Magkakasamang Sumunod sa Kanya

𝗪𝗔𝗥𝗠 𝗨𝗣

• Kung pwede mong makasama ang isang sikat na tao o taong hinahangaan mo nang buong araw, sino ang gugustuhin mong makasama at bakit?

• Ano ang isang bagay na sa palagay mo ay magpapakumpleto sa buhay mo kung mayroon ka nito?

• Isipin ang isang bagay na napilit ka ng isang tao na bilhin o gawin. Ano ito at bakit mo pinaniwalaan ang taong ito?

𝗪𝗢𝗥𝗗

𝘕𝘢𝘮𝘢𝘯𝘨𝘩𝘢 𝘳𝘪𝘯 𝘴𝘪𝘯𝘢 𝘚𝘢𝘯𝘵𝘪𝘢𝘨𝘰 𝘢𝘵 𝘑𝘶𝘢𝘯 𝘯𝘢 𝘮𝘨𝘢 𝘢𝘯𝘢𝘬 𝘯𝘪 𝘡𝘦𝘣𝘦𝘥𝘦𝘦, 𝘯𝘢 𝘮𝘨𝘢 𝘬𝘢𝘴𝘰𝘴𝘺𝘰 𝘯𝘪 𝘚𝘪𝘮𝘰𝘯. 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘬𝘢𝘺 𝘚𝘪𝘮𝘰𝘯, “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵. 𝘔𝘶𝘭𝘢 𝘯𝘨𝘢𝘺𝘰𝘯, 𝘩𝘪𝘯𝘥𝘪 𝘯𝘢 𝘪𝘴𝘥𝘢 𝘢𝘯𝘨 𝘩𝘶𝘩𝘶𝘭𝘪𝘩𝘪𝘯 𝘮𝘰 𝘬𝘶𝘯𝘥𝘪 𝘮𝘨𝘢 𝘵𝘢𝘰 𝘯𝘢 𝘶𝘱𝘢𝘯𝘨 𝘮𝘢𝘥𝘢𝘭𝘢 𝘴𝘪𝘭𝘢 𝘴𝘢 𝘋𝘪𝘺𝘰𝘴.” 𝘕𝘢𝘯𝘨 𝘮𝘢𝘪𝘵𝘢𝘣𝘪 𝘯𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘯𝘨𝘬𝘢, 𝘪𝘯𝘪𝘸𝘢𝘯 𝘯𝘪𝘭𝘢 𝘢𝘯𝘨 𝘭𝘢𝘩𝘢𝘵 𝘢𝘵 𝘴𝘶𝘮𝘶𝘯𝘰𝘥 𝘬𝘢𝘺 𝘑𝘦𝘴𝘶𝘴. 𝗟𝗨𝗖𝗔𝗦 𝟱:𝟭𝟬-𝟭𝟭

Ang pagiging Kristiyano ay mahirap at dahil ito sa lahat ng kinakaharap nating mga matitinding laban sa buhay at sa maraming bagay na kailangan nating gawin para sa ating mga pamilya, sa trabaho o eskwela. Kaya nga’t nakakatukso minsan na pumunta ng iglesya nang hindi makikibahagi sa mga gawain at iba pang mga aktibidad sa iglesya. Ngunit ano nga ba talaga ang ibig sabihin ng pagiging tagasunod ni Cristo? Paano nito naaapektuhan ang ating mga buhay at mga ugnayan? Tingnan natin ang buhay ng mga disipulo, kung paano lumago ang kanilang ugnayan kay Jesus habang ibinubukod Niya sila at tinawag na sumunod sa Kanya. Ano ang ibig sabihin ng pagsunod kay Jesus at pamumuhay kasama Niya?

𝟭. 𝗔𝗻𝗴 𝗽𝗮𝗴𝗱𝗶𝗱𝗶𝘀𝗶𝗽𝘂𝗹𝗼 𝗮𝘆 𝗻𝗮𝗴𝘀𝗶𝘀𝗶𝗺𝘂𝗹𝗮 𝘀𝗮 𝗽𝗮𝗴𝘁𝗮𝘄𝗮𝗴 𝘀𝗮 𝗮𝘁𝗶𝗻 𝗻𝗶 𝗝𝗲𝘀𝘂𝘀 𝘁𝘂𝗻𝗴𝗼 𝘀𝗮 𝗞𝗮𝗻𝘆𝗮𝗻𝗴 𝗦𝗮𝗿𝗶𝗹𝗶. 

