Si Nicodemus

𝗪𝗔𝗥𝗠 𝗨𝗣

• Ano ang bagay na inaasahan mo sa araw-araw? Bakit ito mahalaga sa iyo?

• May pagkakataon bang nasabi mo sa iba ang isang sikretong dapat ay itinago mo? Ano ang nangyari?

• Ikwento ang panahong nakaramdam ka na kailangan mong magsimula muli. Paano ka nakausad?

𝗪𝗢𝗥𝗗

𝘔𝘢𝘺 𝘪𝘴𝘢𝘯𝘨 𝘵𝘢𝘰𝘯𝘨 𝘯𝘢𝘨𝘯𝘨𝘢𝘯𝘨𝘢𝘭𝘢𝘯𝘨 𝘕𝘪𝘤𝘰𝘥𝘦𝘮𝘶𝘴. 𝘐𝘴𝘢 𝘴𝘪𝘺𝘢 𝘴𝘢 𝘮𝘨𝘢 𝘱𝘪𝘯𝘶𝘯𝘰 𝘯𝘨 𝘮𝘨𝘢 𝘑𝘶𝘥𝘪𝘰 𝘢𝘵 𝘬𝘢𝘣𝘪𝘭𝘢𝘯𝘨 𝘴𝘢 𝘨𝘳𝘶𝘱𝘰 𝘯𝘨 𝘮𝘨𝘢 𝘗𝘢𝘳𝘪𝘴𝘦𝘰. 𝘐𝘴𝘢𝘯𝘨 𝘨𝘢𝘣𝘪, 𝘱𝘶𝘮𝘶𝘯𝘵𝘢 𝘴𝘪𝘺𝘢 𝘬𝘢𝘺 𝘑𝘦𝘴𝘶𝘴 𝘢𝘵 𝘴𝘪𝘯𝘢𝘣𝘪, “𝘎𝘶𝘳𝘰, 𝘢𝘭𝘢𝘮 𝘯𝘢𝘮𝘪𝘯𝘨 𝘪𝘴𝘢 𝘬𝘢𝘺𝘰𝘯𝘨 𝘵𝘢𝘨𝘢𝘱𝘢𝘨𝘵𝘶𝘳𝘰 𝘯𝘢 𝘮𝘶𝘭𝘢 𝘴𝘢 𝘋𝘪𝘺𝘰𝘴, 𝘥𝘢𝘩𝘪𝘭 𝘸𝘢𝘭𝘢𝘯𝘨 𝘮𝘢𝘬𝘢𝘬𝘢𝘨𝘢𝘸𝘢 𝘯𝘨 𝘮𝘨𝘢 𝘩𝘪𝘮𝘢𝘭𝘢𝘯𝘨 𝘨𝘪𝘯𝘢𝘨𝘢𝘸𝘢 𝘯𝘪𝘯𝘺𝘰, 𝘮𝘢𝘭𝘪𝘣𝘢𝘯 𝘬𝘶𝘯𝘨 𝘴𝘶𝘮𝘢𝘴𝘢𝘬𝘢𝘯𝘺𝘢 𝘢𝘯𝘨 𝘋𝘪𝘺𝘰𝘴.” 𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘺𝘰 𝘢𝘯𝘨 𝘵𝘰𝘵𝘰𝘰, 𝘩𝘪𝘯𝘥𝘪 𝘮𝘢𝘱𝘢𝘱𝘢𝘣𝘪𝘭𝘢𝘯𝘨 𝘴𝘢 𝘬𝘢𝘩𝘢𝘳𝘪𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘩𝘪𝘯𝘥𝘪 𝘪𝘱𝘪𝘯𝘢𝘯𝘨𝘢𝘯𝘢𝘬 𝘯𝘢 𝘮𝘶𝘭𝘪.” 𝗝𝗨𝗔𝗡 𝟯:𝟭–𝟯

(Basahin din ang 𝗝𝗨𝗔𝗡 𝟯:𝟰–𝟮𝟭.)

Si Nicodemus ay isang Pariseo, kilala sa larangan ng relihiyon at isang tagapagturo. Kinikilala siyang matuwid ng mga taong nakapalibot sa kanya. Isang gabi, binisita niya si Jesus nang palihim dahil gusto niyang marinig ang Kanyang itinuturo. Natutunan ni Nicodemus na mayroon siyang kailangan kay Jesus—isang bagay na bumago sa kanya. Ito ay ang muling pagkasilang sa espiritu. Sa araw na ito, tingnan natin kung ano ang matututunan natin sa pagkikita nina Jesus at Nicodemus.

𝟭. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻 𝗻𝗴 𝗲𝘀𝗽𝗶𝗿𝗶𝘁𝘂𝘄𝗮𝗹 𝗻𝗮 𝗺𝘂𝗹𝗶𝗻𝗴 𝗽𝗮𝗴𝗸𝗮𝘀𝗶𝗹𝗮𝗻𝗴 𝗽𝗮𝗿𝗮 𝗺𝗮𝗸𝗮𝗽𝗮𝘀𝗼𝗸 𝘁𝗮𝘆𝗼 𝘀𝗮 𝗸𝗮𝗵𝗮𝗿𝗶𝗮𝗻 𝗻𝗴 𝗗𝗶𝘆𝗼𝘀.

𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘺𝘰 𝘢𝘯𝘨 𝘵𝘰𝘵𝘰𝘰, 𝘩𝘪𝘯𝘥𝘪 𝘮𝘢𝘱𝘢𝘱𝘢𝘣𝘪𝘭𝘢𝘯𝘨 𝘴𝘢 𝘬𝘢𝘩𝘢𝘳𝘪𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘩𝘪𝘯𝘥𝘪 𝘪𝘱𝘪𝘯𝘢𝘯𝘨𝘢𝘯𝘢𝘬 𝘯𝘢 𝘮𝘶𝘭𝘪.” . . . 𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘺𝘰 𝘢𝘯𝘨 𝘵𝘰𝘵𝘰𝘰, 𝘩𝘪𝘯𝘥𝘪 𝘮𝘢𝘱𝘢𝘱𝘢𝘣𝘪𝘭𝘢𝘯𝘨 𝘴𝘢 𝘬𝘢𝘩𝘢𝘳𝘪𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘩𝘪𝘯𝘥𝘪 𝘪𝘱𝘪𝘯𝘢𝘯𝘨𝘢𝘯𝘢𝘬 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘵𝘶𝘣𝘪𝘨 𝘢𝘵 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶.” 𝗝𝗨𝗔𝗡 𝟯:𝟯, 𝟱

Sa Kasulatang ito makikita ang mga salitang “ipinanganak na muli.” Lahat tayo ay ipinanganak nang isang beses mula sa sinapupunan ng ating mga ina, ngunit upang makapasok sa kaharian ng Diyos, kailangan nating maipanganak sa Espiritu. Dahil sa kasalanan, lahat tayo ay espirituwal na patay, (Mga Taga-Efeso 2:1–3) na mauuwi din sa walang hanggang kamatayan sa impiyerno, maliban na lamang kung makakaranas tayo ng espirituwal na muling pagkasilang. Ang kaharian ng langit ay likas na espirituwal at ang makakapasok lamang ay ang mga buhay sa espirito.

𝟮. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻𝗴 𝗺𝗮𝗻𝗶𝘄𝗮𝗹𝗮 𝗸𝗮𝘆 𝗝𝗲𝘀𝘂𝘀 𝘂𝗽𝗮𝗻𝗴 𝗺𝗮𝗴𝗸𝗮𝗿𝗼𝗼𝗻 𝗻𝗴 𝗯𝘂𝗵𝗮𝘆 𝗻𝗮 𝘄𝗮𝗹𝗮𝗻𝗴 𝗵𝗮𝗻𝗴𝗴𝗮𝗻.

𝘚𝘪𝘯𝘢𝘣𝘪 𝘱𝘢 𝘯𝘪 𝘑𝘦𝘴𝘶𝘴, “𝘒𝘶𝘯𝘨 𝘱𝘢𝘢𝘯𝘰𝘯𝘨 𝘪𝘵𝘪𝘯𝘢𝘢𝘴 𝘯𝘪 𝘔𝘰𝘪𝘴𝘦𝘴 𝘢𝘯𝘨 𝘢𝘩𝘢𝘴 𝘯𝘢 𝘵𝘢𝘯𝘴𝘰 𝘴𝘢 𝘪𝘭𝘢𝘯𝘨 𝘢𝘺 𝘨𝘢𝘯𝘰𝘰𝘯 𝘥𝘪𝘯 𝘯𝘢𝘮𝘢𝘯, 𝘢𝘬𝘰 𝘯𝘢 𝘈𝘯𝘢𝘬 𝘯𝘨 𝘛𝘢𝘰 𝘢𝘺 𝘥𝘢𝘱𝘢𝘵 𝘥𝘪𝘯𝘨 𝘪𝘵𝘢𝘢𝘴, 𝘶𝘱𝘢𝘯𝘨 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘢𝘬𝘪𝘯 𝘢𝘺 𝘮𝘢𝘨𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.”  𝗝𝗨𝗔𝗡 𝟯:𝟭𝟰–𝟭𝟱

Habang kausap si Nicodemus, hinulaan ni Jesus ang Kanyang kamatayan. Tulad ng ahas na tanso ni Moises (Bilang 21:9), sinabi ni Jesus na ang Anak ng Tao ay kailangang iangat sa poste, at sinumang titingin sa Kanya ay maliligtas. Diretso nitong tinukoy ang pagtataas kay Jesus sa krus, at hanggang ngayon, ang lahat nang titingin sa Kanya nang may pananampalataya ay maliligtas. Ang sinumang maniniwala kay Jesus ay maipapanganak na muli at magkakaroon ng buhay na walang hanggan. Kailan ka nagsimulang maniwala? Masasabi mo ba na umaasa ka kay Jesus araw-araw? Gaano ka kasigurado na mayroon kang buhay na walang hanggan?

