Ang Misyon

𝗪𝗔𝗥𝗠 𝗨𝗣

• Ano ang pinakanakakagulat na nangyari sa iyo ngayong linggo?

• Isipin ang isang panahon na may isang underdog o inaapi na nanalo. Ikwento kung ano ang nakita at naranasan mo.

• Magkwento tungkol sa pinakamalayong lugar galing sa bahay mo na napuntahan mo. Bakit ka pumunta roon?

𝗪𝗢𝗥𝗗

𝘖 𝘋𝘪𝘺𝘰𝘴, 𝘬𝘢𝘢𝘸𝘢𝘢𝘯 𝘯ʼ𝘺𝘰 𝘬𝘢𝘮𝘪 𝘢𝘵 𝘱𝘢𝘨𝘱𝘢𝘭𝘢𝘪𝘯. 𝘐𝘱𝘢𝘬𝘪𝘵𝘢 𝘯ʼ𝘺𝘰 𝘴𝘢 𝘢𝘮𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘣𝘶𝘵𝘪𝘩𝘢𝘯, 2𝘶𝘱𝘢𝘯𝘨 𝘮𝘢𝘭𝘢𝘮𝘢𝘯 𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘯𝘴𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘮𝘢𝘮𝘢𝘳𝘢𝘢𝘯 𝘢𝘵 𝘱𝘢𝘨𝘭𝘪𝘭𝘪𝘨𝘵𝘢𝘴. 𝗦𝗔𝗟𝗠𝗢 𝟲𝟳:𝟭–𝟮

(Basahin din ang 𝗦𝗔𝗟𝗠𝗢 𝟲𝟳:𝟯–𝟳.)

Ang Diyos ay dapat kilalanin ng Kanyang mga mamamayan at gawing tanyag—sa buong mundo. Ang panalanging ito at kagustuhan ng salmista ay nagpatuloy mula Lumang Tipan hanggang sa Bagong Tipan nang dumating na si Jesus upang tayo ay iligtas. Nagpapatuloy pa ito ngayon sa atin na nakarinig ng ebanghelyo at tinawag upang isakatuparan ang misyon ng Diyos. Mayroon tayong dapat gampanan upang ang mundo ay makakilala at magkaroon ng takot sa Diyos. Ang mga mamamayan ng Diyos ngayon—ang Iglesya—ay hindi lamang tagatanggap ng pagpapala ng Diyos (ang lugar ng misyon) kundi masugid ding tagapaghayag ni Cristo sa mundo (ang pwersa ng misyon). Sa araw na ito, tingnan natin kung paano isinasali ng Diyos ang Kanyang mga mamamayan upang makilahok sa paghahayag ng Kanyang pangalan sa iba’t ibang bansa.

𝟭. 𝗣𝗶𝗻𝗮𝗴𝗽𝗮𝗽𝗮𝗹𝗮 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝗻𝗮𝗻𝗴 𝗺𝗮𝘆 𝗹𝗮𝘆𝘂𝗻𝗶𝗻.

𝘖 𝘋𝘪𝘺𝘰𝘴, 𝘬𝘢𝘢𝘸𝘢𝘢𝘯 𝘯ʼ𝘺𝘰 𝘬𝘢𝘮𝘪 𝘢𝘵 𝘱𝘢𝘨𝘱𝘢𝘭𝘢𝘪𝘯. 𝘐𝘱𝘢𝘬𝘪𝘵𝘢 𝘯ʼ𝘺𝘰 𝘴𝘢 𝘢𝘮𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘣𝘶𝘵𝘪𝘩𝘢𝘯, 𝘶𝘱𝘢𝘯𝘨 𝘮𝘢𝘭𝘢𝘮𝘢𝘯 𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘯𝘴𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘮𝘢𝘮𝘢𝘳𝘢𝘢𝘯 𝘢𝘵 𝘱𝘢𝘨𝘭𝘪𝘭𝘪𝘨𝘵𝘢𝘴. . . .

