Filipino

𝗣𝗔𝗠𝗨𝗠𝗨𝗛𝗔𝗬 𝗦𝗔 𝗟𝗜𝗪𝗔𝗡𝗔𝗚

𝗕𝗔𝗦𝗔𝗛𝗜𝗡

𝘔𝘶𝘭𝘪𝘯𝘨 𝘯𝘢𝘨𝘴𝘢𝘭𝘪𝘵𝘢 𝘴𝘪 𝘑𝘦𝘴𝘶𝘴 𝘴𝘢 𝘮𝘨𝘢 𝘵𝘢𝘰, “𝘈𝘬𝘰 𝘢𝘯𝘨 𝘪𝘭𝘢𝘸 𝘯𝘨 𝘮𝘶𝘯𝘥𝘰. 𝘈𝘯𝘨 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘯𝘢 𝘮𝘢𝘮𝘶𝘮𝘶𝘩𝘢𝘺 𝘴𝘢 𝘬𝘢𝘥𝘪𝘭𝘪𝘮𝘢𝘯, 𝘬𝘶𝘯𝘥𝘪 𝘮𝘢𝘨𝘬𝘢𝘬𝘢𝘳𝘰𝘰𝘯 𝘯𝘨 𝘪𝘭𝘢𝘸 𝘯𝘢 𝘯𝘢𝘨𝘣𝘪𝘣𝘪𝘨𝘢𝘺-𝘣𝘶𝘩𝘢𝘺.” 𝗝𝗨𝗔𝗡 𝟴:𝟭𝟮

Karagdagang Babasahin: 𝗘𝗫𝗢𝗗𝗨𝗦 𝟭𝟯:𝟮𝟭–𝟮𝟮; 𝗦𝗔𝗟𝗠𝗢 𝟮𝟳:𝟭; 𝟭𝟭𝟵:𝟭𝟬𝟱; 𝗜𝗦𝗔𝗜𝗔𝗦 𝟵:𝟮; 𝗝𝗨𝗔𝗡 𝟭:𝟰; 𝟴:𝟭𝟯–𝟭𝟵; 𝟵:𝟭–𝟴; 𝗙𝗜𝗟𝗜𝗣𝗢𝗦 𝟮:𝟭𝟱

𝗣𝗔𝗚-𝗜𝗦𝗜𝗣𝗔𝗡

Sa Juan 8:12–19, nakipag-usap si Jesus sa mga Pariseo habang ipinagdiriwang ang Pista ng Pagtatayo ng mga Kubol (𝘍𝘦𝘢𝘴𝘵 𝘰𝘧 𝘉𝘰𝘰𝘵𝘩𝘴), kung saan ang liwanag ay isang mahalagang simbolo. Dito, ipinahayag Niya, “𝘈𝘬𝘰 𝘢𝘯𝘨 𝘪𝘭𝘢𝘸 𝘯𝘨 𝘮𝘶𝘯𝘥𝘰.” Ikalawa ito sa mga sinabi ni Jesus na sinimulan Niya sa mga salitang “Ako ang” para ipahayag kung sino Siya. Ipinapakita nito ang kahalagahan ng ilaw ng Diyos na nagliligtas at kung paano Niya tinatawag ang Kanyang mga tagasunod na mamuhay sa liwanag na ito.

Ano ang ibig sabihin ng pagiging ilaw ng mundo ni Jesus?

Mahalaga ang imahe ng liwanag sa Kasulatan. Ipinapakita ng Lumang Tipan na ang Diyos ang ilaw at kaligtasan ng Israel (Salmo 27:1), na ang Kanyang salita ay ilaw na nagbibigay-liwanag sa kanilang mga paa (Salmo 119:105), at ang Kanyang presensya ay naipahayag bilang isang haliging apoy na gumabay sa Israel sa gabi habang sila ay nasa ilang (Exodus 13:21–22). Ang liwanag ng Diyos ay sumasagisag sa Kanyang kaligtasan, gabay, at presensya. Isinakatuparan ni Jesu-Cristo ang lahat ng ito.

