Ang Mga Balabal

𝘽𝙖𝙨𝙖𝙝𝙞𝙣

𝘗𝘢𝘨𝘬𝘢𝘵𝘢𝘱𝘰𝘴 𝘮𝘢𝘨𝘬𝘸𝘦𝘯𝘵𝘰 𝘯𝘪 𝘑𝘦𝘴𝘶𝘴, 𝘯𝘢𝘨𝘱𝘢𝘵𝘶𝘭𝘰𝘺 𝘴𝘪𝘺𝘢 𝘴𝘢 𝘱𝘢𝘨𝘭𝘢𝘭𝘢𝘬𝘢𝘥 𝘢𝘵 𝘯𝘢𝘯𝘨𝘶𝘯𝘢 𝘴𝘢 𝘬𝘢𝘯𝘪𝘭𝘢 𝘱𝘢𝘱𝘶𝘯𝘵𝘢𝘯𝘨 𝘑𝘦𝘳𝘶𝘴𝘢𝘭𝘦𝘮. 𝘕𝘢𝘯𝘨 𝘮𝘢𝘭𝘢𝘱𝘪𝘵 𝘯𝘢 𝘴𝘪𝘭𝘢 𝘴𝘢 𝘮𝘨𝘢 𝘯𝘢𝘺𝘰𝘯 𝘯𝘨 𝘉𝘦𝘵𝘧𝘢𝘨𝘦 𝘢𝘵 𝘉𝘦𝘵𝘢𝘯𝘪𝘢, 𝘴𝘢 𝘣𝘶𝘯𝘥𝘰𝘬 𝘯𝘢 𝘬𝘶𝘯𝘨 𝘵𝘢𝘸𝘢𝘨𝘪𝘯 𝘢𝘺 𝘉𝘶𝘯𝘥𝘰𝘬 𝘯𝘨 𝘮𝘨𝘢 𝘖𝘭𝘪𝘣𝘰, 𝘱𝘪𝘯𝘢𝘶𝘯𝘢 𝘯𝘪𝘺𝘢 𝘢𝘯𝘨 𝘥𝘢𝘭𝘢𝘸𝘢 𝘯𝘪𝘺𝘢𝘯𝘨 𝘵𝘢𝘨𝘢𝘴𝘶𝘯𝘰𝘥. 𝘚𝘪𝘯𝘢𝘣𝘪 𝘯𝘪𝘺𝘢 𝘴𝘢 𝘬𝘢𝘯𝘪𝘭𝘢, “𝘗𝘶𝘮𝘶𝘯𝘵𝘢 𝘬𝘢𝘺𝘰 𝘴𝘢 𝘴𝘶𝘴𝘶𝘯𝘰𝘥 𝘯𝘢 𝘯𝘢𝘺𝘰𝘯. 𝘗𝘢𝘨𝘱𝘢𝘴𝘰𝘬 𝘯ʼ𝘺𝘰 𝘳𝘰𝘰𝘯 𝘮𝘢𝘬𝘪𝘬𝘪𝘵𝘢 𝘯𝘪𝘯𝘺𝘰 𝘢𝘯𝘨 𝘪𝘴𝘢𝘯𝘨 𝘣𝘢𝘵𝘢𝘯𝘨 𝘢𝘴𝘯𝘰 𝘯𝘢 𝘯𝘢𝘬𝘢𝘵𝘢𝘭𝘪. 𝘏𝘪𝘯𝘥𝘪 𝘱𝘢 𝘪𝘵𝘰 𝘯𝘢𝘴𝘢𝘴𝘢𝘬𝘺𝘢𝘯 𝘯𝘨 𝘬𝘢𝘩𝘪𝘵 𝘴𝘪𝘯𝘰. 𝘒𝘢𝘭𝘢𝘨𝘢𝘯 𝘯𝘪𝘯𝘺𝘰 𝘢𝘵 𝘥𝘢𝘭𝘩𝘪𝘯 𝘥𝘪𝘵𝘰. 𝘒𝘶𝘯𝘨 𝘮𝘢𝘺 𝘮𝘢𝘨𝘵𝘢𝘯𝘰𝘯𝘨 𝘬𝘶𝘯𝘨 𝘣𝘢𝘬𝘪𝘵 𝘯𝘪𝘯𝘺𝘰 𝘬𝘪𝘯𝘢𝘬𝘢𝘭𝘢𝘨𝘢𝘯 𝘢𝘯𝘨 𝘢𝘴𝘯𝘰, 𝘴𝘢𝘣𝘪𝘩𝘪𝘯 𝘯𝘪𝘯𝘺𝘰𝘯𝘨 𝘬𝘢𝘪𝘭𝘢𝘯𝘨𝘢𝘯 𝘯𝘨 𝘗𝘢𝘯𝘨𝘪𝘯𝘰𝘰𝘯.” 