Ang Trabaho Bilang Isang Pagtubos

𝗪𝗔𝗥𝗠 𝗨𝗣

• Ano ang pinapangarap mong trabaho? Bakit?

• Sa palagay mo, ano ang dahilan para maging kasiya-siya at makabuluhan ang isang trabaho?

• Mag-isip ng isang taong hinahangaan mo dahil sa kanyang pag-uugali at pamamaraan sa trabaho. Ano ang mga katangian o kaugalian na taglay niya na naging dahilan ng paghanga mo sa kanya?

𝗪𝗢𝗥𝗗

𝘚𝘪𝘯𝘢𝘣𝘪 𝘳𝘪𝘯 𝘯𝘪𝘺𝘢 𝘴𝘢 𝘭𝘢𝘭𝘢𝘬𝘪, “𝘋𝘢𝘩𝘪𝘭 𝘯𝘢𝘯𝘪𝘸𝘢𝘭𝘢 𝘬𝘢 𝘴𝘢 𝘢𝘴𝘢𝘸𝘢 𝘮𝘰 𝘢𝘵 𝘬𝘶𝘮𝘢𝘪𝘯 𝘯𝘨 𝘣𝘶𝘯𝘨𝘢 𝘯𝘨 𝘱𝘶𝘯𝘰𝘯𝘨𝘬𝘢𝘩𝘰𝘺 𝘯𝘢 𝘪𝘱𝘪𝘯𝘢𝘨𝘣𝘢𝘸𝘢𝘭 𝘬𝘰 𝘴𝘢 𝘪𝘯𝘺𝘰, 𝘴𝘶𝘴𝘶𝘮𝘱𝘢𝘪𝘯 𝘬𝘰 𝘢𝘯𝘨 𝘭𝘶𝘱𝘢! 𝘒𝘢𝘺𝘢 𝘴𝘢 𝘣𝘶𝘰𝘯𝘨 𝘣𝘶𝘩𝘢𝘺 𝘮𝘰 𝘢𝘺 𝘮𝘢𝘨𝘱𝘢𝘱𝘢𝘬𝘢𝘩𝘪𝘳𝘢𝘱 𝘬𝘢 𝘯𝘢𝘯𝘨 𝘩𝘶𝘴𝘵𝘰 𝘱𝘢𝘳𝘢 𝘮𝘢𝘬𝘢𝘬𝘢𝘪𝘯. 𝘛𝘶𝘵𝘶𝘣𝘰 𝘴𝘢 𝘭𝘶𝘱𝘢 𝘢𝘯𝘨 𝘮𝘨𝘢 𝘥𝘢𝘮𝘰 𝘢𝘵 𝘩𝘢𝘭𝘢𝘮𝘢𝘯𝘨 𝘮𝘢𝘺 𝘵𝘪𝘯𝘪𝘬. 𝘈𝘯𝘨 𝘬𝘢𝘬𝘢𝘪𝘯𝘪𝘯 𝘮𝘰ʼ𝘺 𝘮𝘢𝘯𝘨𝘨𝘢𝘨𝘢𝘭𝘪𝘯𝘨 𝘴𝘢 𝘮𝘨𝘢 𝘱𝘢𝘯𝘢𝘯𝘪𝘮 𝘴𝘢 𝘣𝘶𝘬𝘪𝘥.” 𝗚𝗘𝗡𝗘𝗦𝗜𝗦 𝟯:𝟭𝟳–𝟭𝟴

Sa simula pa lang, ang trabaho ay isa nang pagpapala mula sa Diyos. Ngunit nang tumalikod ang tao sa Diyos at sumuway sa Kanya, pumasok ang kasalanan sa mundo at nagdala ito ng sumpa sa buong sangkalikasan. Dahil dito, ang trabaho ay naging mahirap, at puno ng kabiguan at pagtitiis. Nasira rin ang ating ugnayan sa isa’t isa, kaya mas naging mahirap ang makipagtulungan sa ibang tao. Ngunit dumating si Jesus hindi lamang para iligtas tayo sa ating mga kasalanan. Sa pamamagitan ng Kanyang buhay, kamatayan, at muling pagkabuhay, ibinabalik Niya ang mga sinira ng kasalanan at ginagawa Niyang bago ang lahat ng bagay. Ano ang kahulugan nito para sa tawag at layunin natin sa trabaho?

𝟭. 𝗡𝗮𝗻𝗴 𝘁𝘂𝗯𝘂𝘀𝗶𝗻 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗶 𝗖𝗿𝗶𝘀𝘁𝗼, 𝘁𝗶𝗻𝘂𝗯𝗼𝘀 𝗡𝗶𝘆𝗮 𝗿𝗶𝗻 𝗮𝗻𝗴 𝘁𝗮𝘄𝗮𝗴 𝘀𝗮 𝗮𝘁𝗶𝗻 𝗻𝗮 𝗺𝗮𝗴𝘁𝗿𝗮𝗯𝗮𝗵𝗼.

