Mahimalang Kaligtasan

𝗪𝗔𝗥𝗠 𝗨𝗣

• Gusto mo ba ng mga kwento kung paano nagiging magkaibigan ang mga dating magkaaway? Ano sa tingin mo ang nagpapaganda o epektibo sa mga ganitong kwento?

• Mag-isip ng isang kaibigan na mas marami ang pagkakaiba ninyo kaysa pagkakapareho. Paano kayo naging magkaibigan?

• Kamakailan mo bang natapos ang isang mahalaga at kritikal na gawain na ayaw mo gawin noong una? Paano mo ito unang hinarap at paano mo ito natapos?

𝗪𝗢𝗥𝗗

𝘗𝘢𝘵𝘶𝘭𝘰𝘺 𝘱𝘢 𝘳𝘪𝘯 𝘢𝘯𝘨 𝘱𝘢𝘨𝘣𝘢𝘣𝘢𝘯𝘵𝘢 𝘯𝘪 𝘚𝘢𝘶𝘭𝘰 𝘴𝘢 𝘣𝘶𝘩𝘢𝘺 𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝘗𝘪𝘯𝘶𝘯𝘵𝘢𝘩𝘢𝘯 𝘱𝘢 𝘯𝘪𝘺𝘢 𝘢𝘯𝘨 𝘱𝘶𝘯𝘰𝘯𝘨 𝘱𝘢𝘳𝘪 𝘢𝘵 𝘩𝘶𝘮𝘪𝘯𝘨𝘪 𝘯𝘨 𝘮𝘨𝘢 𝘴𝘶𝘭𝘢𝘵 𝘯𝘢 𝘪𝘱𝘢𝘱𝘢𝘬𝘪𝘵𝘢 𝘯𝘪𝘺𝘢 𝘴𝘢 𝘮𝘨𝘢 𝘴𝘢𝘮𝘣𝘢𝘩𝘢𝘯 𝘯𝘨 𝘮𝘨𝘢 𝘑𝘶𝘥𝘪𝘰 𝘴𝘢 𝘋𝘢𝘮𝘢𝘴𝘤𝘶𝘴 𝘣𝘪𝘭𝘢𝘯𝘨 𝘬𝘢𝘵𝘪𝘣𝘢𝘺𝘢𝘯 𝘯𝘢 𝘣𝘪𝘯𝘪𝘣𝘪𝘨𝘺𝘢𝘯 𝘴𝘪𝘺𝘢 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘩𝘶𝘭𝘪𝘩𝘪𝘯 𝘢𝘵 𝘥𝘢𝘭𝘩𝘪𝘯 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘮𝘢𝘬𝘪𝘬𝘪𝘵𝘢 𝘯𝘪𝘺𝘢 𝘳𝘰𝘰𝘯 𝘯𝘢 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘱𝘢𝘮𝘢𝘮𝘢𝘳𝘢𝘢𝘯 𝘯𝘪 𝘑𝘦𝘴𝘶𝘴, 𝘭𝘢𝘭𝘢𝘬𝘪 𝘮𝘢𝘯 𝘪𝘵𝘰 𝘰 𝘣𝘢𝘣𝘢𝘦. 𝘕𝘢𝘯𝘨 𝘮𝘢𝘭𝘢𝘱𝘪𝘵 𝘯𝘢 𝘴𝘪 𝘚𝘢𝘶𝘭𝘰 𝘴𝘢 𝘭𝘶𝘯𝘨𝘴𝘰𝘥 𝘯𝘨 𝘋𝘢𝘮𝘢𝘴𝘤𝘶𝘴, 𝘣𝘪𝘨𝘭𝘢 𝘴𝘪𝘺𝘢𝘯𝘨 𝘯𝘢𝘱𝘢𝘭𝘪𝘣𝘶𝘵𝘢𝘯 𝘯𝘨 𝘯𝘢𝘬𝘢𝘬𝘢𝘴𝘪𝘭𝘢𝘸 𝘯𝘢 𝘭𝘪𝘸𝘢𝘯𝘢𝘨 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵. 𝗚𝗔𝗪𝗔 𝟵:𝟭–𝟯

(Basahin din ang 𝗚𝗔𝗪𝗔 𝟵:𝟰–𝟮𝟮.)

