Pagtanggap kay Cristo bilang Panginoon

𝗪𝗔𝗥𝗠 𝗨𝗣

• Ano ang ginawa mo noong bata ka na hindi mo ulit gagawin ngayon?

• Balikan ang sarili mo sampung taon sa nakaraan. Ang kinalalagyan mo ba ngayon ay kung ano ang naisip mo noong mga panahong ito?

• Isipin ang isang pagkakataon kung kailan nakansela ang iyong utang o naurong ang isa mong deadline. Ibahagi kung ano ang nangyari at kung ano ang naramdaman mo.

𝗪𝗢𝗥𝗗

𝘋𝘢𝘩𝘪𝘭 𝘴𝘢 𝘱𝘢𝘬𝘪𝘬𝘪𝘱𝘢𝘨-𝘪𝘴𝘢 𝘯ʼ𝘺𝘰 𝘬𝘢𝘺 𝘊𝘳𝘪𝘴𝘵𝘰, 𝘵𝘪𝘯𝘶𝘭𝘪 𝘯𝘢 𝘬𝘢𝘺𝘰. 𝘈𝘯𝘨 𝘱𝘢𝘨𝘵𝘶𝘵𝘶𝘭𝘪 𝘯𝘢 𝘪𝘵𝘰 𝘢𝘺 𝘩𝘪𝘯𝘥𝘪 𝘱𝘪𝘴𝘪𝘬𝘢𝘭 𝘬𝘶𝘯𝘥𝘪 𝘦𝘴𝘱𝘪𝘳𝘪𝘵𝘸𝘢𝘭 —𝘢𝘯𝘨 𝘱𝘢𝘨-𝘢𝘢𝘭𝘪𝘴 𝘯𝘨 𝘮𝘢𝘴𝘢𝘴𝘢𝘮𝘢𝘯𝘨 𝘩𝘪𝘭𝘪𝘨 𝘯𝘨 𝘭𝘢𝘮𝘢𝘯. 𝘐𝘵𝘰 𝘢𝘯𝘨 𝘱𝘢𝘨𝘵𝘶𝘵𝘶𝘭𝘪𝘯𝘨 𝘮𝘶𝘭𝘢 𝘬𝘢𝘺 𝘊𝘳𝘪𝘴𝘵𝘰. 𝘐𝘯𝘪𝘭𝘪𝘣𝘪𝘯𝘨 𝘬𝘢𝘺𝘰𝘯𝘨 𝘬𝘢𝘴𝘢𝘮𝘢 𝘯𝘪 𝘊𝘳𝘪𝘴𝘵𝘰 𝘯𝘢𝘯𝘨 𝘣𝘢𝘶𝘵𝘪𝘴𝘮𝘶𝘩𝘢𝘯 𝘬𝘢𝘺𝘰. 𝘈𝘵 𝘥𝘢𝘩𝘪𝘭 𝘯𝘢𝘬𝘢𝘺 𝘊𝘳𝘪𝘴𝘵𝘰 𝘯𝘢 𝘬𝘢𝘺𝘰, 𝘮𝘶𝘭𝘪 𝘬𝘢𝘺𝘰𝘯𝘨 𝘣𝘪𝘯𝘶𝘩𝘢𝘺 𝘯𝘢 𝘬𝘢𝘴𝘢𝘮𝘢 𝘯𝘪𝘺𝘢, 𝘥𝘢𝘩𝘪𝘭 𝘯𝘢𝘯𝘢𝘯𝘢𝘭𝘪𝘨 𝘬𝘢𝘺𝘰 𝘴𝘢 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘺𝘰𝘴 𝘯𝘢 𝘣𝘶𝘮𝘶𝘩𝘢𝘺 𝘴𝘢 𝘬𝘢𝘯𝘺𝘢. 𝗖𝗢𝗟𝗢𝗦𝗔𝗦 𝟮:𝟭𝟭-𝟭𝟮

(Basahin din ang 𝗖𝗢𝗟𝗢𝗦𝗔𝗦 𝟮.)

