Filipino

𝗣𝗔𝗚𝗟𝗜𝗟𝗜𝗡𝗚𝗞𝗢𝗗 𝗦𝗔 𝗜𝗕𝗔

𝗕𝗔𝗦𝗔𝗛𝗜𝗡

“𝘚𝘢𝘱𝘢𝘨𝘬𝘢𝘵 𝘬𝘢𝘩𝘪𝘵 𝘢𝘬𝘰, 𝘯𝘢 𝘈𝘯𝘢𝘬 𝘯𝘨 𝘛𝘢𝘰 𝘢𝘺 𝘯𝘢𝘱𝘢𝘳𝘪𝘵𝘰 𝘴𝘢 𝘮𝘶𝘯𝘥𝘰, 𝘩𝘪𝘯𝘥𝘪 𝘶𝘱𝘢𝘯𝘨 𝘱𝘢𝘨𝘭𝘪𝘯𝘨𝘬𝘶𝘳𝘢𝘯 𝘬𝘶𝘯𝘥𝘪 𝘶𝘱𝘢𝘯𝘨 𝘮𝘢𝘨𝘭𝘪𝘯𝘨𝘬𝘰𝘥 𝘢𝘵 𝘮𝘢𝘨𝘣𝘪𝘨𝘢𝘺 𝘯𝘨 𝘢𝘬𝘪𝘯𝘨 𝘣𝘶𝘩𝘢𝘺 𝘱𝘢𝘳𝘢 𝘮𝘢𝘵𝘶𝘣𝘰𝘴 𝘢𝘯𝘨 𝘮𝘢𝘳𝘢𝘮𝘪𝘯𝘨 𝘵𝘢𝘰!” 𝗠𝗔𝗥𝗖𝗢𝗦 𝟭𝟬:𝟰𝟱

Karagdagang Babasahin: 𝟭 𝗝𝗨𝗔𝗡 𝟰:𝟭𝟳

𝗣𝗔𝗚-𝗜𝗦𝗜𝗣𝗔𝗡

Ipinapakita ng tekstong ito ang nasa puso ng gawaing pagtubos ni Cristo:

Siya ay dumating.

Siya ay naglingkod.

Siya ay nagbigay.

Ito rin dapat ang humubog sa ating mga buhay kung gusto nating ipahayag si Cristo. Gaya ng sinasabi sa Kasulatan, “. . . 𝘢𝘯𝘨 𝘱𝘢𝘮𝘶𝘮𝘶𝘩𝘢𝘺 𝘯𝘢𝘵𝘪𝘯 𝘥𝘪𝘵𝘰 𝘴𝘢 𝘮𝘶𝘯𝘥𝘰 𝘢𝘺 𝘵𝘶𝘭𝘢𝘥 𝘯𝘨 𝘬𝘢𝘺 𝘊𝘳𝘪𝘴𝘵𝘰” (1 Juan 4:17). Malinaw kung saan tayo tinatawag: Ipinapahayag dapat ng ating paglilingkod ang Kanyang puso. Sinasalamin dapat ng kabutihan natin ang Kanyang kabutihan.

Hindi isinigaw ni Jesus ang Kanyang pag-ibig mula sa langit. Siya ay 𝗹𝘂𝗺𝗮𝗽𝗶𝘁. Pumunta Siya sa ating mga pamayanan. Ang kabutihan ay hindi nagsisimula sa paggawa ng isang bagay, kundi sa pagsama sa isang tao. Paglapit. Pagiging naroon. Pagpapakita. Lumapit si Jesus sa mga naghihirap: sa bulag, sa may ketong, sa nagugutom, sa tinanggihan, sa makasalanan. Lumapit talaga Siya para mahawakan ang ating mga luha, marinig ang ating mga hinaing, at maramdaman ang mga sakit na nararamdaman natin. Ang kabutihan ay nagsisimula sa presensya. Hindi ka makakapaglingkod sa isang komunidad kung hindi mo ito lalapitan.

