Pagbibigay | Kapag Ikaw ay Nagbigay . . .

𝗪𝗔𝗥𝗠 𝗨𝗣

• Ano ang karaniwan mong ginagawa o routine sa araw-araw? Ano ang nangyayari kapag hindi mo ito nasusunod?

• May mga madalas ka bang ginagawa na nagkaroon ng magandang epekto sa buhay mo? Ibahagi ito sa grupo.

• Sa anong bagay mo gustong maging kilala? Magkwento tungkol sa madalas mong ginagawa kaugnay nito.

𝗪𝗢𝗥𝗗

“𝘔𝘢𝘨-𝘪𝘯𝘨𝘢𝘵 𝘬𝘢𝘺𝘰 𝘢𝘵 𝘣𝘢𝘬𝘢 𝘢𝘯𝘨 𝘱𝘢𝘨𝘨𝘢𝘸𝘢 𝘯𝘪𝘯𝘺𝘰 𝘯𝘨 𝘮𝘢𝘣𝘶𝘵𝘪 𝘢𝘺 𝘱𝘢𝘬𝘪𝘵𝘢𝘯𝘨-𝘵𝘢𝘰 𝘭𝘢𝘯𝘨. 𝘚𝘢𝘱𝘢𝘨𝘬𝘢𝘵 𝘬𝘶𝘯𝘨 𝘨𝘢𝘯𝘺𝘢𝘯 𝘢𝘯𝘨 𝘨𝘪𝘯𝘢𝘨𝘢𝘸𝘢 𝘯𝘪𝘯𝘺𝘰, 𝘸𝘢𝘭𝘢 𝘬𝘢𝘺𝘰𝘯𝘨 𝘮𝘢𝘵𝘢𝘵𝘢𝘯𝘨𝘨𝘢𝘱 𝘯𝘢 𝘨𝘢𝘯𝘵𝘪𝘮𝘱𝘢𝘭𝘢 𝘮𝘶𝘭𝘢 𝘴𝘢 𝘪𝘯𝘺𝘰𝘯𝘨 𝘈𝘮𝘢𝘯𝘨 𝘯𝘢𝘴𝘢 𝘭𝘢𝘯𝘨𝘪𝘵.” 𝗠𝗔𝗧𝗘𝗢 𝟲:𝟭

(Basahin din ang 𝗠𝗔𝗧𝗘𝗢 𝟲:𝟮–𝟰.)

Ang mga espirituwal na disiplina ay mga pag-uugali at gawain na nagpapalakas ng ugnayan natin sa Diyos at nagdadala sa atin sa isang lugar kung saan nararanasan natin ang iba’t ibang aspeto ng Kanyang biyaya kay Cristo. Ang mga ito ay mahalagang bahagi ng ating pamumuhay nang kasama Siya at tugon sa Kanyang pagmamahal. Dapat natin isagawa ang mga ito nang regular at tuloy-tuloy—natututo mula kay Jesus at ginagawang bahagi ng buhay ang mga ritmong ito ng biyaya. Maaaring gawin ang mga disiplinang ito nang mag-isa o bilang isang komunidad ng iglesya.

Makikita sa Kasulatan na ang mga tradisyon at gawi ay karaniwan sa kultura ng mga Judio. Marami silang sinusunod na mga ‘dapat’ at ‘hindi dapat’ gawin. Pero, marami sa kanila ang tila hindi nakita ang pinakamahalagang bahagi—ang pagkakaroon ng tamang puso at pag-uugali sa harap ng Diyos. Sa Kanyang Pangaral sa Bundok, tinuro ni Jesus sa mga tao ang pagkakaroon ng tamang puso at pagsasagawa ng mga bagay na ito. Ngayong araw, tingnan natin kung ano ang sinabi ni Jesus tungkol sa pagbibigay.

𝟭. 𝗧𝗶𝗻𝗮𝘄𝗮𝗴 𝘁𝗮𝘆𝗼 𝗻𝗮 𝗺𝗮𝗴𝗯𝗶𝗴𝗮𝘆 𝘀𝗮 𝗺𝗴𝗮 𝗻𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻.

“𝘒𝘢𝘺𝘢 𝘬𝘢𝘱𝘢𝘨 𝘯𝘢𝘨𝘣𝘪𝘣𝘪𝘨𝘢𝘺 𝘬𝘢𝘺𝘰 𝘯𝘨 𝘵𝘶𝘭𝘰𝘯𝘨 . . .” 𝗠𝗔𝗧𝗘𝗢 𝟲:𝟮

Noong kinakausap ni Jesus ang mga tao tungkol sa mga nakasanayan na nilang gawin, alam Niya na ang pagbibigay ay bahagi na ng kanilang kultura at inaasahan na sa kanila. Nakalaan din ang pagbibigay nila sa mga nangangailangan—madalas ay para ito sa mga biyuda, ulila, at mga dayuhan. Nais ng Diyos na alagaan at tulungan ng Kanyang mga mamamayan ang mga nangangailangan. Tulad ng pagbibigay at pagtataguyod ng Diyos sa atin, maaari rin tayong maging daluyan ng Kanyang biyaya at awa. Hindi lang ito tungkol sa pagbibigay ng pera, kundi pati na rin sa pag-aalaga ng mga nangangailangan sa pamamagitan ng paglilingkod sa kanila. Paano ka nakapaglingkod sa mga nangangailangan?