Sumulat si Pablo sa simbahan sa Colosas upang tugunan ang mga maling aral na kanilang naririnig. Nagbabala siya tungkol sa pagiging bihag ng pilosopiya ng tao (Colosas 2:8), at binigyang-diin din ang pagka-Diyos ni Jesu-Cristo, na, kahit na ganap na tao, ay ganap ding Diyos (Colosas 2:9). Dahil tayo ngayon ay kay Cristo, ang ating kalikasan ay nagbago. Pinatawad ni Cristo ang ating kasalanan at kinansela ang ating utang (Colosas 2:14). Ngayon, maaari tayong mamuhay kasama Niya. Ngayon, pag-usapan natin kung ano ang mangyayari kapag tinanggap natin si Cristo bilang Panginoon.

𝟭. 𝗞𝗮𝘆 𝗖𝗿𝗶𝘀𝘁𝗼, 𝗮𝗻𝗴 𝗮𝘁𝗶𝗻𝗴 𝗱𝗮𝘁𝗶𝗻𝗴 𝗺𝗮𝗸𝗮𝘀𝗮𝗹𝗮𝗻𝗮𝗻𝗴 𝗸𝗮𝗹𝗶𝗸𝗮𝘀𝗮𝗻 𝗮𝘆 𝘁𝗶𝗻𝗮𝗻𝗴𝗴𝗮𝗹 𝗻𝗮.

𝘋𝘢𝘩𝘪𝘭 𝘴𝘢 𝘱𝘢𝘬𝘪𝘬𝘪𝘱𝘢𝘨-𝘪𝘴𝘢 𝘯ʼ𝘺𝘰 𝘬𝘢𝘺 𝘊𝘳𝘪𝘴𝘵𝘰, 𝘵𝘪𝘯𝘶𝘭𝘪 𝘯𝘢 𝘬𝘢𝘺𝘰. 𝘈𝘯𝘨 𝘱𝘢𝘨𝘵𝘶𝘵𝘶𝘭𝘪 𝘯𝘢 𝘪𝘵𝘰 𝘢𝘺 𝘩𝘪𝘯𝘥𝘪 𝘱𝘪𝘴𝘪𝘬𝘢𝘭 𝘬𝘶𝘯𝘥𝘪 𝘦𝘴𝘱𝘪𝘳𝘪𝘵𝘸𝘢𝘭 —𝘢𝘯𝘨 𝘱𝘢𝘨-𝘢𝘢𝘭𝘪𝘴 𝘯𝘨 𝘮𝘢𝘴𝘢𝘴𝘢𝘮𝘢𝘯𝘨 𝘩𝘪𝘭𝘪𝘨 𝘯𝘨 𝘭𝘢𝘮𝘢𝘯. 𝘐𝘵𝘰 𝘢𝘯𝘨 𝘱𝘢𝘨𝘵𝘶𝘵𝘶𝘭𝘪𝘯𝘨 𝘮𝘶𝘭𝘢 𝘬𝘢𝘺 𝘊𝘳𝘪𝘴𝘵𝘰. 𝗖𝗢𝗟𝗢𝗦𝗔𝗦 𝟮:𝟭𝟭

Sa Lumang Tipan, ginawa ng mga mamamayan ng Diyos ang pagtutuli, kung saan pinuputol mula sa dulo ng bahaging panlalaki ang isang piraso ng laman bilang tanda ng kasunduang ginawa ng Diyos sa kanila. Inihalintulad ni Pablo ang gawaing ito sa nangyayari sa mga mananampalataya kapag tinanggap nila si Cristo bilang Panginoon. Sumasailalim tayo sa pagtutuli na hindi ginagawa ng mga kamay—isang espirituwal na pagtutuli. Kapag tinanggap natin si Cristo bilang Panginoon, ibinubukod Niya tayo sa ating dating makasalanang kalikasan upang hindi na tayo makontrol nito. Tulad ng pagtutuli, ang bautismo ay isang panlabas na tanda na tayo ay itinalaga para sa Diyos bilang Kanyang mga mamamayan. Ano ang ilang makasalanang gawain o ugali na binago ng Diyos sa buhay mo?

