Palayain ang mga Inaapi

𝗪𝗔𝗥𝗠 𝗨𝗣

• Kung may pagkakataon kang makilala ang isang sikat na tao, sino ang pipiliin mo? Ano ang handa kang gawin para mangyari ito? Bakit?

• Balikan ang panahon na pakiramdam mo’y pinipigilan o nililimitahan ka. Paano ka tumugon, at ano ang ginawa mo para makalaya?

• Paano ka tumutugon kapag nakakakita ka ng taong may matinding pangangailangan?

𝗪𝗢𝗥𝗗

“𝘚𝘶𝘮𝘢𝘴𝘢𝘢𝘬𝘪𝘯 𝘢𝘯𝘨 𝘌𝘴𝘱𝘪𝘳𝘪𝘵𝘶 𝘯𝘨 𝘗𝘢𝘯𝘨𝘪𝘯𝘰𝘰𝘯, 𝘥𝘢𝘩𝘪𝘭 𝘱𝘪𝘯𝘪𝘭𝘪 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘪𝘱𝘢𝘯𝘨𝘢𝘳𝘢𝘭 𝘴𝘢 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱 𝘢𝘯𝘨 𝘔𝘢𝘨𝘢𝘯𝘥𝘢𝘯𝘨 𝘉𝘢𝘭𝘪𝘵𝘢. 𝘚𝘪𝘯𝘶𝘨𝘰 𝘯𝘪𝘺𝘢 𝘢𝘬𝘰 𝘶𝘱𝘢𝘯𝘨 𝘪𝘱𝘢𝘩𝘢𝘺𝘢𝘨 𝘴𝘢 𝘮𝘨𝘢 𝘣𝘪𝘩𝘢𝘨 𝘯𝘢 𝘮𝘢𝘭𝘢𝘺𝘢 𝘯𝘢 𝘴𝘪𝘭𝘢, 𝘢𝘵 𝘴𝘢 𝘮𝘨𝘢 𝘣𝘶𝘭𝘢𝘨 𝘯𝘢 𝘮𝘢𝘬𝘢𝘬𝘢𝘬𝘪𝘵𝘢 𝘯𝘢 𝘴𝘪𝘭𝘢. 𝘚𝘪𝘯𝘶𝘨𝘰 𝘳𝘪𝘯 𝘯𝘪𝘺𝘢 𝘢𝘬𝘰 𝙪𝙥𝙖𝙣𝙜 𝙥𝙖𝙡𝙖𝙮𝙖𝙞𝙣 𝙖𝙣𝙜 𝙢𝙜𝙖 𝙞𝙣𝙖𝙖𝙥𝙞, 𝘢𝘵 𝘪𝘱𝘢𝘩𝘢𝘺𝘢𝘨 𝘯𝘢 𝘥𝘶𝘮𝘢𝘵𝘪𝘯𝘨 𝘯𝘢 𝘢𝘯𝘨 𝘱𝘢𝘯𝘢𝘩𝘰𝘯 𝘯𝘨 𝘱𝘢𝘨𝘭𝘪𝘭𝘪𝘨𝘵𝘢𝘴 𝘯𝘨 𝘗𝘢𝘯𝘨𝘪𝘯𝘰𝘰𝘯.” 𝗟𝗨𝗖𝗔𝗦 𝟰:𝟭𝟴–𝟭𝟵

(Basahin din ang 𝗟𝗨𝗖𝗔𝗦 𝟭𝟵:𝟭–𝟭𝟬.)

Si Jesus ang katuparan ng ipinangakong Tagapagligtas ng Diyos. Dumating Siya para iligtas, palayain, pagalingin, at tubusin tayo. Ngayong araw, tututukan natin kung ano ang ibig sabihin ng pagpapalaya ni Jesus sa mga inaapi. Ang pagiging api ay ang pagpapasailalim sa kapangyarihan ng iba at pagtanggap ng pagsasawalang-bahala ng lipunan. Hindi ito malayo sa mga sitwasyong nararanasan natin. Sa araling ito, sa pamamagitan ng buhay ni Zaqueo, makikita natin kung paano ito nauugnay sa ating kalagayang espirituwal at sa lipunan, at kung paano tayo pinapalaya ni Jesus mula sa pagiging biktima ng pang-aapi at mula sa pagiging bahagi ng pang-aapi sa iba, na nagdudulot ng pagbabago sa mga tao, relasyon, at komunidad.

𝟭. 𝗦𝗶 𝗭𝗮𝗾𝘂𝗲𝗼 𝗮𝘆 𝗽𝗮𝗿𝗲𝗵𝗼𝗻𝗴 𝗶𝗻𝗮𝗽𝗶 𝗮𝘁 𝗻𝗮𝗻𝗴-𝗮𝗽𝗶.