Pero hindi lamang dumating si Jesus; Siya rin ay 𝗻𝗮𝗴𝗹𝗶𝗻𝗴𝗸𝗼𝗱. Pumarito Siya para makiramay sa atin. Pero ang pakikiramay nang walang pagkilos ay walang kabuluhan. Ang paglilingkod ay hindi isang bagay na paminsan-minsan lamang ginagawa ni Jesus—ito ang likas sa Kanya sa bawat araw. Si Jesus, na nakakataas sa lahat, ay pinili ang pinakamababang kalagayan. Ang salitang “maglingkod” na ginamit ni Marcos ay naglalarawan ng isang taong nagsisilbi sa mga kumakain—nakayuko, nakatuon sa pangangailangan, handang tugunan ang mga pangangailangan at pasanin ng iba, at tumutulong para sa kanilang pisikal, emosyonal, at espirituwal na pangangailangan.

Hinawakan Niya ang may ketong para pagalingin.

Pinakain Niya ang nagugutom at ipinangaral sa kanila ang katotohanan.

Nakinig Siya sa bulag para maibalik ang kanyang paningin.

Pinalaya Niya ang mga tao mula sa mga demonyo at ibinalik ang kanilang dangal.

Ipinahayag Niya ang Kanyang kabutihan sa pamamagitan ng paglilingkod. Paglilingkod ang wika ng kabutihan.

Si Jesus ay hindi lamang lumapit at naglingkod. 𝗜𝗯𝗶𝗻𝗶𝗴𝗮𝘆 rin Niya ang Kanyang buhay bilang pantubos sa marami. Malaki ang katumbas ng pagtubos. Buhay ni Jesus ang naging kapalit para sa ating kaligtasan. Ang tunay na pagmamahal ay laging nagbibigay ng mahalagang bagay—oras, yaman, at kaginhawaan. Walang ipinagkait si Jesus—hindi ang Kanyang kaluwalhatian, hindi ang Kanyang karapatan, hindi ang Kanyang buhay. Habang sumusunod tayo kay Jesus, dapat nating tandaan na ang pagbibigay ay hindi kawalan; ito ay pakikilahok sa pagtubos ng Diyos. Ang pinakamahalagang bagay na maibibigay natin sa iba ay ang ebanghelyo ni Jesu-Cristo.

Kung paano si Jesus, ganito din dapat tayo:

Malapit sa mga nasasaktan

Aktibo sa paglilingkod

Masakripisyo sa pagbibigay.

𝗚𝗔𝗪𝗜𝗡

• Si Jesus, ang Hari ng mga hari, ay naglingkod at pinili ang pinakamababang kalagayan sa lahat. Ano ang sinasabi nito sa iyo tungkol sa buhay na tinatawag tayong ipamuhay bilang mga mananampalataya?

• Ang paglilingkod at pagmamahal ay ganap na pinag-isa sa buhay ni Cristo. Ano ang mga konkretong bagay na pwede mong gawin para maipakita ang pag-ibig ni Cristo sa iyong iglesya at komunidad?

• Para sa ating mga na kay Cristo, dala natin ngayon ang pinakamahalaga, makapangyarihan, at nakakapagpabagong mensahe na pwedeng marinig ng sangkatauhan. Sino ang mga tao sa buhay mo na kailangang makarinig ng mensaheng ito?

𝗣𝗔𝗡𝗔𝗟𝗔𝗡𝗚𝗜𝗡

Panginoong Jesus, sa Hardin ng Getsemane, ang Iyong panalangin ay panalangin ng pagsuko. Ngayon, bilang Iyong mga mamamayan, ito rin ang aming panalangin: “Hindi ang kalooban ko ang masunod kundi ang kalooban Ninyo.” Dahil sa Iyong ginawa, kami ay napalaya, malayang makakapili na mamuhay nang nagbibigay karangalan at kaluwalhatian sa Iyong pangalan sa isang mundong hindi pa nakakakilala sa Iyo. Sa lahat ng mga bagay na tinawag Mo kaming gawin—paglilingkod, pagbibigay, at pagpunta—ipinakita Mo muna kung paano ito magagawa nang lubos. Tulungan Mo po kami na lalo pang maging katulad Mo. Nawa’y maging salamin ng Iyong puso ang aming mga buhay. Amen.

