Sermon

𝗪𝗔𝗥𝗠 𝗨𝗣

• Ano ang isang bagay na araw-araw mong ginagawa na itinuturing mong mahalaga? Bakit?

• Ipakita ang isang bagay sa phone mo na nakatulong sa iyo para mapagtiisan o masiyahan sa nagdaang linggo. Magkwento tungkol dito.

• Magbahagi ng natutunan mo galing sa isang mensahe o guro na nag-udyok sa ’yong gumawa ng mga pagbabago sa buhay mo.

𝗪𝗢𝗥𝗗

𝘓𝘢𝘩𝘢𝘵 𝘯𝘨 𝘒𝘢𝘴𝘶𝘭𝘢𝘵𝘢𝘯 𝘢𝘺 𝘪𝘴𝘪𝘯𝘶𝘭𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘰𝘴, 𝘢𝘵 𝘮𝘢𝘱𝘢𝘱𝘢𝘬𝘪𝘯𝘢𝘣𝘢𝘯𝘨𝘢𝘯 𝘴𝘢 𝘱𝘢𝘨𝘵𝘶𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝘱𝘢𝘨𝘴𝘢𝘴𝘢𝘸𝘢𝘺, 𝘱𝘢𝘨𝘵𝘶𝘵𝘶𝘸𝘪𝘥, 𝘢𝘵 𝘴𝘢 𝘱𝘢𝘨𝘴𝘢𝘴𝘢𝘯𝘢𝘺 𝘴𝘢 𝘮𝘢𝘵𝘶𝘸𝘪𝘥 𝘯𝘢 𝘱𝘢𝘮𝘶𝘮𝘶𝘩𝘢𝘺, 𝘱𝘢𝘳𝘢 𝘮𝘢𝘨𝘪𝘯𝘨 𝘩𝘢𝘯𝘥𝘢 𝘴𝘢 𝘭𝘢𝘩𝘢𝘵 𝘯𝘨 𝘮𝘢𝘣𝘶𝘣𝘶𝘵𝘪𝘯𝘨 𝘨𝘢𝘸𝘢 𝘢𝘯𝘨 𝘯𝘢𝘨𝘭𝘪𝘭𝘪𝘯𝘨𝘬𝘰𝘥 𝘴𝘢 𝘋𝘪𝘰𝘴. 𝟮 𝗧𝗜𝗠𝗢𝗧𝗘𝗢 𝟯:𝟭𝟲–𝟭𝟳

Kinilala ng mga mananampalataya sa sinaunang iglesya ang awtoridad at halaga ng salita ng Diyos, kaya’t naging tapat sila rito. Alam nila na ang Kasulatan ay buhay at kapaki-pakinabang, dahil isinulat ito sa pamamagitan ng kapangyarihan ng Diyos. Kaya nga kapag ito ay ipinangaral, dapat tayong maging aktibo sa pagsunod dito at hindi lang mga tagapakinig na walang ginagawa. Ang pangangaral, pagtuturo, pakikinig, at pagtugon sa Kasulatan—kasama na ang pagtayo habang ito ay binabasa—ay mga paraan ng pagsamba. Dapat natin itong ituring nang may pagkamangha at mataas na paggalang. Hindi mangyayari ang tunay na pagbabago kapag wala ang salita ng Diyos. Tingnan natin kung paano tayo hinuhubog ng pangangaral ng salita ng Diyos.

𝟭. 𝗦𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗻𝗴𝗮𝗻𝗴𝗮𝗿𝗮𝗹, 𝗻𝗮𝘁𝘂𝘁𝘂𝗿𝘂𝗮𝗻 𝘁𝗮𝘆𝗼 𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀..

𝘓𝘢𝘩𝘢𝘵 𝘯𝘨 𝘒𝘢𝘴𝘶𝘭𝘢𝘵𝘢𝘯 𝘢𝘺 𝘪𝘴𝘪𝘯𝘶𝘭𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘰𝘴, 𝘢𝘵 𝘮𝘢𝘱𝘢𝘱𝘢𝘬𝘪𝘯𝘢𝘣𝘢𝘯𝘨𝘢𝘯 𝘴𝘢 𝙥𝙖𝙜𝙩𝙪𝙩𝙪𝙧𝙤 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝘱𝘢𝘨𝘴𝘢𝘴𝘢𝘸𝘢𝘺, 𝘱𝘢𝘨𝘵𝘶𝘵𝘶𝘸𝘪𝘥, 𝘢𝘵 𝘴𝘢 𝘱𝘢𝘨𝘴𝘢𝘴𝘢𝘯𝘢𝘺 𝘴𝘢 𝘮𝘢𝘵𝘶𝘸𝘪𝘥 𝘯𝘢 𝘱𝘢𝘮𝘶𝘮𝘶𝘩𝘢𝘺 . . .  𝟮 𝗧𝗜𝗠𝗢𝗧𝗘𝗢 𝟯:𝟭𝟲

