Ang Kalakasan na Magtiwala sa Diyos Dahil Laging may Katuturan ang Pananalig sa Kanya

𝗪𝗔𝗥𝗠 𝗨𝗣

• Tukuyin ang isang ginagawa mo o nakasanayang gawin dahil ginagawa rin ito ng iba o naipasa ʼto sa ʼyo ng ibang tao. Ano ang kahalagahan nito para sa ʼyo?

• Masasabi mo ba na magaling kang sumunod sa mga tagubilin? Bakit oo o bakit hindi?

• Nautusan ka na bang gawin ang isang bagay na hindi mo maintindihan kung bakit ipinapagawa sa ʼyo? Ginawa mo pa rin ba ʼto? Bakit?

𝗪𝗢𝗥𝗗

𝘚𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘬𝘢𝘺 𝘑𝘰𝘴𝘶𝘦, “𝘐𝘱𝘢𝘱𝘢𝘴𝘢𝘬𝘰𝘱 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘑𝘦𝘳𝘪𝘤𝘰 𝘱𝘢𝘵𝘪 𝘢𝘯𝘨 𝘩𝘢𝘳𝘪 𝘢𝘵 𝘮𝘨𝘢 𝘴𝘶𝘯𝘥𝘢𝘭𝘰 𝘯𝘪𝘵𝘰. 𝘐𝘬𝘢𝘸 𝘢𝘵 𝘢𝘯𝘨 𝘮𝘨𝘢 𝘴𝘶𝘯𝘥𝘢𝘭𝘰 𝘮𝘰 𝘢𝘺 𝘪𝘪𝘬𝘰𝘵 𝘴𝘢 𝘭𝘶𝘯𝘨𝘴𝘰𝘥 𝘯𝘨 𝘪𝘴𝘢𝘯𝘨 𝘣𝘦𝘴𝘦𝘴 𝘴𝘢 𝘣𝘢𝘸𝘢𝘵 𝘢𝘳𝘢𝘸, 𝘴𝘢 𝘭𝘰𝘰𝘣 𝘯𝘨 𝘢𝘯𝘪𝘮 𝘯𝘢 𝘢𝘳𝘢𝘸.” 𝗝𝗢𝗦𝗨𝗘 𝟲:𝟮–𝟯

(Basahin din: 𝗝𝗢𝗦𝗨𝗘 𝟲:𝟭, 𝟰–𝟮𝟳.)

Hinarap ng mga Israelita ang isang totoong pader na naging hadlang sa kanilang pag-usad. Binigyan sila ng Diyos ng mga tagubilin na sa pang-unawa ng tao ay walang katuturan. Maraming kwento sa Bibliya kung saan nagbigay ang Diyos ng mga utos at tuntunin na hindi kayang intindihin ng limitadong pang-unawa ng tao. Sa limitadong nating pag-iisip, ang mga ito ay pwedeng tila walang saysay. Pero dito lumalabas ang kakaibang pananampalataya at mas nakikita natin kung sino ang Diyos at kung ano ang Kanyang kakayanan. Titingnan natin ngayon ang mga katotohanan na makakatulong sa atin na maging malakas ang loob at magtiwala sa Diyos kahit na hindi natin naiintindihan ang Kanyang mga utos o pamamaraan.

𝟭. 𝗔𝗻𝗴 𝗽𝗮𝗺𝗮𝗺𝗮𝗿𝗮𝗮𝗻 𝗻𝗴 𝗗𝗶𝘆𝗼𝘀 𝗮𝘆 𝗺𝗮𝗹𝗮𝘆𝗼 𝘀𝗮 𝗮𝘁𝗶𝗻𝗴 𝗽𝗮𝗺𝗮𝗺𝗮𝗿𝗮𝗮𝗻.

𝘚𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘬𝘢𝘺 𝘑𝘰𝘴𝘶𝘦, “𝘐𝘱𝘢𝘱𝘢𝘴𝘢𝘬𝘰𝘱 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘑𝘦𝘳𝘪𝘤𝘰 𝘱𝘢𝘵𝘪 𝘢𝘯𝘨 𝘩𝘢𝘳𝘪 𝘢𝘵 𝘮𝘨𝘢 𝘴𝘶𝘯𝘥𝘢𝘭𝘰 𝘯𝘪𝘵𝘰. 𝘐𝘬𝘢𝘸 𝘢𝘵 𝘢𝘯𝘨 𝘮𝘨𝘢 𝘴𝘶𝘯𝘥𝘢𝘭𝘰 𝘮𝘰 𝘢𝘺 𝘪𝘪𝘬𝘰𝘵 𝘴𝘢 𝘭𝘶𝘯𝘨𝘴𝘰𝘥 𝘯𝘨 𝘪𝘴𝘢𝘯𝘨 𝘣𝘦𝘴𝘦𝘴 𝘴𝘢 𝘣𝘢𝘸𝘢𝘵 𝘢𝘳𝘢𝘸, 𝘴𝘢 𝘭𝘰𝘰𝘣 𝘯𝘨 𝘢𝘯𝘪𝘮 𝘯𝘢 𝘢𝘳𝘢𝘸.” 𝗝𝗢𝗦𝗨𝗘 𝟲:𝟮–𝟯

