Jeremias

𝗪𝗔𝗥𝗠 𝗨𝗣

• Ano ang hindi kapani-paniwalang trabaho na pinangarap mo noong kabataan mo?

• Sino ang isang taong hinahangaan mo at itinuturing na gabay?

• Nararamdaman mo ba na may dapat kang gawin na higit pa sa kung ano ang ginagawa o trabaho mo ngayon? Sa tingin mo, ano ang totoo mong misyon sa buhay?

𝗪𝗢𝗥𝗗

𝘚𝘪𝘯𝘢𝘣𝘪 𝘴𝘢 𝘢𝘬𝘪𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘑𝘦𝘳𝘦𝘮𝘪𝘢𝘴, 𝘣𝘢𝘨𝘰 𝘬𝘪𝘵𝘢 𝘯𝘪𝘭𝘢𝘭𝘢𝘯𝘨 𝘴𝘢 𝘵𝘪𝘺𝘢𝘯 𝘯𝘨 𝘪𝘺𝘰𝘯𝘨 𝘪𝘯𝘢, 𝘱𝘪𝘯𝘪𝘭𝘪 𝘯𝘢 𝘬𝘪𝘵𝘢. 𝘈𝘵 𝘣𝘢𝘨𝘰 𝘬𝘢 𝘪𝘴𝘪𝘯𝘪𝘭𝘢𝘯𝘨, 𝘩𝘪𝘯𝘪𝘳𝘢𝘯𝘨 𝘯𝘢 𝘬𝘪𝘵𝘢 𝘱𝘢𝘳𝘢 𝘮𝘢𝘨𝘪𝘯𝘨 𝘱𝘳𝘰𝘱𝘦𝘵𝘢 𝘴𝘢 𝘮𝘨𝘢 𝘣𝘢𝘯𝘴𝘢.” 𝘚𝘶𝘮𝘢𝘨𝘰𝘵 𝘢𝘬𝘰, “𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘩𝘪𝘯𝘥𝘪 𝘱𝘰 𝘢𝘬𝘰 𝘮𝘢𝘨𝘢𝘭𝘪𝘯𝘨 𝘮𝘢𝘨𝘴𝘢𝘭𝘪𝘵𝘢, 𝘥𝘢𝘩𝘪𝘭 𝘣𝘢𝘵𝘢 𝘱𝘢 𝘢𝘬𝘰.” 𝘕𝘨𝘶𝘯𝘪𝘵 𝘴𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘢𝘬𝘪𝘯, “𝘏𝘶𝘸𝘢𝘨 𝘮𝘰𝘯𝘨 𝘴𝘢𝘣𝘪𝘩𝘪𝘯𝘨 𝘣𝘢𝘵𝘢 𝘬𝘢 𝘱𝘢. 𝘒𝘪𝘯𝘢𝘬𝘢𝘪𝘭𝘢𝘯𝘨𝘢𝘯𝘨 𝘱𝘶𝘮𝘶𝘯𝘵𝘢 𝘬𝘢 𝘴𝘢𝘢𝘯 𝘮𝘢𝘯 𝘬𝘪𝘵𝘢 𝘴𝘶𝘨𝘶𝘪𝘯, 𝘢𝘵 𝘴𝘢𝘣𝘪𝘩𝘪𝘯 𝘢𝘯𝘨 𝘢𝘯𝘶𝘮𝘢𝘯𝘨 𝘪𝘱𝘢𝘴𝘢𝘴𝘢𝘣𝘪 𝘬𝘰 𝘴𝘢 𝘪𝘺𝘰. 𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘴𝘢 𝘮𝘨𝘢 𝘵𝘢𝘰 𝘴𝘢𝘱𝘢𝘨𝘬𝘢𝘵 𝘢𝘬𝘰ʼ𝘺 𝘬𝘢𝘴𝘢𝘮𝘢 𝘮𝘰 𝘢𝘵 𝘵𝘶𝘵𝘶𝘭𝘶𝘯𝘨𝘢𝘯 𝘬𝘪𝘵𝘢,” 𝘴𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕.  𝗝𝗘𝗥𝗘𝗠𝗜𝗔𝗦 𝟭:𝟰–𝟴

(Basahin din ang 𝗝𝗘𝗥𝗘𝗠𝗜𝗔𝗦 𝟭:𝟵–𝟭𝟬.)

