Ang Pagmamahal ng Ama

𝗪𝗔𝗥𝗠 𝗨𝗣

• Kapag naririnig mo ang salitang “pag-ibig,” sino o ano ang unang pumapasok sa isip mo?

• Sino sa buhay mo ang nagpaparamdam sa ’yo ng ginhawa at pagtanggap kapag kasama mo sila?

• Ano ang nagtutulak sa iyo na manatili sa isang relasyon o pagkakaibigan kahit mahirap?

𝗪𝗢𝗥𝗗

“𝘚𝘢𝘱𝘢𝘨𝘬𝘢𝘵 𝘨𝘢𝘯𝘪𝘵𝘰 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘰𝘴 𝘴𝘢 𝘮𝘨𝘢 𝘵𝘢𝘰 𝘴𝘢 𝘴𝘢𝘯𝘭𝘪𝘣𝘶𝘵𝘢𝘯: 𝘐𝘣𝘪𝘯𝘪𝘨𝘢𝘺 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘉𝘶𝘨𝘵𝘰𝘯𝘨 𝘯𝘢 𝘈𝘯𝘢𝘬, 𝘶𝘱𝘢𝘯𝘨 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢 𝘢𝘺 𝘩𝘪𝘯𝘥𝘪 𝘮𝘢𝘱𝘢𝘩𝘢𝘮𝘢𝘬 𝘬𝘶𝘯𝘥𝘪 𝘮𝘢𝘨𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.” 𝗝𝗨𝗔𝗡 𝟯:𝟭𝟲

Ang talatang ito ang madalas na unang nababasa ng maraming mananampalataya. Para itong buod ng ebanghelyo—pagliligtas mula sa walang hanggang kapahamakan tungo sa buhay na walang hanggan sa pamamagitan ni Cristo. Pero naiintindihan ba natin talaga ang lalim nito? Bawat dakilang gawain sa kasaysayan ay may dahilan. Ang mga tao ay nagsasakripisyo, lumalaban, at nagtitiis sa iba’t ibang kadahilanan. Pero ang dahilan ng Diyos sa pag-aalay ng kaligtasan ay kakaiba at walang kahambing: ang Kanyang walang kapantay na pag-ibig.

Pag-uusapan natin ang misyon ng Diyos na maibalik tayo—isang misyon na dulot ng pag-ibig na higit pa kaysa sa anumang bagay. Ngayong araw, titingnan natin nang mas malalim ang dahilan sa likod ng misyon ng Diyos at kung paano nito kayang baguhin ang takbo ng ating buhay.

𝟭. 𝗔𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗯𝗶𝗴𝗮𝘆 𝗻𝗴 𝗽𝗶𝗻𝗮𝗸𝗮𝗱𝗮𝗸𝗶𝗹𝗮𝗻𝗴 𝗿𝗲𝗴𝗮𝗹𝗼..

“𝘚𝘢𝘱𝘢𝘨𝘬𝘢𝘵 𝘨𝘢𝘯𝘪𝘵𝘰 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘰𝘴 . . . 𝘚𝘢𝘱𝘢𝘨𝘬𝘢𝘵 𝘩𝘪𝘯𝘥𝘪 𝘴𝘪𝘯𝘶𝘨𝘰 𝘯𝘨 𝘋𝘪𝘰𝘴 𝘢𝘯𝘨 𝘬𝘢𝘯𝘺𝘢𝘯𝘨 𝘈𝘯𝘢𝘬 𝘥𝘪𝘵𝘰 𝘴𝘢 𝘮𝘶𝘯𝘥𝘰 𝘶𝘱𝘢𝘯𝘨 𝘩𝘢𝘵𝘶𝘭𝘢𝘯 𝘯𝘨 𝘱𝘢𝘳𝘶𝘴𝘢 𝘢𝘯𝘨 𝘮𝘨𝘢 𝘵𝘢𝘰, 𝘬𝘶𝘯𝘥𝘪 𝘶𝘱𝘢𝘯𝘨 𝘪𝘭𝘪𝘨𝘵𝘢𝘴 𝘴𝘪𝘭𝘢.” 𝗝𝗨𝗔𝗡 𝟯:𝟭𝟲–𝟭𝟳

