Ang Pag-aalay ng Anak

𝗪𝗔𝗥𝗠 𝗨𝗣

• Sino ang kakilala mo na madalas nagyayaya para magkita-kita ang mga tao o tumutulong para ayusin ang mga hindi pagkakaunawaan?

• Naranasan mo na ba ang pagkaka-ayos ng isang nasirang relasyon? Ano ang nakatulong para mangyari iyon?

• May pagkakataon ba na may ibang umako ng sisi o parusa para sa isang bagay na ikaw ang may gawa?

𝗪𝗢𝗥𝗗

𝘚𝘪𝘯𝘢𝘣𝘪 𝘱𝘢 𝘯𝘪 𝘑𝘦𝘴𝘶𝘴, “𝘕𝘢𝘣𝘢𝘣𝘢𝘨𝘢𝘣𝘢𝘨 𝘢𝘬𝘰 𝘯𝘨𝘢𝘺𝘰𝘯. 𝘚𝘢𝘴𝘢𝘣𝘪𝘩𝘪𝘯 𝘬𝘰 𝘣𝘢 𝘴𝘢 𝘈𝘮𝘢 𝘯𝘢 𝘪𝘭𝘪𝘨𝘵𝘢𝘴 𝘯𝘪𝘺𝘢 𝘢𝘬𝘰 𝘴𝘢 𝘯𝘢𝘭𝘢𝘭𝘢𝘱𝘪𝘵 𝘯𝘢 𝘱𝘢𝘨𝘩𝘪𝘩𝘪𝘳𝘢𝘱? 𝘏𝘪𝘯𝘥𝘪, 𝘥𝘢𝘩𝘪𝘭 𝘪𝘵𝘰 𝘢𝘯𝘨 𝘥𝘢𝘩𝘪𝘭𝘢𝘯 𝘯𝘨 𝘱𝘢𝘨𝘱𝘶𝘯𝘵𝘢 𝘬𝘰 𝘳𝘪𝘵𝘰.” 𝗝𝗨𝗔𝗡 𝟭𝟮:𝟮𝟳

Sa simula pa lang, hinahanap na tayo ng Diyos upang makipag-ugnayan sa atin. Natutunan natin na ang dahilan ng Kanyang misyon ay ang pagmamahal at kagustuhan na maibalik tayo sa Kanya. Ngunit dahil sa kasalanan, tayo’y napalayo sa isang banal na Diyos, at may kapalit ito: kailangang ialay ni Jesus ang Kanyang buhay para iligtas tayo. Ang Kanyang sakripisyo sa krus ang nagbukas ng daan para tayo’y maibalik sa Diyos. Ngayong araw, tututok tayo sa paraan ng pagkakasundo: ang pagbibigay ni Jesus ng Kanyang buhay para tayo’y makalapit sa Kanya.

𝟭. 𝗔𝗻𝗴 𝗽𝗮𝗴𝗽𝗮𝗽𝗮𝗽𝗮𝗸𝗼 𝗻𝗶 𝗝𝗲𝘀𝘂𝘀 𝘀𝗮 𝗸𝗿𝘂𝘀 𝗮𝘆 𝗸𝗶𝗻𝗮𝗸𝗮𝗶𝗹𝗮𝗻𝗴𝗮𝗻.

“𝘈𝘵 𝘬𝘢𝘱𝘢𝘨 𝙞𝙩𝙞𝙣𝙖𝙖𝙨 𝙣𝙖 𝙖𝙠𝙤 𝙢𝙪𝙡𝙖 𝙨𝙖 𝙡𝙪𝙥𝙖, 𝘪𝘭𝘢𝘭𝘢𝘱𝘪𝘵 𝘬𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰 𝘴𝘢 𝘢𝘬𝘪𝘯.”  𝗝𝗨𝗔𝗡 𝟭𝟮:𝟯𝟮

Pwede kaya tayong maligtas nang walang sakripisyo? Hindi. Sinasabi sa Bibliya na 𝘬𝘶𝘯𝘨 𝘸𝘢𝘭𝘢𝘯𝘨 𝘱𝘢𝘨𝘣𝘶𝘣𝘶𝘩𝘰𝘴 𝘯𝘨 𝘥𝘶𝘨𝘰 𝘣𝘪𝘭𝘢𝘯𝘨 𝘩𝘢𝘯𝘥𝘰𝘨 𝘴𝘢 𝘋𝘪𝘰𝘴, 𝘸𝘢𝘭𝘢 𝘳𝘪𝘯𝘨 𝘬𝘢𝘱𝘢𝘵𝘢𝘸𝘢𝘳𝘢𝘯 𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 (Hebreo 9:22). Kung hindi dahil kay Jesus, haharapin natin ang parusa sa ating mga kasalanan—at iyon naman talaga ang nararapat. Ngunit ibinigay ni Jesus ang Kanyang buhay para sa atin, kahit na hiningi Niya sa Diyos na ilayo sa Kanya ang mga paghihirap na darating, dahil ito lamang ang paraan para maipakita ang habag at katarungan ng Diyos. Kapag iniisip mo ang sakripisyo ni Jesus, ano ang nararamdaman mo—pasasalamat, paghanga, o mas malalim na pagmamahal, at bakit?

