Pagkasapat ng Salita ng Diyos

𝗪𝗔𝗥𝗠 𝗨𝗣

• Magkwento tungkol sa panahong may nangyari na hindi mo inaasahan na nagpasaya o nagpalakas ng loob mo sa gitna ng isang mahirap na sitwasyon? Ano ang nangyari?

• Ano ang nagbibigay ng tunay na kagalakan sa puso mo? Hindi lang ‘yung panandaliang saya, kundi yung mas malalim pa?

• Paano mo pinapanatiling matatag ang puso at isipan mo kapag parang magulo o pabago-bago ang lahat ng nasa paligid mo?

𝗪𝗢𝗥𝗗

𝘈𝘯𝘨 𝘬𝘢𝘶𝘵𝘶𝘴𝘢𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘸𝘢𝘭𝘢𝘯𝘨 𝘬𝘢𝘮𝘢𝘭𝘪𝘢𝘯. 𝘐𝘵𝘰ʼ𝘺 𝘯𝘢𝘨𝘣𝘪𝘣𝘪𝘨𝘢𝘺 𝘴𝘢 𝘢𝘵𝘪𝘯 𝘯𝘨 𝘣𝘢𝘨𝘰𝘯𝘨 𝘬𝘢𝘭𝘢𝘬𝘢𝘴𝘢𝘯. 𝘈𝘯𝘨 𝘮𝘨𝘢 𝘵𝘶𝘳𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘮𝘢𝘱𝘢𝘨𝘬𝘢𝘬𝘢𝘵𝘪𝘸𝘢𝘭𝘢𝘢𝘯, 𝘢𝘵 𝘯𝘢𝘨𝘣𝘪𝘣𝘪𝘨𝘢𝘺 𝘬𝘢𝘳𝘶𝘯𝘶𝘯𝘨𝘢𝘯 𝘴𝘢 𝘮𝘨𝘢 𝘸𝘢𝘭𝘢𝘯𝘨 𝘬𝘢𝘢𝘭𝘢𝘮𝘢𝘯. 𝘈𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘵𝘢𝘮𝘢 𝘢𝘵 𝘴𝘢 𝘱𝘶𝘴𝘰ʼ𝘺 𝘯𝘢𝘨𝘣𝘪𝘣𝘪𝘨𝘢𝘺 𝘬𝘢𝘨𝘢𝘭𝘢𝘬𝘢𝘯. 𝘈𝘯𝘨 𝘮𝘨𝘢 𝘶𝘵𝘰𝘴 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘢𝘺 𝘮𝘢𝘭𝘪𝘯𝘢𝘸 𝘢𝘵 𝘯𝘢𝘨𝘣𝘪𝘣𝘪𝘨𝘢𝘺 𝘭𝘪𝘸𝘢𝘯𝘢𝘨 𝘴𝘢 𝘬𝘢𝘪𝘴𝘪𝘱𝘢𝘯. 𝗦𝗔𝗟𝗠𝗢 𝟭𝟵:𝟳–𝟴

Sa isang mundo na puno ng ingay, opinyon, at walang tigil na pagbabago, ang salita ng Diyos ay matatag at ito lang talaga ang kailangan natin. Ang Kanyang salita ay 𝘸𝘢𝘭𝘢𝘯𝘨 𝘬𝘢𝘮𝘢𝘭𝘪𝘢𝘯—nagbibigay ng bagong kalakasan, nagbibigay ng karunungan sa mga simpleng tao, nagdadala ng kagalakan sa puso, at nagpapakita ng katotohanan. Hindi ito kulang o lipas na. Ang Salita ng Diyos ay kumpleto at mapagkakatiwalaan. Hindi na natin kailangang hanapin sa iba ang kahulugan, direksyon, o pag-asa dahil sapat na ang Kanyang salita para tayo’y gabayan, patatagin, at bigyan ng buhay. Tingnan natin kung paano naging sapat ang salita ng Diyos sa ating araw-araw na pamumuhay.

𝟭. 𝗔𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝗻𝗴 𝗯𝗮𝗴𝗼𝗻𝗴 𝗹𝗮𝗸𝗮𝘀 𝘀𝗮 𝗮𝘁𝗶𝗻𝗴 𝗸𝗮𝗹𝘂𝗹𝘂𝘄𝗮.

