Ang mga Baryang Pilak

𝘽𝙖𝙨𝙖𝙝𝙞𝙣

𝘚𝘪 𝘑𝘶𝘥𝘢𝘴 𝘐𝘴𝘤𝘢𝘳𝘪𝘰𝘵𝘦 𝘯𝘢 𝘪𝘴𝘢 𝘴𝘢 𝘵𝘢𝘨𝘢𝘴𝘶𝘯𝘰𝘥 𝘢𝘺 𝘱𝘶𝘮𝘶𝘯𝘵𝘢 𝘴𝘢 𝘮𝘨𝘢 𝘯𝘢𝘮𝘢𝘮𝘢𝘩𝘢𝘭𝘢𝘯𝘨 𝘱𝘢𝘳𝘪. 𝘚𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘈𝘯𝘰 𝘱𝘰 𝘢𝘯𝘨 𝘪𝘣𝘢𝘣𝘢𝘺𝘢𝘥 𝘯𝘪𝘯𝘺𝘰 𝘴𝘢 𝘢𝘬𝘪𝘯 𝘬𝘶𝘯𝘨 𝘵𝘶𝘵𝘶𝘭𝘶𝘯𝘨𝘢𝘯 𝘬𝘰 𝘬𝘢𝘺𝘰𝘯𝘨 𝘮𝘢𝘥𝘢𝘬𝘪𝘱 𝘴𝘪 𝘑𝘦𝘴𝘶𝘴?” 𝘕𝘰𝘰𝘯 𝘥𝘪𝘯 𝘢𝘺 𝘣𝘪𝘯𝘪𝘨𝘺𝘢𝘯 𝘯𝘪𝘭𝘢 𝘴𝘪 𝘑𝘶𝘥𝘢𝘴 𝘯𝘨 30 𝘱𝘪𝘳𝘢𝘴𝘰𝘯𝘨 𝘱𝘪𝘭𝘢𝘬. 𝘔𝘶𝘭𝘢 𝘯𝘰𝘰𝘯, 𝘩𝘶𝘮𝘢𝘯𝘢𝘱 𝘯𝘢 𝘴𝘪 𝘑𝘶𝘥𝘢𝘴 𝘯𝘨 𝘱𝘢𝘨𝘬𝘢𝘬𝘢𝘵𝘢𝘰𝘯 𝘶𝘱𝘢𝘯𝘨 𝘵𝘳𝘢𝘺𝘥𝘶𝘳𝘪𝘯 𝘴𝘪 𝘑𝘦𝘴𝘶𝘴. 𝗠𝗔𝗧𝗘𝗢 𝟮𝟲:𝟭𝟰–𝟭𝟲

Basahin din ang 𝗟𝗨𝗖𝗔𝗦 𝟮𝟮:𝟯–𝟲; 𝗝𝗨𝗔𝗡 𝟭𝟯:𝟮–𝟯; 𝗙𝗜𝗟𝗜𝗣𝗢𝗦 𝟮:𝟰–𝟵. 

𝙋𝙖𝙜-𝙞𝙨𝙞𝙥𝙖𝙣

𝘒𝘭𝘪𝘯𝘨, 𝘬𝘭𝘪𝘯𝘨, 𝘬𝘭𝘪𝘯𝘨 . . .  mahina at paulit-ulit na tunog ang maririnig habang nagbubungguan ang mga barya. Ang mga ito ay kumakalansing sa loob ng maliit na sisidlan ni Judas Iscariote. Bawat barya ay maliit at hindi kapansin-pansin ang laki. Bagamat gawa sa pilak, maaaring wala itong kinang at malamang ay kupas na dahil dumaan na ang mga ito sa maraming kamay. Tatlumpung pirasong pilak, bawat isa'y may mga ukit na larawan at marka, ang nakalagay sa sisidlan na ipit-ipit ni Judas Iscariote habang naglalakad siya galing sa pakikipag-usap niya sa mga punong pari papunta sa Taong pagtataksilan niya.