. . . 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘬𝘢𝘺 𝘚𝘪𝘮𝘰𝘯, “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵. 𝘔𝘶𝘭𝘢 𝘯𝘨𝘢𝘺𝘰𝘯, 𝘩𝘪𝘯𝘥𝘪 𝘯𝘢 𝘪𝘴𝘥𝘢 𝘢𝘯𝘨 𝘩𝘶𝘩𝘶𝘭𝘪𝘩𝘪𝘯 𝘮𝘰 𝘬𝘶𝘯𝘥𝘪 𝘮𝘨𝘢 𝘵𝘢𝘰 𝘯𝘢 𝘶𝘱𝘢𝘯𝘨 𝘮𝘢𝘥𝘢𝘭𝘢 𝘴𝘪𝘭𝘢 𝘴𝘢 𝘋𝘪𝘺𝘰𝘴.” 𝗟𝗨𝗖𝗔𝗦 𝟱:𝟭𝟬

Nabalitaan na malamang ni Simon, na kilala din bilang si Pedro, at ng iba pang mga disipulo ang tungkol kay Jesus at ang mga himalang Kanyang nagawa. Naniwala sila na Siya ang ipinangakong Mesias, ang Banal na Diyos. Isang natatanging pribilehiyo ang malapitan ni Jesus habang ginagawa Niya ang Kanyang paglilingkod. Pagkatapos umakyat sa kanilang mga bangka at tulungan silang makahuli ng 𝘯𝘢𝘱𝘢𝘬𝘢𝘳𝘢𝘮𝘪𝘯𝘨 𝘪𝘴𝘥𝘢, inanyayahan sila ni Jesus na sumunod sa Kanya at makiisa sa Kanyang paglilingkod. Ito na ang pagkakataon nila na makilala si Jesus, kung sino Siya, at kung ano ang magagawa Niya, at makita kung paano maisasakatuparan ang pangako ng Diyos kay Jesus. Personal silang inanyayahan na malapitang sumunod kay Jesus, at ang iba pa nga sa kanila ay pinili talaga na maging mga apostol Niya (Lucas 6:13–16). Tulad nito, ang pagtawag sa atin na maging mga disipulo ni Jesus ay isang tawag na makipag-ugnayan kay Jesus. Balikan ang panahong tinawag ka ni Jesus sa Kanyang Sarili. Ano ang naging dahilan ng desisyon mong sumunod sa Kanya?

𝟮. 𝗔𝗻𝗴 𝗽𝗮𝗴𝘀𝘂𝗻𝗼𝗱 𝗸𝗮𝘆 𝗝𝗲𝘀𝘂𝘀 𝗮𝘆 𝗻𝗮𝗻𝗴𝗮𝗻𝗴𝗮𝗵𝘂𝗹𝘂𝗴𝗮𝗻 𝗻𝗮𝗻𝗴 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮 𝘀𝗮 𝗞𝗮𝗻𝘆𝗮 𝗻𝗮𝗻𝗴 𝗵𝗶𝗴𝗶𝘁 𝗽𝗮 𝘀𝗮 𝗮𝗻𝘂𝗺𝗮𝗻𝗴 𝗯𝗮𝗴𝗮𝘆.

𝘕𝘢𝘯𝘨 𝘮𝘢𝘪𝘵𝘢𝘣𝘪 𝘯𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘯𝘨𝘬𝘢, 𝘪𝘯𝘪𝘸𝘢𝘯 𝘯𝘪𝘭𝘢 𝘢𝘯𝘨 𝘭𝘢𝘩𝘢𝘵 𝘢𝘵 𝘴𝘶𝘮𝘶𝘯𝘰𝘥 𝘬𝘢𝘺 𝘑𝘦𝘴𝘶𝘴. 𝗟𝗨𝗖𝗔𝗦 𝟱:𝟭𝟭