Bawat kwento ng kaligtasan ay isang himala ng biyaya ng Diyos, para sa nakaririnig ng ebanghelyo at para rin sa taong ginamit ng Diyos upang ibahagi ito. Tingnan natin ang kwentong ito mula sa dalawang pananaw. Si Saulo ay itinuturing ng marami na imposibleng abutin. Patuloy niyang inuusig ang mga tagasunod ni Cristo. Sa kabilang banda, naroon si Ananias, isang karaniwang disipulo, na pinagkalooban ng napakalaking tungkulin na lapitan si Saulo, ang mang-uusig. Ngayon, tingnan natin ang mga aral na maaari nating makuha mula sa kwentong ito tungkol sa himala ng kaligtasan sa pamamagitan ng ebanghelyo.

𝟭. 𝗔𝗻𝗴 𝗲𝗯𝗮𝗻𝗴𝗵𝗲𝗹𝘆𝗼 𝗮𝘆 𝗽𝗮𝗿𝗮 𝘀𝗮 𝗹𝗮𝗵𝗮𝘁 𝗻𝗴 𝘂𝗿𝗶 𝗻𝗴 𝘁𝗮𝗼. 

𝘗𝘦𝘳𝘰 𝘴𝘶𝘮𝘢𝘨𝘰𝘵 𝘴𝘪 𝘈𝘯𝘢𝘯𝘪𝘢𝘴, “𝘗𝘢𝘯𝘨𝘪𝘯𝘰𝘰𝘯, 𝘮𝘢𝘳𝘢𝘮𝘪 𝘱𝘰 𝘢𝘬𝘰𝘯𝘨 𝘯𝘢𝘣𝘢𝘣𝘢𝘭𝘪𝘵𝘢𝘢𝘯 𝘵𝘶𝘯𝘨𝘬𝘰𝘭 𝘴𝘢 𝘵𝘢𝘰𝘯𝘨 𝘪𝘺𝘰𝘯, 𝘯𝘢 𝘮𝘢𝘭𝘶𝘱𝘪𝘵 𝘴𝘪𝘺𝘢 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘱𝘪𝘯𝘢𝘣𝘢𝘯𝘢𝘭 𝘴𝘢 𝘑𝘦𝘳𝘶𝘴𝘢𝘭𝘦𝘮. 𝘕𝘢𝘳𝘪𝘵𝘰 𝘴𝘪𝘺𝘢 𝘯𝘨𝘢𝘺𝘰𝘯 𝘴𝘢 𝘋𝘢𝘮𝘢𝘴𝘤𝘶𝘴 𝘢𝘵 𝘣𝘪𝘯𝘪𝘨𝘺𝘢𝘯 𝘴𝘪𝘺𝘢 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘮𝘨𝘢 𝘯𝘢𝘮𝘢𝘮𝘢𝘩𝘢𝘭𝘢𝘯𝘨 𝘱𝘢𝘳𝘪 𝘯𝘢 𝘩𝘶𝘭𝘪𝘩𝘪𝘯 𝘢𝘯𝘨 𝘭𝘢𝘩𝘢𝘵 𝘯𝘨 𝘬𝘶𝘮𝘪𝘬𝘪𝘭𝘢𝘭𝘢 𝘴𝘢 𝘪𝘺𝘰.” 𝗚𝗔𝗪𝗔 𝟵:𝟭𝟯–𝟭𝟰

(Basahin din ang 𝗚𝗔𝗪𝗔 𝟵:𝟮𝟬–𝟮𝟮.)

Ito ay patunay kung gaano kalawak ang biyaya at kabutihan ng Diyos. “Panginoon, pati siya?” Maiisip natin na maaaring maging mapagmahal ang Diyos sa marami, pero sa isang tulad ni Saulo? Inilarawan siya bilang taong puno ng 𝘬𝘢𝘴𝘢𝘮𝘢𝘢𝘯. Madaling isiping wala nang pag-asa para sa kanya. Pero kayang kumilos ng Diyos sa mga lugar at bansa na akala natin ay lampas na sa ating abot, at sa mga puso ng tao na iniisip nating hindi na mababago. Kung kayang kumilos ng Diyos sa isang tulad ni Saulo (na kalaunan ay tinawag na Pablo), paano kaya Siya kumikilos sa mga tao o lugar na hindi mo inaasahan?

