Ang Puso ng Pamumuno

𝗪𝗔𝗥𝗠 𝗨𝗣

• Sino ang taong hinahangaan mo o itinuturing na tagapagpayo? Ikuwento ang isang karanasan mo sa kanya na hindi mo makakalimutan.

• Ano ang gusto mong maging noong bata ka? Paano ito nagbago sa pagdaan ng panahon?

• Paano mo ilalarawan ang isang magaling na pinuno?

𝗪𝗢𝗥𝗗

𝘓𝘶𝘮𝘢𝘱𝘪𝘵 𝘬𝘢𝘺 𝘑𝘦𝘴𝘶𝘴 𝘴𝘪𝘯𝘢 𝘚𝘢𝘯𝘵𝘪𝘢𝘨𝘰 𝘢𝘵 𝘑𝘶𝘢𝘯 𝘯𝘢 𝘮𝘨𝘢 𝘢𝘯𝘢𝘬 𝘯𝘪 𝘡𝘦𝘣𝘦𝘥𝘦𝘦 𝘢𝘵 𝘯𝘢𝘨𝘴𝘢𝘣𝘪, “𝘎𝘶𝘳𝘰, 𝘮𝘢𝘺 𝘩𝘪𝘩𝘪𝘭𝘪𝘯𝘨𝘪𝘯 𝘱𝘰 𝘴𝘢𝘯𝘢 𝘬𝘢𝘮𝘪 𝘴𝘢 𝘪𝘯𝘺𝘰.” “𝘈𝘯𝘰 𝘢𝘯𝘨 𝘬𝘢𝘩𝘪𝘭𝘪𝘯𝘨𝘢𝘯 𝘯𝘪𝘯𝘺𝘰?” 𝘛𝘢𝘯𝘰𝘯𝘨 𝘯𝘪 𝘑𝘦𝘴𝘶𝘴. 𝘚𝘶𝘮𝘢𝘨𝘰𝘵 𝘴𝘪𝘭𝘢, “𝘚𝘢𝘯𝘢 𝘱𝘰, 𝘬𝘢𝘱𝘢𝘨 𝘯𝘢𝘨𝘩𝘢𝘩𝘢𝘳𝘪 𝘯𝘢 𝘬𝘢𝘺𝘰 𝘢𝘺 𝘱𝘢𝘶𝘱𝘶𝘪𝘯 𝘯ʼ𝘺𝘰 𝘬𝘢𝘮𝘪 𝘴𝘢 𝘪𝘯𝘺𝘰𝘯𝘨 𝘵𝘢𝘣𝘪; 𝘪𝘴𝘢 𝘴𝘢 𝘬𝘢𝘯𝘢𝘯 𝘢𝘵 𝘪𝘴𝘢 𝘴𝘢 𝘬𝘢𝘭𝘪𝘸𝘢.” 𝗠𝗔𝗥𝗖𝗢𝗦 𝟭𝟬:𝟯𝟱–𝟯𝟳

(Basahin din ang 𝗠𝗔𝗥𝗖𝗢𝗦 𝟭𝟬:𝟯𝟴–𝟰𝟱.)

Nakikita ng mga kabataan ang kahalagahan ng mabuting pamumuno, pero pwede silang mawalan ng gana dahil sa paraan ng pamumuno ng karamihan sa ngayon. Madalas ay nakikita ito bilang pag-una sa sariling interes. May iba namang inaabuso ang awtoridad at kapangyarihan para makuha ang gusto nila. Ang nakakalungkot, hindi na ito bago. Kahit sina Santiago at Juan ay sinubukang gamitin ang ugnayan nila kay Jesus para sa kanilang kapakanan, para hilingin na ilagay sila sa posisyon ng awtoridad. Ang disenyo ng Diyos sa pamumuno ay para pangasiwaan natin ng tama ang ating impluwensiya upang makapaglingkod sa kapwa.

Lahat tayo ay may kasunod na bagong henerasyon. May pagkakataon tayong baguhin ang mundo sa pamamagitan ng pamumuno sa kanila at pagsama sa kanila. Nagagawa natin ito sa pamamagitan ng pagsunod sa mga pamantayan ng salita ng Diyos at hindi sa pamantayan ng mundo. Tingnan natin kung ano ang larawan ng tunay na pamumuno.

𝟭. 𝗔𝗻𝗴 𝘁𝘂𝗻𝗮𝘆 𝗻𝗮 𝗽𝗮𝗺𝘂𝗺𝘂𝗻𝗼 𝗮𝘆 𝗵𝗶𝗻𝗱𝗶 𝘁𝘂𝗻𝗴𝗸𝗼𝗹 𝘀𝗮 𝗽𝗮𝗴𝗯𝗶𝗯𝗶𝗴𝗮𝘆-𝗱𝗶𝗶𝗻 𝘀𝗮 𝗵𝗮𝘄𝗮𝗸 𝗻𝗮 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗮𝘁 𝗸𝗮𝗿𝗮𝗻𝗴𝗮𝗹𝗮𝗻.

