Si Jonatan at ang Tagapagdala Niya ng Armas

𝗪𝗔𝗥𝗠 𝗨𝗣

• Kapag dumating ang isang hamon, kadalasan ba ay diretso mo itong hinaharap o nagiging maingat ka? Bakit?

• Kapag ikaw at ang karamihan sa mga kaibigan mo ay hindi pareho ang mga pagpapahalaga o paniniwala, paano ka tumutugon? 

• Ano ang ginagawa mo kapag mayroon kang mga takot o pagdududa? Sinusubukan mo bang lutasin ang mga ito nang mag-isa o humihingi ka ng tulong? Balikan ang isang pagkakataon na nagpapaliwanag nito.

𝗪𝗢𝗥𝗗

𝘚𝘪𝘯𝘢𝘣𝘪 𝘯𝘪 𝘑𝘰𝘯𝘢𝘵𝘢𝘯 𝘴𝘢 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴, “𝘗𝘶𝘯𝘵𝘢𝘩𝘢𝘯 𝘯𝘢𝘵𝘪𝘯 𝘢𝘯𝘨 𝘬𝘢𝘮𝘱𝘰 𝘯𝘨 𝘮𝘨𝘢 𝘵𝘢𝘰𝘯𝘨 𝘪𝘺𝘰𝘯 𝘯𝘢 𝘩𝘪𝘯𝘥𝘪 𝘬𝘶𝘮𝘪𝘬𝘪𝘭𝘢𝘭𝘢 𝘴𝘢 𝘋𝘪𝘺𝘰𝘴. 𝘉𝘢𝘬𝘢 𝘴𝘢𝘬𝘢𝘭𝘪𝘯𝘨 𝘵𝘶𝘭𝘶𝘯𝘨𝘢𝘯 𝘵𝘢𝘺𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘥𝘢𝘩𝘪𝘭 𝘸𝘢𝘭𝘢𝘯𝘨 𝘮𝘢𝘬𝘢𝘬𝘢𝘱𝘪𝘨𝘪𝘭 𝘬𝘶𝘯𝘨 𝘭𝘰𝘭𝘰𝘰𝘣𝘪𝘯 𝘯𝘪𝘺𝘢𝘯𝘨 𝘮𝘢𝘨𝘵𝘢𝘨𝘶𝘮𝘱𝘢𝘺 𝘵𝘢𝘺𝘰, 𝘬𝘢𝘩𝘪𝘵 𝘮𝘢𝘳𝘢𝘮𝘪 𝘰 𝘬𝘢𝘬𝘢𝘶𝘯𝘵𝘪 𝘵𝘢𝘺𝘰.” 𝘚𝘪𝘯𝘢𝘣𝘪 𝘯𝘨 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴, “𝘎𝘢𝘸𝘪𝘯 𝘯ʼ𝘺𝘰 𝘱𝘰 𝘢𝘯𝘨 𝘢𝘯𝘶𝘮𝘢𝘯𝘨 𝘪𝘯𝘪𝘪𝘴𝘪𝘱 𝘯𝘪𝘯𝘺𝘰. 𝘒𝘢𝘴𝘢𝘮𝘢 𝘯ʼ𝘺𝘰 𝘢𝘬𝘰 𝘬𝘢𝘩𝘪𝘵 𝘢𝘯𝘰 𝘢𝘯𝘨 𝘮𝘢𝘯𝘨𝘺𝘢𝘳𝘪.” 𝟭 𝗦𝗔𝗠𝗨𝗘𝗟 𝟭𝟰:𝟲-𝟳

(Basahin din ang 𝟭 𝗦𝗔𝗠𝗨𝗘𝗟 𝟭𝟰:𝟭-𝟮𝟯.)

