Filipino

𝗣𝗔𝗚𝗦𝗔𝗦𝗔𝗞𝗔𝗧𝗔𝗪𝗔𝗡 𝗡𝗚 𝗣𝗔𝗚𝗠𝗔𝗠𝗔𝗛𝗔𝗟 𝗡𝗚 𝗗𝗜𝗬𝗢𝗦

𝗕𝗔𝗦𝗔𝗛𝗜𝗡

𝘔𝘨𝘢 𝘮𝘪𝘯𝘢𝘮𝘢𝘩𝘢𝘭, 𝘮𝘢𝘨-𝘪𝘣𝘪𝘨𝘢𝘯 𝘵𝘢𝘺𝘰 𝘥𝘢𝘩𝘪𝘭 𝘢𝘯𝘨 𝘱𝘢𝘨-𝘪𝘣𝘪𝘨 𝘢𝘺 𝘮𝘶𝘭𝘢 𝘴𝘢 𝘋𝘪𝘰𝘴. 𝘈𝘯𝘨 𝘶𝘮𝘪𝘪𝘣𝘪𝘨 𝘴𝘢 𝘬𝘢𝘯𝘺𝘢𝘯𝘨 𝘬𝘢𝘱𝘸𝘢 𝘢𝘺 𝘢𝘯𝘢𝘬 𝘯𝘨 𝘋𝘪𝘰𝘴 𝘢𝘵 𝘬𝘶𝘮𝘪𝘬𝘪𝘭𝘢𝘭𝘢 𝘴𝘢 𝘋𝘪𝘰𝘴. 𝘈𝘯𝘨 𝘴𝘪𝘯𝘶𝘮𝘢𝘯𝘨 𝘩𝘪𝘯𝘥𝘪 𝘶𝘮𝘪𝘪𝘣𝘪𝘨 𝘴𝘢 𝘬𝘢𝘯𝘺𝘢𝘯𝘨 𝘬𝘢𝘱𝘸𝘢 𝘢𝘺 𝘩𝘪𝘯𝘥𝘪 𝘬𝘶𝘮𝘪𝘬𝘪𝘭𝘢𝘭𝘢 𝘴𝘢 𝘋𝘪𝘰𝘴 𝘥𝘢𝘩𝘪𝘭 𝘢𝘯𝘨 𝘋𝘪𝘰𝘴 𝘢𝘺 𝘱𝘢𝘨-𝘪𝘣𝘪𝘨. . . . 𝘐𝘵𝘰 𝘢𝘯𝘨 𝘵𝘶𝘯𝘢𝘺 𝘯𝘢 𝘱𝘢𝘨-𝘪𝘣𝘪𝘨: 𝘩𝘪𝘯𝘥𝘪 𝘵𝘢𝘺𝘰 𝘢𝘯𝘨 𝘶𝘮𝘪𝘣𝘪𝘨 𝘴𝘢 𝘋𝘪𝘰𝘴 𝘬𝘶𝘯𝘥𝘪 𝘴𝘪𝘺𝘢 𝘢𝘯𝘨 𝘶𝘮𝘪𝘣𝘪𝘨 𝘴𝘢 𝘢𝘵𝘪𝘯; 𝘢𝘵 𝘪𝘴𝘪𝘯𝘶𝘨𝘰 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘯𝘢𝘬 𝘶𝘱𝘢𝘯𝘨 𝘢𝘬𝘶𝘪𝘯 𝘢𝘯𝘨 𝘢𝘵𝘪𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯 𝘱𝘢𝘳𝘢 𝘴𝘢 𝘬𝘢𝘱𝘢𝘵𝘢𝘸𝘢𝘳𝘢𝘯 𝘯𝘢𝘵𝘪𝘯. 𝟭 𝗝𝗨𝗔𝗡 𝟰:𝟳–𝟴, 𝟭𝟬

Karagdagang Babasahin: 𝟭 𝗝𝗨𝗔𝗡 𝟰:𝟭𝟳‬, ‭𝟭𝟵

𝗣𝗔𝗚-𝗜𝗦𝗜𝗣𝗔𝗡

Nang isinulat ni Juan ang mga salitang ito, hindi lamang siya gumagamit ng makatang pananalita. Nagbigay siya ng malalim na pahayag tungkol sa kung sino ang Diyos. Hindi sinasabi ni Juan na ang Diyos ay umiibig lamang o nagpapakita ng pag-ibig; sinasabi niya na ang Diyos mismo ay pag-ibig.

Ang pag-ibig ay hindi lamang isa sa mga katangian ng Diyos; ito ang Kanyang pinakadiwa. At ang lahat ng ginagawa ng Diyos ay nagmumula sa kung sino Siya. Ang pag-ibig ng Diyos ay pagbibigay ng Kanyang sarili, isang pag-ibig na nagkukusa at naghahangad ng kabutihan para sa iba kahit na may mataas na kapalit. Ganito ang pag-ibig na ipinakita ng Diyos sa atin sa pamamagitan ni Cristo.