Sa pamamagitan ng pangangaral ng salita ng Diyos, nakikilala natin ang Diyos at natuturuan tayo kung paano mamuhay. Ang natututunan natin sa pangangaral at sa personal nating pagbabasa araw-araw ay nakakatulong na makapagbigay sa atin ng 𝘬𝘢𝘳𝘶𝘯𝘶𝘯𝘨𝘢𝘯 𝘵𝘶𝘯𝘨𝘰 𝘴𝘢 𝘬𝘢𝘭𝘪𝘨𝘵𝘢𝘴𝘢𝘯 (2 Timoteo 3:15). Maraming impormasyon na wala sa Bibliya, ngunit sa pamamagitan ng pangangaral at pagtuturo, pakikinig, pag-iisip nang malalim, at pamumuhay ayon sa salita ng Diyos, tayo ay nagiging buo at 𝘩𝘢𝘯𝘥𝘢 𝘴𝘢 𝘭𝘢𝘩𝘢𝘵 𝘯𝘨 𝘮𝘢𝘣𝘶𝘣𝘶𝘵𝘪𝘯𝘨 𝘨𝘢𝘸𝘢, lalo na sa Kanyang misyon. Ano ang matututunan natin sa mga taga-Berea tungkol sa pagkatuto sa Kasulatan (Gawa 17:11)?

𝟮. 𝗧𝗵𝗿𝗼𝘂𝗴𝗵 𝘁𝗵𝗲 𝘀𝗲𝗿𝗺𝗼𝗻, 𝗚𝗼𝗱’𝘀 𝘄𝗼𝗿𝗱 𝗿𝗲𝗽𝗿𝗼𝘃𝗲𝘀 𝗮𝗻𝗱 𝗰𝗼𝗿𝗿𝗲𝗰𝘁𝘀 𝘂𝘀.

𝘓𝘢𝘩𝘢𝘵 𝘯𝘨 𝘒𝘢𝘴𝘶𝘭𝘢𝘵𝘢𝘯 𝘢𝘺 𝘪𝘴𝘪𝘯𝘶𝘭𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘰𝘴, 𝘢𝘵 𝘮𝘢𝘱𝘢𝘱𝘢𝘬𝘪𝘯𝘢𝘣𝘢𝘯𝘨𝘢𝘯 𝘴𝘢 𝘱𝘢𝘨𝘵𝘶𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝙥𝙖𝙜𝙨𝙖𝙨𝙖𝙬𝙖𝙮, 𝙥𝙖𝙜𝙩𝙪𝙩𝙪𝙬𝙞𝙙, 𝘢𝘵 𝘴𝘢 𝘱𝘢𝘨𝘴𝘢𝘴𝘢𝘯𝘢𝘺 𝘴𝘢 𝘮𝘢𝘵𝘶𝘸𝘪𝘥 𝘯𝘢 𝘱𝘢𝘮𝘶𝘮𝘶𝘩𝘢𝘺 . . . 𝟮 𝗧𝗜𝗠𝗢𝗧𝗘𝗢 𝟯:𝟭𝟲

Lahat tayo ay mga taong sugatan at patuloy pang pinapabanal. Kahit mga tagasunod na tayo ni Cristo, nagkakasala pa rin tayo, nahihirapang magpatawad sa mga taong nanakit sa atin, at hindi nagiging mabuting katiwala ng mga pag-aari natin. Pero binabago, itinutuwid, at hinuhubog tayo ng Diyos sa pamamagitan ng tapat na pangangaral ng Kanyang salita. Ipinapakita Niya ang mga pag-iisip, salita, at pag-uugali na hindi sumasalamin sa Kanya, na kailangan nating baguhin at mapagtagumpayan, at tinutulungan Niya tayong malampasan ang mga ito. Ano ang sinasabi ng Kawikaan 3:11–12 tungkol sa pagdidisiplina ng Panginoon?

𝟯. 𝗦𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗻𝗴𝗮𝗻𝗴𝗮𝗿𝗮𝗹, 𝘀𝗶𝗻𝗮𝘀𝗮𝗻𝗮𝘆 𝘁𝗮𝘆𝗼 𝗻𝗴 𝘀𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝘀𝗮 𝗽𝗮𝗴𝗶𝗴𝗶𝗻𝗴 𝗺𝗮𝘁𝘂𝘄𝗶𝗱.