𝘕𝘪𝘭𝘪𝘬𝘩𝘢 𝘵𝘢𝘺𝘰 𝘯𝘨 𝘋𝘪𝘰𝘴; 𝘢𝘵 𝘴𝘢 𝘱𝘢𝘬𝘪𝘬𝘪𝘱𝘢𝘨-𝘪𝘴𝘢 𝘯𝘢𝘵𝘪𝘯 𝘬𝘢𝘺 𝘊𝘳𝘪𝘴𝘵𝘰 𝘑𝘦𝘴𝘶𝘴, 𝘣𝘪𝘯𝘪𝘨𝘺𝘢𝘯 𝘯𝘪𝘺𝘢 𝘵𝘢𝘺𝘰 𝘯𝘨 𝘣𝘢𝘨𝘰𝘯𝘨 𝘣𝘶𝘩𝘢𝘺, 𝘱𝘢𝘳𝘢 𝘨𝘶𝘮𝘢𝘸𝘢 𝘵𝘢𝘺𝘰 𝘯𝘨 𝘬𝘢𝘣𝘶𝘵𝘪𝘩𝘢𝘯 𝘯𝘢 𝘯𝘰𝘰𝘯 𝘱𝘢ʼ𝘺 𝘪𝘵𝘪𝘯𝘢𝘭𝘢𝘨𝘢 𝘯𝘢 𝘯𝘨 𝘋𝘪𝘰𝘴 𝘯𝘢 𝘨𝘢𝘸𝘪𝘯 𝘯𝘢𝘵𝘪𝘯. 𝗘𝗙𝗘𝗦𝗢 𝟮:𝟭𝟬

Ang mga sumasampalataya kay Jesus ay isa nang bagong nilalang (2 Corinto 5:17). Sa pamamagitan ng Banal na Espiritu, unti-unting ibinabalik ng Diyos sa atin ang Kanyang wangis at binabago tayo upang maging higit na katulad ni Cristo. Kasama sa pagtutubos na ito ang ating trabaho. Kahit na may bakas pa rin ng epekto ng Pagkakasala ang trabaho, at madalas ay may kasamang kabiguan, pagod, at pagtitiis, hindi na tayo nagtatrabaho nang walang pag-asa o layunin. Sa halip, nilikha tayo ng Diyos kay Cristo upang gumawa ng mabuti na inihanda na Niya para sa atin noon pa man. Habang tapat nating ginagawa ang mga mabubuting gawaing ito, naipapakita natin ang wangis ng Diyos sa mundo at nabibigyan natin Siya ng kaluwalhatian. Ano ang itinuturo ng Galacia 6:9–10 tungkol sa dapat nating maging saloobin sa paggawa ng mabuti?

𝟮. 𝗡𝗮𝗻𝗴 𝘁𝗶𝗻𝘂𝗯𝗼𝘀 𝘁𝗮𝘆𝗼 𝗻𝗴 𝗗𝗶𝘆𝗼𝘀 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗶 𝗖𝗿𝗶𝘀𝘁𝗼, 𝗯𝗶𝗻𝗶𝗴𝘆𝗮𝗻 𝗱𝗶𝗻 𝗡𝗶𝘆𝗮 𝘁𝗮𝘆𝗼 𝗻𝗴 𝗽𝗮𝗻𝗶𝗯𝗮𝗴𝗼𝗻𝗴 𝗹𝗮𝘆𝘂𝗻𝗶𝗻 𝗽𝗮𝗿𝗮 𝘀𝗮 𝘁𝗿𝗮𝗯𝗮𝗵𝗼. 

𝘈𝘯𝘶𝘮𝘢𝘯 𝘢𝘯𝘨 𝘨𝘢𝘸𝘪𝘯 𝘯ʼ𝘺𝘰, 𝘨𝘢𝘸𝘪𝘯 𝘯ʼ𝘺𝘰 𝘪𝘵𝘰 𝘯𝘢𝘯𝘨 𝘣𝘶𝘰𝘯𝘨 𝘬𝘢𝘵𝘢𝘱𝘢𝘵𝘢𝘯 𝘯𝘢 𝘱𝘢𝘳𝘢𝘯𝘨 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯 𝘢𝘯𝘨 𝘱𝘪𝘯𝘢𝘨𝘭𝘪𝘭𝘪𝘯𝘨𝘬𝘶𝘳𝘢𝘯 𝘯ʼ𝘺𝘰 𝘢𝘵 𝘩𝘪𝘯𝘥𝘪 𝘢𝘯𝘨 𝘵𝘢𝘰. 𝘈𝘭𝘢𝘮 𝘯𝘢𝘮𝘢𝘯 𝘯𝘪𝘯𝘺𝘰𝘯𝘨 𝘮𝘢𝘺 𝘨𝘢𝘯𝘵𝘪𝘮𝘱𝘢𝘭𝘢 𝘬𝘢𝘺𝘰𝘯𝘨 𝘮𝘢𝘵𝘢𝘵𝘢𝘯𝘨𝘨𝘢𝘱 𝘴𝘢 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘴𝘪 𝘊𝘳𝘪𝘴𝘵𝘰 𝘯𝘢 𝘗𝘢𝘯𝘨𝘪𝘯𝘰𝘰𝘯 𝘯𝘢𝘵𝘪𝘯 𝘢𝘯𝘨 𝘴𝘪𝘺𝘢𝘯𝘨 𝘱𝘪𝘯𝘢𝘨𝘭𝘪𝘭𝘪𝘯𝘨𝘬𝘶𝘳𝘢𝘯 𝘯𝘪𝘯𝘺𝘰. 𝗖𝗢𝗟𝗢𝗦𝗔𝗦 𝟯:𝟮𝟯–𝟮𝟰