Mula nang magkasala ang tao, naging misyon na ng Diyos ang iligtas at tubusin tayo. Hinanap Niya sina Adan at Eva nang sila’y magkasala. Pinili Niya si Abraham at gumawa Siya ng isang kasunduan sa kanya. Sa pamamagitan ni Moises at ng Kautusan, bumuo Siya ng isang bayan na magsisilbing ilaw sa mga bansa. Mula sa bayang ito, darating ang Tagapagligtas. Nanatiling tapat ang Diyos sa kabila ng kabiguan ng sangkatauhan. At ipinakita nga Niya ang Kanyang katapatan nang ang pag-ibig ay ipinako sa krus (1 Juan 4:10).

Ito ang pag-ibig: isang walang kamaliang Diyos na nagsugo ng Kanyang minamahal na Anak upang iligtas ang sangkatauhan. Ang pag-ibig ang naging daan para tayo ay matubos at maibalik sa Diyos. Ito ang dahilan kung bakit ang misyon ay hindi isang bagay na ginagawa natin sa sarili nating kakayahan; ito ay isang kaloob na natanggap natin sa pamamagitan ng habag ng Diyos.

At bilang mga taong nakatanggap ng misyon na isinulong ng pag-ibig, ang pagtawag sa atin ay hindi nagsisimula sa estratehiya, kundi sa pakikibahagi sa kung sino ang Diyos. 𝗛𝗮𝗯𝗮𝗻𝗴 𝗵𝗶𝗴𝗶𝘁 𝗻𝗮𝘁𝗶𝗻𝗴 𝗻𝗮𝗸𝗶𝗸𝗶𝗹𝗮𝗹𝗮 𝗮𝘁 𝘁𝗶𝗻𝗮𝘁𝗮𝗻𝗴𝗴𝗮𝗽 𝗮𝗻𝗴 𝗽𝗮𝗴-𝗶𝗯𝗶𝗴 𝗻𝗴 𝗗𝗶𝘆𝗼𝘀, 𝗺𝗮𝘀 𝗻𝗮𝗵𝘂𝗵𝘂𝗯𝗼𝗴 𝘁𝗮𝘆𝗼 𝘂𝗽𝗮𝗻𝗴 𝗺𝗮𝗶𝗽𝗮𝗸𝗶𝘁𝗮 𝗶𝘁𝗼 𝘀𝗮 𝗶𝗯𝗮. Tulad ng isinulat ni Juan sa huling bahagi ng liham na ito, “. . . 𝘢𝘯𝘨 𝘱𝘢𝘮𝘶𝘮𝘶𝘩𝘢𝘺 𝘯𝘢𝘵𝘪𝘯 𝘥𝘪𝘵𝘰 𝘴𝘢 𝘮𝘶𝘯𝘥𝘰 𝘢𝘺 𝘵𝘶𝘭𝘢𝘥 𝘯𝘨 𝘬𝘢𝘺 𝘊𝘳𝘪𝘴𝘵𝘰 . . . 𝘜𝘮𝘪𝘪𝘣𝘪𝘨 𝘵𝘢𝘺𝘰 𝘴𝘢 𝘋𝘪𝘰𝘴 𝘥𝘢𝘩𝘪𝘭 𝘴𝘪𝘺𝘢 𝘢𝘯𝘨 𝘶𝘯𝘢𝘯𝘨 𝘶𝘮𝘪𝘣𝘪𝘨 𝘴𝘢 𝘢𝘵𝘪𝘯” (1 Juan 4:17, 19).

Malinaw ang mensahe ni Juan: kung hindi tayo umiibig, hindi natin tunay na nakikilala ang Diyos. Ang pag-ibig ay hindi isang bagay na maaaring piliin o kaya ay hindi piliin; ito ang katibayan na totoong kilala natin Siya. Kapag ang misyon ay walang pag-ibig, nagiging ingay lamang ito at hindi isang patotoo.

Dahil sa pag-ibig, abot-kamay natin ang misyon. Hindi lahat ay maaaring mangaral sa publiko, mamuno ng isang grupo na pupunta sa ibang lugar, o maglingkod sa isang ministeryong nakikita ng ibang tao. Ngunit ang bawat isa ay maaaring makibahagi sa paghahanap sa mga naliligaw, paglilingkod sa iba, at pagpapakita ng liwanag ng Diyos. Maaari tayong mamuhay sa ganitong paraan dahil tayo ay hinuhubog na ng Diyos. Ang misyon ay hindi lamang isang bagay na ginagawa natin; ito na ang isinasabuhay natin. At tayo ay umiibig dahil sa ganitong paraan nakikilala ng mundo ang ating Diyos.

𝗚𝗔𝗪𝗜𝗡

• Paano mo naranasan ang pag-ibig ng Diyos—isang pagbibigay ng sarili at mapagsakripisyo—sa buhay mo at sa iyong espirituwal na pamilya? Sa anong mga paraan hinubog ng pagtanggap mo sa pag-ibig ng Diyos ang pananaw mo sa iyong sarili at sa ibang tao?