𝟮. 𝗞𝗮𝗽𝗮𝗴 𝘁𝗮𝘆𝗼 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝘀𝗮 𝗺𝗴𝗮 𝗻𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻, 𝗵𝗶𝗻𝗱𝗶 𝗶𝘁𝗼 𝗽𝗮𝗿𝗮 𝗺𝗮𝗸𝗮𝗸𝘂𝗵𝗮 𝗻𝗴 𝗽𝗮𝗽𝘂𝗿𝗶 𝗺𝘂𝗹𝗮 𝘀𝗮 𝗺𝗴𝗮 𝘁𝗮𝗼.

“𝘒𝘢𝘺𝘢 𝘬𝘢𝘱𝘢𝘨 𝘯𝘢𝘨𝘣𝘪𝘣𝘪𝘨𝘢𝘺 𝘬𝘢𝘺𝘰 𝘯𝘨 𝘵𝘶𝘭𝘰𝘯𝘨, 𝘩𝘶𝘸𝘢𝘨 𝘯𝘢 𝘯𝘪𝘯𝘺𝘰 𝘪𝘵𝘰𝘯𝘨 𝘪𝘱𝘢𝘮𝘢𝘭𝘪𝘵𝘢 𝘨𝘢𝘺𝘢 𝘯𝘨 𝘨𝘪𝘯𝘢𝘨𝘢𝘸𝘢 𝘯𝘨 𝘮𝘨𝘢 𝘱𝘢𝘬𝘪𝘵𝘢𝘯𝘨-𝘵𝘢𝘰 𝘳𝘰𝘰𝘯 𝘴𝘢 𝘮𝘨𝘢 𝘴𝘢𝘮𝘣𝘢𝘩𝘢𝘯 𝘢𝘵 𝘴𝘢 𝘮𝘨𝘢 𝘥𝘢𝘢𝘯 𝘶𝘱𝘢𝘯𝘨 𝘱𝘶𝘳𝘪𝘩𝘪𝘯 𝘴𝘪𝘭𝘢 𝘯𝘨 𝘮𝘨𝘢 𝘵𝘢𝘰. 𝘈𝘯𝘨 𝘵𝘰𝘵𝘰𝘰, 𝘵𝘪𝘯𝘢𝘯𝘨𝘨𝘢𝘱 𝘯𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘨𝘢𝘯𝘵𝘪𝘮𝘱𝘢𝘭𝘢.” 𝗠𝗔𝗧𝗘𝗢 𝟲:𝟮

Dahil karaniwan sa kultura nila ang pagbibigay sa mga nangangailangan, maaaring natutukso ang ibang mga Judio na ipagmalaki ang kanilang mga ginagawa para purihin at tanggapin sila ng ibang tao. Bilang mga disipulo, ang pagbibigay sa mga nangangailangan ay hindi lang tungkol sa pagsunod sa batas o sa pagiging kilala bilang isang masunuring disipulo, kundi tungkol sa pagbabahagi ng pagmamahal ng Diyos sa iba (Leviticus 19:18). Sinabi ni Jesus na ang mga mapagpanggap na nag-iingay upang ipagmalaki ang kanilang pagbibigay ay nakatanggap na ng kanilang gantimpala. Ano sa tingin mo ang gantimpala nila? Bakit kaya sinabi ito ni Jesus?

𝟯. 𝗞𝗮𝗽𝗮𝗴 𝘁𝗮𝘆𝗼 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝘀𝗮 𝗺𝗴𝗮 𝗻𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻, 𝗴𝗶𝗻𝗮𝗴𝗮𝘄𝗮 𝗻𝗮𝘁𝗶𝗻 𝗶𝘁𝗼 𝘀𝗮 𝗵𝗮𝗿𝗮𝗽 𝗻𝗴 𝗔𝗺𝗮.