𝘔𝘢𝘺 𝘪𝘴𝘢𝘯𝘨 𝘭𝘢𝘭𝘢𝘬𝘪 𝘳𝘰𝘰𝘯 𝘯𝘢 𝘢𝘯𝘨 𝘱𝘢𝘯𝘨𝘢𝘭𝘢𝘯 𝘢𝘺 𝘡𝘢𝘲𝘶𝘦𝘰. 𝘚𝘪𝘺𝘢 𝘢𝘺 𝘮𝘢𝘺𝘢𝘮𝘢𝘯 𝘢𝘵 𝘪𝘴𝘢 𝘴𝘢 𝘮𝘨𝘢 𝘱𝘪𝘯𝘶𝘯𝘰 𝘯𝘨 𝘮𝘨𝘢 𝘮𝘢𝘯𝘪𝘯𝘪𝘯𝘨𝘪𝘭 𝘯𝘨 𝘣𝘶𝘸𝘪𝘴. 𝘎𝘶𝘴𝘵𝘰 𝘯𝘪𝘺𝘢𝘯𝘨 𝘮𝘢𝘬𝘪𝘵𝘢 𝘬𝘶𝘯𝘨 𝘴𝘪𝘯𝘰 𝘵𝘢𝘭𝘢𝘨𝘢 𝘴𝘪 𝘑𝘦𝘴𝘶𝘴, 𝘱𝘦𝘳𝘰 𝘥𝘢𝘩𝘪𝘭 𝘱𝘢𝘯𝘥𝘢𝘬 𝘴𝘪𝘺𝘢 𝘢𝘵 𝘮𝘢𝘳𝘢𝘮𝘪 𝘢𝘯𝘨 𝘵𝘢𝘰 𝘥𝘰𝘰𝘯 𝘢𝘺 𝘩𝘪𝘯𝘥𝘪 𝘯𝘪𝘺𝘢 𝘪𝘵𝘰 𝘮𝘢𝘨𝘢𝘸𝘢. . . . 𝘕𝘢𝘯𝘨 𝘮𝘢𝘬𝘪𝘵𝘢 𝘯𝘨 𝘮𝘨𝘢 𝘵𝘢𝘰 𝘯𝘢 𝘳𝘰𝘰𝘯 𝘴𝘪𝘺𝘢 𝘵𝘶𝘮𝘶𝘭𝘰𝘺 𝘴𝘢 𝘣𝘢𝘩𝘢𝘺 𝘯𝘪 𝘡𝘢𝘲𝘶𝘦𝘰, 𝘯𝘢𝘨𝘣𝘶𝘭𝘶𝘯𝘨-𝘣𝘶𝘭𝘶𝘯𝘨𝘢𝘯 𝘴𝘪𝘭𝘢, “𝘛𝘶𝘮𝘶𝘭𝘰𝘺 𝘴𝘪𝘺𝘢 𝘴𝘢 𝘣𝘢𝘩𝘢𝘺 𝘯𝘨 𝘪𝘴𝘢𝘯𝘨 𝘮𝘢𝘴𝘢𝘮𝘢𝘯𝘨 𝘵𝘢𝘰.” 𝗟𝗨𝗖𝗔𝗦 𝟭𝟵:𝟮–𝟯, 𝟳

Dahil si Zaqueo ay isang maniningil ng buwis sa ilalim ng pamamahala ng mga Romano na nagtaas ng buwis para walang-katarungang makinabang sa mga tao, maituturing siyang nang-aapi. Noong panahon nila, ang mga maniningil ng buwis ay itinuturing na kakaibang uri ng mga makasalanan at may sariling kategorya (Mateo 9:10; Marcos 2:15; Lucas 15:1). Pero dahil si Zaqueo ay itinakwil ng lipunan at masama ang tingin ng mga tao sa kanyang trabaho, maituturing din siyang inaapi. Gayunpaman, nagpunta pa rin siya para makita si Jesus, at ginawa niya ang lahat ng kaya niya para makatagpo Siya. Isipin ang isang tao sa lipunan ngayon na mas gugustuhin mong iwasan. Ano sa palagay mo ang gagawin ni Jesus kung makakatagpo Niya ang taong iyon? Bakit?

𝟮. 𝗣𝗶𝗻𝗮𝗹𝗮𝘆𝗮 𝗮𝗻𝗴 𝗻𝗮𝗻𝗴-𝗮𝗮𝗽𝗶.