𝘔𝘢𝘨-𝘢𝘯𝘪 𝘴𝘢𝘯𝘢 𝘯𝘨 𝘴𝘢𝘨𝘢𝘯𝘢 𝘢𝘯𝘨 𝘮𝘨𝘢 𝘭𝘶𝘱𝘢𝘪𝘯. 𝘕𝘢𝘸𝘢ʼ𝘺 𝘱𝘢𝘨𝘱𝘢𝘭𝘢𝘪𝘯 𝘯ʼ𝘺𝘰 𝘬𝘢𝘮𝘪, 𝘖 𝘋𝘪𝘺𝘰𝘴, 𝘯𝘢 𝘢𝘮𝘪𝘯𝘨 𝘋𝘪𝘺𝘰𝘴. 𝘈𝘵 𝘮𝘢𝘨𝘬𝘢𝘳𝘰𝘰𝘯 𝘴𝘢𝘯𝘢 𝘯𝘨 𝘵𝘢𝘬𝘰𝘵 𝘴𝘢 𝘪𝘯𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰. 𝗦𝗔𝗟𝗠𝗢 𝟲𝟳:𝟭–𝟮, 𝟲–𝟳

Ang mga Kristiyano ay binigyan ng Diyos ng layunin na ipakilala Siya. Anuman ang larangang ginagalawan natin, kailangan ay makita si Cristo sa ating mga buhay at maihayag natin Siya sa ating mga salita, kilos, at pamumuhay. Sa paggawa natin nito, maisasalamin natin ang Kanyang kadakilaan at kabutihan sa mga taong nakapalibot sa atin. Paano malalaman ng mga tao ang tungkol sa Diyos at sa kabutihan Niya sa atin kung hindi natin sila sasabihan? Paano magiging pagkakataon ang mga pang-araw-araw nating pakikisalamuha sa iba upang maipakita ang ebanghelyo?

𝟮. 𝗣𝗶𝗻𝗮𝗴𝗽𝗮𝗽𝗮𝗹𝗮 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝘂𝗽𝗮𝗻𝗴 𝗺𝗮𝗴𝗶𝗻𝗴 𝗽𝗮𝗴𝗽𝗮𝗽𝗮𝗹𝗮 𝘀𝗮 𝗺𝗴𝗮 𝗯𝗮𝗻𝘀𝗮.. 

. . . 𝘶𝘱𝘢𝘯𝘨 𝘮𝘢𝘭𝘢𝘮𝘢𝘯 𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘯𝘴𝘢 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘱𝘢𝘮𝘢𝘮𝘢𝘳𝘢𝘢𝘯 𝘢𝘵 𝘱𝘢𝘨𝘭𝘪𝘭𝘪𝘨𝘵𝘢𝘴. 𝘗𝘶𝘳𝘪𝘩𝘪𝘯 𝘬𝘢 𝘴𝘢𝘯𝘢 𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰, 𝘖 𝘋𝘪𝘺𝘰𝘴. 𝗦𝗔𝗟𝗠𝗢 𝟲𝟳:𝟮–𝟯

Ang saklaw ng ating mga buhay at gawain ay higit na mas malaki pa sa ating lokal na konteksto. Tinawag tayo upang maging pagpapala sa bawat bansa, para ang lahat ng tao ay makilala at magbigay-papuri sa Diyos. Ang tingin sa atin ng Diyos ay hindi tulad ng tingin natin sa ating mga sarili—nakikita Niya kung paano maipapahayag sa mundo ang Kanyang mga pamamaraan at kapangyarihan sa pamamagitan natin. Hanggang saan mo ipinapanalangin na makarating ang ebanghelyo sa iyong henerasyon? Paano magiging pagpapala ang ating iglesya sa mga bansa?

𝟯. 𝗔𝗻𝗴 𝗽𝗮𝗴𝗽𝗮𝗽𝗮𝗹𝗮 𝗻𝗴 𝗗𝗶𝘆𝗼𝘀 𝗮𝘆 𝗱𝗮𝗵𝗶𝗹𝗮𝗻 𝗸𝘂𝗻𝗴 𝗯𝗮𝗸𝗶𝘁 𝗻𝗮𝗴𝗱𝗶𝗿𝗶𝘄𝗮𝗻𝗴 𝗮𝘁 𝗻𝗮𝗴𝗽𝘂𝗽𝘂𝗿𝗶 𝘀𝗮 𝗗𝗶𝘆𝗼𝘀 𝗮𝗻𝗴 𝗺𝗴𝗮 𝗯𝗮𝗻𝘀𝗮.