𝟮. 𝗞𝗮𝘆 𝗖𝗿𝗶𝘀𝘁𝗼, 𝗮𝗻𝗴 𝗮𝘁𝗶𝗻𝗴 𝗱𝗮𝘁𝗶𝗻𝗴 𝗺𝗮𝗸𝗮𝘀𝗮𝗹𝗮𝗻𝗮𝗻𝗴 𝗸𝗮𝗹𝗶𝗸𝗮𝘀𝗮𝗻 𝗮𝘆 𝗶𝗻𝗶𝗹𝗶𝗯𝗶𝗻𝗴 𝗻𝗮.

𝘐𝘯𝘪𝘭𝘪𝘣𝘪𝘯𝘨 𝘬𝘢𝘺𝘰𝘯𝘨 𝘬𝘢𝘴𝘢𝘮𝘢 𝘯𝘪 𝘊𝘳𝘪𝘴𝘵𝘰 𝘯𝘢𝘯𝘨 𝘣𝘢𝘶𝘵𝘪𝘴𝘮𝘶𝘩𝘢𝘯 𝘬𝘢𝘺𝘰. 𝘈𝘵 𝘥𝘢𝘩𝘪𝘭 𝘯𝘢𝘬𝘢𝘺 𝘊𝘳𝘪𝘴𝘵𝘰 𝘯𝘢 𝘬𝘢𝘺𝘰, 𝘮𝘶𝘭𝘪 𝘬𝘢𝘺𝘰𝘯𝘨 𝘣𝘪𝘯𝘶𝘩𝘢𝘺 𝘯𝘢 𝘬𝘢𝘴𝘢𝘮𝘢 𝘯𝘪𝘺𝘢, 𝘥𝘢𝘩𝘪𝘭 𝘯𝘢𝘯𝘢𝘯𝘢𝘭𝘪𝘨 𝘬𝘢𝘺𝘰 𝘴𝘢 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘺𝘰𝘴 𝘯𝘢 𝘣𝘶𝘮𝘶𝘩𝘢𝘺 𝘴𝘢 𝘬𝘢𝘯𝘺𝘢. 𝗖𝗢𝗟𝗢𝗦𝗔𝗦 𝟮:𝟭𝟮

Sa kaugalian ng mga Kristiyano, ang bautismo ay ang paglulubog sa isang tao sa tubig nang ilang saglit bilang isang panlabas na tanda ng panloob na pagkilos ng pagtanggap kay Cristo bilang Panginoon. Bukod sa pagtutuli, ang bautismo ay inihahalintulad din sa isang libing, kung saan ang ating dating makasalanang kalikasan ay itinuturing na patay na at inililibing. Tayo ay patay na sa kasalanan o ang kasalanan ay patay na sa atin kay Cristo. Kung paanong hindi na tayo nakikipag-usap sa mga taong namatay na, hindi na natin dapat pagbigyan ang ating mga dating makasalanang pagnanasa, dahil ang dating pagkatao natin ay namatay na kasama ni Cristo. Ano ang sinasabi sa Mga Taga-Roma 6:1–3 tungkol sa mga implikasyon ng katotohanang ito?

𝟯. 𝗞𝗮𝘆 𝗖𝗿𝗶𝘀𝘁𝗼, 𝘁𝗮𝘆𝗼 𝗮𝘆 𝗻𝗮𝗯𝘂𝗵𝗮𝘆 𝗻𝗮 𝗺𝘂𝗹𝗶.