𝟯. 𝗞𝗮𝗶𝗹𝗮𝗻𝗴𝗮𝗻 𝗻𝗮𝘁𝗶𝗻𝗴 𝗺𝗮𝗴𝗹𝗮𝗸𝗯𝗮𝘆 𝘀𝗮 𝗹𝗶𝘄𝗮𝗻𝗮𝗴 𝘂𝗽𝗮𝗻𝗴 𝗺𝗮𝗸𝗶𝘁𝗮 𝗻𝗴 𝗶𝗯𝗮 𝗮𝗻𝗴 𝗴𝗶𝗻𝗮𝗴𝗮𝘄𝗮 𝗻𝗴 𝗗𝗶𝘆𝗼𝘀 𝘀𝗮 𝗯𝘂𝗵𝗮𝘆 𝗻𝗮𝘁𝗶𝗻.

𝘕𝘨𝘶𝘯𝘪𝘵 𝘢𝘯𝘨 𝘯𝘢𝘮𝘶𝘮𝘶𝘩𝘢𝘺 𝘴𝘢 𝘬𝘢𝘵𝘰𝘵𝘰𝘩𝘢𝘯𝘢𝘯 𝘢𝘺 𝘭𝘶𝘮𝘢𝘭𝘢𝘱𝘪𝘵 𝘴𝘢 𝘭𝘪𝘸𝘢𝘯𝘢𝘨, 𝘶𝘱𝘢𝘯𝘨 𝘮𝘢𝘭𝘢𝘮𝘢𝘯 𝘯𝘨 𝘭𝘢𝘩𝘢𝘵 𝘯𝘢 𝘢𝘯𝘨 𝘮𝘢𝘣𝘶𝘣𝘶𝘵𝘪 𝘯𝘪𝘺𝘢𝘯𝘨 𝘨𝘢𝘸𝘢 𝘢𝘺 𝘯𝘢𝘨𝘢𝘸𝘢 𝘯𝘪𝘺𝘢 𝘴𝘢 𝘵𝘶𝘭𝘰𝘯𝘨 𝘯𝘨 𝘋𝘪𝘺𝘰𝘴.” 𝗝𝗨𝗔𝗡 𝟯:𝟮𝟭

Ang pagbabagong ginagawa ng Diyos ay malinaw sa buhay ng mga taong lumapit sa liwanag ni Jesus, nanampalataya sa Kanya, at nakaranas ng espirituwal na muling pagkasilang. Inihahalintulad ng Juan 3:8 ang isang isinilang sa Espiritu sa hangin—hindi ito nakikita, pero mararamdaman ang presensya nito. Ito ang nangyari kay Nicodemus. Hindi nagtagal at lumipat siya mula sa kadiliman (patagong pakikipagkita sa gabi) papunta sa liwanag. Hindi man natin alam kung kailan talaga siya nanalig kay Cristo, makikitang nagsimula siyang magsalita sa publiko para kay Jesus—hindi na siya nagtatago. Sa mga panahong nakakakuha si Jesus ng maling uri ng atensyon mula sa mga awtoridad, pumanig si Nicodemus sa Kanya kahit pa mabunyag na siya ay tagasunod ni Cristo (Juan 7:45–52). Nakaranas siya ng pagbabago dahil nakipagkita siya kay Jesus. Ano ang mga naging malinaw na pagbabago sa buhay mo nang maranasan mo ang bagong pagkapanganak?

𝗔𝗣𝗣𝗟𝗜𝗖𝗔𝗧𝗜𝗢𝗡

• Pag-isipan kung paano binago ni Jesus ang buhay mo mula nang makilala mo Siya. Ano ang isang paraan para mabigyang-daan mo ang ginagawa ng Banal na Espiritu sa iyo ngayong linggo?

• Ang pag-asa kay Jesus araw-araw ay may malaking epekto sa ating pagpapasya. Paano mo ito isinasabuhay? May mga paraan ba na makakatulong sa iyo na tumingin sa Diyos araw-araw?

• Paano mo pahihintulutang makita ng iba ang ginagawa ni Jesus sa buhay mo? Ipanalangin na lumakas ang loob mo para malaya mong maipakita sa iba ang iyong pagbabagong-buhay.

𝗣𝗥𝗔𝗬𝗘𝗥

• Pasalamatan ang Diyos para sa pagbabagong naranasan mo nang makilala mo si Jesus na nagbibigay ng bagong buhay at pag-asa sa pamamagitan ng Banal na Espiritu.

• Hilingin sa Diyos na palalimin pa Niya ang iyong pananampalataya habang nananalig ka sa Kanya para sa iyong kaligtasan at kabanalan.

• Manalangin na magkaroon ka ng matapang na puso na magpapakita ng pagbabagong sinimulan ni Jesus sa iyo, upang makita rin ng iba ang ginawa ng Diyos at mahikayat silang lumapit sa Kanya.