Ang Katapusan

𝗪𝗔𝗥𝗠-𝗨𝗣

• Ano ang unang pumapasok sa isip mo kapag pinag-uusapan ang katapusan ng mundo?

• Natutuwa ka ba sa mga kwentong may hindi inaasahang wakas. Bakit oo o bakit hindi?

• Kapag may mga haharapin kang mahihirap na sitwasyon, paano mo sinisiguro na handa ka?

𝗪𝗢𝗥𝗗

𝘗𝘢𝘨𝘬𝘢𝘵𝘢𝘱𝘰𝘴, 𝘯𝘢𝘬𝘢𝘳𝘪𝘯𝘪𝘨 𝘢𝘬𝘰 𝘯𝘨 𝘱𝘢𝘳𝘢𝘯𝘨 𝘯𝘢𝘱𝘢𝘬𝘢𝘳𝘢𝘮𝘪𝘯𝘨 𝘵𝘢𝘰 𝘴𝘢 𝘭𝘢𝘯𝘨𝘪𝘵 𝘯𝘢 𝘯𝘢𝘨𝘴𝘪𝘴𝘪𝘨𝘢𝘸𝘢𝘯, “𝘗𝘶𝘳𝘪𝘩𝘪𝘯 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯! 𝘗𝘶𝘳𝘪𝘩𝘪𝘯 𝘢𝘯𝘨 𝘋𝘪𝘰𝘴 𝘯𝘢𝘵𝘪𝘯𝘨 𝘮𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯, 𝘥𝘢𝘩𝘪𝘭 𝘴𝘪𝘺𝘢 𝘢𝘯𝘨 𝘯𝘢𝘨𝘭𝘪𝘨𝘵𝘢𝘴 𝘴𝘢 𝘢𝘵𝘪𝘯! 𝘔𝘢𝘵𝘶𝘸𝘪𝘥 𝘢𝘵 𝘵𝘢𝘮𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨𝘩𝘢𝘵𝘰𝘭. 𝘏𝘪𝘯𝘢𝘵𝘶𝘭𝘢𝘯 𝘯𝘪𝘺𝘢 𝘢𝘯𝘨 𝘴𝘪𝘬𝘢𝘵 𝘯𝘢 𝘣𝘢𝘣𝘢𝘦𝘯𝘨 𝘣𝘢𝘺𝘢𝘳𝘢𝘯 𝘯𝘢 𝘯𝘢𝘨𝘱𝘢𝘴𝘢𝘮𝘢 𝘴𝘢 𝘮𝘨𝘢 𝘵𝘢𝘰 𝘴𝘢 𝘮𝘶𝘯𝘥𝘰 𝘥𝘢𝘩𝘪𝘭 𝘴𝘢 𝘬𝘢𝘯𝘺𝘢𝘯𝘨 𝘪𝘮𝘰𝘳𝘢𝘭𝘪𝘥𝘢𝘥. 𝘗𝘪𝘯𝘢𝘳𝘶𝘴𝘢𝘩𝘢𝘯 𝘴𝘪𝘺𝘢 𝘯𝘨 𝘋𝘪𝘰𝘴 𝘥𝘢𝘩𝘪𝘭 𝘱𝘪𝘯𝘢𝘵𝘢𝘺 𝘯𝘪𝘺𝘢 𝘢𝘯𝘨 𝘮𝘨𝘢 𝘭𝘪𝘯𝘨𝘬𝘰𝘥 𝘯𝘨 𝘋𝘪𝘰𝘴.” 𝗣𝗔𝗛𝗔𝗬𝗔𝗚 𝟭𝟵:𝟭–𝟮

(Basahin din ang 𝗣𝗔𝗛𝗔𝗬𝗔𝗚 𝟭𝟵:𝟯–𝟭𝟬.)