Dahil ito ay isang pananakop ng militar, maaaring inaasahan natin na kakailanganin din ng mga taktika ng militar para maisakatuparan ito—siguro ay paghuhukay ng mga lagusan sa ilalim ng lupa, direktang pagsira sa pader, o magkampo sa paligid ng bayan buong maghapon ng bawat araw at maghintay hanggang sa sumuko ang mga taga-Jerico. Malayo sa mga taktikang ito ang ipinagawa ng Diyos kay Josue. At malinaw na ang hinihingi ng Diyos sa Kanyang mga mamamayan ay ang kanilang tiwala sa Kanyang mga pamamaraan kahit pa sumasalungat ang mga ito sa lohika o sa mga pamantayang kultural. Ano ang sinasabi ng Isaias 55:8–9 tungkol sa pagkakaiba ng mga kaisipan at pamamaraan ng Diyos sa atin? Paano ka tumutugon kapag ang mga tagubilin ng Diyos sa ’yo ay tila salungat sa iyong likas na pag-iisip o sa mga kultural na nakasanayan sa lipunan? 

𝟮. 𝗠𝗮𝗱𝗮𝗹𝗮𝘀 𝗮𝘆 𝗸𝘂𝗺𝗶𝗸𝗶𝗹𝗼𝘀 𝗮𝗻𝗴 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗻𝗴 𝗗𝗶𝘆𝗼𝘀 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗴𝘀𝘂𝗻𝗼𝗱.

𝘗𝘪𝘯𝘢𝘵𝘶𝘯𝘰𝘨 𝘯𝘨 𝘮𝘨𝘢 𝘱𝘢𝘳𝘪 𝘢𝘯𝘨 𝘮𝘨𝘢 𝘵𝘳𝘶𝘮𝘱𝘦𝘵𝘢 𝘯𝘪𝘭𝘢 𝘢𝘵 𝘯𝘢𝘨𝘴𝘪𝘨𝘢𝘸𝘢𝘯 𝘢𝘯𝘨 𝘮𝘨𝘢 𝘐𝘴𝘳𝘢𝘦𝘭𝘪𝘵𝘢 𝘯𝘢𝘯𝘨 𝘮𝘢𝘳𝘪𝘯𝘪𝘨 𝘯𝘪𝘭𝘢 𝘪𝘵𝘰. 𝘕𝘢𝘸𝘢𝘴𝘢𝘬 𝘢𝘯𝘨 𝘮𝘨𝘢 𝘱𝘢𝘥𝘦𝘳 𝘯𝘨 𝘭𝘶𝘯𝘨𝘴𝘰𝘥 𝘢𝘵 𝘭𝘶𝘮𝘶𝘴𝘰𝘣 𝘴𝘪𝘭𝘢. 𝘕𝘢𝘬𝘢𝘱𝘢𝘴𝘰𝘬 𝘴𝘪𝘭𝘢 𝘯𝘨 𝘸𝘢𝘭𝘢𝘯𝘨 𝘩𝘢𝘥𝘭𝘢𝘯𝘨 𝘢𝘵 𝘯𝘢𝘴𝘢𝘬𝘰𝘱 𝘯𝘪𝘭𝘢 𝘢𝘯𝘨 𝘭𝘶𝘯𝘨𝘴𝘰𝘥. 𝗝𝗢𝗦𝗨𝗘 𝟲:𝟮𝟬

Inutusan ng Diyos ang mga Israelita na magmartsa nang palibot sa lungsod isang beses sa isang araw sa loob ng anim na araw. At sa ikapitong araw ay gagawin nila ang pagmartsa nang pitong beses. Sumunod ang mga Israelita nang may pananampalataya at kahandaang sumunod. Sa huli, nawasak ang mga pader at nasakop ng mga hukbo ng Israel ang lungsod, tulad ng sinabi ng Diyos sa kanila. Sa kabuuan, ito ay dahil sa kapangyarihan ng Diyos sa pamamagitan nila. Ang kailangan lang nilang gawin ay sumunod kahit na wala silang naiintindihan at kahit parang wala silang pag-asang manalo. Ano ang larawan ng pagkakaroon ng pananampalataya sa mga pamamaraan ng Diyos, kahit na sa simula ay hindi mo maintindihan ang hinihingi Niya sa iyo?

𝟯. 𝗔𝗻𝗴 𝗸𝗮𝘁𝗮𝗻𝗴𝗶𝗮𝗻 𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗯𝗶𝗯𝗶𝗴𝗮𝘆 𝘀𝗮 𝗮𝘁𝗶𝗻 𝗻𝗴 𝗹𝗮𝗸𝗮𝘀 𝗻𝗴 𝗹𝗼𝗼𝗯.

