𝘩𝘢𝘯𝘢𝘯 𝘢𝘵 𝘵𝘪𝘯𝘶𝘵𝘶𝘳𝘶𝘢𝘯 𝘯𝘢𝘮𝘪𝘯 𝘢𝘯𝘨 𝘣𝘢𝘸𝘢𝘵 𝘪𝘴𝘢 𝘢𝘺𝘰𝘯 𝘴𝘢 𝘬𝘢𝘳𝘶𝘯𝘶𝘯𝘨𝘢𝘯𝘨 𝘪𝘣𝘪𝘯𝘪𝘨𝘢𝘺 𝘴𝘢 𝘢𝘮𝘪𝘯 𝘯𝘨 𝘋𝘪𝘰𝘴. . . 𝗖𝗢𝗟𝗢𝗦𝗔𝗦 𝟭:𝟮𝟳–𝟮𝟴

Basahin din ang: 𝗘𝗙𝗘𝗦𝗢 𝟭:𝟳; 𝟯:𝟭𝟲; 𝗙𝗜𝗟𝗜𝗣𝗢𝗦 𝟰:𝟭𝟵  

𝗣𝗔𝗚-𝗜𝗦𝗜𝗣𝗔𝗡

Habang patuloy na tinutupad ni Pablo ang kanyang tawag kay Cristo bilang ministro para sa mga hindi Judio, inilalarawan niya ang mga yaman ng kaluwalhatian ng misteryong ito. Ang misteryong ito ay ang ebanghelyo ng Panginoong Jesu-Cristo, na siyang ulo ng Iglesya at ang ating pag-asa ng kaluwalhatian. Tungkol ito sa ating hinaharap na pag-asa, muling pagkabuhay, at kaluwalhatian. 

Madalas banggitin sa Bagong Tipan ang tungkol sa 𝘥𝘢𝘬𝘪𝘭𝘢 𝘢𝘵 𝘬𝘢𝘮𝘢𝘯𝘨𝘩𝘢-𝘮𝘢𝘯𝘨𝘩𝘢 𝘯𝘪𝘺𝘢𝘯𝘨 𝘱𝘭𝘢𝘯𝘰, 𝘢𝘵 𝘯𝘢𝘱𝘢𝘬𝘢𝘣𝘶𝘵𝘪𝘯𝘨 𝘬𝘢𝘭𝘢𝘨𝘢𝘺𝘢𝘯 𝘴𝘢 𝘩𝘪𝘯𝘢𝘩𝘢𝘳𝘢𝘱. Ang ibig sabihin nito ay ang kasaganaan ng mga biyayang mayroon tayo sa Diyos. Kay Cristo, mayroon tayong pagtubos, kapatawaran (Efeso 1:7), lakas (Efeso 3:16), at kasagutan sa ating mga pangangailangan (Filipos 4:19). At marami pang iba!

Ang pag-asa natin kay Cristo at ang mga yaman ng kaluwalhatian ng ebanghelyo ay kabaligtaran ng kalungkutan at kakulangan sa ating mundo ngayon. Kapag tumitingin tayo sa ating mga gadget, madalas tayong malungkot, madismaya, o mag-alala. Nangyayari ito kapag nalalaman natin ang mga kaganapan sa mundo o kapag naiinggit tayo sa ginagawa ng iba. Pero kung naniniwala tayo sa pag-asa ng kaluwalhatian kay Cristo, may sagot tayo sa lahat ng ito.

Ang kaluwalhatian ng Diyos ay may kinalaman sa halaga o bigat ng Kanyang presensya sa ating buhay. Kapag mas nakikilala natin ang kaluwalhatian ng Diyos, mas nagiging mas mahalaga Siya sa atin kaysa sa ating mga pansamantalang problema o alalahanin. Kapag nakatuon tayo sa mga biyaya natin kay Cristo kaysa sa ating mga pagsubok, hindi tayo madaling matitinag o mawawalan ng pag-asa. Mananatili tayong matatag kay Cristo.

Sinabi ni Pablo na pinili ng Diyos na ipakita sa mga banal kung gaano kalaki ang mga yaman ng kaluwalhatian ng misteryong ito sa mga hindi Judio. Kaya’t dapat din nating ipahayag ang mensaheng ito sa iba. Makikita ito sa buhay ng mga naniniwala kay Jesus.

Bilang mga mananampalataya ngayon, nawa’y magsilbing patotoo ng mensahe ng ebang helyo ang ating mga buhay. Nawa’y maging totoo ito sa atin araw-araw at patuloy tayong magbago dahil dito. Nawa’y makita si Jesu-Cristo, ang pag-asa ng kaluwalhatian, sa lahat ng ating ginagawa at sa ating buhay. Ipagdiwang natin ang pag-asa na ito sa lahat ng aspeto ng ating buhay.

𝗧𝗨𝗠𝗨𝗚𝗢𝗡

• Kailan mo unang narinig ang ebanghelyo? Paano nito binago ang buhay mo? Isipin ang isang pagbabago sa iyong buhay na hindi maipapaliwanag ng iyong pamilya o mga kaibigan nang hindi tinutukoy na ito ay gawa ng Diyos.

• Paano makakatulong sa buhay mo ngayon at sa araw-araw ang katotohanang si Jesus ang pag-asa ng kaluwalhatian?

• Mayroon bang mga humahadlang sa iyo para maging saksi ni Cristo? Hilingin sa Diyos na bigyan ka ng lakas ng loob at kagustuhang hayaan Siya na baguhin ka para maipahayag mo ang ebanghelyo sa mga tao sa iyong paligid. 

𝗣𝗔𝗡𝗔𝗟𝗔𝗡𝗚𝗜𝗡

Ama naming Diyos,

Salamat po sa pagpapakilala Ninyo sa amin kay Cristo. Siya ang aming pag-asa ng kaluwalhatian. Salamat po sa mga biyaya Niya na nararanasan namin araw-araw. Nawa’y manatili kami kay Cristo sa lahat ng pagkakataon. Nawa’y maipahayag namin Siya sa aming mga salita at buhay.

Sa pangalan ni Jesus, amen.