Filipino

𝗔𝗡𝗚 𝗞𝗔𝗣𝗔𝗡𝗚𝗬𝗔𝗥𝗜𝗛𝗔𝗡

Ang tunay na tagumpay sa buhay at ministeryo ay hindi nagmumula sa ating sariling pagsisikap, kundi sa kapangyarihan ng Diyos na malakas na kumikilos sa buhay natin.

𝗕𝗔𝗦𝗔𝗛𝗜𝗡

𝘈𝘵 𝘱𝘢𝘳𝘢 𝘮𝘢𝘵𝘶𝘱𝘢𝘥 𝘪𝘵𝘰, 𝘯𝘢𝘨𝘱𝘢𝘱𝘢𝘬𝘢𝘩𝘪𝘳𝘢𝘱 𝘢𝘬𝘰 𝙨𝙖 𝙥𝙖𝙢𝙖𝙢𝙖𝙜𝙞𝙩𝙖𝙣 𝙣𝙜 𝙠𝙖𝙥𝙖𝙣𝙜𝙮𝙖𝙧𝙞𝙝𝙖𝙣 𝙣𝙞 𝘾𝙧𝙞𝙨𝙩𝙤 𝙣𝙖 𝙣𝙖𝙜𝙥𝙖𝙥𝙖𝙡𝙖𝙠𝙖𝙨 𝙨𝙖 𝙖𝙠𝙞𝙣. 𝗖𝗢𝗟𝗢𝗦𝗔𝗦 𝟭:𝟮𝟵

Basahin din ang: 𝗟𝗨𝗖𝗔𝗦 𝟱:𝟱–𝟭𝟭; 𝟭 𝗖𝗢𝗥𝗜𝗡𝗧𝗢 𝟭𝟱:𝟭𝟬; 𝗖𝗢𝗟𝗢𝗦𝗔𝗦 𝟭:𝟯–𝟭𝟰; 𝟭 𝗧𝗜𝗠𝗢𝗧𝗘𝗢 𝟭:𝟭𝟮 

𝗣𝗔𝗚-𝗜𝗦𝗜𝗣𝗔𝗡

Sa Colosas 1:29, ipinakita ni apostol Pablo ang ugnayan ng banal na kapangyarihan at pagsisikap ng tao sa buhay Kristiyano. Ipinapakita ng buhay ni Pablo ang tila nagbabang gaang kaisipan tungkol sa pagsusumikap sa pagmiministeryo: habang mas nagpapakahirap siya, mas lalo siyang umaasa sa pambihirang lakas ng Diyos.

Ginamit ni Pablo ang salitang nagpapakahirap na nagpapakita ng matinding pagsusumikap, tulad ng isang atleta na nakikipaglaban sa karera. Ang ganitong klaseng pagsusumikap ay ganap na aktibo; nangangailangan ito ng atensyon, disiplina, at pagtitiyaga. Pero nilinaw ni Pablo na ang lakas sa likod ng kanyang pagpapakahirap ay hindi nagmumula sa kanya kundi mula sa banal na kapangyarihan ng Diyos na nagtatagumpay laban sa lahat ng mga hadlang. 

Binibigyang-diin ni Pablo na ang tagumpay niya sa pagpapahayag ng ebanghelyo sa mga hindi mananampalataya at ang pagpapakita ng mga mananampalataya bilang ganap kay Cristo ay hindi dahil sa kanyang lahi, determinasyon, o mga talento, kundi dahil sa kapangyarihan ng Diyos. Ang katotohanang ito ay tugma sa realidad na gaano man ka disiplinado, hindi sapat ang lakas ng tao para sa espirituwal na gawain ng pagbabago. Kapag nagtangka ang mga mananampalataya na magsilbi sa Diyos gamit lamang ang kanilang sariling lakas, tiyak na makakaranas sila ng pagkabigo, pagkapagod, at kawalan ng espirituwal na bunga. 