𝘚𝘢 𝘪𝘬𝘢𝘱𝘪𝘵𝘰𝘯𝘨 𝘣𝘦𝘴𝘦𝘴 𝘯𝘪𝘭𝘢𝘯𝘨 𝘱𝘢𝘨-𝘪𝘬𝘰𝘵, 𝘱𝘪𝘯𝘢𝘵𝘶𝘯𝘰𝘨 𝘯𝘨 𝘮𝘨𝘢 𝘱𝘢𝘳𝘪 𝘢𝘯𝘨 𝘮𝘨𝘢 𝘵𝘳𝘶𝘮𝘱𝘦𝘵𝘢 𝘯𝘪𝘭𝘢 𝘢𝘵 𝘪𝘯𝘶𝘵𝘶𝘴𝘢𝘯 𝘯𝘪 𝘑𝘰𝘴𝘶𝘦 𝘢𝘯𝘨 𝘮𝘨𝘢 𝘵𝘢𝘰 𝘯𝘢 𝘴𝘶𝘮𝘪𝘨𝘢𝘸. 𝘈𝘵 𝘴𝘪𝘯𝘢𝘣𝘪 𝘯𝘪 𝘑𝘰𝘴𝘶𝘦, “𝘐𝘣𝘪𝘯𝘪𝘨𝘢𝘺 𝘯𝘢 𝘴𝘢 𝘢𝘵𝘪𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘯𝘨 𝘭𝘶𝘯𝘨𝘴𝘰𝘥 𝘯𝘢 𝘪𝘵𝘰!”. . . . 𝘒𝘢𝘴𝘢𝘮𝘢 𝘯𝘪 𝘑𝘰𝘴𝘶𝘦 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘢𝘵 𝘯𝘢𝘨𝘪𝘯𝘨 𝘵𝘢𝘯𝘺𝘢𝘨 𝘴𝘪𝘺𝘢 𝘴𝘢 𝘣𝘶𝘰𝘯𝘨 𝘭𝘶𝘱𝘢𝘪𝘯. 𝗝𝗢𝗦𝗨𝗘 𝟲:𝟭𝟲, 𝟮𝟳

Tinupad ng Diyos ang Kanyang salita at ibinigay ang tagumpay sa mga Israelita. Hindi ito kailanman naging tungkol sa sariling kakayahan o pagkaunawa ng mga Israelita sa mga nangyayari. Ang lahat ng ito ay tungkol sa katangian ng Diyos. Anu-ano ang mga pangako ng Diyos na pinanghahawakan mong tutuparin Niya? Paano binabago ng pagkilala sa Kanyang katangian bilang tapat at makapangyarihang tagatupad ng pangako ang pananaw mo habang hinihintay mo ang katuparan ng mga pangakong ito?

𝗔𝗣𝗣𝗟𝗜𝗖𝗔𝗧𝗜𝗢𝗡

• Ang Diyos ay walang hangganan; tayo naman ay may hangganan. Malayo ang mga pamamaraan Niya sa mga pamamaraan natin. Ano ang itinuturo ng mga katotohanang ito sa mga pinagdadaanan mo ngayon? Isulat ito sa iyong journal at balik-balikan ito sa buong linggo. 

• May utos ba o tagubilin mula sa Diyos sa kasalukuyang panahon ng buhay mo na isinasantabi mo dahil hindi mo ito maunawaan? Anong mga hakbang ang pwede mong gawin para lalo ka pang mamuhay nang may pagsunod sa Diyos araw-araw?

• Isipin ang isang kapamilya o kaibigan na kailangang makakilala at sumunod sa Diyos. Paano mo siya mahihikayat na sumunod sa Kanya nang buong puso, kahit na salungat ito sa mga kultural na nakagawian sa lipunan?

𝗣𝗥𝗔𝗬𝗘𝗥

• Pasalamatan ang Diyos dahil Siya ay tapat, makapangyarihan sa lahat, at mapagmahal. Hilingin sa Kanya ang pananampalataya upang maniwala at magtiwala sa Kanyang katangian, kahit sa mga panahong walang katiyakan o sa mga sandaling hindi mo naiintindihan ang Kanyang mga ipinapagawa.

• Ipanalangin na magkaroon ka ng pusong laging handang makinig sa tinig ng Diyos—sabik at handang sumunod sa Kanyang mga utos at handang tumugon nang may pananampalataya para makita ang Kanyang kapangyarihang kumikilos sa bawat sitwasyon.

• Mamagitan para sa mga taong maaaring humaharap sa buhay nang wala ang lakas na tanging Diyos lamang ang makakapagbigay. Hilingin sa Kanya na ipakita sa iyo kung paano mo mapapalakas ang kanilang loob at mapapatatag ang kanilang pananampalataya.