𝟮. 𝗞𝗮𝘆𝗮𝗻𝗴 𝗴𝗮𝗺𝗶𝘁𝗶𝗻 𝗻𝗴 𝗗𝗶𝘆𝗼𝘀 𝗮𝗻𝗴 𝗹𝗮𝗵𝗮𝘁 𝗻𝗴 𝘂𝗿𝗶 𝗻𝗴 𝘁𝗮𝗼.

𝘋𝘰𝘰𝘯 𝘴𝘢 𝘋𝘢𝘮𝘢𝘴𝘤𝘶𝘴 𝘢𝘺 𝘮𝘢𝘺 𝘪𝘴𝘢𝘯𝘨 𝘵𝘢𝘨𝘢𝘴𝘶𝘯𝘰𝘥 𝘯𝘪 𝘑𝘦𝘴𝘶𝘴 𝘯𝘢 𝘢𝘯𝘨 𝘱𝘢𝘯𝘨𝘢𝘭𝘢𝘯 𝘢𝘺 𝘈𝘯𝘢𝘯𝘪𝘢𝘴. 𝘕𝘢𝘨𝘱𝘢𝘬𝘪𝘵𝘢 𝘴𝘢 𝘬𝘢𝘯𝘺𝘢 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘴𝘢 𝘪𝘴𝘢𝘯𝘨 𝘱𝘢𝘯𝘨𝘪𝘵𝘢𝘪𝘯 𝘢𝘵 𝘴𝘪𝘯𝘢𝘣𝘪, “𝘈𝘯𝘢𝘯𝘪𝘢𝘴!” 𝘚𝘶𝘮𝘢𝘨𝘰𝘵 𝘴𝘪𝘺𝘢, “𝘗𝘢𝘯𝘨𝘪𝘯𝘰𝘰𝘯, 𝘣𝘢𝘬𝘪𝘵 𝘱𝘰?” . . . 𝘗𝘦𝘳𝘰 𝘴𝘪𝘯𝘢𝘣𝘪 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘬𝘢𝘺 𝘈𝘯𝘢𝘯𝘪𝘢𝘴, “𝘓𝘶𝘮𝘢𝘬𝘢𝘥 𝘬𝘢, 𝘥𝘢𝘩𝘪𝘭 𝘱𝘪𝘯𝘪𝘭𝘪 𝘬𝘰 𝘴𝘪𝘺𝘢𝘯𝘨 𝘮𝘢𝘨𝘭𝘪𝘯𝘨𝘬𝘰𝘥 𝘴𝘢 𝘢𝘬𝘪𝘯, 𝘱𝘢𝘳𝘢 𝘪𝘱𝘢𝘬𝘪𝘭𝘢𝘭𝘢 𝘯𝘪𝘺𝘢 𝘢𝘬𝘰 𝘴𝘢 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰 𝘢𝘵 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘩𝘢𝘳𝘪, 𝘢𝘵 𝘴𝘢 𝘮𝘨𝘢 𝘐𝘴𝘳𝘢𝘦𝘭𝘪𝘵𝘢. 𝘈𝘵 𝘪𝘱𝘢𝘱𝘢𝘬𝘪𝘵𝘢 𝘬𝘰 𝘳𝘪𝘯 𝘴𝘢 𝘬𝘢𝘯𝘺𝘢 𝘢𝘯𝘨 𝘮𝘨𝘢 𝘱𝘢𝘨𝘩𝘪𝘩𝘪𝘳𝘢𝘱 𝘯𝘢 𝘥𝘢𝘱𝘢𝘵 𝘯𝘪𝘺𝘢𝘯𝘨 𝘥𝘢𝘯𝘢𝘴𝘪𝘯 𝘱𝘢𝘳𝘢 𝘴𝘢 𝘢𝘬𝘪𝘯.” 𝗚𝗔𝗪𝗔 𝟵:𝟭𝟬, 𝟭𝟱–𝟭𝟲

(Basahin din ang 𝗚𝗔𝗪𝗔 𝟵:𝟮𝟬–𝟮𝟮.)