𝘒𝘢𝘺𝘢 𝘭𝘶𝘮𝘢𝘬𝘢𝘥 𝘢𝘯𝘨 𝘥𝘢𝘭𝘢𝘸𝘢𝘯𝘨 𝘪𝘯𝘶𝘵𝘶𝘴𝘢𝘯, 𝘢𝘵 𝘯𝘢𝘬𝘢𝘬𝘪𝘵𝘢 𝘯𝘨𝘢 𝘴𝘪𝘭𝘢 𝘯𝘨 𝘢𝘴𝘯𝘰 𝘢𝘺𝘰𝘯 𝘴𝘢 𝘴𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴. 𝘕𝘢𝘯𝘨 𝘬𝘪𝘯𝘢𝘬𝘢𝘭𝘢𝘨𝘢𝘯 𝘯𝘢 𝘯𝘪𝘭𝘢 𝘢𝘯𝘨 𝘢𝘴𝘯𝘰, 𝘵𝘪𝘯𝘢𝘯𝘰𝘯𝘨 𝘴𝘪𝘭𝘢 𝘯𝘨 𝘮𝘨𝘢 𝘮𝘢𝘺-𝘢𝘳𝘪, “𝘉𝘢𝘬𝘪𝘵 𝘯𝘪𝘯𝘺𝘰 𝘬𝘪𝘯𝘢𝘬𝘢𝘭𝘢𝘨𝘢𝘯 𝘪𝘺𝘢𝘯?” 𝘚𝘶𝘮𝘢𝘨𝘰𝘵 𝘴𝘪𝘭𝘢, “𝘒𝘢𝘪𝘭𝘢𝘯𝘨𝘢𝘯 𝘪𝘵𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯.” 𝘋𝘪𝘯𝘢𝘭𝘢 𝘯𝘪𝘭𝘢 𝘢𝘯𝘨 𝘢𝘴𝘯𝘰 𝘬𝘢𝘺 𝘑𝘦𝘴𝘶𝘴, 𝘢𝘵 𝘪𝘴𝘪𝘯𝘢𝘱𝘪𝘯 𝘯𝘪𝘭𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘭𝘢𝘣𝘢𝘭 𝘯𝘪𝘭𝘢 𝘴𝘢 𝘭𝘪𝘬𝘰𝘥 𝘯𝘨 𝘢𝘴𝘯𝘰 𝘢𝘵 𝘱𝘪𝘯𝘢𝘴𝘢𝘬𝘢𝘺 𝘴𝘪 𝘑𝘦𝘴𝘶𝘴. 𝘏𝘢𝘣𝘢𝘯𝘨 𝘯𝘢𝘬𝘢𝘴𝘢𝘬𝘢𝘺 𝘴𝘪𝘺𝘢 𝘴𝘢 𝘢𝘴𝘯𝘰 𝘱𝘢𝘱𝘶𝘯𝘵𝘢𝘯𝘨 𝘑𝘦𝘳𝘶𝘴𝘢𝘭𝘦𝘮, 𝘪𝘯𝘪𝘭𝘢𝘵𝘢𝘨 𝘯𝘨 𝘮𝘨𝘢 𝘵𝘢𝘰 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘣𝘢𝘭𝘢𝘣𝘢𝘭 𝘴𝘢 𝘥𝘢𝘥𝘢𝘢𝘯𝘢𝘯 𝘯𝘪𝘺𝘢. 