Nakita ng Diyos na ang mundong Kanyang nilikha ay naliligaw, namamatay, at nakatakdang masira. Ang mundo natin ay basag at hindi marunong magpasalamat; binabalewala natin ang mga bagay, kinakalimutan ang kabutihan ng Diyos at tinatalikuran Siya. Dahil sa sobrang pagmamahal Niya sa atin, ibinigay Niya ang pinakamahalagang handog—ang Kanyang pinakamamahal na Anak, si Jesu-Cristo. Walang kahit ano o kahit sino na makakapagligtas sa atin, kaya’t ipinadala ng Ama ang Anak, ang Ikalawang Persona ng Santatlo, sa isang misyon para iligtas tayo. Ibinigay Niya si Jesus hindi lamang para samahan tayo, kundi para mamatay para sa atin. Kung ikaw, ibibigay mo ba sa mga taong galit at hindi marunong magpasalamat ang isang bagay o taong napakahalaga sa ‘yo?

𝟮. 𝗜𝗽𝗶𝗻𝗮𝗮𝗯𝗼𝘁 𝗻𝗴 𝗗𝗶𝘆𝗼𝘀 𝗮𝗻𝗴 𝗽𝗶𝗻𝗮𝗸𝗮𝗱𝗮𝗸𝗶𝗹𝗮𝗻𝗴 𝗽𝗮𝗮𝗻𝘆𝗮𝘆𝗮.

“. . . 𝘶𝘱𝘢𝘯𝘨 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢 𝘢𝘺 𝘩𝘪𝘯𝘥𝘪 𝘮𝘢𝘱𝘢𝘩𝘢𝘮𝘢𝘬 𝘬𝘶𝘯𝘥𝘪 𝘮𝘢𝘨𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.” 𝗝𝗨𝗔𝗡 𝟯:𝟭𝟲

Parang napakadali: ang 𝘴𝘪𝘯𝘶𝘮𝘢𝘯𝘨 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢. Ang pagiging simple nito ang nagpapaisip sa atin na dapat siguro ay may mga ritwal o mabubuting gawa muna bago tayo maligtas. Pero ito ang pinakamalaking paanyaya ng Diyos: tinatawag Niya ang mga tao na tumugon sa Kanya nang may pananampalataya. Ibahagi ang kwento kung kailan mo tinanggap si Cristo bilang iyong Panginoon at Tagapagligtas. Naging mahirap o madali ba ‘to para sa ‘yo? Ano ang nagtulak sa ’yo para gawin ang desisyong iyon? Minsan ba ay nahuhuli mo pa rin ang sarili mo na parang sinusubukan mong “pagtrabahuhan” ang iyong kaligtasan?

𝟯. 𝗔𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗯𝗶𝗴𝗮𝘆 𝘀𝗮 𝗮𝘁𝗶𝗻 𝗻𝗴 𝗱𝗮𝗮𝗻 𝗽𝗮𝗿𝗮 𝗺𝗮𝗴𝗸𝗮𝗿𝗼𝗼𝗻 𝗻𝗴 𝗽𝗶𝗻𝗮𝗸𝗮𝗱𝗮𝗸𝗶𝗹𝗮𝗻𝗴 𝗸𝗮𝗵𝗶𝗵𝗶𝗻𝗮𝘁𝗻𝗮𝗻.