Madalas nating iniisip na ang pag-abot sa mga pusong matigas ay para lang sa mga pinaka-maalam o pinaka-matibay na mananampalataya. Inilarawan si Ananias bilang taong nagmamahal at sumusunod kay Jesus. May mga alinlangan at tanong siya, pero sa huli, nagtiwala siya sa Diyos at sumunod. Kapag ibinabahagi natin ang tungkol sa Diyos sa iba, hindi ang resulta ang nagtutulak sa atin. Ang pag-ibig ng Diyos sa atin ang siyang nagtutulak sa atin. Pinatibay din ng Diyos si Ananias sa pamamagitan ng pagsabi na ang kanyang pagsunod ay magdudulot ng kaligtasan sa marami, kabilang ang mga Hentil, dahil pinili ng Diyos si Saulo para sa isang tiyak na misyon at layunin sa Kanyang plano ng pagtubos. May iniisip ba ang Diyos na sinuman ay maliit o hindi karapat-dapat na gamitin Niya (1 Corinto 1:27–28)?

Bawat kwento ng kaligtasan ay isang himala sa magkabilang panig. Bawat pagkakataon na ibinabahagi natin ang ebanghelyo ay mahalaga, anuman ang kinalabasan. Habang ipinapahayag natin ang ebanghelyo, mas maraming tao ang naaabot, at sila rin ay magbabahagi ng ebanghelyo sa mga nasa paligid nila. Ang epekto nitong parang alon ay ang inaasahan nating makita hanggang sa kawalang-hanggan. Habang naaabot natin ang iba’t ibang uri ng tao sa ebanghelyo, mas marami rin ang mga taong magbabahagi nito sa iba, at mas marami ang makakakilala kay Cristo at mababago Niya.

𝗔𝗣𝗣𝗟𝗜𝗖𝗔𝗧𝗜𝗢𝗡

• Sa tingin mo, paano mo makikita ang pagkilos ng Diyos sa mga tao o sitwasyon sa paligid mo, kahit na tila imposible o hindi inaasahan?

• Gaya kay Ananias, paano ka inaanyayahan ng Diyos na makilahok sa kwento ng ibang tao, kahit na hindi ka sigurado o iniisip mong hindi ka karapat-dapat? Ano ang mga takot o alinlangan ang humahadlang sa iyo na ipahayag ang ebanghelyo, at paano ka maaaring tumugon nang may pananampalataya?

• Sa tingin mo, kanino ka inaakay ng Diyos para ibahagi ang patotoo mo? Mangakong makikipagkita ka sa kanya ngayong linggo at makikipag-usap tungkol sa iyong pananampalataya.

𝗣𝗥𝗔𝗬𝗘𝗥

• Pasalamatan ang Diyos sa himala ng kaligtasan na natanggap natin sa pamamagitan ni Jesu-Cristo. Bilang isang komunidad, hilingin natin na buksan Niya ang ating mga mata at palambutin ang ating mga puso sa mga tao at sitwasyong madalas nating iniisip na hindi na maaabot.

• Ipagdasal na magkaroon ka ng tapang tulad ni Ananias—ang uri ng tapang na nagsasabi ng “oo” kahit hindi tayo sigurado, kulang sa kakayahan, o nahihirapan sa sitwasyon. Habang isinasabuhay natin ito nang magkakasama, nawa’y turuan tayo ng Banal na Espiritu na magtiwala na kumikilos ang Diyos sa pamamagitan ng mga ordinaryong tao.

• Hilingin sa Diyos na pagkalooban tayo ng pusong nagbabahagi ng Kanyang pag-ibig nang hindi nakatuon sa resulta. Nawa’y matutunan natin, bilang isang komunidad, na kilalanin ang bawat sandali bilang sagradong pagkakataon upang ipakita si Cristo at ipahayag ang ebanghelyo sa buhay ng mga tao sa paligid natin.