𝘒𝘢𝘺𝘢 𝘵𝘪𝘯𝘢𝘸𝘢𝘨 𝘴𝘪𝘭𝘢𝘯𝘨 𝘭𝘢𝘩𝘢𝘵 𝘯𝘪 𝘑𝘦𝘴𝘶𝘴 𝘢𝘵 𝘴𝘪𝘯𝘢𝘣𝘪, “𝘈𝘭𝘢𝘮 𝘯ʼ𝘺𝘰 𝘯𝘢 𝘢𝘯𝘨 𝘮𝘨𝘢 𝘪𝘵𝘪𝘯𝘶𝘵𝘶𝘳𝘪𝘯𝘨 𝘯𝘢 𝘱𝘪𝘯𝘶𝘯𝘰 𝘯𝘨 𝘮𝘨𝘢 𝘣𝘢𝘯𝘴𝘢 𝘢𝘺 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘮𝘨𝘢 𝘵𝘢𝘰𝘯𝘨 𝘯𝘢𝘴𝘢𝘴𝘢𝘬𝘶𝘱𝘢𝘯 𝘯𝘪𝘭𝘢, 𝘢𝘵 𝘬𝘢𝘩𝘪𝘵 𝘢𝘯𝘰 𝘢𝘯𝘨 𝘨𝘶𝘴𝘵𝘶𝘩𝘪𝘯 𝘯𝘪𝘭𝘢 𝘢𝘺 𝘯𝘢𝘴𝘶𝘴𝘶𝘯𝘰𝘥. 𝘗𝘦𝘳𝘰 𝘩𝘪𝘯𝘥𝘪 𝘥𝘢𝘱𝘢𝘵 𝘨𝘢𝘯𝘺𝘢𝘯 𝘢𝘯𝘨 𝘶𝘮𝘪𝘳𝘢𝘭 𝘴𝘢 𝘪𝘯𝘺𝘰. . . .” 𝗠𝗔𝗥𝗖𝗢𝗦 𝟭𝟬:𝟰𝟮–𝟰𝟯

Gusto nina Santiago at Juan na magkaroon ng prominenteng posisyon ng awtoridad. Pero sinabihan sila ni Jesus na ang tunay na pamumuno sa Kanyang kaharian ay hindi tungkol sa sapilitang pagpataw ng awtoridad sa kanilang mga tagasunod. Kung gusto nating isagawa ang biblikal na pamumuno at paglilingkod, kailangan nating maintindihan na una, tayo ay mga tagasunod ni Jesus; kung kaya’t ang dapat ay malinaw na maipahayag ng pamumuno natin ang paraan Niya ng pamumuno—hindi hinahangad ang sariling karangalan. Ano ang mga limitasyon sa pamumuno sa isang kultura na pinahahalagahan ang posisyon, atensyon, kasikatan, o online na impluwensya?

𝟮. 𝗔𝗻𝗴 𝘁𝘂𝗻𝗮𝘆 𝗻𝗮 𝗽𝗮𝗺𝘂𝗺𝘂𝗻𝗼 𝗮𝘆 𝗻𝗮𝗴𝗺𝘂𝗺𝘂𝗹𝗮 𝘀𝗮 𝗽𝗮𝗴𝗹𝗶𝗹𝗶𝗻𝗴𝗸𝗼𝗱 𝘀𝗮 𝗸𝗮𝗽𝘄𝗮.

“. . . 𝘚𝘢 𝘩𝘢𝘭𝘪𝘱, 𝘢𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘪𝘯𝘺𝘰 𝘯𝘢 𝘨𝘶𝘴𝘵𝘰𝘯𝘨 𝘮𝘢𝘨𝘪𝘯𝘨 𝘥𝘢𝘬𝘪𝘭𝘢 𝘢𝘺 𝘥𝘢𝘱𝘢𝘵 𝘮𝘢𝘨𝘪𝘯𝘨 𝘭𝘪𝘯𝘨𝘬𝘰𝘥 𝘯𝘪𝘯𝘺𝘰.” 𝗠𝗔𝗥𝗖𝗢𝗦 𝟭𝟬:𝟰𝟯

Itinuro ni Jesus sa atin at sa Kanyang mga disipulo na ang pamumuno ay hindi tungkol sa kapangyarihan o posisyon kundi tungkol sa kung paano mo pinaglilingkuran ang mga tao na inilagay ng Diyos sa paligid mo. Bagama’t ang nakikita ay maayos ang kanilang paglilingkod, ang kanilang mga puso pala ay nakatuon sa sarili nilang kapakanan. Pero ang uri ng pamumuno ni Jesus ay nagmumula sa pagmamahal at paglilingkod sa Diyos at sa kapwa. Handa ba tayo na mahalin at paglingkuran ang mga taong nasa paligid natin kahit na walang nakakakita o pumupuri sa atin dahil dito?