Tinawag si Jeremias na ipahayag ang salita ng Panginoon sa mga tao sa Juda sa panahon ng digmaan at pagpapatalsik mula sa sarili nilang mga bayan. Kung nagsasalita man siya o nananahimik, pareho itong mabigat para sa kanya (Jeremias 20). Gayunpaman, kilala ng Panginoon si Jeremias, at Siya ang pumili sa kanya para maging propeta sa mga bansa—bago pa man ipinanganak si Jeremias.

Mabigat para kay Jeremias ang mga inaasahan at pagtutol sa kanya ng mga tao. Kung nakinig siya sa iba at hindi sa Diyos, maaaring pinanghinaan na siya ng loob tungkol sa kanyang tungkulin. Ngunit ang pinakinggan lang niya ay ang kanyang Tagapaglikha at ang plano at layunin Niya para sa kanyang buhay. Ano ang sinasabi sa atin ng karanasan ni Jeremias tungkol sa pagkilos ng Diyos sa buhay ng mga kabataan?

𝟭. 𝗜𝘁𝗶𝗻𝗮𝘁𝗮𝗮𝘀 𝗮𝘁 𝗯𝗶𝗻𝗶𝗯𝗶𝗴𝘆𝗮𝗻 𝗻𝗴 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗻𝗴 𝗗𝗶𝘆𝗼𝘀 𝗮𝗻𝗴 𝗺𝗴𝗮 𝗸𝗮𝗯𝗮𝘁𝗮𝗮𝗻.

𝘚𝘪𝘯𝘢𝘣𝘪 𝘴𝘢 𝘢𝘬𝘪𝘯 𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘑𝘦𝘳𝘦𝘮𝘪𝘢𝘴, 𝘣𝘢𝘨𝘰 𝘬𝘪𝘵𝘢 𝘯𝘪𝘭𝘢𝘭𝘢𝘯𝘨 𝘴𝘢 𝘵𝘪𝘺𝘢𝘯 𝘯𝘨 𝘪𝘺𝘰𝘯𝘨 𝘪𝘯𝘢, 𝘱𝘪𝘯𝘪𝘭𝘪 𝘯𝘢 𝘬𝘪𝘵𝘢. 𝘈𝘵 𝘣𝘢𝘨𝘰 𝘬𝘢 𝘪𝘴𝘪𝘯𝘪𝘭𝘢𝘯𝘨, 𝘩𝘪𝘯𝘪𝘳𝘢𝘯𝘨 𝘯𝘢 𝘬𝘪𝘵𝘢 𝘱𝘢𝘳𝘢 𝘮𝘢𝘨𝘪𝘯𝘨 𝘱𝘳𝘰𝘱𝘦𝘵𝘢 𝘴𝘢 𝘮𝘨𝘢 𝘣𝘢𝘯𝘴𝘢.” 𝘚𝘶𝘮𝘢𝘨𝘰𝘵 𝘢𝘬𝘰, “𝘔𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘩𝘪𝘯𝘥𝘪 𝘱𝘰 𝘢𝘬𝘰 𝘮𝘢𝘨𝘢𝘭𝘪𝘯𝘨 𝘮𝘢𝘨𝘴𝘢𝘭𝘪𝘵𝘢, 𝘥𝘢𝘩𝘪𝘭 𝘣𝘢𝘵𝘢 𝘱𝘢 𝘢𝘬𝘰.” 𝘕𝘨𝘶𝘯𝘪𝘵 𝘴𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘢𝘬𝘪𝘯, “𝘏𝘶𝘸𝘢𝘨 𝘮𝘰𝘯𝘨 𝘴𝘢𝘣𝘪𝘩𝘪𝘯𝘨 𝘣𝘢𝘵𝘢 𝘬𝘢 𝘱𝘢. . . .” 𝗝𝗘𝗥𝗘𝗠𝗜𝗔𝗦 𝟭:𝟰–𝟳

Tinawag ng Panginoon si Jeremias upang magsalita para sa Kanya. Ngunit nag-alala si Jeremias sa kakayahan niyang magsalita dahil siya ay bata pa. Sinabi ng Panginoon na hindi hadlang ang kanyang kabataan, at hindi ito dapat maging dahilan ng hindi niya pagsasalita dahil ang Diyos mismo ang tumawag sa kanya at nagtakda ng layunin para sa kanyang buhay. May panahon ba na naging hadlang ang iyong kalagayan sa buhay o kaya ay edad sa pagtugon mo sa tawag ng Diyos? Paano ka pinalakas ng Diyos para magawa mo ang ipinapagawa Niya sa iyo?