Ang Israel ay nagkaroon ng kasaysayan ng pakikipaglaban sa ibang mga lahi, at isa na rito ang mga Filisteo. Sa kwentong ito, isang malaking hukbo ng mga Filisteo ang nakikipaglaban sa kanila sa kanilang teritoryo. Ang mga ito ay tinalo ng anak ni Haring Saul na si Jonatan at ng kanyang mga tauhan sa Geba, at bilang resulta, gumanti ang mga Filisteo gamit ang 30,000 karwahe at 6,000 mangangabayo at hukbo, na mas marami kaysa sa mga mamamayan ng Diyos (1 Samuel 13:2–7). Dahil dito, nagtakbuhan ang lahat sa takot, maliban kay Jonatan at ang tagapagdala niya ng armas. Ngayong araw, tingnan natin ang kanilang pananampalataya sa kapangyarihan ng Diyos, lakas ng loob na lumaban pa rin upang pamunuan ang Israel sa tagumpay, at ang mga aral na matututunan natin mula sa kanila.

𝟭. 𝗠𝗮𝗻𝗮𝗺𝗽𝗮𝗹𝗮𝘁𝗮𝘆𝗮 𝘀𝗮 𝗴𝗶𝘁𝗻𝗮 𝗻𝗴 𝘁𝗮𝗸𝗼𝘁 𝗮𝘁 𝗽𝗮𝗴𝗱𝘂𝗱𝘂𝗱𝗮.

𝘚𝘪𝘯𝘢𝘣𝘪 𝘯𝘪 𝘑𝘰𝘯𝘢𝘵𝘢𝘯 𝘴𝘢 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴, “𝘗𝘶𝘯𝘵𝘢𝘩𝘢𝘯 𝘯𝘢𝘵𝘪𝘯 𝘢𝘯𝘨 𝘬𝘢𝘮𝘱𝘰 𝘯𝘨 𝘮𝘨𝘢 𝘵𝘢𝘰𝘯𝘨 𝘪𝘺𝘰𝘯 𝘯𝘢 𝘩𝘪𝘯𝘥𝘪 𝘬𝘶𝘮𝘪𝘬𝘪𝘭𝘢𝘭𝘢 𝘴𝘢 𝘋𝘪𝘺𝘰𝘴. 𝘉𝘢𝘬𝘢 𝘴𝘢𝘬𝘢𝘭𝘪𝘯𝘨 𝘵𝘶𝘭𝘶𝘯𝘨𝘢𝘯 𝘵𝘢𝘺𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘥𝘢𝘩𝘪𝘭 𝘸𝘢𝘭𝘢𝘯𝘨 𝘮𝘢𝘬𝘢𝘬𝘢𝘱𝘪𝘨𝘪𝘭 𝘬𝘶𝘯𝘨 𝘭𝘰𝘭𝘰𝘰𝘣𝘪𝘯 𝘯𝘪𝘺𝘢𝘯𝘨 𝘮𝘢𝘨𝘵𝘢𝘨𝘶𝘮𝘱𝘢𝘺 𝘵𝘢𝘺𝘰, 𝘬𝘢𝘩𝘪𝘵 𝘮𝘢𝘳𝘢𝘮𝘪 𝘰 𝘬𝘢𝘬𝘢𝘶𝘯𝘵𝘪 𝘵𝘢𝘺𝘰.” 𝘚𝘪𝘯𝘢𝘣𝘪 𝘯𝘨 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴, “𝘎𝘢𝘸𝘪𝘯 𝘯ʼ𝘺𝘰 𝘱𝘰 𝘢𝘯𝘨 𝘢𝘯𝘶𝘮𝘢𝘯𝘨 𝘪𝘯𝘪𝘪𝘴𝘪𝘱 𝘯𝘪𝘯𝘺𝘰. 𝘒𝘢𝘴𝘢𝘮𝘢 𝘯ʼ𝘺𝘰 𝘢𝘬𝘰 𝘬𝘢𝘩𝘪𝘵 𝘢𝘯𝘰 𝘢𝘯𝘨 𝘮𝘢𝘯𝘨𝘺𝘢𝘳𝘪.” 𝟭 𝗦𝗔𝗠𝗨𝗘𝗟 𝟭𝟰:𝟲-𝟳

(Basahin din ang 𝟭 𝗦𝗔𝗠𝗨𝗘𝗟 𝟭𝟰:𝟮,𝟭𝟭.)