𝟯. 𝗔𝗻𝗴 𝘁𝘂𝗻𝗮𝘆 𝗻𝗮 𝗽𝗮𝗺𝘂𝗺𝘂𝗻𝗼 𝗮𝘆 𝗻𝗮𝗸𝗶𝗸𝗶𝗹𝗮𝗹𝗮 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝘀𝗮𝗸𝗿𝗶𝗽𝗶𝘀𝘆𝗼.

“𝘚𝘢𝘱𝘢𝘨𝘬𝘢𝘵 𝘬𝘢𝘩𝘪𝘵 𝘢𝘬𝘰, 𝘯𝘢 𝘈𝘯𝘢𝘬 𝘯𝘨 𝘛𝘢𝘰 𝘢𝘺 𝘯𝘢𝘱𝘢𝘳𝘪𝘵𝘰 𝘴𝘢 𝘮𝘶𝘯𝘥𝘰, 𝘩𝘪𝘯𝘥𝘪 𝘶𝘱𝘢𝘯𝘨 𝘱𝘢𝘨𝘭𝘪𝘯𝘨𝘬𝘶𝘳𝘢𝘯 𝘬𝘶𝘯𝘥𝘪 𝘶𝘱𝘢𝘯𝘨 𝘮𝘢𝘨𝘭𝘪𝘯𝘨𝘬𝘰𝘥 𝘢𝘵 𝘮𝘢𝘨𝘣𝘪𝘨𝘢𝘺 𝘯𝘨 𝘢𝘬𝘪𝘯𝘨 𝘣𝘶𝘩𝘢𝘺 𝘱𝘢𝘳𝘢 𝘮𝘢𝘵𝘶𝘣𝘰𝘴 𝘢𝘯𝘨 𝘮𝘢𝘳𝘢𝘮𝘪𝘯𝘨 𝘵𝘢𝘰!” 𝗠𝗔𝗥𝗖𝗢𝗦 𝟭𝟬:𝟰𝟱

Nakakalito ang pamumuno kapag naglilingkod nga tayo, pero ang pinagsisilbihan pa rin ng mga puso natin ay ang ating sarili. Makikita ito sa iba’t ibang henerasyon. Maaaring marami ang gumagawa ng “virtue signaling,” na ang ibig sabihin ay paghahayag sa publiko ng mga mabubuting asal para ipakita ang kanilang “kabutihan,” sa halip na pagkilos ng totoo para sa kapakanan ng kapwa. Pero ipinakita ni Jesus ang tunay na pamumuno nang dumating Siya upang ialay ang Kanyang buhay para tubusin ang mga tao mula sa pagkaalipin sa kasalanan at magsilbi sa iba. Ang ibig sabihin ng pamumunong tulad ng kay Cristo ay ang pagtanggi sa sarili araw-araw at paglilingkod sa pamamagitan ng pagsuko. Ano ang sinasabi ng Filipos 2:5–8 tungkol sa pinakamahalagang pagpapahayag ng pamumuno at paglilingkod ni Jesus?

Bago nagbigay si Jesus ng halimbawa para sundan natin, Siya muna ay naging Tagapagligtas. Ang Kanyang sakripisyong kamatayan bilang pangtubos sa marami ay pundasyon na nagbibigay sa atin ng kakayahang maglingkod sa kapwa. Hindi tayo naglilingkod para maging karapat-dapat sa kabutihan ng Diyos. Naglilingkod tayo dahil una na tayong pinagsilbihan ni Cristo sa pamamagitan ng pag-alay Niya ng Kanyang sarili para sa atin.

𝗔𝗣𝗣𝗟𝗜𝗖𝗔𝗧𝗜𝗢𝗡

• Sa pagsasaalang-alang ng halimbawa ng pamumuno ni Jesus, paano natin dapat makita ang ibang tao, lalo na ang mga kabataan? Paano ka magiging isang halimbawa sa mga mananampalataya tungkol sa pagsasantabi ng sarili at pamumuno sa pamamagitan ng pagsasakripisyo?

• Sa anong paraan ka tinatawag ng Diyos na makibahagi sa pakikipag-ugnayan at pangunguna sa susunod na henerasyon kung nasaan ka man ngayon? Paano mo Siya susundin gaya ng ginawa ni Jesus?

• Mag-isip ng isa o dalawang kabataan sa iyong komunidad o mga kakilala. Paano mo sila matutulungang lumago sa kanilang ugnayan sa Diyos at maipamuhay ang tawag at layunin nila sa Kanya?

𝗣𝗥𝗔𝗬𝗘𝗥

• Pasalamatan ang Diyos sa Kanyang pagmamahal sa susunod na henerasyon. Pasalamatan Siya sa pagtawag sa bawat henerasyon na sumunod sa Kanya at makibahagi sa ginagawa Niya sa mundo.

• Hilingin sa Diyos na turuan kang makita ang iba ayon sa Kanyang pananaw. Ipanalangin na tulungan ka ng Diyos na makapaglingkod sa mga nakapaligid sa ’yo.

• Ipanalangin na magkaroon ka ng lakas ng loob at malasakit na ihayag ang salita ng Diyos sa susunod na henerasyon at palakasin sila bilang mga lider na sumusunod sa halimbawa ni Jesus.