𝟮. 𝗔𝗻𝗴 𝗹𝗮𝘆𝘂𝗻𝗶𝗻 𝗻𝗴 𝗞𝗮𝗻𝘆𝗮𝗻𝗴 𝗽𝗮𝗴𝗽𝗮𝗽𝗮𝗽𝗮𝗸𝗼 𝘀𝗮 𝗸𝗿𝘂𝘀 𝗮𝘆 𝗮𝗻𝗴 𝗶𝗹𝗮𝗽𝗶𝘁 𝗮𝗻𝗴 𝗺𝗴𝗮 𝘁𝗮𝗼 𝘀𝗮 𝗞𝗮𝗻𝘆𝗮.

“𝘈𝘵 𝘬𝘢𝘱𝘢𝘨 𝘪𝘵𝘪𝘯𝘢𝘢𝘴 𝘯𝘢 𝘢𝘬𝘰 𝘮𝘶𝘭𝘢 𝘴𝘢 𝘭𝘶𝘱𝘢, 𝙞𝙡𝙖𝙡𝙖𝙥𝙞𝙩 𝙠𝙤 𝙖𝙣𝙜 𝙡𝙖𝙝𝙖𝙩 𝙣𝙜 𝙩𝙖𝙤 𝙨𝙖 𝙖𝙠𝙞𝙣.” 𝗝𝗨𝗔𝗡 𝟭𝟮:𝟯𝟮

Sa mundo, madalas tayong manghusga, mang-iwan, at magdulot ng pagkakawatak-watak sa mga taong maaaring naiiba ang itsura o pag-iisip kaysa sa atin. Mayroon tayong mga sariling palagay at kinikilingan. Ngunit nang dumating si Jesus, ibinigay Niya ang Kanyang buhay para malapitan ang lahat ng uri ng tao: bata at matanda, lalaki at babae, malapit at malayo, relihiyoso at mga rebelde. Ang Kanyang sakripisyo ang tulay sa pagitan natin (bilang makasalanang tao) at ng Diyos—dahil kung wala ang krus, walang pagkakasundo. Paano ka nilapitan ni Jesus sa paglipas ng panahon? Kailan mo nakita na winasak Niya ang mga hadlang sa iyong buhay o relasyon?

𝗔𝗣𝗣𝗟𝗜𝗖𝗔𝗧𝗜𝗢𝗡

• Isipin ang mundo na walang paraan para makalapit ang Diyos. Ano kaya ang itsura nito? Maglaan ng panahon ngayong linggo para taimtim na pasalamatan at purihin ang Diyos dahil malaya ka nang nakakalapit sa Kanya anumang araw at anumang oras sa pamamagitan ni Jesu-Cristo.

• Paano mo titingnan ang mga tao sa paligid mo nang may bagong pananaw, ngayong alam mong si Jesus ay dumating para iligtas ang lahat ng uri ng tao? Hilingin na ipakita sa ’yo ng Diyos ang isang tao na sasadyain mong kausapin at bigyan ng lakas ng loob ngayong linggo.

• Paano mo matutulungan ang iba na maranasan din ang pakikipagkasundo sa Diyos? Ngayong linggo, mangakong ibabahagi mo sa kahit isang tao lang ang tungkol kay Jesus at ang Kanyang ginawa na nagsisilbing daan para magkaroon tayo ng tamang ugnayan sa Diyos at para mapalapit Siya sa atin.

𝗣𝗥𝗔𝗬𝗘𝗥

• Magpasalamat sa Diyos dahil ipinadala Niya si Jesus bilang handog na nag-alis ng ating kasalanan at nagbigay-daan para makalapit tayo sa Kanya.

• Sa mundo kung saan ang lahat ay naghahangad ng katarungan, humingi ng pang-unawa sa uri ng katarungan na magmumula kay Jesus—iyong handang ialay ang sariling buhay dahil sa pagmamahal at para makipagkasundo.

• Ipanalangin na makita mo ang iyong kapwa kung paano sila nakikita ng Diyos, at magkaroon ka ng kakayanang ipamuhay ang pakikipagkasundo ng ugnayan mo sa Kanya.