𝘐𝘯𝘪𝘭𝘪𝘣𝘪𝘯𝘨 𝘬𝘢𝘺𝘰𝘯𝘨 𝘬𝘢𝘴𝘢𝘮𝘢 𝘯𝘪 𝘊𝘳𝘪𝘴𝘵𝘰 𝘯𝘢𝘯𝘨 𝘣𝘢𝘶𝘵𝘪𝘴𝘮𝘶𝘩𝘢𝘯 𝘬𝘢𝘺𝘰. 𝘈𝘵 𝘥𝘢𝘩𝘪𝘭 𝘯𝘢𝘬𝘢𝘺 𝘊𝘳𝘪𝘴𝘵𝘰 𝘯𝘢 𝘬𝘢𝘺𝘰, 𝘮𝘶𝘭𝘪 𝘬𝘢𝘺𝘰𝘯𝘨 𝘣𝘪𝘯𝘶𝘩𝘢𝘺 𝘯𝘢 𝘬𝘢𝘴𝘢𝘮𝘢 𝘯𝘪𝘺𝘢, 𝘥𝘢𝘩𝘪𝘭 𝘯𝘢𝘯𝘢𝘯𝘢𝘭𝘪𝘨 𝘬𝘢𝘺𝘰 𝘴𝘢 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘺𝘰𝘴 𝘯𝘢 𝘣𝘶𝘮𝘶𝘩𝘢𝘺 𝘴𝘢 𝘬𝘢𝘯𝘺𝘢. 𝗖𝗢𝗟𝗢𝗦𝗔𝗦 𝟮:𝟭𝟮

Ang bautismo ay larawan din ng pagkakaisa kay Cristo hindi lamang sa Kanyang kamatayan at paglilibing kundi sa Kanyang muling pagkabuhay. Kung paanong si Cristo ay namatay at nabuhay muli, ang ating dating pagkatao ay namatay nang tanggapin natin si Cristo at tayo ay nagkaroon ng espirituwal na buhay at binigyan ng bagong buhay. Dahil ang lahat ng ating mga kasalanan ay pinatawad at ang listahan ng ating pagkakautang ay nakansela, ipinako na sa krus (Colosas 2:13–14), maaari nating maranasan ang isang matagumpay na buhay kay Cristo dahil Siya ay nagtagumpay (Colosas 2:15). Tayo ay napalaya mula sa mga bahid ng ating nakaraan at ngayon ay malaya nang mamuhay kasama at para sa Diyos. Ano ang ilang positibong pagbabago sa iyong buhay mula nang tanggapin mo si Cristo? Anong pagbabago ang napansin ng iba sa iyong buhay pagkatapos mong tanggapin si Cristo bilang Panginoon?

𝗔𝗣𝗣𝗟𝗜𝗖𝗔𝗧𝗜𝗢𝗡

• Natanggap mo na ba si Cristo bilang Panginoon at Tagapagligtas? Kung hindi, gusto mo bang tanggapin Siya ngayon?

• Ibahagi sa grupo ang mga positibong pagbabago sa buhay mo mula nang tanggapin mo si Cristo? May mga bahagi ba sa iyong buhay kung saan kailangan mong mas makita ang buhay ni Cristo sa iyo?

• Hindi sinasabi sa mga Taga-Roma 6:11 na kailangan nating mamatay sa kasalanan kundi tayo ay namatay na sa kasalanan at buhay sa Diyos kay Cristo. Ano ang mga praktikal na paraan na maaari mong gawin bilang pagsasaalang-alang sa katotohanang ito?

𝗣𝗥𝗔𝗬𝗘𝗥

• Pasalamatan ang Diyos sa Kanyang dakilang pag-ibig na gumawa ng paraan upang kanselahin ang ating pagkakautang at patawarin ang ating mga kasalanan, na naging dahilan para mailapit tayo sa Kanya.

• Pasalamatan Siya na tayo ay namatay na sa kasalanan at nabuhay kay Cristo dahil sa sakripisyo ni Jesus sa krus at sa Kanyang muling pagkabuhay.

• Ipanalangin na marinig mo ang tinig ng Diyos nang malinaw habang patuloy kang namumuhay, lumalago upang maging mas katulad ni Cristo, lalo na sa panahon ng tukso at paghihirap. Ipagdasal na palagi mong ituring ang iyong sarili na patay na sa kasalanan at buhay sa Diyos upang patuloy mong makita ang bagong buhay na ibinigay Niya sa iyo.