𝘈𝘯𝘨 𝘬𝘢𝘶𝘵𝘶𝘴𝘢𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘸𝘢𝘭𝘢𝘯𝘨 𝘬𝘢𝘮𝘢𝘭𝘪𝘢𝘯. 𝘐𝘵𝘰ʼ𝘺 𝙣𝙖𝙜𝙗𝙞𝙗𝙞𝙜𝙖𝙮 𝙨𝙖 𝙖𝙩𝙞𝙣 𝙣𝙜 𝙗𝙖𝙜𝙤𝙣𝙜 𝙠𝙖𝙡𝙖𝙠𝙖𝙨𝙖𝙣. . . . 𝗦𝗔𝗟𝗠𝗢 𝟭𝟵:𝟳

May mga panahong parang ubos na ubos na tayo. Minsan dahil sa pagod, kabiguan, o pakiramdam na wala tayong halaga, parang tuyot at pagod ang ating kalooban. Paalala ng salmista na ang salita ng Diyos ay hindi lang basta payo o inspirasyon—ito ay nagbibigay-buhay. Kapag tayo’y pinanghihinaan o pakiramdam natin ay walang-wala na tayong maibibigay, ang Banal na Kasulatan ang nagbibigay ng pag-asa at lakas. Sa mga oras ng kahinaan, maaasahan natin ang salita ng Diyos, dahil nakaugat ito sa kung sino Siya, at hindi Siya nagbabago. Ano ang pangakong ibinibigay ng Isaias 40:29–31 para sa mga nagtitiwala sa Diyos?

𝟮. 𝗔𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝗻𝗴 𝗸𝗮𝗿𝘂𝗻𝘂𝗻𝗴𝗮𝗻.

𝘈𝘯𝘨 𝘮𝘨𝘢 𝘵𝘶𝘳𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘮𝘢𝘱𝘢𝘨𝘬𝘢𝘬𝘢𝘵𝘪𝘸𝘢𝘭𝘢𝘢𝘯, 𝘢𝘵 𝙣𝙖𝙜𝙗𝙞𝙗𝙞𝙜𝙖𝙮 𝙠𝙖𝙧𝙪𝙣𝙪𝙣𝙜𝙖𝙣 𝙨𝙖 𝙢𝙜𝙖 𝙬𝙖𝙡𝙖𝙣𝙜 𝙠𝙖𝙖𝙡𝙖𝙢𝙖𝙣. 𝗦𝗔𝗟𝗠𝗢 𝟭𝟵:𝟳

Gusto nating lahat ng matalinong pamumuhay at tamang desisyon, pero hindi laging madaling malaman kung ano ang tama. Ang salita ng Diyos ang nagbibigay ng karunungan na kailangan natin sa pamamagitan ng pagtuturo kung paano mamuhay nang kalugod-lugod sa Kanya. Tinutulungan tayo na gumawa ng mga desisyong batay sa katotohanan, hindi lang sa nararamdaman o opinyon ng iba. Ang tunay na karunungan ay hindi ‘yung alam natin ang lahat, kundi ‘yung natututo tayong magtiwala at sumunod sa paggabay sa atin ng Diyos. Paano ka nabigyan ng karunungan habang binabasa mo ang salita ng Diyos? Paano ito nakaapekto sa buhay mo?

𝟯. 𝗔𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝗻𝗴 𝗸𝗮𝗴𝗮𝗹𝗮𝗸𝗮𝗻 𝘀𝗮 𝗮𝘁𝗶𝗻𝗴 𝗽𝘂𝘀𝗼.

