Filipino

𝗦𝗔 𝗕𝗨𝗢𝗡𝗚 𝗠𝗨𝗡𝗗𝗢

Mula sa lahat ng bansa at henerasyon, ipapahayag ng mga tao ang katuwiran ng Diyos at ang natapos na gawain ni Cristo. 

𝗕𝗔𝗦𝗔𝗛𝗜𝗡

𝘋𝘪𝘰𝘴 𝘬𝘰! 𝘋𝘪𝘰𝘴 𝘬𝘰! 𝘉𝘢𝘬𝘪𝘵 𝘯’𝘺𝘰 𝘢𝘬𝘰 𝘱𝘪𝘯𝘢𝘣𝘢𝘺𝘢𝘢𝘯? . . . 𝘗𝘈𝘕𝘎𝘐𝘕𝘖𝘖𝘕, 𝘮𝘢𝘢𝘢𝘭𝘢𝘭𝘢 𝘬𝘢𝘺𝘰 𝘯𝘨 𝘵𝘢𝘰 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰, 𝘢𝘵 𝘴𝘪𝘭𝘢 𝘢𝘺 𝘮𝘢𝘯𝘶𝘯𝘶𝘮 𝘣𝘢𝘭𝘪𝘬 𝘢𝘵 𝘴𝘢𝘴𝘢𝘮𝘣𝘢 𝘴𝘢 𝘪𝘯𝘺𝘰 . . . 𝘈𝘯𝘨 𝘴𝘶𝘴𝘶𝘯𝘰𝘥 𝘯𝘢 𝘴𝘢𝘭𝘪𝘯𝘭𝘢𝘩𝘪 𝘢𝘺 𝘮𝘢𝘨𝘭𝘪𝘭𝘪𝘯𝘨𝘬𝘰𝘥 𝘴𝘢 𝘪𝘯𝘺𝘰. 𝘈𝘵 𝘵𝘶𝘵𝘶𝘳𝘶𝘢𝘯 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘢𝘯𝘢𝘬 𝘯𝘨 𝘵𝘶𝘯𝘨𝘬𝘰𝘭 𝘴𝘢 𝘪𝘯𝘺𝘰, 𝘗𝘈𝘕𝘎𝘐𝘕𝘖𝘖𝘕. 𝘉𝘢𝘭𝘢𝘯𝘨 𝘢𝘳𝘢𝘸, 𝘴𝘪𝘭𝘢𝘯𝘨 𝘩𝘪𝘯𝘥𝘪 𝘱𝘢 𝘪𝘱𝘪𝘯𝘢𝘱𝘢𝘯𝘨𝘢𝘯𝘢𝘬 𝘢𝘺 𝘮𝘢𝘭𝘢𝘭𝘢𝘮𝘢𝘯 𝘢𝘯𝘨 𝘮𝘨𝘢 𝘨𝘪𝘯𝘢𝘸𝘢 𝘯’𝘺𝘰 . . .  𝗦𝗔𝗟𝗠𝗢 𝟮𝟮:𝟭, 𝟮𝟳, 𝟯𝟬–𝟯𝟭 

Sa gitna ng matinding pagsalakay ng kanyang mga kaaway, sinabi  ni David: “Mas mababa pa ako sa tao—para lang akong uod sa lupa. Kinukutya nila ako, dinuduraan, at inaasar. Pinalilibutan nila ako, na para bang mababangis na hayop. Binutas nila ang aking mga kamay at paa. Kita ko ang aking mga buto. Parang mga toro, aso, at baka na sumisigaw ang mga kaaway ko. Wala na akong lakas, nadudurog ang puso ko, nanunuyo ang dila ko. Nakahandusay ako sa alikabok ng kamatayan” (hango sa Awit 22:6–18). 

Walang ibang nakasulat na pangyayari sa buhay ni David na  ganito kahirap. Ang pagdaing niya ay higit pa sa kanyang sariling karanasan—ito’y larawan ng pagdurusa ni Cristo. Ipinakita ni David ang tindi ng paghihirap na pagdadaanan ni Jesus sa krus kapag binayaran Niya ang kabayaran para sa kaligtasan ng mga bansa. Ang Salmo 22 ay isang propesiya na parang isang uri ng pagdadalamhati. 

Sa binanggit na awit, mapapansin na habang lumulubog si David sa  pagdurusa, umaahon naman ang pagsamba niya sa Diyos. Nagsimula siya sa hinagpis ngunit nagtapos sa pagtitiwala, at sinabi niya na, “malalaman ang mga ginawa” ni Jesus. Ito’y tulad ng sigaw ni Cristo sa  krus—“Tapos na.” Sa huling bahagi ng awit, makikita na mula sa pag tingin sa sarili lang niya, nagkaroon ng pagbabago kay David at siya ay tumingin sa mga bansa. Ang kanyang pagdaing ay naging papuri. Nakita niya ang mas malawak na larawan: ang misyon ng Diyos para sa lahat ng mga bansa at mga susunod na henerasyon. 