Ang isang magandang halimbawa ng katotohanang ito ay matatagpuan sa Lucas 5, sa karanasan ng mga disipulo ni Jesus. Si Pedro, isang bihasang mangingisda, ay buong magdamag na hindi nakahuli ng isda. Nang inutusan siya ni Jesus na maghagis muli ng kanyang lambat, sumagot si Pedro, “𝘎𝘶𝘳𝘰, 𝘮𝘢𝘨𝘥𝘢𝘮𝘢𝘨 𝘱𝘰 𝘬𝘢𝘮𝘪𝘯𝘨 𝘯𝘢𝘯𝘨𝘪𝘴𝘥𝘢 𝘱𝘦𝘳𝘰 𝘸𝘢𝘭𝘢 𝘬𝘢𝘮𝘪𝘯𝘨 𝘯𝘢𝘩𝘶𝘭𝘪. 𝘗𝘦𝘳𝘰 𝘥𝘢𝘩𝘪𝘭 𝘴𝘪𝘯𝘢𝘣𝘪 𝘯𝘪𝘯𝘺𝘰, 𝘪𝘩𝘶𝘩𝘶𝘭𝘰𝘨 𝘬𝘰 𝘶𝘭𝘪𝘵 𝘢𝘯𝘨 𝘭𝘢𝘮𝘣𝘢𝘵.” Ang resulta? Isang milagrosong huli ng isda na sobrang dami at halos mapunit na ang kanilang mga lambat! 

Ang kaibahan ng nabigong pagsusumikap ni Pedro at ng kanyang pambihirang tagumpay ay bunga ng isang mahalagang bagay: ang pagsunod kay Cristo habang umaasa sa Kanyang kapangyarihan. Tulad ni Pedro, madali tayong mahulog sa patibong ng pagsusumikap gamit ang ating sariling lakas, na nagdudulot lamang ng pagod, sama ng loob, at kabiguan. Minsan, sa ating araw-araw na gawain, buhay-pamilya, o ministeryo, maaari tayong mawalan ng pag-asa dahil sa bigat ng mga dapat gawin o sa maliliit na resulta. Ngunit habang nagsusumikap tayo sa Panginoon, binibigyan tayo ng Kanyang banal na kapangyarihan ng lakas na nagbibigay sa atin ng kakayahan upang magawa ang mga bagay na hindi kaya ng sarili nating lakas at pagsusumikap. 

Itinuturo sa atin nito ang isang mahalagang prinsipyo: Kumikilos ang Diyos hindi sa halip natin, kundi sa pamamagitan natin. Ang Kanyang Espiritu ang nagbibigay sa atin ng lakas, gumagabay at nagpapatatag sa atin. Kapag iniaayon natin ang ating mga pagsusumikap sa Kanyang mga layunin, mararanasan natin ang Kanyang kapangyarihan sa mga paraang hindi natin kayang gawin nang mag-isa. Ang tunay na tagumpay sa buhay at ministeryo ay hindi nagmumula sa ating sariling pagsisikap, kundi sa kapangyarihan ng Diyos na malakas na kumikilos sa buhay natin. 

𝗧𝗨𝗠𝗨𝗚𝗢𝗡

• Paano ka makakaasa sa kapangyarihan ng Diyos para tuparin ang mga gawaing inaasahan Niyang magagawa mo?

• Tukuyin ang mga personal na hamon na maaaring magpahirap o maglimita sa iyong pagsunod sa Dakilang Utos. Paano ka maaaring umasa sa kapangyarihan ng Diyos upang malampasan ang mga ito? 

• Maglista ng tatlong tao na pwede mong bahaginan ng iyong patotoo at ng ebanghelyo. Hilingin sa Banal na Espiritu na buksan ang kanilang mga puso at bigyan ka ng tapang at karunungan sa pakikipag-usap mo sa kanila ngayong linggo. 

𝗣𝗔𝗡𝗔𝗟𝗔𝗡𝗚𝗜𝗡

Ama naming Diyos, Punuin Mo po ng espirituwal na karunungan at pag-unawa ang puso at isipan ko upang malaman ko ang Iyong kalooban. Tulungan Mo po akong mamuhay nang karapat-dapat sa Iyo bilang aking Panginoon at magbigay luwalhati sa Iyo sa lahat ng aking ginagawa. Banal na Espiritu, bigyan Mo po ako ng kakayahang maging mabunga sa pagpapahayag ko ng ebanghelyo at pagdidisipulo sa lugar na itinakda Mo para sa akin. Panginoong Jesus, Ikaw ang nangunguna sa buhay ko. Amen.