𝗛𝗜𝗠𝗡𝗢

“𝘖 𝘛𝘰 𝘣𝘦 𝘓𝘪𝘬𝘦 𝘛𝘩𝘦𝘦” (“ 𝘖 𝘕𝘢𝘸𝘢’𝘺 𝘔𝘢𝘨𝘪𝘯𝘨 𝘒𝘢𝘵𝘶𝘭𝘢𝘥 𝘔𝘰”) ni Thomas O. Chisholm

𝘖 𝘯𝘢𝘸𝘢’𝘺 𝘮𝘢𝘨𝘪𝘯𝘨 𝘬𝘢𝘵𝘶𝘭𝘢𝘥 𝘔𝘰! 𝘗𝘶𝘯𝘰 𝘯𝘨 𝘩𝘢𝘣𝘢𝘨

𝘔𝘢𝘱𝘢𝘨𝘮𝘢𝘩𝘢𝘭, 𝘮𝘢𝘱𝘢𝘨𝘱𝘢𝘵𝘢𝘸𝘢𝘥, 𝘮𝘢𝘩𝘪𝘯𝘢𝘩𝘰𝘯, 𝘢𝘵 𝘮𝘢𝘣𝘢𝘪𝘵

𝘛𝘶𝘮𝘶𝘵𝘶𝘭𝘰𝘯𝘨 𝘴𝘢 𝘮𝘨𝘢 𝘸𝘢𝘭𝘢𝘯𝘨 𝘬𝘢𝘬𝘢𝘺𝘢𝘯𝘢𝘯, 𝘯𝘢𝘨𝘣𝘪𝘣𝘪𝘨𝘢𝘺 𝘭𝘢𝘬𝘢𝘴 𝘴𝘢 𝘯𝘢𝘯𝘨𝘩𝘪𝘩𝘪𝘯𝘢

𝘏𝘪𝘯𝘢𝘩𝘢𝘯𝘢𝘱 𝘢𝘯𝘨 𝘮𝘨𝘢 𝘯𝘢𝘨𝘭𝘢𝘭𝘢𝘬𝘢𝘥 𝘯𝘢 𝘮𝘢𝘬𝘢𝘴𝘢𝘭𝘢𝘯𝘢𝘯 𝘶𝘱𝘢𝘯𝘨 𝘮𝘢𝘵𝘢𝘨𝘱𝘶𝘢𝘯

𝘖! 𝘕𝘢𝘸𝘢’𝘺 𝘮𝘢𝘨𝘪𝘯𝘨 𝘬𝘢𝘵𝘶𝘭𝘢𝘥 𝘔𝘰! 𝘖 𝘯𝘢𝘸𝘢’𝘺 𝘮𝘢𝘨𝘪𝘯𝘨 𝘬𝘢𝘵𝘶𝘭𝘢𝘥 𝘔𝘰

𝘗𝘪𝘯𝘢𝘨𝘱𝘢𝘭𝘢𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴, 𝘥𝘢𝘭𝘪𝘴𝘢𝘺 𝘨𝘢𝘺𝘢 𝘯𝘨 𝘐𝘺𝘰𝘯𝘨 𝘱𝘢𝘨𝘬𝘢𝘵𝘢𝘰

𝘗𝘶𝘮𝘢𝘳𝘪𝘵𝘰 𝘴𝘢 𝘐𝘺𝘰𝘯𝘨 𝘬𝘢𝘣𝘶𝘵𝘪𝘩𝘢𝘯, 𝘱𝘶𝘮𝘢𝘳𝘪𝘵𝘰 𝘴𝘢 𝘐𝘺𝘰𝘯𝘨 𝘬𝘢𝘴𝘢𝘨𝘢𝘯𝘢𝘩𝘢𝘯

𝘐𝘵𝘢𝘵𝘢𝘬 𝘔𝘰 𝘢𝘯𝘨 𝘐𝘺𝘰𝘯𝘨 𝘭𝘢𝘳𝘢𝘸𝘢𝘯 𝘯𝘢𝘯𝘨 𝘮𝘢𝘭𝘢𝘭𝘪𝘮 𝘴𝘢 𝘢𝘬𝘪𝘯𝘨 𝘱𝘶𝘴𝘰