Matututunan natin dito ang dalawang katotohanan tungkol sa puso ng Diyos para sa misyon: 

𝟭. 𝗔𝗻𝗴 𝗹𝗮𝗵𝗮𝘁 𝗻𝗴 𝗯𝗮𝗻𝘀𝗮 𝗮𝘆 𝗯𝗮𝗯𝗮𝗹𝗶𝗸 𝘀𝗮 𝗣𝗮𝗻𝗴𝗶𝗻𝗼𝗼𝗻.

“𝘗𝘈𝘕𝘎𝘐𝘕𝘖𝘖𝘕, 𝘮𝘢𝘢𝘢𝘭𝘢𝘭𝘢 𝘬𝘢𝘺𝘰 𝘯𝘨 𝘵𝘢𝘰 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰, 𝘢𝘵 𝘴𝘪𝘭𝘢 𝘢𝘺 𝘮𝘢𝘯𝘶𝘯𝘶𝘮𝘣𝘢𝘭𝘪𝘬.”

Ang kamatayan ni Cristo ay hindi lang para sa isang bansa kundi para sa lahat ng mga bansa. Sa huli, magbubunga ito ng pagtubos ng napakaraming tao.  

𝟮. 𝗔𝗻𝗴 𝗺𝗴𝗮 𝘀𝘂𝘀𝘂𝗻𝗼𝗱 𝗻𝗮 𝗵𝗲𝗻𝗲𝗿𝗮𝘀𝘆𝗼𝗻 𝗮𝘆 𝗺𝗮𝗸𝗮𝗸𝗮𝗿𝗶𝗻𝗶𝗴 𝗮𝘁 𝘁𝘂𝘁𝘂𝗴𝗼𝗻. 

“𝘈𝘯𝘨 𝘴𝘶𝘴𝘶𝘯𝘰𝘥 𝘯𝘢 𝘴𝘢𝘭𝘪𝘯𝘭𝘢𝘩𝘪 𝘢𝘺 𝘮𝘢𝘨𝘭𝘪𝘭𝘪𝘯𝘨𝘬𝘰𝘥 𝘴𝘢 𝘪𝘯𝘺𝘰.” 

Hindi titigil  ang misyon. Magpapatuloy ito. Ito ay para sa buong daigdig sa lahat ng henerasyon habang dinidisipulo ng isang hener asyon ang susunod na henerasyon. Responsibilidad natin na magdisipulo bilang tugon sa tawag ng Diyos na makibahagi sa  Kanyang misyon. 

𝘒𝘢𝘳𝘢𝘨𝘥𝘢𝘨𝘢𝘯𝘨 𝘉𝘢𝘣𝘢𝘴𝘢𝘩𝘪𝘯: 𝗦𝗔𝗟𝗠𝗢 𝟮𝟮; 𝗦𝗔𝗟𝗠𝗢 𝟳𝟴:𝟱–𝟳; 𝗜𝗦𝗔𝗜𝗔𝗦 𝟱𝟮:𝟭𝟬; 𝟱𝟯:𝟯–𝟱; 𝗠𝗔𝗧𝗘𝗢 𝟮𝟳:𝟰𝟲 

𝗣𝗔𝗚-𝗜𝗦𝗜𝗣𝗔𝗡

Nagsimula ang Awit 22 sa hirap ngunit nagtapos sa tagumpay—mula pagdaing papunta sa papuri. Sa gitna ng pagdurusa, isinasakatuparan ng Diyos ang Kanyang layunin. Paano mo magagamit ang mga panahon mo ng paghihirap bilang pagkakataon para magbigay ng pagsamba at patotoo sa Diyos?

𝗚𝗔𝗪𝗜𝗡

Pumili ng isang tao sa iyong pinagtatrabahuhan, paaralan, o komunidad na galing sa ibang lahi o kultura. Alamin ang kanyang kwento,  pakinggan ang kanyang pananaw, at humanap ng pagkakataon para maibahagi sa kanya ngayong linggo ang tungkol sa pag-ibig ni Cristo.

𝗣𝗔𝗡𝗔𝗟𝗔𝗡𝗚𝗜𝗡

Jesus, Ikaw ay pinabayaan upang kami ay matubos. Tinupad ng Iyong paghihirap  ang propesiya sa Awit 22, na nagdala ng kaligtasan sa lahat ng bansa. Dahil sa Iyong tinapos na gawain sa krus, nakarating ang kaligtasan sa buong mundo. Nawa’y maalala Ka ng lahat ng bansa at maibalik sila sa Iyo.

Buksan Mo po ang puso ng mga taong hindi pa nakakarinig ng Iyong pangalan, at ipaabot  Mo po ang ebanghelyo sa bawat tribo, wika, at bayan. Nawa’y lahat ng pamilya, bawat henerasyon, at lahat ng bansa ay yumuko sa Iyong harapan bilang pagsamba. 

Magpadala Ka po ng mga manggagawa sa anihan na maghahayag na tapos na ang pagtubos at bayad na ang utang. Ipadala Mo po kami saan mo man gusto, upang ang aming buhay ay magamit para sa Iyong  kaluwalhatian.

Nawa’y makita sa aming  buhay ang tagumpay ni Cristo, at magalak ang mga bansa sa Iyong kaligtasan. Amen.