𝘕𝘢𝘯𝘨 𝘱𝘢𝘣𝘢𝘣𝘢 𝘯𝘢 𝘴𝘪𝘺𝘢 𝘴𝘢 𝘉𝘶𝘯𝘥𝘰𝘬 𝘯𝘨 𝘮𝘨𝘢 𝘖𝘭𝘪𝘣𝘰 𝘢𝘵 𝘮𝘢𝘭𝘢𝘱𝘪𝘵 𝘯𝘢 𝘴𝘢 𝘑𝘦𝘳𝘶𝘴𝘢𝘭𝘦𝘮, 𝘯𝘢𝘨𝘴𝘪𝘨𝘢𝘸𝘢𝘯 𝘴𝘢 𝘵𝘶𝘸𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘨𝘢𝘴𝘶𝘯𝘰𝘥 𝘯𝘪𝘺𝘢 𝘢𝘵 𝘯𝘢𝘨𝘱𝘶𝘳𝘪 𝘯𝘢𝘯𝘨 𝘮𝘢𝘭𝘢𝘬𝘢𝘴 𝘴𝘢 𝘋𝘪𝘰𝘴 𝘥𝘢𝘩𝘪𝘭 𝘴𝘢 𝘮𝘨𝘢 𝘩𝘪𝘮𝘢𝘭𝘢𝘯𝘨 𝘯𝘢𝘴𝘢𝘬𝘴𝘪𝘩𝘢𝘯 𝘯𝘪𝘭𝘢. 𝘚𝘪𝘯𝘢𝘣𝘪 𝘯𝘪𝘭𝘢, “𝘗𝘪𝘯𝘢𝘨𝘱𝘢𝘭𝘢 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘢𝘯𝘨 𝘩𝘢𝘳𝘪𝘯𝘨 𝘬𝘢𝘯𝘺𝘢𝘯𝘨 𝘪𝘱𝘪𝘯𝘢𝘥𝘢𝘭𝘢. 𝘔𝘢𝘺𝘳𝘰𝘰𝘯 𝘯𝘢 𝘵𝘢𝘺𝘰𝘯𝘨 𝘮𝘢𝘨𝘢𝘯𝘥𝘢𝘯𝘨 𝘳𝘦𝘭𝘢𝘴𝘺𝘰𝘯 𝘴𝘢 𝘋𝘪𝘰𝘴. 𝘗𝘶𝘳𝘪𝘩𝘪𝘯 𝘢𝘯𝘨 𝘋𝘪𝘰𝘴 𝘴𝘢 𝘭𝘢𝘯𝘨𝘪𝘵!” 𝘚𝘪𝘯𝘢𝘣𝘪 𝘴𝘢 𝘬𝘢𝘯𝘺𝘢 𝘯𝘨 𝘪𝘭𝘢𝘯𝘨 𝘗𝘢𝘳𝘪𝘴𝘦𝘰𝘯𝘨 𝘬𝘢𝘴𝘢𝘮𝘢 𝘯𝘨 𝘬𝘢𝘳𝘢𝘮𝘪𝘩𝘢𝘯, “𝘎𝘶𝘳𝘰, 𝘴𝘢𝘸𝘢𝘺𝘪𝘯 𝘮𝘰 𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘮𝘰.” 𝘗𝘦𝘳𝘰 𝘴𝘪𝘯𝘢𝘨𝘰𝘵 𝘴𝘪𝘭𝘢 𝘯𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰: 𝘬𝘶𝘯𝘨 𝘵𝘢𝘵𝘢𝘩𝘪𝘮𝘪𝘬 𝘴𝘪𝘭𝘢, 𝘢𝘯𝘨 𝘮𝘨𝘢 𝘣𝘢𝘵𝘰 𝘯𝘢 𝘢𝘯𝘨 𝘴𝘪𝘴𝘪𝘨𝘢𝘸 𝘯𝘨 𝘱𝘢𝘱𝘶𝘳𝘪.” 𝗟𝗨𝗖𝗔𝗦 𝟭𝟵:𝟮𝟴–𝟰𝟬