“. . . 𝘩𝘪𝘯𝘥𝘪 𝘮𝘢𝘱𝘢𝘩𝘢𝘮𝘢𝘬 𝘬𝘶𝘯𝘥𝘪 𝘮𝘢𝘨𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. 𝘚𝘢𝘱𝘢𝘨𝘬𝘢𝘵 𝘩𝘪𝘯𝘥𝘪 𝘴𝘪𝘯𝘶𝘨𝘰 𝘯𝘨 𝘋𝘪𝘰𝘴 𝘢𝘯𝘨 𝘬𝘢𝘯𝘺𝘢𝘯𝘨 𝘈𝘯𝘢𝘬 𝘥𝘪𝘵𝘰 𝘴𝘢 𝘮𝘶𝘯𝘥𝘰 𝘶𝘱𝘢𝘯𝘨 𝘩𝘢𝘵𝘶𝘭𝘢𝘯 𝘯𝘨 𝘱𝘢𝘳𝘶𝘴𝘢 𝘢𝘯𝘨 𝘮𝘨𝘢 𝘵𝘢𝘰, 𝘬𝘶𝘯𝘥𝘪 𝘶𝘱𝘢𝘯𝘨 𝘪𝘭𝘪𝘨𝘵𝘢𝘴 𝘴𝘪𝘭𝘢.” 𝗝𝗨𝗔𝗡 𝟯:𝟭𝟲–𝟭𝟳

Dahil sa kasalanan, nararanasan natin ang pagkawasak at pagkawalay mula sa Diyos dito sa buhay sa mundo, at sa huli, ang walang hanggang pagkakahiwalay sa Kanya. Pero dahil sa napakadakilang pag-ibig ng Diyos—sa pamamagitan ng regalo Niyang Anak, si Jesu-Cristo—binuksan ng Diyos ang isang bagong kahihinatnan para sa atin. Habang tinatanggap natin ang Kanyang regalo nang may pananampalataya kay Jesus, nakatakda tayong makatanggap ng buhay na walang hanggan. Hindi lang ito tungkol sa buhay pagkatapos ng kamatayan; kasama rin dito ang pagkakaroon ng uri ng buhay na gusto ng Diyos para sa atin habang nandito pa tayo sa mundo. Ano ang pananaw mo sa buhay pagkatapos ng kamatayan bago mo nakilala ang Diyos? Paano nagbago ang pananaw mo habang mas nakikilala mo Siya?

Ang pag-ibig ng Diyos ang dahilan sa likod ng layunin Niya na makipagkasundo sa atin. Hindi lang Niya tayo iniligtas, kundi binibigyan din Niya tayo ng bagong kahahantungan: ang buhay na walang hanggan. Higit pa dito, tinawag Niya tayo na makibahagi sa Kanyang layunin na ibalik tayo sa Kanya sa pamamagitan ng pagbabahagi sa iba ng tungkol sa pinakamagandang regalo at kahahantungang inilalaan Niya para sa atin.

𝗔𝗣𝗣𝗟𝗜𝗖𝗔𝗧𝗜𝗢𝗡

• Pag-isipan ang katangian ng Diyos. Ano ang sinasabi sa atin ng pagpapadala Niya kay Jesus bilang handog tungkol sa Kanyang pagmamahal sa atin?

• May mga bagay ba na ginagawa mo pa rin para “kitain” ang pabor ng Diyos? Ano ang isang hakbang na maaari mong gawin ngayong linggo para maalala at tumugon sa Kanyang paanyaya?

• Paano makikita ang layunin ng Diyos na pakikipagkasundo sa sarili mong paligid at komunidad? Ano ang isang kongkretong hakbang na maaari mong gawin ngayong linggo para makatulong na maibalik ang iba sa Diyos?

𝗣𝗥𝗔𝗬𝗘𝗥

• Pasalamatan ang Diyos sa Kanyang dakilang pag-ibig para sa atin. Dahil sa Kanyang pagmamahal, ibinigay Niya ang Kanyang pinakamahalagang kaloob: ang Kanyang Anak na si Jesu-Cristo.

• Hilingin sa Diyos ang biyaya na umasa lamang sa Kanya at hindi sa sarili nating gawa.

• Idalangin na malinaw nating marinig ang tinig ng Diyos kung paano tayo makikiisa sa Kanyang layuning ibalik tayo sa Kanya.