• Ang pag-ibig ang pundasyon ng misyon ng Diyos. Paano binabago ng pagkaunawa sa katotohanang ito ang paraan mo ng paglilingkod sa Kanya?

• Inaanyayahan tayo ng Diyos na makibahagi sa Kanyang misyon sa pamamagitan ng mas intensyunal na pagpapakita ng pag-ibig sa iba. Saan ka kaya tinatawag ng Diyos para gawin ito?

𝗣𝗔𝗡𝗔𝗟𝗔𝗡𝗚𝗜𝗡

Ama naming nasa langit, salamat po dahil una Mo kaming minahal at ipinakita Mo sa amin kung sino Ka sa pamamagitan ni Jesus. Tulungan Mo po kaming makilala Ka nang lubos sa pamamagitan ng pagtanggap sa Iyong pag-ibig at sa pagpapakita nito sa iba. Hubugin Mo po ang aming mga puso upang magawa naming magmahal nang tulad Mo—malaya, mapagpakumbaba, at mapagsakripisyo. Nawa’y maging patotoo ng Iyong pag-ibig ang aming mga buhay upang makilala Ka ng mundo. Sa pangalan ni Jesus, amen.

𝗛𝗜𝗠𝗡𝗢

“𝘛𝘩𝘦 𝘓𝘰𝘷𝘦 𝘰𝘧 𝘎𝘰𝘥 ” (“𝘈𝘯𝘨 𝘗𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴”) ni Frederick M. Lehman

𝘖 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴, 𝘯𝘢𝘱𝘢𝘬𝘢𝘺𝘢𝘮𝘢𝘯 𝘢𝘵 𝘥𝘢𝘭𝘪𝘴𝘢𝘺

𝘞𝘢𝘭𝘢𝘯𝘨 𝘩𝘢𝘯𝘨𝘨𝘢𝘯 𝘢𝘵 𝘮𝘢𝘭𝘢𝘬𝘢𝘴

𝘔𝘢𝘨𝘱𝘢𝘱𝘢𝘵𝘶𝘭𝘰𝘺 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯

𝘚𝘢 𝘢𝘸𝘪𝘵 𝘯𝘨 𝘮𝘨𝘢 𝘣𝘢𝘯𝘢𝘭 𝘢𝘵 𝘯𝘨 𝘮𝘨𝘢 𝘢𝘯𝘨𝘩𝘦𝘭

𝘒𝘶𝘯𝘨 𝘱𝘶𝘯𝘶𝘪𝘯 𝘯𝘢𝘮𝘪𝘯 𝘢𝘯𝘨 𝘥𝘢𝘨𝘢𝘵 𝘯𝘨 𝘵𝘪𝘯𝘵𝘢

𝘈𝘵 𝘨𝘢𝘮𝘪𝘵𝘪𝘯 𝘢𝘯𝘨 𝘣𝘢𝘭𝘢𝘵 𝘯𝘨 𝘱𝘢𝘱𝘺𝘳𝘶𝘴 𝘣𝘪𝘭𝘢𝘯𝘨 𝘬𝘢𝘭𝘢𝘯𝘨𝘪𝘵𝘢𝘯

𝘒𝘶𝘯𝘨 𝘢𝘯𝘨 𝘣𝘢𝘸𝘢𝘵 𝘵𝘢𝘯𝘨𝘬𝘢𝘺 𝘴𝘢 𝘭𝘶𝘱𝘢 𝘢𝘺 𝘱𝘭𝘶𝘮𝘢

𝘈𝘵 𝘣𝘢𝘸𝘢𝘵 𝘵𝘢𝘰 𝘢𝘺 𝘮𝘢𝘯𝘶𝘯𝘶𝘭𝘢𝘵

𝘜𝘱𝘢𝘯𝘨 𝘮𝘢𝘪𝘴𝘶𝘭𝘢𝘵 𝘢𝘯𝘨 𝘱𝘢𝘨-𝘪𝘣𝘪𝘨 𝘯𝘨 𝘋𝘪𝘺𝘰𝘴 

𝘔𝘢𝘶𝘶𝘣𝘰𝘴 𝘢𝘯𝘨 𝘵𝘪𝘯𝘵𝘢 𝘴𝘢 𝘮𝘨𝘢 𝘬𝘢𝘳𝘢𝘨𝘢𝘵𝘢𝘯

𝘈𝘵 𝘩𝘪𝘯𝘥𝘪 𝘱𝘢 𝘳𝘪𝘯 𝘮𝘢𝘪𝘴𝘶𝘴𝘶𝘭𝘢𝘵 𝘢𝘯𝘨 𝘬𝘢𝘣𝘶𝘶𝘢𝘯

𝘉𝘢𝘵𝘢𝘬𝘪𝘯 𝘮𝘢𝘯 𝘢𝘯𝘨 𝘬𝘢𝘭𝘢𝘯𝘨𝘪𝘵𝘢𝘯, 𝘪𝘵𝘰’𝘺 𝘬𝘢𝘱𝘰𝘴