Tuwing napag-uusapan ang tungkol sa mga huling araw o ang aklat ng Pahayag, madalas ay nag-aalangan at nababahala ang mga tao. Natatakot ang karamihan na ang mga araw na iyon ay mapupuno ng digmaan, pagkawasak, at kapahamakan. Siguro, ito ang dahilan kung bakit iniiwasan ng marami ang pagbabasa sa aklat ng Pahayag. Pero kung pag-aaralan natin ang liham ni Juan, makikita natin na ang binigyang-diin sa aklat na ito ay hindi ang nalalapit na kaguluhan, kundi ang tiyak na pagbabalik at tagumpay ni Cristo, at ang pag-asa sa katuparan ng plano ng Diyos para sa mga lumalapit sa Kanya. Isinulat ang Pahayag para palakasin ang loob ng mga mananampalataya at bigyan sila ng pag-asa.

Ngayong araw, makikita natin sa Pahayag 19 na ang paghatol ng Diyos ay totoo at makatarungan, kaya’t hindi dapat matakot ang mga naniniwala sa Kanya. Higit pa rito, inihahanda Niya tayo—ang Kanyang Iglesya—bilang isang babaeng ikakasal para kay Jesu-Cristo. Siya ang bugtong na Anak ng Diyos at ating matagumpay na Tagapagligtas. Paano tayo dapat mamuhay ngayon kung isasaisip natin ang ating dakilang pakikipag-isa kay Cristo sa hinaharap?

𝟭. 𝗠𝗮𝗺𝘂𝗵𝗮𝘆 𝘁𝗮𝘆𝗼 𝗻𝗮𝗻𝗴 𝘀𝘂𝗺𝗮𝘀𝗮𝗺𝗯𝗮 𝘀𝗮 𝗗𝗶𝘆𝗼𝘀. 

𝘗𝘢𝘨𝘬𝘢𝘵𝘢𝘱𝘰𝘴, 𝘯𝘢𝘬𝘢𝘳𝘪𝘯𝘪𝘨 𝘢𝘬𝘰 𝘯𝘨 𝘱𝘢𝘳𝘢𝘯𝘨 𝘯𝘢𝘱𝘢𝘬𝘢𝘳𝘢𝘮𝘪𝘯𝘨 𝘵𝘢𝘰 𝘴𝘢 𝘭𝘢𝘯𝘨𝘪𝘵 𝘯𝘢 𝘯𝘢𝘨𝘴𝘪𝘴𝘪𝘨𝘢𝘸𝘢𝘯, “𝘗𝘶𝘳𝘪𝘩𝘪𝘯 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯! 𝘗𝘶𝘳𝘪𝘩𝘪𝘯 𝘢𝘯𝘨 𝘋𝘪𝘰𝘴 𝘯𝘢𝘵𝘪𝘯𝘨 𝘮𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯, 𝘥𝘢𝘩𝘪𝘭 𝘴𝘪𝘺𝘢 𝘢𝘯𝘨 𝘯𝘢𝘨𝘭𝘪𝘨𝘵𝘢𝘴 𝘴𝘢 𝘢𝘵𝘪𝘯! 𝘔𝘢𝘵𝘶𝘸𝘪𝘥 𝘢𝘵 𝘵𝘢𝘮𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨𝘩𝘢𝘵𝘰𝘭. 𝘏𝘪𝘯𝘢𝘵𝘶𝘭𝘢𝘯 𝘯𝘪𝘺𝘢 𝘢𝘯𝘨 𝘴𝘪𝘬𝘢𝘵 𝘯𝘢 𝘣𝘢𝘣𝘢𝘦𝘯𝘨 𝘣𝘢𝘺𝘢𝘳𝘢𝘯 𝘯𝘢 𝘯𝘢𝘨𝘱𝘢𝘴𝘢𝘮𝘢 𝘴𝘢 𝘮𝘨𝘢 𝘵𝘢𝘰 𝘴𝘢 𝘮𝘶𝘯𝘥𝘰 𝘥𝘢𝘩𝘪𝘭 𝘴𝘢 𝘬𝘢𝘯𝘺𝘢𝘯𝘨 𝘪𝘮𝘰𝘳𝘢𝘭𝘪𝘥𝘢𝘥. 𝘗𝘪𝘯𝘢𝘳𝘶𝘴𝘢𝘩𝘢𝘯 𝘴𝘪𝘺𝘢 𝘯𝘨 𝘋𝘪𝘰𝘴 𝘥𝘢𝘩𝘪𝘭 𝘱𝘪𝘯𝘢𝘵𝘢𝘺 𝘯𝘪𝘺𝘢 𝘢𝘯𝘨 𝘮𝘨𝘢 𝘭𝘪𝘯𝘨𝘬𝘰𝘥 𝘯𝘨 𝘋𝘪𝘰𝘴.” 𝗣𝗔𝗛𝗔𝗬𝗔𝗚 𝟭𝟵:𝟭–𝟮