Basahin din ang 𝟮 𝗛𝗔𝗥𝗜 𝟵:𝟭𝟯; 𝗭𝗔𝗖𝗔𝗥𝗜𝗔𝗦 𝟵:𝟵–𝟭𝟳. 

𝙋𝙖𝙜-𝙞𝙨𝙞𝙥𝙖𝙣

Noong unang panahon, ang balabal ay isang kasuotan na hanggang bukung-bukong ang haba. Para sa mga pinuno at lider ng komunidad, simbolo ito ng katayuan o awtoridad, may mga kulay at disenyo na kumakatawan sa kanilang antas ng kapangyarihan. Para sa karamihan, ang balabal ay nagsisilbing proteksyon at seguridad, tumutulong para manatili silang ligtas laban sa mga panlabas na elemento at lagay ng panahon na maaaring magdulot ng panganib. Dahil karamihan sa mga tao noon ay isa lang ang balabal (hindi tulad ng mga kasuotang panlamig na mayroon tayo ngayon), isa itong mahalagang ari-arian.

Isipin na ipinapatong ng mga disipulo ang mga balabal nila sa batang asno para may maupuan si Jesus. Habang dumadaan si Jesus, mas marami pang tao ang nagtatanggal ng mga balabal nila at inilalatag nila ito sa daan para sa Kanya. Bawat balabal ay lumapat sa lupa, nalagyan ng alikabok at buhangin, at natapakan ng asnong sinasakyan Niya. Ano kaya ang nagtulak sa mga tagasunod ni Jesus para tanggalin ang kanilang mga balabal at ilagay ito sa daan?

Makikita natin sa ika-37 at 38 na talata na ang mga tao ay nagsasaya at nagpupuri sa Diyos, ihinahayag na si Jesus ang ipinangakong Hari at inaabangang Mesias. Inilatag nila ang kanilang mga balabal para sa Hari ng mga hari. Anuman ang kanilang estado o posisyon sa buhay, kinilala nila na mas mataas ang awtoridad ni Jesus kaysa sa lahat ng mga pinuno ng mundo. Kinilala rin nila na ang Haring ito ang tanging makakapagbigay sa kanila ng tunay na proteksyon at seguridad.

Ang pagpasok ni Jesus sa Jerusalem ay hindi ayon sa inaasahan ng mga tao. Dumating Siya na nakasakay sa isang asno at hindi sa isang kabayong pandigma. Mapagpakumbaba Siyang pumasok sa bayan at tinupad ang propesiya sa Zacarias 9:9. Hindi ito ang marangya at makapangyarihang hari na inaasahan nila. Sa halip, dumating si Jesus bilang isang tagapagsilbing Hari—mahinahon at mapagpakumbaba, handang tuparin ang Kanyang misyon—hindi para manakop gamit ang lakas, kundi para magligtas sa pamamagitan ng pagsuko. Inaasahan ng mga tao ang isang hari na tutugon sa kanilang mga pangangailangan, pero si Jesus ay dumating upang ipakita sa kanila ang kanilang pinakamahalagang pangangailangan—isang Tagapagligtas na nagpapakumbaba upang maglingkod, magpagaling, at gawing buo ang kanilang buhay.