Ang ilaw ng sanlibutan ay 𝗻𝗮𝗴𝗹𝗶𝗹𝗶𝗴𝘁𝗮𝘀. Ipinahayag ni Juan ang isang liwanag na hindi kayang talunin ng kadiliman (Juan 1:4). Ang sanlibutan ay nawasak, puno ng makasalanan, at naimpluwensyahan ng kaaway. Dahil dito, nalubog ang sangkatauhan sa espirituwal na kadiliman, namumuhay ayon sa laman at nalilinlang ng kasinungalingan. Ngunit ang sangkatauhan ay hindi iniwan nang walang pag-asa. Sinabi ni Isaias, “𝘕𝘢𝘣𝘶𝘣𝘶𝘩𝘢𝘺 𝘴𝘢 𝘬𝘢𝘥𝘪𝘭𝘪𝘮𝘢𝘯 𝘢𝘯𝘨 𝘮𝘨𝘢 𝘵𝘢𝘰 𝘳𝘰𝘰𝘯, 𝘯𝘨𝘶𝘯𝘪𝘵 𝘮𝘢𝘬𝘢𝘬𝘢𝘬𝘪𝘵𝘢 𝘴𝘪𝘭𝘢 𝘯𝘨 𝘮𝘢𝘵𝘪𝘯𝘥𝘪𝘯𝘨 𝘭𝘪𝘸𝘢𝘯𝘢𝘨” (Isaias 9:2).

Si Jesus ang ilaw ng mundo na nagpapabukas ng mata ng mga bulag at inililigtas ang Kanyang bayan mula sa espirituwal na kadiliman (Juan 9:1–8). Sa pamamagitan ng Kanyang buhay, kamatayan, at muling pagkabuhay, inililigtas Niya ang mga makasalanan mula sa kaharian ng kadiliman at ginagabayan sila patungo sa Kanyang kamangha-manghang liwanag.

Ito ang tanging tugon natin: magtiwala, umasa, at sumunod. Habang nagtitiwala tayo kay Cristo para sa ating kaligtasan, dapat din nating hangarin na makibahagi sa Kanyang misyon. Tinatawagan Niya tayong mamuhay bilang mga taong nagbibigay patotoo sa Kanya bilang ating pag-asa sa gitna ng mundong nawalan ng pag-asa. Sa Kanya, tayo ay mga anak ng Diyos, mga ilaw sa sanlibutan, na tinatawag na ipahayag at ipakita ang Kanyang nakapagliligtas na katotohanan sa isang mapanlinlang na sangkatauhan (Filipos 2:15).

Dahil si Jesus ang ilaw ng sanlibutan, maaari rin nating ipakita ang Kanyang liwanag sa mundong ito. Tanging ang liwanag ni Jesus ang makakapagbigay ng pag-asa at kaligtasan sa ating mga eskwelahan, komunidad, lugar na pinagtatrabahuhan, at mga lugar kung saan tayo ipinadala para makibahagi sa Kanyang misyon. Nawa’y maging isang malinaw na patotoo ang ating mga buhay: isaalang-alang si Jesus at ipakita ang Kanyang liwanag para makita ng lahat.

𝗚𝗔𝗪𝗜𝗡

• Paano ka hinihikayat ng pagkakilala kay Jesus bilang ilaw ng sanlibutan na lumapit pa sa Kanya at higit na magtiwala sa Kanya?

• Paano mo maipapakita, kasama ang iyong espirituwal na pamilya, ang pagiging ilaw sa sanlibutan sa inyong paaralan, pinagtatrabahuhan, o sa larangan ng misyon?

• Isulat ang pangalan ng hindi bababa sa tatlong tao na maaari mong ipangaral ang mabuting balita ngayong linggo.

𝗣𝗔𝗡𝗔𝗟𝗔𝗡𝗚𝗜𝗡

Panginoong Jesus, pinupuri Ka namin bilang ilaw ng sanlibutan at sa Iyong pagiging patotoo sa katotohanan. Salamat po sa pagpapalaya sa amin mula sa kaharian ng kadiliman at sa paglapit sa amin sa Iyong liwanag. Nawa’y mamuhay kami ngayon bilang mga anak ng liwanag, na sumasalamin kung sino Ka sa aming mga iniisip, sinasabi, at ginagawa, at umaakay sa iba patungo sa Iyo. Tulungan Mo po kami na magtiwala, sumunod, at umasa sa Iyo at ipahayag ang Iyong kapangyarihang nakapagliligtas sa buong mundo. Amen.