(Basahin din ang 𝗣𝗔𝗛𝗔𝗬𝗔𝗚 𝟭𝟵:𝟯–𝟳.)

Sa isang pangitain, narinig ni Juan, ang sumulat ng Pahayag, na sumisigaw ang mga tao ng “Purihin ang Panginoon!” Habang ginagawa nila ito, sinasabi nila ang kadakilaan ng Diyos at ang Kanyang mga makapangyarihang gawa. Sa huli, hindi ang digmaan laban sa kasamaan ang pinakamahalaga sa kasaysayan, kundi ang pamumuno at paghahari ng Diyos nang may katuwiran at katarungan. Hindi natin kailangang mamuhay sa takot. Sa halip, pwede tayong mamuhay nang may pagsisisi, pag-asa, pagsamba, at pagsunod, bilang tugon sa kaluwalhatian at kadakilaan ng Diyos. Kahit sa kasalukuyan mong kalagayan, paano makikita sa buhay mo ang pagsamba, pagsunod, at pag-asa?

𝟮. 𝗜𝗵𝗮𝗻𝗱𝗮 𝗻𝗮𝘁𝗶𝗻 𝗮𝗻𝗴 𝗮𝘁𝗶𝗻𝗴 𝘀𝗮𝗿𝗶𝗹𝗶 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗴𝗴𝗮𝘄𝗮 𝗻𝗴 𝗺𝗴𝗮 𝗺𝗮𝗯𝘂𝗯𝘂𝘁𝗶𝗻𝗴 𝗴𝗮𝘄𝗮.

“𝑀𝑎𝑔𝑎𝑙𝑎𝑘 𝑡𝑎𝑦𝑜 𝑎𝑡 𝑚𝑎𝑔𝑠𝑎𝑦𝑎, 𝑎𝑡 𝑝𝑢𝑟𝑖ℎ𝑖𝑛 𝑛𝑎𝑡𝑖𝑛 𝑠𝑖𝑦𝑎. 𝑆𝑎𝑝𝑎𝑔𝑘𝑎𝑡 𝑑𝑢𝑚𝑎𝑡𝑖𝑛𝑔 𝑛𝑎 𝑎𝑛𝑔 𝑜𝑟𝑎𝑠 𝑛𝑔 𝑘𝑎𝑠𝑎𝑙 𝑛𝑔 𝑇𝑢𝑝𝑎, 𝑎𝑡 𝑛𝑎𝑘𝑎ℎ𝑎𝑛𝑑𝑎 𝑛𝑎 𝑎𝑛𝑔 𝑘𝑎𝑛𝑦𝑎𝑛𝑔 𝑛𝑜𝑏𝑦𝑎. 𝑃𝑖𝑛𝑎𝑔𝑠𝑢𝑜𝑡 𝑠𝑖𝑦𝑎 𝑛𝑔 𝑑𝑎𝑚𝑖𝑡 𝑛𝑎 𝑚𝑎𝑙𝑖𝑛𝑖𝑠, 𝑚𝑎𝑘𝑖𝑛𝑎𝑛𝑔, 𝑎𝑡 𝑝𝑢𝑡𝑖𝑛𝑔-𝑝𝑢𝑡𝑖.” 𝐴𝑛𝑔 𝑖𝑏𝑖𝑔 𝑠𝑎𝑏𝑖ℎ𝑖𝑛 𝑛𝑔 𝑝𝑢𝑡𝑖𝑛𝑔 𝑑𝑎𝑚𝑖𝑡 𝑎𝑦 𝑎𝑛𝑔 𝑚𝑎𝑏𝑢𝑏𝑢𝑡𝑖𝑛𝑔 𝑔𝑎𝑤𝑎 𝑛𝑔 𝑚𝑔𝑎 𝑝𝑖𝑛𝑎𝑏𝑎𝑛𝑎𝑙 𝑛𝑔 𝐷𝑖𝑜𝑠. 𝗣𝗔𝗛𝗔𝗬𝗔𝗚 𝟭𝟵:𝟳–𝟴