Habang si Saul at ang kanyang mga tauhan ay takot na takot at lumayo sa mga Filisteo, si Jonatan at ang tagapagdala niya ng armas ay nanampalataya sa Diyos at sa Kanyang kapangyarihan. Sa halip na manliit dahil sa takot at pagdududa, matapang silang lumapit sa kampo ng kaaway. Kapag nagkakaroon tayo ng pagdududa sa ating pananampalataya dahil sa mga katotohanan, inaanyayahan tayo ng Diyos na magtiwala sa Kanya upang maranasan natin ang Kanyang kapangyarihan at kalayaan. Balikan ang isang pagkakataon na hindi mo magawa ang kailangan mong gawin dahil sa takot at pagdududa. Paano ibinalik ng Diyos ang iyong pagtitiwala at pananampalataya sa Kanya?

𝟮. 𝗠𝗮𝗻𝗮𝗺𝗽𝗮𝗹𝗮𝘁𝗮𝘆𝗮 𝘀𝗮 𝗴𝗶𝘁𝗻𝗮 𝗻𝗴 𝗻𝗮𝗽𝗮𝗸𝗮𝘁𝗶𝗻𝗱𝗶𝗻𝗴 𝗼𝗽𝗼𝘀𝗶𝘀𝘆𝗼𝗻.

𝘈𝘵 𝘴𝘪𝘯𝘪𝘨𝘢𝘸𝘢𝘯 𝘯𝘪𝘭𝘢 𝘴𝘪𝘯𝘢 𝘑𝘰𝘯𝘢𝘵𝘢𝘯 𝘢𝘵 𝘢𝘯𝘨 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴, “𝘓𝘶𝘮𝘢𝘱𝘪𝘵 𝘬𝘢𝘺𝘰 𝘳𝘪𝘵𝘰, 𝘯𝘢𝘯𝘨 𝘮𝘢𝘵𝘶𝘳𝘶𝘢𝘯 𝘯𝘢𝘮𝘪𝘯 𝘬𝘢𝘺𝘰 𝘯𝘨 𝘭𝘦𝘬𝘴𝘺𝘰𝘯.” 𝘚𝘪𝘯𝘢𝘣𝘪 𝘯𝘪 𝘑𝘰𝘯𝘢𝘵𝘢𝘯 𝘴𝘢 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴, “𝘏𝘢𝘭𝘪𝘬𝘢, 𝘴𝘶𝘮𝘶𝘯𝘰𝘥 𝘬𝘢 𝘴𝘢 𝘢𝘬𝘪𝘯 𝘥𝘢𝘩𝘪𝘭 𝘵𝘶𝘵𝘶𝘭𝘶𝘯𝘨𝘢𝘯 𝘵𝘢𝘺𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘵𝘢𝘭𝘶𝘯𝘪𝘯 𝘴𝘪𝘭𝘢 𝘯𝘨 𝘐𝘴𝘳𝘢𝘦𝘭.” 𝘒𝘢𝘺𝘢 𝘨𝘶𝘮𝘢𝘱𝘢𝘯𝘨 𝘴𝘪 𝘑𝘰𝘯𝘢𝘵𝘢𝘯 𝘱𝘢𝘢𝘬𝘺𝘢𝘵, 𝘬𝘢𝘴𝘶𝘯𝘰𝘥 𝘢𝘯𝘨 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴. 𝘗𝘪𝘯𝘢𝘵𝘢𝘺 𝘯𝘪 𝘑𝘰𝘯𝘢𝘵𝘢𝘯 𝘢𝘯𝘨 𝘮𝘨𝘢 𝘍𝘪𝘭𝘪𝘴𝘵𝘦𝘰 𝘢𝘵 𝘨𝘢𝘯𝘰𝘰𝘯 𝘥𝘪𝘯 𝘢𝘯𝘨 𝘨𝘪𝘯𝘢𝘸𝘢 𝘯𝘨 𝘵𝘢𝘨𝘢𝘱𝘢𝘨𝘥𝘢𝘭𝘢 𝘯𝘪𝘺𝘢 𝘯𝘨 𝘢𝘳𝘮𝘢𝘴. 𝟭 𝗦𝗔𝗠𝗨𝗘𝗟 𝟭𝟰:𝟭𝟮-𝟭𝟯