𝗛𝗜𝗠𝗡𝗢

“𝘉𝘦 𝘛𝘩𝘰𝘶 𝘔𝘺 𝘝𝘪𝘴𝘪𝘰𝘯” (“𝘐𝘬𝘢𝘸 𝘕𝘢𝘸𝘢 𝘢𝘯𝘨 𝘈𝘬𝘪𝘯𝘨 𝘗𝘢𝘯𝘢𝘯𝘢𝘸”) ni Eleanor Hull 

𝘐𝘬𝘢𝘸 𝘯𝘢𝘸𝘢 𝘢𝘯𝘨 𝘢𝘬𝘪𝘯𝘨 𝘱𝘢𝘯𝘢𝘯𝘢𝘸, 𝘖 𝘗𝘢𝘯𝘨𝘪𝘯𝘰𝘰𝘯 𝘯𝘨 𝘢𝘬𝘪𝘯𝘨 𝘱𝘶𝘴𝘰

𝘞𝘢𝘭𝘢 𝘯𝘢 𝘢𝘬𝘰𝘯𝘨 𝘩𝘢𝘩𝘢𝘯𝘢𝘱𝘪𝘯 𝘱𝘢 𝘬𝘶𝘯𝘥𝘪 𝘐𝘬𝘢𝘸 𝘭𝘢𝘮𝘢𝘯𝘨

𝘐𝘬𝘢𝘸 𝘢𝘯𝘨 𝘢𝘬𝘪𝘯𝘨 𝘱𝘪𝘯𝘢𝘬𝘢𝘮𝘢𝘩𝘢𝘭𝘢𝘨𝘢𝘯𝘨 𝘪𝘯𝘪𝘪𝘴𝘪𝘱, 𝘴𝘢 𝘢𝘳𝘢𝘸 𝘮𝘢𝘯 𝘰 𝘨𝘢𝘣𝘪

𝘎𝘪𝘴𝘪𝘯𝘨 𝘮𝘢𝘯 𝘰 𝘯𝘢𝘵𝘶𝘵𝘶𝘭𝘰𝘨, 𝘢𝘯𝘨 𝘐𝘺𝘰𝘯𝘨 𝘱𝘳𝘦𝘴𝘦𝘯𝘴𝘺𝘢 𝘢𝘯𝘨 𝘢𝘬𝘪𝘯𝘨 𝘭𝘪𝘸𝘢𝘯𝘢𝘨

𝘐𝘬𝘢𝘸 𝘯𝘢𝘸𝘢 𝘢𝘯𝘨 𝘢𝘬𝘪𝘯𝘨 𝘒𝘢𝘳𝘶𝘯𝘶𝘯𝘨𝘢𝘯, 𝘢𝘵 𝘐𝘬𝘢𝘸 𝘢𝘯𝘨 𝘢𝘬𝘪𝘯𝘨 𝘵𝘶𝘯𝘢𝘺 𝘯𝘢 𝘚𝘢𝘭𝘪𝘵𝘢

𝘈𝘬𝘰’𝘺 𝘭𝘢𝘨𝘪𝘯𝘨 𝘬𝘢𝘴𝘢𝘮𝘢 𝘔𝘰 𝘢𝘵 𝘐𝘬𝘢𝘸 𝘢𝘺 𝘬𝘢𝘴𝘢𝘮𝘢 𝘬𝘰, 𝘗𝘢𝘯𝘨𝘪𝘯𝘰𝘰𝘯

𝘐𝘬𝘢𝘸 𝘢𝘯𝘨 𝘢𝘬𝘪𝘯𝘨 𝘋𝘢𝘬𝘪𝘭𝘢𝘯𝘨 𝘈𝘮𝘢, 𝘢𝘵 𝘢𝘬𝘰 𝘢𝘯𝘨 𝘐𝘺𝘰𝘯𝘨 𝘵𝘶𝘯𝘢𝘺 𝘯𝘢 𝘢𝘯𝘢𝘬

𝘐𝘬𝘢𝘸 𝘢𝘺 𝘯𝘢𝘯𝘢𝘯𝘢𝘩𝘢𝘯 𝘴𝘢 𝘢𝘬𝘪𝘯, 𝘢𝘵 𝘢𝘬𝘰’𝘺 𝘪𝘴𝘢 𝘴𝘢 𝘐𝘺𝘰