“𝘚𝘢 𝘩𝘢𝘭𝘪𝘱, 𝘬𝘶𝘯𝘨 𝘮𝘢𝘨𝘣𝘪𝘣𝘪𝘨𝘢𝘺 𝘬𝘢𝘺𝘰 𝘯𝘨 𝘵𝘶𝘭𝘰𝘯𝘨, 𝘩𝘶𝘸𝘢𝘨 𝘯𝘢 𝘯𝘪𝘯𝘺𝘰 𝘪𝘵𝘰𝘯𝘨 𝘪𝘱𝘢𝘢𝘭𝘢𝘮 𝘬𝘢𝘩𝘪𝘵 𝘴𝘢 𝘱𝘪𝘯𝘢𝘬𝘢𝘮𝘢𝘵𝘢𝘭𝘪𝘬 𝘯ʼ𝘺𝘰𝘯𝘨 𝘬𝘢𝘪𝘣𝘪𝘨𝘢𝘯, 𝘶𝘱𝘢𝘯𝘨 𝘮𝘢𝘨𝘪𝘯𝘨 𝘭𝘪𝘩𝘪𝘮 𝘢𝘯𝘨 𝘱𝘢𝘨𝘣𝘪𝘣𝘪𝘨𝘢𝘺 𝘯𝘪𝘯𝘺𝘰. 𝘈𝘵 𝘢𝘯𝘨 𝘪𝘯𝘺𝘰𝘯𝘨 𝘈𝘮𝘢𝘯𝘨 𝘯𝘢𝘬𝘢𝘬𝘢𝘬𝘪𝘵𝘢 𝘴𝘢 𝘨𝘪𝘯𝘢𝘨𝘢𝘸𝘢 𝘯𝘪𝘯𝘺𝘰 𝘯𝘢𝘯𝘨 𝘭𝘪𝘩𝘪𝘮 𝘢𝘯𝘨 𝘴𝘪𝘺𝘢𝘯𝘨 𝘮𝘢𝘨𝘣𝘪𝘣𝘪𝘨𝘢𝘺 𝘯𝘨 𝘨𝘢𝘯𝘵𝘪𝘮𝘱𝘢𝘭𝘢 𝘴𝘢 𝘪𝘯𝘺𝘰.” 𝗠𝗔𝗧𝗘𝗢 𝟲:𝟯–𝟰

May pananaw ang mga Judio na ang Diyos ay banal at mahirap lapitan. Pero ipinakilala sa kanila ni Jesus ang isang aspeto ng Diyos na ibang-iba sa alam nila—isang malapit na ama. Para sa atin ngayon, inampon tayo sa pamilya ng Diyos dahil sa ginawa ni Jesus sa krus. Ang Diyos ay hindi tulad ng tao na nasisihayan na sa pakitang-tao lamang na pagsunod sa batas. Kapag tayo ay nagbibigay sa mga nangangailangan, maaari rin tayong mapanatag sa katotohanang ang pagbibigay natin ay nakikita ng ating 𝘈𝘮𝘢𝘯𝘨 𝘯𝘢𝘬𝘢𝘬𝘢𝘬𝘪𝘵𝘢 𝘴𝘢 𝘨𝘪𝘯𝘢𝘨𝘢𝘸𝘢 . . . 𝘯𝘢𝘯𝘨 𝘭𝘪𝘩𝘪𝘮. Hindi ito tungkol sa lugar kung saan tayo nagbibigay, kundi sa kalagayan ng ating mga puso. Gusto lang ba nating makita ng lahat ang ginagawa natin o totoong gusto nating sumunod at bigyan ng kasiyahan ang Diyos? Ang ating pagiging bukas-palad ay nakakatulong din para maranasan ng iba kung sino Siya dahil sa pamamagitan nito ay sinasalamin natin Siya. Bakit mahalaga ang pagsasagawa ng mga espirituwal na disiplina nang may tamang puso?

𝗔𝗣𝗣𝗟𝗜𝗖𝗔𝗧𝗜𝗢𝗡

• Hinihikayat tayo sa Mateo 6:3 na magkaroon ng tamang puso kapag nagbibigay sa mga nangangailangan. Sa ilalim ng katotohanang ito, ano ang mga hakbang na gagawin mo ngayong linggo? May mga bagay ba na kailangan mong simulan o tigilang gawin?

• Mag-isip at hingin sa Diyos na suriin ang puso mo tungkol sa motibo mo sa pagbibigay. Ipanalangin na ang iyong pagbibigay ay maging pag-uumapaw ng pagmamahal at debosyon mo sa Diyos.

• Sinu-sino sa mga taong malapit sa ‘yo ang nangangailangan ngayon (kamag-anak, kapitbahay, kaklase, katrabaho, o empleyado)? Paano mo maipapakita ang habag ng Diyos sa kanila?

𝗣𝗥𝗔𝗬𝗘𝗥

• Pasalamatan ang Diyos dahil mas nararanasan natin ang Kanyang biyaya habang mas nakikilala natin Siya sa pamamagitan ng mga disiplinang espirituwal.

• Hingin sa Diyos na bigyan ka ng pusong maawain sa mga nangangailangan. Ipanalangin na ang maging motibo mo sa pagbibigay ay ang mas maranasan pa Siya sa buhay mo at ang paghahayag ng Kanyang biyaya sa iba.

• Manalangin para sa mga nangangailangan sa paligid mo. Hingin sa Banal na Espiritu na tulungan kang maipahayag ang ebanghelyo sa kanila habang pinaglilingkuran at inaalagaan mo sila.