Pagkatapos makita ang dalawang Israelita, pinapunta sila ng mga Filisteo sa kampo. Nagtitiwala sila sa kanilang bilang at sa mataas na lugar na kinalalagyan nila. Ngunit alam ni Jonatan at ng tagapagdala niya ng armas na nasa panig nila ang Diyos. Pagdating na pagdating nila ay agad na nilang tinalo ang dalawampung kalalakihan na nagdulot ng pagkataranta at kalituhan sa kampo ng kaaway. Bagama’t wala silang kalaban-laban sa dami ng bilang ng kaaway, alam ni Jonatan at ng tagapagdala niya ng armas na walang imposible sa Diyos. Bagama’t mukhang hindi tayo mananalo, ang mabuti, ganap, at kalugod-lugod na plano ng Diyos para sa buhay natin ay laging mananaig. Paano ipinakita ng Diyos na Siya ay nakikipaglaban kasama mo at para sa iyo?

𝘕𝘢𝘯𝘨 𝘢𝘳𝘢𝘸 𝘯𝘢 𝘪𝘺𝘰𝘯, 𝘪𝘯𝘪𝘭𝘪𝘨𝘵𝘢𝘴 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘯𝘨 𝘮𝘨𝘢 𝘐𝘴𝘳𝘢𝘦𝘭𝘪𝘵𝘢 𝘢𝘵 𝘶𝘮𝘢𝘣𝘰𝘵 𝘱𝘢 𝘢𝘯𝘨 𝘥𝘪𝘨𝘮𝘢𝘢𝘯 𝘩𝘢𝘯𝘨𝘨𝘢𝘯𝘨 𝘴𝘢 𝘉𝘦𝘵 𝘈𝘷𝘦𝘯. 𝟭 𝗦𝗔𝗠𝗨𝗘𝗟 𝟭𝟰:𝟮𝟯

Normal lamang ang pagharap sa takot at pagdududa. Kapag ibinato sa atin ang mga katotohanan, parang mas madali ang sumuko. Ngunit sa kabila ng pagdududa, maaari tayong gumawa ng mga hakbang ng pananampalataya, gaano man ito kaliit. Nawa’y hayaan natin ang Diyos na alisin ang takot at pag-aalinlangan sa ating puso’t isipan habang nakikita natin ang kapangyarihan Niyang magligtas, upang makapagpatuloy tayo sa pananampalataya—hanggang sa makita natin ang tagumpay.

𝗔𝗣𝗣𝗟𝗜𝗖𝗔𝗧𝗜𝗢𝗡

• Kadalasan, ang pagdududa ay isang labanan sa isipan, habang ang takot ay sa puso. Ano ang ilang praktikal na paraan na maaari mong gawin para mapagtagumpayan ang mga ito araw-araw?

• Mayroon bang mga bahagi sa buhay mo na parang napakalaki? Paano ka makakatugon nang may pananampalataya ngayon?

• May kakilala ka bang nahihirapan sa isang bagay na kailangan niyang labanan? Paano ka makakapagbigay ng lakas ng loob sa taong ito ngayong linggo?

𝗣𝗥𝗔𝗬𝗘𝗥

• Pasalamatan ang Diyos dahil sa pamamagitan Niya, lahat ng bagay ay posible. Pasalamatan Siya dahil maaari tayong manampalataya sa Kanya, ang pinagmumulan ng ating tiwala at katiyakan.

• Hilingin sa Diyos na patahimikin ang iyong mga takot at pagdududa upang mas marinig mo ang Kanyang tinig at magtiwala ka sa Kanyang mga pamamaraan. Ipanalangin na hindi ka aasa sa iyong sariling kakayahan kundi sa Diyos at sa Kanyang salita.

• Ipanalangin na gamitin ka ng Diyos bilang isang patotoo sa ibang tao ng pagkakaroon ng pananampalataya, hindi takot. Ipanalangin na ang buhay mo ay makaakay ng mga tao patungo sa Diyos.