Naranasan mo na ba ang mapagtaksilan ng isang tao? Talagang masakit ang pagkabasag ng tiwala, pagkadismaya, kalituhan, at galit lalo na kung ang nagtaksil ay yung taong mahal at pinagkatiwalaan mo.

Si Jesus ay nakaranas ng ganitong pagtataksil mula kay Judas, na naging kasama Niya habang Siya ay nagturo, nagpagaling ng may sakit, at nagtaboy ng mga demonyo. Nasaksihan ni Judas sa sarili niyang mga mata ang mga himala ni Jesus. Sabay silang kumain, naglakbay, at nagkasama ng maraming oras. Pero sa kabila ng lahat ng iyon, hindi ibinigay ni Judas kay Jesus ang pag-iingat at pagpapahalaga para sa kung sino Siya. Sa huli, mas pinili ni Judas ang pansariling kapakanan kaysa ang ugnayan nila ni Jesus, at ito ang nagtulak sa kanya na ipagkanulo ang ating Tagapagligtas sa mga punong pari.

Sa Lumang Tipan, tatlumpung pirasong pilak ang halaga na ibinabayad para sa isang alipin na napatay ng isang baka (Exodus 21:32). Bagamat hindi tiyak, ang tatlumpung pilak noong panahon ng Bibliya ay maaaring mga 𝘴𝘩𝘦𝘬𝘦𝘭 o 𝘵𝘦𝘵𝘳𝘢𝘥𝘳𝘢𝘤𝘩𝘮, na katumbas ng ilang buwang sahod. Sa kasalukuyan, maaari itong maitumbas sa humigit-kumulang PHP 100,000. Sa halagang iyon, ipinagkanulo ni Judas si Jesus.

Hindi lang pagtataksil ni Judas ang ipinapaalala sa atin ng tatlumpung pirasong pilak na ito kundi pati na rin ang sarili nating pagtataksil. Kung magpapakatotoo tayo, may mga pagkakataon na sa ating kahinaan, maaaring makita rin sa atin ang bakas ng pagiging tulad ni Judas. Maaaring naipagpalit din natin si Jesus—at madalas, para sa mas maliit pa na halaga. Maaaring mas inuna pa natin ang pansariling ambisyon, matagumpay na karera sa buhay, nakakasirang relasyon, materyal na bagay, katayuang panlipunan, o kahit ang pansamantalang kasiyahan kaysa sa Kanya.

Bagamat malungkot ang pagtatapos ng kwento ng tatlumpung pilak para kay Judas, higit na mababa ang halaga ng kanyang pagtataksil sa halaga na binayaran ni Cristo para sa ating kaligtasan. 𝗡𝗮𝗽𝗮𝗸𝗮𝗯𝗮𝗯𝗮 𝗻𝗴 𝗽𝗮𝗴𝗽𝗮𝗽𝗮𝗵𝗮𝗹𝗮𝗴𝗮𝗻𝗴 𝗶𝗯𝗶𝗻𝗶𝗴𝗮𝘆 𝗻𝗶 𝗝𝘂𝗱𝗮𝘀 𝗸𝗮𝘆 𝗝𝗲𝘀𝘂𝘀 𝗸𝗮𝘆𝗮’𝘁 𝗻𝗮𝗶𝗽𝗮𝗴𝗽𝗮𝗹𝗶𝘁 𝗻𝗶𝘆𝗮 𝘀𝗶 𝗝𝗲𝘀𝘂𝘀 𝘀𝗮 𝗵𝗮𝗹𝗮𝗴𝗮𝗻𝗴 𝗸𝗮𝘁𝘂𝗺𝗯𝗮𝘀 𝗻𝗴 𝗶𝘀𝗮𝗻𝗴 𝗮𝗹𝗶𝗽𝗶𝗻, 𝗻𝗴𝘂𝗻𝗶𝘁 𝗽𝗶𝗻𝗮𝗵𝗮𝗹𝗮𝗴𝗮𝗵𝗮𝗻 𝘁𝗮𝘆𝗼 𝗻𝗶 𝗝𝗲𝘀𝘂𝘀 𝗻𝗮𝗻𝗴 𝗱𝘂𝗺𝗮𝘁𝗶𝗻𝗴 𝗦𝗶𝘆𝗮 𝘀𝗮 𝗮𝗻𝘆𝗼 𝗻𝗴 𝗶𝘀𝗮𝗻𝗴 𝗮𝗹𝗶𝗽𝗶𝗻 𝘂𝗽𝗮𝗻𝗴 𝗽𝗮𝗹𝗮𝘆𝗮𝗶𝗻 𝘁𝗮𝘆𝗼 𝗺𝘂𝗹𝗮 𝘀𝗮 𝗽𝗮𝗴𝗸𝗮-𝗮𝗹𝗶𝗽𝗶𝗻 𝘀𝗮 𝗸𝗮𝘀𝗮𝗹𝗮𝗻𝗮𝗻.