Dahil sa Pagkakasala, ang trabaho ay madalas nauudyukan ng pansariling hangarin, pagmamataas, takot, o para lang mabuhay sa halip na maging masayang paglilingkod sa Diyos at sa kapwa. Ngunit dahil kay Cristo, nagkaroon ng panibagong layunin ang ating trabaho. Anuman ang ating ginagawa, ang tunay nating pinaglilingkuran ay ang Panginoong Jesus, na nag-iisa lamang na karapat-dapat sa buong-puso nating katapatan at sa ating pinakamahusay na paggawa. Sa tapat at mahusay nating pagtatrabaho, hindi lamang natin pinararangalan ang Diyos kundi napagpapala rin natin ang iba sa pamamagitan ng mga kaloob, kakayahan, at sa mga pagkakataong ipinagkatiwala Niya sa atin. Sa ganitong paraan, ang ating trabaho ay nagiging isa sa mga paraan na ginagamit ng Diyos para maipakita ang Kanyang kabutihan, malasakit, at pagpapanumbalik sa mundong ito. Ayon sa Colosas 3:24, sino ang magbibigay ng gantimpala sa ating tapat na paglilingkod?

Dahil tinubos na tayo ng Diyos pati ang ating trabaho sa pamamagitan ni Cristo, may pagkakataon tayong ipagpatuloy ang orihinal na layunin ng Diyos para sa atin—na ipakita ang Kanyang katangian at kabutihan sa buong mundo. Dahil dito, ang trabaho ay hindi lang paraan para isulong ang sarili nating mga hangarin o makamit ang personal na tagumpay. Sa halip, nagiging paraan ito para makibahagi tayo sa pagpapalaganap ng kaharian ng Diyos at maging daan ng Kanyang kabutihan, malasakit, at pagpapanumbalik sa buong Sangkalikasan. Dahil dito hindi lang tayo nagtatrabaho para sa sariling nating kapakinabangan kundi dahil alam natin na may walang-hanggang kabuluhan at katuturan ang mga ginagawa natin.

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano sa palagay mo ang mga mabuting gawa na inihanda na ng Diyos para sa atin noon pa man? Mag-isip ng isang praktikal na paraan kung paano mo ito maisasagawa ngayong linggo.

• Sa palagay mo, nagtatrabaho ka ba para sa isang layunin na higit pa sa mga pinahahalagahan ng mundo? Paano mo maipapakita sa iba ang iyong trabaho at ang dahilan kung bakit mo ito ginagawa nang maayos, para makatanggap sila ng kabutihan mula sa trabahong ipinagkatiwala sa ‘yo ng Diyos?

• Simula ngayong araw, paano mo ipapaalala sa iyong sarili na ang trabaho ay isang pagpapala mula sa Diyos, isang paraan ng pagsamba sa Kanya, at isang pagkakataon upang isalamin ang Kanyang wangis at kabutihan sa lahat? Sino ang mabibigyan mo ng lakas ng loob dahil sa mga katotohanang ito?

𝗣𝗥𝗔𝗬𝗘𝗥

• Pasalamatan ang Diyos na kay Cristo, ang trabaho ay hindi na lang para sa ating ikabubuhay kundi ito rin ay paraan para lumago tayo at masiyahan sa Kanyang nilikha bilang mga tagasalamin ng Kanyang wangis. Ipanalangin na makapagtrabaho ka nang may panibagong layunin at lakas sa bawat araw.

• Hingin sa Diyos ang Kanyang tulong upang lalo kang maging mahusay habang pinapapurihan mo Siya sa iyong trabaho. Ipanalangin din na maisagawa mo ang mga mabubuting gawa na inihanda na ng Diyos para sa iyo noon pa man.

• Ipanalangin na ikaw at ang iyong small group ay patuloy na lumago bilang mga tagasalamin ng wangis ng Diyos upang maging daan ng Kanyang kabutihan, pag-ibig, pagpapanumbalik sa Diyos, at kalayaan. Nawa’y makita ninyo ang pag-unlad at paglago ng buong sangkalikasan.