𝟮. 𝗧𝗶𝗻𝗮𝘁𝗮𝘄𝗮𝗴 𝗻𝗴 𝗗𝗶𝘆𝗼𝘀 𝗮𝗻𝗴 𝗸𝗮𝗯𝗮𝘁𝗮𝗮𝗻 𝗽𝗮𝗿𝗮 𝘀𝗮 𝗺𝗶𝘀𝘆𝗼𝗻𝗴 𝗶𝗽𝗮𝗸𝗶𝗹𝗮𝗹𝗮 𝗦𝗶𝘆𝗮.

“. . . 𝘒𝘪𝘯𝘢𝘬𝘢𝘪𝘭𝘢𝘯𝘨𝘢𝘯𝘨 𝘱𝘶𝘮𝘶𝘯𝘵𝘢 𝘬𝘢 𝘴𝘢𝘢𝘯 𝘮𝘢𝘯 𝘬𝘪𝘵𝘢 𝘴𝘶𝘨𝘶𝘪𝘯, 𝘢𝘵 𝘴𝘢𝘣𝘪𝘩𝘪𝘯 𝘢𝘯𝘨 𝘢𝘯𝘶𝘮𝘢𝘯𝘨 𝘪𝘱𝘢𝘴𝘢𝘴𝘢𝘣𝘪 𝘬𝘰 𝘴𝘢 𝘪𝘺𝘰. . . . 𝘚𝘢 𝘢𝘳𝘢𝘸 𝘯𝘢 𝘪𝘵𝘰 𝘪𝘵𝘪𝘯𝘢𝘵𝘢𝘭𝘢𝘨𝘢 𝘬𝘰 𝘴𝘢 𝘪𝘺𝘰 𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘮𝘢𝘨𝘴𝘢𝘭𝘪𝘵𝘢 𝘴𝘢 𝘮𝘨𝘢 𝘣𝘢𝘯𝘴𝘢 𝘢𝘵 𝘮𝘨𝘢 𝘬𝘢𝘩𝘢𝘳𝘪𝘢𝘯. 𝘚𝘢𝘣𝘪𝘩𝘪𝘯 𝘮𝘰 𝘯𝘢 𝘣𝘢𝘣𝘢𝘨𝘴𝘢𝘬 𝘢𝘯𝘨 𝘪𝘣𝘢 𝘴𝘢 𝘬𝘢𝘯𝘪𝘭𝘢 𝘢𝘵 𝘮𝘢𝘸𝘢𝘸𝘢𝘴𝘢𝘬, 𝘢𝘵 𝘢𝘯𝘨 𝘪𝘣𝘢 𝘯𝘢𝘮𝘢𝘯 𝘢𝘺 𝘮𝘶𝘭𝘪𝘯𝘨 𝘣𝘢𝘣𝘢𝘯𝘨𝘰𝘯 𝘢𝘵 𝘮𝘢𝘨𝘪𝘨𝘪𝘯𝘨 𝘮𝘢𝘵𝘢𝘵𝘢𝘨.” 𝗝𝗘𝗥𝗘𝗠𝗜𝗔𝗦 𝟭:𝟳, 𝟭𝟬

Hindi lamang binibigyan ng Diyos ng kakayahan ang kabataan, kundi tinatawag din Niya sila sa isang misyon na higit pa sa kanilang mga sarili. Tinawag si Jeremias na puntahan ang isang grupo ng mga tao para sabihin ang iniutos ng Diyos na sabihin niya. Sa pamumuhay niya kasama ang Diyos, tinupad niya ang kanyang bahagi sa plano at layunin ng Diyos para sa buong bansa. Naging matapang siyang tagapagpahayag ng katotohanan ng Diyos, ipinahayag ang Kanyang mensahe at hinikayat ang mga tao na bumalik sa Kanya. Ano sa palagay mo ang misyon na ibinigay sa iyo ng Diyos? Paano mo Siya maipapakilala sa iba habang sinusunod ang Kanyang layunin para sa buhay mo?