𝘈𝘯𝘨 𝘮𝘨𝘢 𝘵𝘶𝘯𝘵𝘶𝘯𝘪𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘵𝘢𝘮𝘢 𝘢𝘵 𝙨𝙖 𝙥𝙪𝙨𝙤ʼ𝙮 𝙣𝙖𝙜𝙗𝙞𝙗𝙞𝙜𝙖𝙮 𝙠𝙖𝙜𝙖𝙡𝙖𝙠𝙖𝙣 . . . 𝗦𝗔𝗟𝗠𝗢 𝟭𝟵:𝟴

May kagalakang dala ang pagkakilala at pagsunod sa Diyos—at ang Kanyang salita ang nagdadala sa ‘tin dito. Sa pagbabasa natin ng Kanyang salita, nakikita natin ang Kanyang kabutihan, katapatan, at mga pagpapala at napupuno ang puso natin ng totoong kagalakan. Ang mga utos Niya ay tama at mabuti, at hindi sila pabigat, inaakay tayo tungo sa masayang buhay. Paano mo naranasan ang kagalakang dala ng Salita ng Diyos kahit pa mahirap ang sitwasyon?

𝟰. 𝗔𝗻𝗴 𝗦𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝗹𝗶𝘄𝗮𝗻𝗮𝗴 𝘀𝗮 𝗮𝘁𝗶𝗻𝗴 𝗸𝗮𝗶𝘀𝗶𝗽𝗮𝗻.

𝘈𝘯𝘨 𝘮𝘨𝘢 𝘶𝘵𝘰𝘴 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘺 𝘮𝘢𝘭𝘪𝘯𝘢𝘸 𝘢𝘵 𝙣𝙖𝙜𝙗𝙞𝙗𝙞𝙜𝙖𝙮 𝙡𝙞𝙬𝙖𝙣𝙖𝙜 𝙨𝙖 𝙠𝙖𝙞𝙨𝙞𝙥𝙖𝙣. . 𝗦𝗔𝗟𝗠𝗢 𝟭𝟵:𝟴

Tinutulungan tayo ng salita ng Diyos na makakita nang malinaw. Sa mundong puno ng kalituhan at iba-ibang opinyon, ang Banal na Kasulatan ang nagsisilbing gabay para makita natin ang tama. Binabago nito kung paano natin tinitingnan ang buhay, ang ibang tao, ang layunin natin, at ang katotohanan. Habang binabasa natin ang Salita ng Diyos, unti-unti nating nakikita ang mundo sa paraan na gusto Niya—may linaw, karunungan, at malasakit. Mas nauunawaan natin ang Kanyang kalooban, ginagawang pagliligtas, at mga plano. Tinuturuan din tayo nitong harapin ang mga nangyayari sa paligid, hindi sa takot o galit, kundi sa pananampalataya. Paano binago ng salita ng Diyos ang pananaw mo sa ibang tao o ang mga pangyayari sa paligid mo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Sa anong bahagi ng buhay mo nararamdaman na tinatawag ka ng Diyos na sumunod sa Kanya ngayon? Paano pinapagtibay ng salita ng Diyos ang katotohanan na ang pagsunod sa Kanya ang pinakamabuting gawin?

• Paano mo mapupuno ang araw mo ng mga paalala tungkol sa katotohanan ng Diyos? Hilingin sa Diyos na ipakita sa ’yo kung bakit sapat ang Kanyang salita para sa lahat ng kailangan mo sa panahong ito.

• Paano ka mamumuhay nang naka-ugat sa salita ng Diyos para ang mga tao sa paligid ay maakay mo na lumapit sa pag-asa, karunungan, at kagalakan na matatagpuan sa Kanyang salita?

𝗣𝗥𝗔𝗬𝗘𝗥

• Pasalamatan ang Diyos sa pagbibigay Niya ng Kanyang Salita na sapat para sa ating araw-araw na buhay. Hilingin sa Diyos na tulungan kang makita ang mundo ayon sa Kanyang karunungan at pananaw.

• Ipanalangin na punuin ka Niya ng Kanyang presensya at lakas habang araw-araw mong binabasa at pinanghahawakan ang Kanyang salita. Hilingin rin na huwag kang mapalayo sa Kanya, lalo na kapag ikaw ay pinanghihinaan ng loob.

• Humingi sa Diyos ng mga pagkakataon na maging ilaw sa iyong komunidad. Idalangin na ang Kanyang salita ay patuloy na umapaw sa puso mo para maging daluyan ka ng buhay, kagalakan, at karunungan sa mga tao sa paligid mo.