𝘗𝘢𝘨𝘥𝘢𝘵𝘪𝘯𝘨 𝘯𝘪 𝘑𝘦𝘴𝘶𝘴 𝘴𝘢 𝘭𝘶𝘨𝘢𝘳 𝘯𝘢 𝘪𝘺𝘰𝘯, 𝘵𝘶𝘮𝘪𝘯𝘨𝘢𝘭𝘢 𝘴𝘪𝘺𝘢 𝘢𝘵 𝘴𝘪𝘯𝘢𝘣𝘪, “𝘡𝘢𝘲𝘶𝘦𝘰, 𝘣𝘶𝘮𝘢𝘣𝘢 𝘬𝘢 𝘢𝘨𝘢𝘥, 𝘥𝘢𝘩𝘪𝘭 𝘬𝘢𝘪𝘭𝘢𝘯𝘨𝘢𝘯 𝘬𝘰𝘯𝘨 𝘵𝘶𝘮𝘶𝘭𝘰𝘺 𝘴𝘢 𝘣𝘢𝘩𝘢𝘺 𝘮𝘰 𝘯𝘨𝘢𝘺𝘰𝘯.” 𝘒𝘢𝘺𝘢 𝘯𝘢𝘨𝘮𝘢𝘥𝘢𝘭𝘪𝘯𝘨 𝘣𝘶𝘮𝘢𝘣𝘢 𝘴𝘪 𝘡𝘢𝘲𝘶𝘦𝘰 𝘢𝘵 𝘮𝘢𝘴𝘢𝘺𝘢𝘯𝘨 𝘵𝘪𝘯𝘢𝘯𝘨𝘨𝘢𝘱 𝘴𝘪 𝘑𝘦𝘴𝘶𝘴. 𝘕𝘢𝘯𝘨 𝘮𝘢𝘬𝘪𝘵𝘢 𝘯𝘨 𝘮𝘨𝘢 𝘵𝘢𝘰 𝘯𝘢 𝘳𝘰𝘰𝘯 𝘴𝘪𝘺𝘢 𝘵𝘶𝘮𝘶𝘭𝘰𝘺 𝘴𝘢 𝘣𝘢𝘩𝘢𝘺 𝘯𝘪 𝘡𝘢𝘲𝘶𝘦𝘰, 𝘯𝘢𝘨𝘣𝘶𝘭𝘶𝘯𝘨-𝘣𝘶𝘭𝘶𝘯𝘨𝘢𝘯 𝘴𝘪𝘭𝘢, “𝘛𝘶𝘮𝘶𝘭𝘰𝘺 𝘴𝘪𝘺𝘢 𝘴𝘢 𝘣𝘢𝘩𝘢𝘺 𝘯𝘨 𝘪𝘴𝘢𝘯𝘨 𝘮𝘢𝘴𝘢𝘮𝘢𝘯𝘨 𝘵𝘢𝘰.” 𝗟𝗨𝗖𝗔𝗦 𝟭𝟵:𝟱–𝟳

Bagama’t maaari nating mas piliin na husgahan, iwasan, o tuluyang talikuran ang isang taong tulad ni Zaqueo, pinili naman ni Jesus na kausapin siya at tumuloy sa kanyang bahay. Sinasabi ni Lucas na hindi natuwa rito ang mga taong nakapaligid kay Jesus. Pero dumating si Jesus 𝘶𝘱𝘢𝘯𝘨 𝘩𝘢𝘯𝘢𝘱𝘪𝘯 𝘢𝘵 𝘪𝘭𝘪𝘨𝘵𝘢𝘴 𝘢𝘯𝘨 𝘯𝘢𝘭𝘪𝘭𝘪𝘨𝘢𝘸 (Lucas 19:10)—kasama na rito ang isang nang-aaping tulad ni Zaqueo. Ang kinalabasan, napalaya si Zaqueo mula sa kanyang pagkakalayo sa Diyos at sa pagkabihag sa pagmamahal sa pera. Ayon sa Lucas 19:8, paano binawi o itinama ni Zaqueo ang mga mali niyang ginawa?

𝟯. 𝗣𝗶𝗻𝗮𝗹𝗮𝘆𝗮 𝗮𝗻𝗴 𝗶𝗻𝗮𝗽𝗶. 