Ang isa pang dahilan kung bakit hindi natin kailangang matakot ay dahil higit pa sa nalalapit na digmaan ang isang maluwalhating kasalan sa pagitan ng Tupa at ng Kanyang nobya. Si Jesus ang Kordero at Tagapagligtas, na nag-alay ng Kanyang buhay para sa Kanyang nobya—ang Iglesya. Tulad ng anumang paghahanda sa kasalan, nararapat na ihanda ng babaeng ikakasal ang kanyang sarili at magsuot ng damit na malinis, makinang, at puting-puti. Ang kasuotang ito ay ang mga mabubuting gawa ng mga banal. Dahil sa pananabik sa pagbabalik ni Jesus, tayo, ang iglesya, na Kanyang nobya, ay dapat na magsuot ng mabubuting gawa—hindi para maligtas, kundi para maging handa na makipag-isa kay Cristo nang walang hanggan. Ito ang pag-asa ng mga nagtiwala kay Cristo at naging tapat sa Kanya. Bilang bahagi ng isang espirituwal na komunidad, paano ka nakikibahagi sa pagsusuot ng Iglesya ng mga mabubuting gawa?

𝗔𝗣𝗣𝗟𝗜𝗖𝗔𝗧𝗜𝗢𝗡

• Pagdating sa usapan tungkol sa mga huling araw at sa muling pagbabalik ni Cristo, paano makikita sa buhay mo ang pag-asang mayroon tayo sa Kanya, sa halip na takot at pangamba? Paano ka matutulungan ng pinag-usapan natin ngayon para maisabuhay ito?

• Mag-isip ng tatlo o higit pang dahilan kung bakit karapat-dapat sambahin at sundin ang Diyos. Paano magiging bahagi ng araw-araw mong pamumuhay ang pag-iisip ng ganitong mga bagay?

• Ano sa palagay mo ang ipinapagawa sa iyo ng Diyos para maghanda sa muling pagbabalik ni Jesus? Paano magiging halimbawa ang buhay at pag-uugali mo para magtiwala rin ang iba sa Diyos at umasa sa kinabukasang inihanda Niya para sa Kanyang mga mamamayan?

𝗣𝗥𝗔𝗬𝗘𝗥

• Pasalamatan ang Diyos sa isang kinabukasang puno ng pag-asa para sa lahat ng nagtitiwala kay Cristo. Ipanalangin na kahit pa marami ang nakakabahalang balita sa mundo, palagi mong maaalala na mamuhay sa pag-asang ito.

• Hilingin sa Diyos na ipaalala sa iyo araw-araw na palaging may dahilan para sambahin at pagkatiwalaan Siya. Ipanalangin na magkaroon ka ng paninindigan at tibay ng loob na sumunod sa Kanya at sundin ang Kanyang mga plano para sa buhay mo.

• Ipanalangin na ikaw at ang iyong komunidad ng iglesya ay maging asin at ilaw sa mundong nabubuhay sa takot at kawalan ng malasakit. Sana’y makapagbigay tayo ng pag-asang matatagpuan kay Cristo.