𝗡𝗴𝗮𝘆𝗼𝗻𝗴 𝗮𝗿𝗮𝘄, 𝗸𝗶𝗹𝗮𝗹𝗮𝗻𝗶𝗻 𝗻𝗮𝘁𝗶𝗻 𝘀𝗶 𝗝𝗲𝘀𝘂𝘀 𝗯𝗶𝗹𝗮𝗻𝗴 𝗣𝗮𝗻𝗴𝗶𝗻𝗼𝗼𝗻 𝗻𝗴 𝗮𝘁𝗶𝗻𝗴 𝗯𝘂𝗵𝗮𝘆—𝗮𝗻𝗴 𝘁𝗮𝗴𝗮𝗽𝗮𝗴𝘀𝗶𝗹𝗯𝗶𝗻𝗴 𝗛𝗮𝗿𝗶 𝗻𝗮 𝗱𝘂𝗺𝗮𝘁𝗶𝗻𝗴 𝘂𝗽𝗮𝗻𝗴 𝘁𝘂𝗴𝘂𝗻𝗮𝗻 𝗮𝗻𝗴 𝗮𝘁𝗶𝗻𝗴 𝗽𝗶𝗻𝗮𝗸𝗮𝗺𝗮𝗹𝗮𝗹𝗶𝗺 𝗻𝗮 𝗽𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻. Habang kinikilala natin ang Kanyang paghahari, magpakumbaba tayo at ibigay ang ating mga balabal sa Kanya.

𝗜 𝗦𝘂𝗿𝗿𝗲𝗻𝗱𝗲𝗿 𝗔𝗹𝗹

Ni Judson Van DeVenter

(𝘐𝘴𝘪𝘯𝘢𝘭𝘪𝘯 𝘴𝘢 𝘍𝘪𝘭𝘪𝘱𝘪𝘯𝘰)

𝘈𝘯𝘨 𝘭𝘢𝘩𝘢𝘵 𝘬𝘢𝘺 𝘑𝘦𝘴𝘶𝘴 𝘬𝘰 𝘪𝘴𝘪𝘯𝘶𝘴𝘶𝘬𝘰

𝘈𝘯𝘨 𝘭𝘢𝘩𝘢𝘵 𝘴𝘢 𝘒𝘢𝘯𝘺𝘢’𝘺 𝘮𝘢𝘭𝘶𝘸𝘢𝘨 𝘬𝘰𝘯𝘨 𝘪𝘣𝘪𝘯𝘪𝘣𝘪𝘨𝘢𝘺

𝘔𝘢𝘮𝘢𝘩𝘢𝘭𝘪𝘯 𝘚𝘪𝘺𝘢 𝘢𝘵 𝘮𝘢𝘯𝘢𝘯𝘢𝘭𝘪𝘨 𝘴𝘢 𝘒𝘢𝘯𝘺𝘢

𝘈𝘵 𝘴𝘢 𝘒𝘢𝘯𝘺𝘢𝘯𝘨 𝘱𝘳𝘦𝘴𝘦𝘯𝘴𝘪𝘺𝘢’𝘺 𝘢𝘳𝘢𝘸-𝘢𝘳𝘢𝘸 𝘯𝘢 𝘮𝘢𝘮𝘶𝘮𝘶𝘩𝘢𝘺

𝙏𝙪𝙢𝙪𝙜𝙤𝙣

• Ang balabal ay simbolo ng katayuan, proteksyon, at seguridad. Saan mo kinukuha ang mga ito? Paano mo magagawang bitawan at isuko ang iyong balabal kay Jesus ngayon?

• Maglaan ng oras upang mag-isip at hilingin sa Diyos na ipakita sa iyo ang anumang mga inaasahan mo sa Kanya (halimbawa, bilang Hari, tagapagtanggol, tagapagbigay, tagapagpagaling). Hilingin sa Diyos na buksan ang iyong mga mata para makilala mo Siya at makita ang mga ginawa Niya, at nang umayon ang buhay mo sa kagustuhan Niya.

𝙋𝙖𝙣𝙖𝙡𝙖𝙣𝙜𝙞𝙣

Panginoong Jesus, Kayo po ang Hari na nagpakumbaba at dumating para iligtas kami. Buksan Mo po ang aming mga mata upang makilala Ka namin bilang aming Hari, at mailatag namin ang aming mga balabal sa Iyong paanan. Ipagkaloob Mo po sa amin ang kakayanan na isuko ang aming mga inaasahan at purihin Ka. Turuan Mo po kami na sundan ang Iyong halimbawa bilang tagapagsilbing Hari sa pamamagitan ng pagtulong sa amin na lumago sa pagpapakumbaba, sakripisyo, at pagmamahal. Amen.