𝘗𝘶𝘳𝘪𝘩𝘪𝘯 𝘬𝘢 𝘴𝘢𝘯𝘢 𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰, 𝘖 𝘋𝘪𝘺𝘰𝘴. 𝘔𝘢𝘨𝘢𝘭𝘢𝘬 𝘴𝘢𝘯𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰 𝘢𝘵 𝘶𝘮𝘢𝘸𝘪𝘵 𝘯𝘨 𝘱𝘢𝘱𝘶𝘳𝘪 𝘴𝘢 𝘪𝘯𝘺𝘰, 𝘥𝘢𝘩𝘪𝘭 𝘴𝘢 𝘮𝘢𝘬𝘢𝘵𝘢𝘳𝘶𝘯𝘨𝘢𝘯 𝘯ʼ𝘺𝘰𝘯𝘨 𝘱𝘢𝘨𝘩𝘢𝘩𝘢𝘵𝘰𝘭 𝘢𝘵 𝘱𝘢𝘨𝘱𝘢𝘱𝘢𝘵𝘯𝘶𝘣𝘢𝘺 𝘴𝘢 𝘭𝘢𝘩𝘢𝘵 𝘯𝘨 𝘣𝘢𝘯𝘴𝘢. 𝘖 𝘋𝘪𝘺𝘰𝘴, 𝘱𝘶𝘳𝘪𝘩𝘪𝘯 𝘴𝘢𝘯𝘢 𝘬𝘢𝘺𝘰 𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘯𝘴𝘢. 𝗦𝗔𝗟𝗠𝗢 𝟲𝟳:𝟯–𝟱

Sa kabila ng lahat ng poot at pagkakawatak-watak sa mundo ngayon, ang nasa puso ng Diyos ay ang magdiwang ang mga tao sa Kanya. Karapat-dapat Siya sa lahat ng ating papuri. Sa makasalanang mundo na ito, tayo ang Kanyang mga kinatawan na nagsisilbing mga kamay at paa Niya, nagpapahayag sa iba ng tungkol sa Kanya. Pribilehiyo natin ang maipahayag Siya at makita ang katuparan ng Kanyang walang hanggang mga plano. Ano sa tingin mo ang magiging itsura ng langit isang araw kapag ang lahat ng tao na galing sa bawat bansa ay sabay-sabay na sasamba sa Diyos?

Ang ating iglesya ay hindi lamang isang lugar ng misyon; tayo ay pwersa ng misyon, tinawag upang ipakilala si Cristo saan man tayo naroroon at saan man tayo pupunta. Isipin na lamang kung ano ang maaaring gawin ng Diyos sa pamamagitan ng mga taong ganap na nagpapasakop sa Kanya at tapat na nagsasakatuparan ng Kanyang misyon sa mundo!

𝗔𝗣𝗣𝗟𝗜𝗖𝗔𝗧𝗜𝗢𝗡

• Maglaan ng oras upang pag-isipan ang Mateo 28:18–20 ngayong linggo. Isulat ang mga naiisip mo at maghandang ibahagi ito sa susunod na linggo.

• Ano ang papel ng iglesya sa pakikipag-ugnayan sa ibang bansa? Ano sa palagay mo ang bahagi mo rito? Nakikita mo ba ang sarili mo na nakikibahagi sa pagdarasal, pagbibigay, o sa pagpunta sa iba’t ibang lugar?

• Bilang bahagi ng isang pamilya ng mga iglesya at ministeryo sa buong mundo, paano mo masusuportahan at paano ka makikipag-ugnayan sa mga misyonero at kaibigan na tumutulong sa iba’t ibang kultura? Paano niyo mahihikayat ang bawat isa na manatiling matatag sa pagsasagawa ng misyon ng Diyos kahit na magkakaiba ang inyong kinaroroonan at konteksto?

𝗣𝗥𝗔𝗬𝗘𝗥

• Pasalamatan ang Diyos para sa Kanyang pagmamahal sa Kanyang mga nilikha, para sa ating kaligtasan, at sa Kanyang plano ng pagtutubos.

• Manalangin na maging pagpapala ang ating iglesya sa mga bansa—isang pwersa ng misyon sa paghahayag ng ebanghelyo. Ipagdasal na maunawaan at maisagawa mo ang iyong bahagi rito at saan ka man ilalagay o dadalhin ng Diyos.

• Ipanalangin na ang mga tao sa bawat bansa ay manumbalik sa Diyos, magkaroon ng takot sa Kanya, at sumunod sa Kanya. Humiling sa Diyos ng mas marami pang manggagawa na maipapadala lalo na sa 113 na mga bansa na wala pang iglesya ng Every Nation.