𝘓𝘢𝘩𝘢𝘵 𝘯𝘨 𝘒𝘢𝘴𝘶𝘭𝘢𝘵𝘢𝘯 𝘢𝘺 𝘪𝘴𝘪𝘯𝘶𝘭𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘨 𝘋𝘪𝘰𝘴, 𝘢𝘵 𝘮𝘢𝘱𝘢𝘱𝘢𝘬𝘪𝘯𝘢𝘣𝘢𝘯𝘨𝘢𝘯 𝘴𝘢 𝘱𝘢𝘨𝘵𝘶𝘵𝘶𝘳𝘰 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝘱𝘢𝘨𝘴𝘢𝘴𝘢𝘸𝘢𝘺, 𝘱𝘢𝘨𝘵𝘶𝘵𝘶𝘸𝘪𝘥, 𝘢𝘵 𝘴𝘢 𝙥𝙖𝙜𝙨𝙖𝙨𝙖𝙣𝙖𝙮 𝙨𝙖 𝙢𝙖𝙩𝙪𝙬𝙞𝙙 𝙣𝙖 𝙥𝙖𝙢𝙪𝙢𝙪𝙝𝙖𝙮 . . .  𝟮 𝗧𝗜𝗠𝗢𝗧𝗘𝗢 𝟯:𝟭𝟲

Ang paghuhubog upang maging katulad ni Cristo ay hindi isang bagay na isang beses lang nangyayari. Hindi ito mangyayari sa simpleng pagbabasa ng isang talata sa Bibliya o sa panonood ng isang Kristiyanong palabas. Ang paghuhubog ay isang prosesong pagdadaanan natin sa buong buhay at nangangailangan ito ng palagiang pagkatuto sa pamamagitan ng Kasulatan. Habang palagi at masigasig tayong nakikinig sa mga pangangaral, nasasanay tayong mamuhay ayon sa pamantayan ng Diyos at hindi sa pamantayan ng mundo. Kailangan nating balikan ang sinasabi ng Kanyang salita at isabuhay ito araw-araw. Balikan ang pangangaral na narinig mo kamakailan lang. Paano ka nito natulungang sundin at ipamuhay ang salita ng Diyos?

Ang pangangaral ay isa sa mga paraan upang makapag-ani tayo ng mga benepisyong galing sa salita ng Diyos, para hubugin tayo habang tayo’y ipinapadala. Hindi tayo natututo, natututong muli, o tumatalikod sa mga maling natutunan para lang sa ating sarili, kundi para makilala rin si Cristo ng mga taong naliligaw ng landas at sundin nila Siya. Isa ito sa mga paraan ng pagsamba natin sa Diyos.

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang mga praktikal na hakbang ang maaaring tinatawag ka ng Diyos na gawin para mas makita sa buhay mo ang kahalagahan ng Kanyang salita (hal., pagsulat ng mga puntos na ibinigay sa sermon, hindi paggamit ng 𝘱𝘩𝘰𝘯𝘦 habang nasa 𝘴𝘦𝘳𝘷𝘪𝘤𝘦, at paglalaan ng oras at lugar para sa personal na pag-aaral ng Kasulatan)?

• Anong mga pag-iisip, salita, at pag-uugali tungkol sa mga pagsambang pagtitipon ang inaayos o itinatama ng Diyos sa iyo ngayon? Maglaan ng oras para pag-isipan ang Kanyang salita, magsisi, at humingi ng tulong sa isang tao para kumustahin ka tungkol sa mga ito ngayong linggo.

• Kung ibabahagi mo sa iba ang kahalagahan ng pakikinig sa sermon, alin sa mga natutunan natin ngayon o sa sermon ang gusto mong bigyang-diin? Paano mo sila mahihikayat na sama-samang tumugon sa salita ng Diyos?

𝗣𝗥𝗔𝗬𝗘𝗥

• Pasalamatan ang Diyos sa paggamit Niya ng Kanyang salita para turuan tayo ng tungkol sa Kanya, ng paraan ng pamumuhay, at ng pakikilahok sa Kanyang misyon. Hilingin sa Kanya na tulungan ka na mas lalo pang pahalagahan ang pangangaral ng Kanyang salita.

• Ipanalangin na bigyan ka ng kakayahang sumunod sa pagsaway at pagtutuwid na nagmumula sa salita ng Diyos. Humingi ng tulong sa Kanya para magawa mong magpasakop nang buo rito, at hindi lang sa mga bahaging maginhawa para sa iyo.

• Humingi ng kakayahan sa Diyos na mamuhay ayon sa Kanyang mga pamantayan. Ipanalangin na makatulong ka na mailapit ang iba sa Kanya sa pamamagitan ng iyong buhay at halimbawa bilang bahagi ng isang espirituwal na komunidad.