Tumugon ang mga disipulo sa paanyaya ni Jesus nang walang pag-aalinlangan. Binigyang-diin pa nga ng ibang mga Ebanghelyo na iniwan nila agad ang kanilang mga bangka upang sumunod sa Kanya (Mateo 4:20). Tila wala ito sa katwiran. Pangingisda halos ang alam gawin ng mga disipulo. Kung wala ito, hindi sila magkakaroon ng matatag na  hanapbuhay para sa kanilang mga pamilya. Ngunit sa isang salita ni Jesus ay iniwan nila ang lahat. Nakita at nakatuon sila hindi sa kung ano ang maaaring mawala sa kanila kundi kung sino ang maaari nilang makamit. Kung itatapat kay Jesus ang lahat ng mga bagay—ang ating mga pagnanais, ang ating mga pangangailangan—ang lahat ng ito ay mawawalan ng kahalagahan. Hindi madali ang sumunod kay Jesus, ngunit Siya ay karapat-dapat. Ano ang sinasabi ni Jesus sa Lucas 18:28–30? Ano ang sinasabi ng talatang ito tungkol sa pagpapahalaga kay Jesus at sa Kanyang kaharian nang higit pa sa anuman o sinuman sa buhay na ito?

𝟯. 𝗪𝗲 𝗳𝗼𝗹𝗹𝗼𝘄 𝗝𝗲𝘀𝘂𝘀 𝗶𝗻 𝗰𝗼𝗺𝗺𝘂𝗻𝗶𝘁𝘆. 

𝘕𝘢𝘯𝘨 𝘮𝘢𝘪𝘵𝘢𝘣𝘪 𝘯𝘢 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘯𝘨𝘬𝘢, 𝘪𝘯𝘪𝘸𝘢𝘯 𝘯𝘪𝘭𝘢 𝘢𝘯𝘨 𝘭𝘢𝘩𝘢𝘵 𝘢𝘵 𝘴𝘶𝘮𝘶𝘯𝘰𝘥 𝘬𝘢𝘺 𝘑𝘦𝘴𝘶𝘴. 𝗟𝗨𝗖𝗔𝗦 𝟱:𝟭𝟭

Bagama’t ang paanyayang ibinigay ni Jesus sa mga nauna Niyang disipulo ay personal,

malinaw na ito rin ay pangkomunidad. Sa kabuuan ng paglilingkod ni Jesus kasama ang Kanyang mga disipulo, magkakasama silang sumusunod sa Kanya at gumagawa ng mga bagay. Ang paglalakbay nila kasama si Jesus ay isinabuhay nila sa isang komunidad. Nakita nila kung paano makitungo si Jesus sa bawat isa sa kanila at kung paano tumutugon ang bawat isa kay Jesus. Kahit ang mga aral na itinuro ni Jesus sa kanila ay isang karanasan na sama-sama nilang pinagdaanan. Ang pagsunod kay Jesus ay isang paglalakbay na bahagi ng paglalakbay ng iba. Paano ito naging totoo sa buhay mo? Ano ang natutunan mo sa pagbabahagi mo ng iyong buhay sa iba pang mga tagasunod ni Jesus?

𝗔𝗣𝗣𝗟𝗜𝗖𝗔𝗧𝗜𝗢𝗡

• Bakit mahalaga na magkaroon tayo ng personal na ugnayan kay Jesus? Anong mga hakbang ang pwede mong gawin upang lumago at mas sadyain ang paglago ng iyong ugnayan sa Kanya?

• Ano ang ilang mga bagay na isinuko mo upang sumunod kay Cristo? May mga bagay pa ba na kailangan mong isantabi upang pahalagahan si Cristo nang higit sa lahat? Paano makakatulong ang pinag-usapan ngayon para magawa mo ito?

• Sino ang kasama mo sa pagsunod mo kay Jesus? Kanino mo maipapaabot ang paanyaya ni Jesus na sundin Siya? Sa paanong paraan mo matutulungan ang taong ito na simulan ang kanyang paglalakbay sa pagiging isang disipulo?

𝗣𝗥𝗔𝗬𝗘𝗥

• Pasalamatan ang Diyos sa personal Niyang paanyaya na makilala Siya at maglakbay kasama Siya sa pamamagitan ni Cristo. Ipanalangin na maging sensitibo ka sa Kanyang Espiritu habang intensyonal mo Siyang kinikilala at lumago ka sa ugnayan mo sa Kanya.

• Hilingin sa Diyos na buksan ang iyong mga mata sa mga bagay na maaaring pinahalagahan mo nang higit pa kay Cristo. Ipanalangin na magkaroon ka ng kakayahang pahalagahan si Cristo nang higit pa sa lahat sa iyong mga pag-iisip, salita, at gawa.

• Pasalamatan ang Diyos para sa mga taong inilagay Niya sa iyong buhay. Ipanalangin na matulungan ninyo ang isa’t isa na sumunod kay Jesus at sama-sama kayong manghuli ng mga tao.