𝟯. 𝗞𝗮𝘀𝗮𝗺𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗺𝗴𝗮 𝗸𝗮𝗯𝗮𝘁𝗮𝗮𝗻 𝗵𝗮𝗯𝗮𝗻𝗴 𝘁𝗶𝗻𝗮𝘁𝗮𝘄𝗮𝗴 𝗮𝘁 𝗶𝗽𝗶𝗻𝗮𝗽𝗮𝗱𝗮𝗹𝗮 𝗡𝗶𝘆𝗮 𝘀𝗶𝗹𝗮.

𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘴𝘢 𝘮𝘨𝘢 𝘵𝘢𝘰 𝘴𝘢𝘱𝘢𝘨𝘬𝘢𝘵 𝘢𝘬𝘰ʼ𝘺 𝘬𝘢𝘴𝘢𝘮𝘢 𝘮𝘰 𝘢𝘵 𝘵𝘶𝘵𝘶𝘭𝘶𝘯𝘨𝘢𝘯 𝘬𝘪𝘵𝘢,” 𝘴𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕. 𝘗𝘢𝘨𝘬𝘢𝘵𝘢𝘱𝘰𝘴, 𝘩𝘪𝘯𝘪𝘱𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘯𝘨 𝘢𝘬𝘪𝘯𝘨 𝘣𝘪𝘣𝘪𝘨 𝘢𝘵 𝘴𝘪𝘯𝘢𝘣𝘪, “𝘐𝘣𝘪𝘯𝘪𝘣𝘪𝘨𝘢𝘺 𝘬𝘰 𝘴𝘢 𝘪𝘺𝘰 𝘯𝘨𝘢𝘺𝘰𝘯 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘴𝘢𝘭𝘪𝘵𝘢𝘯𝘨 𝘴𝘢𝘴𝘢𝘣𝘪𝘩𝘪𝘯 𝘮𝘰.” 𝗝𝗘𝗥𝗘𝗠𝗜𝗔𝗦 𝟭:𝟴–𝟵

Alam ni Jeremias na hindi madali ang pagtugon sa tawag ng Diyos. Maaaring natakot din siya sa mga taong magdududa o magpapahina ng loob niya. Ngunit kasama ni Jeremias ang Panginoon. Ibinigay Niya kay Jeremias ang mga salitang dapat niyang sabihin at ang katiyakan na kasama niya ang Kanyang presensya. Kapag tinatawag tayo ng Diyos, ibinibigay din Niya ang lahat ng kailangan natin upang maisakatuparan ang Kanyang misyon. Paano mo naranasan ang presensya ng Diyos at kung paano ka Niya inihanda para sa misyong ipinapagawa Niya sa iyo?

𝗔𝗣𝗣𝗟𝗜𝗖𝗔𝗧𝗜𝗢𝗡

• Kilala tayo ng Diyos at itinakda na Niya kung ano ang ipapagawa Niya sa atin bago pa man tayo ipanganak. Ano ang epekto nito sa pananaw mo sa iyong pamilya at pagkabata? Ano ang epekto nito sa pananaw mo sa iba, lalo na sa mga mas bata sa iyo?

• Paano ka magkakaroon ng mas malalim na pagkaunawa at direksyon mula sa Panginoon tungkol sa ipinapagawa Niya sa iyo? Ano ang isang bagay na pwede mong gawin ngayon para makasabay sa mga ginagawa Niya?

• Ang pagtupad sa ipinapagawa ng Diyos ay hindi laging maiintindihan ng iba. Paano mo matutulungan ang mga tao sa paligid mo na maunawaan ang tawag ng Diyos sa iyong buhay? Paano mo matutulungan ang susunod na henerasyon na hanapin ang Diyos at sundin ang Kanyang tawag sa kanilang buhay?

𝗣𝗥𝗔𝗬𝗘𝗥

• Pasalamatan ang Diyos sa pagtawag at pagbibigay sa iyo ng kalakasan para sa isang mas makabuluhang buhay kasama Siya.

• Ipagdasal na palalimin ng Diyos ang iyong pagkaunawa at pananaw tungkol sa ipinapagawa Niya sa iyo habang patuloy kang namumuhay na kasama Siya araw-araw. Idalangin rin na laging sumaiyo ang Kanyang presensya at kapayapaan habang patuloy kang sumusunod sa Kanya.

• Ipanalangin ang susunod na henerasyon. Hilingin sa Kanya na bigyan sila ng tapang, lakas, at karunungan habang namumuhay sila ayon sa Kanyang layunin at kasama ang Kanyang presensya.