𝘚𝘢 𝘭𝘰𝘰𝘣 𝘯𝘨 𝘣𝘢𝘩𝘢𝘺 𝘯𝘪𝘺𝘢 𝘢𝘺 𝘵𝘶𝘮𝘢𝘺𝘰 𝘴𝘪 𝘡𝘢𝘲𝘶𝘦𝘰 𝘢𝘵 𝘴𝘪𝘯𝘢𝘣𝘪, “𝘗𝘢𝘯𝘨𝘪𝘯𝘰𝘰𝘯, 𝘪𝘣𝘪𝘣𝘪𝘨𝘢𝘺 𝘬𝘰 𝘱𝘰 𝘴𝘢 𝘮𝘨𝘢 𝘮𝘢𝘩𝘪𝘩𝘪𝘳𝘢𝘱 𝘢𝘯𝘨 𝘬𝘢𝘭𝘢𝘩𝘢𝘵𝘪 𝘯𝘨 𝘬𝘢𝘺𝘢𝘮𝘢𝘯𝘢𝘯 𝘬𝘰. 𝘈𝘵 𝘬𝘶𝘯𝘨 𝘮𝘢𝘺 𝘯𝘢𝘥𝘢𝘺𝘢 𝘢𝘬𝘰𝘯𝘨 𝘴𝘪𝘯𝘶𝘮𝘢𝘯, 𝘣𝘢𝘣𝘢𝘺𝘢𝘳𝘢𝘯 𝘬𝘰 𝘯𝘨 𝘢𝘱𝘢𝘵 𝘯𝘢 𝘣𝘦𝘴𝘦𝘴 𝘢𝘯𝘨 𝘬𝘪𝘯𝘶𝘩𝘢 𝘬𝘰 𝘴𝘢 𝘬𝘢𝘯𝘺𝘢.” 𝘚𝘪𝘯𝘢𝘣𝘪 𝘴𝘢 𝘬𝘢𝘯𝘺𝘢 𝘯𝘪 𝘑𝘦𝘴𝘶𝘴, “𝘋𝘶𝘮𝘢𝘵𝘪𝘯𝘨 𝘯𝘢 𝘯𝘨𝘢𝘺𝘰𝘯 𝘢𝘯𝘨 𝘬𝘢𝘭𝘪𝘨𝘵𝘢𝘴𝘢𝘯 𝘴𝘢 𝘴𝘢𝘮𝘣𝘢𝘩𝘢𝘺𝘢𝘯𝘨 𝘪𝘵𝘰, 𝘥𝘢𝘩𝘪𝘭 𝘴𝘪𝘺𝘢 𝘢𝘺 𝘮𝘶𝘭𝘢 𝘳𝘪𝘯 𝘴𝘢 𝘭𝘢𝘩𝘪 𝘯𝘪 𝘈𝘣𝘳𝘢𝘩𝘢𝘮.” 𝗟𝗨𝗖𝗔𝗦 𝟭𝟵:𝟴–𝟵

Ang pagbawi at pagtutuwid ni Zaqueo sa mga kamalian niya ay hindi lang nagpapakita ng kanyang bagong kalayaan; nakatulong din ito sa iba—lalo na sa mga mahihirap at sa mga taong niloko o dinaya niya. Ang tugon ni Jesus ay isang paghahayag ng kaligtasan. Nang tayo ay mapalaya mula sa ating kasalanan, pang-aapi, at pagkakabihag, unti-unting nagbabago ang ating buhay. Maaaring maranasan din ng ating mga pamilya, komunidad, at lipunan ang kalayaan at pagbabago. Ano ang maaaring mangyari sa ating mga pamilya, komunidad, at bansa kung babaguhin ni Jesus ang mga nang-aapi at mga inaapi?

𝗔𝗣𝗣𝗟𝗜𝗖𝗔𝗧𝗜𝗢𝗡

• Sa ating lipunan, paano mo ilalarawan ang mga inaapi at ang mga nang-aapi? Paano sila makakaranas ng kalayaan, at ano sa tingin mo ang papel na dapat mong gampanan dito?

• Sa tingin mo, paano ka nakibahagi sa pang-aapi sa iba (hal., hindi makatarungang pagtrato sa iba, pananakot, o pakikilahok sa katiwalian)? Gamitin ang pagkakataong ito para magsisi at humingi ng tulong sa Diyos para magawa mong tumugon tulad ni Zaqueo na humingi sa Kanya ng panunumbalik at itinama ang mga mali niyang nagawa.

• Paano mo naranasan ang pang-aapi (hal., hindi pagtanggap o hindi makatarungang pagtrato)? Hilingin sa Diyos na tulungan kang maranasan ang kalayaan kay Cristo. Mangako na ipapakita mo ang kapatawaran at pag-ibig ng Diyos sa mga taong nang-api sa iyo.

𝗣𝗥𝗔𝗬𝗘𝗥

• Pasalamatan ang Diyos para sa ebanghelyo at sa kalayaang hatid ni Cristo. Balikan kung paano nagbago ang iyong buhay dahil sa ebanghelyo at sa kabutihan ng Diyos.

• Ipanalangin ang mga taong direktang nang-aapi sa iyo (hal., mga kaaway, ilang tao sa pamahalaan). Ipanalangin na makatagpo nila si Jesus at mabago Niya ang kanilang buhay. Ipanalangin din ang mga inaapi. Hilingin na ipanumbalik sila ng  Diyos at pagalingin.

• Ipanalangin na maranasan ng iyong komunidad at bansa ang tunay at pangmatagalang kalayaan mula sa Diyos. Ipanalangin na patuloy na lumaganap ang kaharian ng Diyos habang tapat na ipinapahayag at ipinapakita ng mga mananampalataya ang ebanghelyo nang may pagmamahal.