Kahit alam ni Jesus na ipagkakanulo siya ni Judas, hindi Niya ito kinondena. Sa halip, yumuko Siya at hinugasan ang mga paa ni Judas, pagpapakita ng kababaang-loob at pagmamahal Niya para sa kanya (Juan 13:2–3). Ganito rin ang pagmamahal ni Jesus sa bawat isa sa atin, sa kabila ng ating mga kasalanan at pagkukulang. Ang Kanyang pag-ibig ay hindi nanghuhusga o nangkokondena. Sa halip, nag-aalok Siya ng walang-hanggang biyaya para tubusin tayo at ibalik sa Kanya.

Nawa'y maipaalala sa ating ng bigat ng tatlumpung pilak hindi lamang ng ating pangangailangan ng pagtubos, kundi pati na rin ng malaking halaga na binayaran ni Jesus para dito. At nawa'y sa Kanyang biyaya, matutunan nating pahalagahan Siya nang higit sa lahat, kabilang na ang ating mga buhay.

𝗧𝗵𝗶𝗿𝘁𝘆 𝗣𝗶𝗲𝗰𝗲𝘀 𝗼𝗳 𝗦𝗶𝗹𝘃𝗲𝗿

Ni Robert Taylor

(𝘐𝘴𝘪𝘯𝘢𝘭𝘪𝘯 𝘴𝘢 𝘍𝘪𝘭𝘪𝘱𝘪𝘯𝘰)

𝘞𝘢𝘭𝘢𝘯𝘨 𝘬𝘢𝘴𝘪𝘺𝘢𝘩𝘢𝘯 𝘴𝘢 𝘺𝘢𝘮𝘢𝘯 𝘰 𝘴𝘢 𝘬𝘢𝘴𝘪𝘬𝘢𝘵𝘢𝘯

𝘒𝘶𝘯𝘨 𝘪𝘬𝘪𝘯𝘢𝘬𝘢𝘪𝘭𝘢 𝘯𝘢𝘮𝘢𝘯 𝘢𝘯𝘨 𝘢𝘵𝘪𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴

𝘉𝘢𝘸𝘢𝘵 𝘬𝘢𝘴𝘵𝘪𝘭𝘺𝘰’𝘺 𝘣𝘶𝘮𝘢𝘣𝘢𝘨𝘴𝘢𝘬, 𝘢𝘵 𝘢𝘯𝘨 𝘣𝘶𝘩𝘢𝘺 𝘢𝘺 𝘯𝘢𝘴𝘪𝘳𝘢𝘯𝘨 𝘱𝘢𝘯𝘨𝘢𝘳𝘢𝘱

𝘒𝘶𝘯𝘨 𝘴𝘪 𝘑𝘦𝘴𝘶𝘴 𝘢𝘺 𝘸𝘢𝘭𝘢 𝘴𝘢 𝘢𝘵𝘪𝘯𝘨 𝘱𝘪𝘭𝘪𝘯𝘨

𝘛𝘢𝘵𝘭𝘰𝘯𝘨𝘱𝘶𝘯𝘨 𝘱𝘪𝘳𝘢𝘴𝘰𝘯𝘨 𝘱𝘪𝘭𝘢𝘬 𝘢𝘯𝘨 𝘩𝘢𝘭𝘢𝘨𝘢 𝘯𝘢 𝘪𝘣𝘪𝘯𝘪𝘨𝘢𝘺 𝘯𝘪𝘭𝘢

𝘛𝘢𝘵𝘭𝘰𝘯𝘨𝘱𝘶𝘯𝘨 𝘱𝘪𝘳𝘢𝘴𝘰𝘯𝘨 𝘱𝘪𝘭𝘢𝘬, 𝘪𝘴𝘢𝘯𝘨 𝘢𝘭𝘪𝘱𝘪𝘯 𝘢𝘯𝘨 𝘬𝘢𝘵𝘶𝘮𝘣𝘢𝘴 𝘯𝘢 𝘩𝘢𝘭𝘢𝘨𝘢

𝘈𝘯𝘨 𝘢𝘬𝘪𝘯𝘨 𝘱𝘶𝘴𝘰’𝘺 𝘪𝘯𝘢𝘭𝘢𝘺 𝘬𝘰 𝘴𝘢 𝘒𝘳𝘪𝘴𝘵𝘰𝘯𝘨 𝘪𝘱𝘪𝘯𝘢𝘨𝘬𝘢𝘯𝘶𝘭𝘰

𝘈𝘵 𝘢𝘭𝘢𝘮 𝘬𝘰 𝘬𝘶𝘯𝘨 𝘨𝘢𝘢𝘯𝘰 𝘕𝘪𝘺𝘢 𝘢𝘬𝘰 𝘮𝘪𝘯𝘢𝘩𝘢𝘭

𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘩𝘢𝘭𝘢𝘨𝘢𝘯𝘨 𝘪𝘣𝘪𝘯𝘢𝘺𝘢𝘥 𝘕𝘪𝘺𝘢

𝙏𝙪𝙢𝙪𝙜𝙤𝙣

• Pag-isipan kung paano mo kaya naipagpalit si Jesus sa ibang mga bagay sa buhay. Kausapin ang Diyos tungkol dito at tanggapin ang Kanyang kapatawaran.

• Paano natin maipapakita o maipapahayag na pinahahalagahan natin si Jesus nang higit pa sa anumang bagay? May mga bagay ba na sa tingin mo ay kailangan mong isuko kay Cristo?

• Naranasan mo na bang magtaksil sa isang tao o kaya ay pagtaksilan ng iba? Paano ka makakatugon sa paraang nagpapakita ng pagmamahal ni Cristo, at ano ang mga maaari mong gawin tungo sa pagkakaroon ng pagpapatawad at pagkakasundo?

𝙋𝙖𝙣𝙖𝙡𝙖𝙣𝙜𝙞𝙣

Panginoong Jesus, patawad po sa mga pagkakataong ipinagpalit Kita para sa sarili kong kapakinabangan. Sa aking kahinaan, hindi ko po nakita ang Iyong tunay na halaga at pinili ko ang ibang mga bagay upang punan ang puwang na tanging Ikaw lamang ang makakapuno. Salamat po sa pagpapakumbaba Mo at sa pagkapako sa krus upang tubusin ako. Nawa’y makita sa buhay ko ang Iyong pag-ibig at kaluwalhatian, at sa pamamagitan ng Iyong biyaya, nawa’y maging handa akong ibigay ang lahat sa pag-aalay ko ng aking sarili sa Iyo. Amen.